Amerikalı biznesmen Tom Li “Əl-Qaidə” lideri Üsame Ben Ladenin öldürülməsi üçün mükafat tələb edir. Biznesmen bu tələbini hələ 2003-cü ildə Ben Ladenin gizləndiyi yeri xüsusi xidmət əməkdaşlarına söyləməsi ilə əsaslandırır.

25 milyon dollar mükafat istəyən amerikalı biznesmen Federal Təhlükəsizlik Bürosuna bu xidməti müqabilində 25 milyon dollar istəməsini tam ədalətli hesab edir.

AzNews.az xəbər verir ki, “Associated Press” amerikalı biznesmen Tom Linin hüquqlarını müdafiə edən “Loevy & Loevy” hüquq firmasının FTB-nün rəhbəri Ceyms Komiyə məktubunu yayıb.

Məktubda bildirilir ki, qiymətli daşların ticarəti ilə məşğul olan Tom Li 2003-cü ildə “Əl-Qaidə” liderinin Pişəvərdən Abbotabada getdiyi barədə məlumat alıb. Ona bu məlumatı Ben Ladeni müşayət edən Pakistan xüsusi xidmət orqanlarının əməkdaşı verib. Bundan sonra Tom Li məlumatı FTB-na ötürüb. FTB məsələ ilə bağl hələlik açıqlama verməyib.

Qeyd edək ki, 1998-ci ildən dünyanın ən təhlükəli terrorçuları sırasında yer alan Ben Laden 2011-i ildə Abbortabadda öldürülüb. Əməliyyatda pakistanlı həkim Şakil Afridinin xüsusi rolu olub. O, ərazidə peyvəndləmə apararkən Ben Laden barədə topladığı məlumatları ABŞ kəşfiyyatına ötürüb.

Ben Laden öldürüldükdən sonra Şakil Afridi dövlətə xəyanətdə ittiham edilərək 33 il azadlıqdan məhrum edilib.

"Facebook" 1 milyard 155 milyon aylıq fəal istifadəçisi ilə siyahıda birinci, “Youtube” video portalı 1 milyard istifadəçisi ikinci yerdə qərarlaşıb.

Çinin ən böyük sosial şəbəkəsi olan "Qzone" isə üçüncüdür. Bu şəbəkədə 712 milyon aktiv istifadəçi var. Qeyd edək ki, bu rəqəm yalnız çinlilərin sosial şəbəkəyə girişidir.

Sonrakı yerlərdə isə "Sina Weibo" (aylıq istifadəçi sayı 500 milyon), "Whatsapp" (aylıq istifadəçi sayı 350 milyon), "Google+" (aylıq istifadəçi sayı 327 milyon), "Tumblr" (aylıq istifadəçi sayı 300 milyon), "LINE" (aylıq istifadəçi sayı 275 milyon), "Twitter" (aylıq istifadəçi sayı 240 milyon) və "WeChat" (aylıq istifadəçi sayı 236 milyon) şəbəkələri qərarlaşıb.

ABŞ-da aşan avtomobilinin qurtarılması üçün evakuator çağıran qadın kömək istədiyinə peşiman olub.

AzNews.az-ın “CNN Türk”ə istinadən verdiyi xəbərə görə, əvvəl normal başlayan qurtarma əməliyyatı qısa müddət sonra kabusa çevrilib. Avtomibil qurtarıldıqdan sonra yoldakı dərəyə yuvarlanıb.

ABŞ - Meksika sərhəddində narkotik alverçiləri tərəfindən istifadə olunan “super tunel” aşkarlanıb.

AzNews.az-ın Türkiyə mətbuatına istinadən verdiyi xəbərə görə, 10 metr dərinlikdən çəkilən tunel aşkarlandıqdan sonra 3 nəfər nəzarətə alınıb.

Meksikanın Tijuana sərhəd bölgəsindən başlayaraq, San Dieqo şəhərindəki bir deponun içində başa çatan tuneldə narkotik qaçaqmalçılığı üçün elektron relsli sistemin qurulduğu, tunelin içinin işıqlandırma və havalandırma sistemlərinin yüksək səviyyədə olduğu bildirilir.

Yasamalda yanğın hadisəsi qeydə alınıb. AzNews.az Fövqəladə Hallar Nazirliyinin saytına istinadən xəbər verir ki, 5 mərtəbəli yaşayış binasının 4-cü mərtəbəsində vətəndaşa məxsus ümumi sahəsi 80 kv.m olan 4 otaqlı mənzildə (mənzildə təmir işləri aparılır) yanğınla nəticələnən partlayış baş verib. Yanğın nəticəsində mənzilin dəhlizinin döşəməsi və təmirə aid olan materiallar 8 kv.m sahədə yanıb, mənzilin pəncərələri çərçivədən çıxıb. Yanğın zamanı mənzildə usta işləyən vətəndaş əl nahiyəsindən yanıq xəsarətləri alıb və təcili yardım xidməti tərəfindən Yanıq Mərkəzinə aparılıb.

Oktyabrın 31-də Bakı Caz Mərkəzində Mədəniyyət və Turizm Nazirliyinin və Azərbaycan Mədəniyyət Fondunun birgə təşkilatçılığı ilə keçirilən “Bakı Caz festivalı - 2013” çərçivəsində növbəti konsert proqramı təqdim olunmuşdur.
AzərTAc xəbər verir ki, konsert proqramında Azərbaycan Televiziyasının estrada-simfonik orkestrinin vibrafon ifaçısı Allahyar Vəzirov səhnəyə çıxmışdır.
Bakı Caz festivalında ilk dəfə iştirak edən Allahyar Vəzirov C.Jobimin “How İnsensative”, Carlos Sontananın “Maria” və “Şokaladın tamı” adlı caz musiqilərini improvizasiyada ifa etmişdir.
Azərbaycanda yeganə vibrafon ifaçısı olan A.Vəzirov əcnəbi caz musiqiləri ilə yanaşı, özünün “Çikaqo” əsərini də cazsevərlərə təqdim etmişdir.
Müxtəlif kompozisiyalar ifa edən Allahyar Vəzirovun çıxışı tamaşaçıların gurultulu alqışları ilə qarşılanmışdır.