Misirin paytaxtı Qahirədə “Müsəlman qardaşları” tərəfdarları ilə toqquşma zamanı polis 19 yaşlı oğlanı güllələyib.

Dekabrın 28-də fəaliyyəti qadağan olunmuş “Müsəlman qardaşları” hərəkatının üzvləri “Əl-Əzhər” Universitetinin binasını zəbt edərək yandırıblar.

Hadisə yerinə gələn polislər tələbə şəhərciyinə daxil olublar və tələbələrlə toqquşma zamanı, ilkin məlumatlara əsasən, “Müsəlman qardaşları”nın gənc tərəfdarı güllələnib.

Bir gün əvvəl Qahirənin şimalı-şərqində yerləşən Nəsr Sitidə “Əl-Əzhər” İslam Universitetinin tələbələri etiraz aksiyası keçiriblər. Bu, yerli sakinlərin narazılığına səbəb olub. Yaranmış münaqişə zamanı tərəflər arasında atışma baş verib, polis iğtişaş iştirakçılarına qarşı gözyaşardıcı qazdan istifadə edib

Xatırladaq ki, dekabrın 25-də Misir hökuməti rəsmi olaraq “Müsəlman qardaşları” hərəkatını terror təşkilatı elan edib.

Bu ilin iyulunda hərbçilər tərəfindən devrilmiş Məhəmməd Mursinin tərəfdarları kütləvi aksiyalar keçirir və liderlərini dövlət başçısı postuna qaytarmağı tələb edirlər. Nəticədə toqquşma və iğtişaşlar zamanı yüzlərlə insan həlak olub.

Türkiyədə dekabrın 17-də korrupsiya və rüşvətxorluğa qarşı mübarizə çərçivəsində başlanan genişmiqyaslı həbslər zamanı tutulanlardan biri də məşhur müğənni Ebru Gündəşin həyat yoldaşı, azərbaycanlı iş adamı Rza Zərrab oldu. Bu hadisə səbəbindən psixoloji problemlərlə üzləşən Ebru Gündəş səssizliyini ilk olaraq “O Səs Türkiyə” yarışmasında pozdu.

Bu verilişdən sonra isə o, R.Zərrabın həbsiylə bağlı Azərbaycan və Türkiyə mətbuatında ilk müsahibəsini Axşam.az saytı üçün verdi.

Tanınmış telejurnalist Məhsəti Şərifin aldığı müsahibəni təqdim edirik.

- Əvvəlcə keçmiş olsun diləklərimizi qəbul edin. “O Səs Türkiyə”də verdiyiniz açıqlama insanları çox kövrəltdi.

- Mən kimlərinsə duyğularını qabartmaq üçün danışmırdım. Sadəcə, neçə gündü içimdə yığılıb qalmış acımı dilə gətirdim. Bunun üçün Acun bəy (“O Səs Türkiyə” yarışmasının müəllifi Acun Ilıcalı – red.) mənə şərait yaratdı, ona da bu qədər böyük ürək sahibi olduğu üçün təşəkkür edirəm.

Əslində indiyədək dost dediyim, bağrıma basdığım çoxlarından daha insan çıxdı. Dar günümdə yanımda oldu. Mənim doğrudan da acı çəkdiyimi anladı.

- Çoxları deyərkən kimləri nəzərdə tutursunuz? Dostlarınız yanınızda deyilmi?

- Yanımda olan, məni dəstəkləyən, telefon açıb mənəvi dəstək olan insanlar, etibarlı dostlarım var. Amma bu 9 gün ərzində bir çoxlarının da simasını gördüm. Həyatın reallıqları ilə üz-üzə qaldım. Dar günümdə sevinən insanlar var, onlara baxıram, “yazıqlar olsun” deyirəm. On gün öncəyə qədər mənimlə göz-gözə gəlməkdən şərəf duyanlar bu gün Rza və mənimlə bağlı uydurma şeylər danışırlar. Onlar özlərinin çəkilərinin nə qədər olduqlarını göstərdilər.

- Amma nədənsə ad çəkmirsiniz... Kimdi bu insanlar?

- Bilirsiniz, mən gözləyirəm. İnsanın həyatı enişli-yoxuşludur. Hər qaranlıqdan sonra bir aydınlıq var. O aydınlığı gözləyirəm. İndi qoy onlar danışsın, mən baxım. Sonra mən danışacam, onlar rəzil olacaq.

- Çox solğun görsənirsiniz. Hətta bir neçə dəfə halınızın pisləşdiyi və xəstəxanaya düşdüyünüz xəbəri yayıldı.

- Bu, çox ağır bir dönəmdir. Sevdiyim insan, həyat yoldaşım, övladımın atası həbsdədi. Biz ondan ilk dəfə bu cür bir səbəb üçün ayrılırıq. Mən onun günahsızlığına inanıram, içim rahatdı. Amma bu olanların övladıma təsir etməsini istəmirəm.

- Bu həbsdən sonra həyat yoldaşınızın sizə aldığı hədiyyələrin də müsadirə olunacağı bildirilir.

- Çox şey deyilir. Hər kəs bir şey söyləməyə, durumdan faydalanıb məni üzməyə çalışır. Heç bilməzdim ki, bu qədər sevməyənimiz var. Çünki olaydan öncə hər kəs dost idi, bizə sevgi ilə yanaşırdı. Nə Rza, nə də mən heç bir şeyi gizlətməmişik.

Əgər çəkinəcək bir şey olsaydı, heç vaxt media qarşısında o hədiyyələr haqda açıqlama verməzdik. Rza iş adamıdır, zəhməti ilə bu yerə gəlib. İndi bütün iş adamlarını arasınlar, kimdə sərvət yoxdu? Bu məsələlərə çox girmək istəmirəm, gec-tez həqiqət ortaya çıxacaq. Hazırda istintaq getdiyi üçün bəzi şeyləri deyə bilmirəm.

- İndiyədək siz Azərbaycan gəlini kimi tanınırdınız. Amma indi Rza bəyin azərbaycanlı olmadığı da iddia olunur.

- Maraqlıdır, indiyədək niyə deyilmirdi? Hər kəs sevə-sevə qəbul edirdi. Nə oldu? Həbs olundu deyə, indi o, azəri olmamalıdır? Məgər, Rza dünənə qədər azərbaycanlı deyildi?

Bu cür açıqlamalar utancvericidir. Kaş bunu indiyədək söyləsəydilər. Hamı bilir ki, Rza Bakıda doğulub və İran əsilli azəridir. Bundan artıq şey söyləmirəm, azəriləri sevirəm. Rza özü zamanı gəlincə nə lazımdısa, söyləyəcək.

- Rza bəyin Bakı ilə əlaqələri hansı formada idi? Orada dostları vardımı?

- Rzanın Bakıda və bir çox ölkədə yaxın dostları var. Hər zaman onlarla əlaqə saxlayır, işlə bağlı danışıqlar aparırdı.

- Həyat yoldaşınızın Türkiyədə daha bir iş adamı Mübariz Mənsimovla yaxın olduğu bildirilirdi. Amma Mənsimov bu xəbərləri təkzib edib.

- Mən Rzanın iş adamları ilə münasibətlərinin olduğunu bilirdim. Amma onları tanımırdım. Bu, mümkün də deyildi. Biz ikimiz də məşğul insanlar idik. Rza mənə kimlə nə iş gördüyünü demirdi. Heç mən də maraqlanmırdım. O, bir iş adamıdır. Rzanın işlərinə qarışmamağa çalışmışam. O ki qaldı birilərinin onu təkzib etməsinə, buna təəccüblənmədim. İndi hamı Rza ilə münasibəti təkzib edir.

- Türkiyədə yaşayan azərbaycanlı model Günay Musayeva isə Rza bəyin onun dostlarını aldatdığını deyib.

- O zaman mən soruşuram ki, niyə indiyədək bu barədə polisə, prokurorluğa məlumat verməyiblər? Bu, indimi yadlarına düşdü? Allah xatirinə, mənə bu insanların nə dediklərini söyləməyin.

- Rza bəyin xəstə olması xəbəri də həbsindən sonra çıxdı.

- Həbsindən əvvəl də onun xəstəliyi vardı, müalicə alırdı. Rza çox xəstədi. İnsanın səhhəti ilə bağlı məsələ şouya çevrilməz. Həkimin qoyduğu diaqnoz var. İndi də tez-tez həkim nəzarətindən keçirilir.

- Ən son nə zaman görüşmüsünüz?

- Bir gün əvvəl Metris cəza evində görüşmüşük. Rza özünü çox pis hiss edirdi. Dünən səhər isə ailəsi, vəkili görüşdü.

- Bundan sonra nə etməyi planlaşdırırsınız?

- Ədalətin yerini tapmasını gözləyəcəm. Mən çox sınaqlardan keçmişəm, bu da onlardan biridir. Bu sınağı da keçəcəm. Mən hər zaman sevərək evləndiyim insanın yanında olacam.

- Bu hadisə yaradıcılığınıza da təsir edib?

- Təbii ki. Mənim üzüntümü kimsə anlaya bilməz. Çox çətin bir dönəmdən keçirik. Amma işimi görməliyəm. Mən sənətçiyəm. Rzadan əvvəl də mahnı oxuyurdum, evləndikdən sonra da. Kimsə Ebrunu yıxılmış görməyəcək. Biz Rza ilə yenə bərabər xoş günlər keçirəcəyik. O zaman bu gün danışanlar susacaq, mən danışacam və danışdıqlarım daha tutarlı olacaq.

Müğənni Azəri qızı Günelin keçmiş sevgilisi Rza Zərrab ilə qalmaqallı ayrılması çoxlarına məlumdur.

Mövqe.az-ın məlumatına görə, son günlər iş adamı Rza bəyin rüşvət üstündə həbs olunması da diqqət mərkəzində olan məsələdir. Bu məsələlərdən sonra elə hər kəsi də maraqlandıran bir sual var.

Görəsən, Günel bu duruma necə reaksiya verəcək? Azəri qızı səssizliyini qorumağa çalışsa da, son vaxtlar sosial şəbəkələrdə paylaşdığı stastuslar diqqətimizdən qaçmayıb. Həmin ibrətamiz, lakin çox dərin məzmuna malik statusları sizin diqqətinizə çatdırırıq: “Qılıncın açdığı yaralar sağalar, amma dilin açdığı yara sağalmaz. Niyə xoşbəxtəm? Çünki heç kimə qarşı kin saxlamaram. İnsanların məndən daha yaxşı olmağına qısqancla yanaşmaram”.

Xatırladaq ki, Rza Zərrab o vaxtlar müsahibələrinin birində Güneldən ayrılmasının səbəbini də açıqlayaraq belə bildirib: "Məndən əvvəl Günel Ramin adlı bir nəfərlə 3 il sevgili olub. Günellə münasibətimizin 4-cü ili idi, anası da bizimlə oturmuşdu. Birdən onun telefonuna SMS gəldi, özü də bilmədən telefonu əlindən aldım. Telefonda "Aşkım, səni seviyorum” məzmunlu mesaj vardı. Mesajı göndərən Günelin məndən əvvəlki sevgilisi idi. Dərhal Ramini aradım və telefonun səsini ucaltdım”-deyə bəyan edib. Rza Zərrabın bildirdiyinə görə, Ramin ona bir ay əvvəl Günelə görə həyat yoldaşı Ulduzdan boşandığını söyləyib: "Ramin dedi ki, Günel tez-tez ona zəng edərək, sevdiyini deyib və həyat yoldaşı da bunu öyrəndiyi üçün boşanıblar. Günel bütün bunlara bir cavab vermədi. Mən sonradan Ulduzu Azərbaycanda tapdım və bunun həqiqət olduğunu öyrəndim. Amma mən Günelin bu səhvini də əfv etdim” - deyə bildirib.

İran mətbuatı Türkiyədə rüşvət və korrupsiya ittihamları ilə həbs olunan azərbaycanlı işadamı Rəza Zarrabın İrandaki iş ortağının kimliyi barədə maraqlı məlumatlar yayıb. AzNews.az xəbər verir ki, məlumatlara görə, həmin şəxs ölkənin ünlü milyardəri Babək Zəncanidir. İranın ən zəngin işadamı olduğu söylənilən Zəncani, təkcə keçən həfta İran Mərkəz Bankına 2.8 milyard dolar pul yatırıb.