Təşkilatın sədri səlahiyyətlərini İsveçrənin xarici işlər naziri Didye Burkxalter qəbul edib.

ATƏT sədri kimi prioritetlərini açıqlayan Didye Burkxalter bildirib ki, İsveçrə dondurulmuş münaqişələrin həllində irəliləyiş əldə olunmasına, transmilli təhlükələrlə mübarizəyə, təhlükəsizlik və sabitliyin möhkəmləndirilməsinə, gənclər üçün planların reallaşdırılmasına çalışacaq.

Nazir qeyd edib ki, İsveçrə ATƏT-ə sədrliyi Serbiya hökuməti ilə sıx əməkdaşlıq şəraitində həyata keçirəcək: “Çünki 2015-ci ildə ATƏT-ə Serbiya sədrlik edəcək”. İsveçrənin prioritetləri sırasına Balkanlarda sülhə, xüsusən Serbiya ilə Kosovo arasında razılaşmaya nail olmaq, eləcə də Ermənistanla Azərbaycan arasında Dağlıq Qarabağ münaqişəsinin həllinə nail olmaq da daxildir.

Türkiyə Silahlı Qüvvələrinin Baş Qərargahı Ankara Cümhuriyyət baş Prokurorluğuna iddia ərizəsi ilə müraciət edib.
İddia ərizəsində “Balyoz” və “Ergenekon” adı ilə tanınan cinayət işlərində adı keçən Türkiyə Silahlı Qüvvələrinin fəaliyyətdə və istefada olan personalına qarşı Silahlı Qüvvələri hədəf alacaq şəkildə ittihamlar irəli sürüldüyü, prokuror və hakimlərin müttəhimlərin müdafiə hüququnu nəzərə almadığı, ittiham dəlillərini manipulyasiya etdiyi bildirilib.

“Balyoz” prosesində vəkil kimi iştirak etmiş Haluk Pekşen bildirib ki, bu barədə ona Baş Qərargahdan zəng edərək telefonla məlumat veriblər.

Qeyd edək ki, ötən həftə Türkiyə baş naziri Rəcəb Tayyib Ərdoğanın baş məsləhətçisi Yasin Akdoğan “milli orduya tələ quruldu” bəyanatı ilə çıxış edib. Bundan sonra vəkil Haluk Pekşen Türkiyə Silahlı Qüvvələrinin Baş Qərargahına müraciət edərək, məsələ ilə bağlı iddia ərizəsi verilməsini xahiş edib.

İran və Avropa yaxın gələcəkdə birgə ticarət palatası yaradacaq.

Bu barədə  İran-Böyük Britaniya birgə Ticarət Palatasının sədri Əli Nağı Xamoyuşiyə  məlumat verib

Onun sözlərinə görə, birgə ticarət palatasının yaradılmasında məqsəd ikitərəfli iqtisadi əlaəqləri dəstəkləməkdir: "Avropanın müxtəlif kommersiya nümayəndə heyətləri bu yaxınlarda İranda olublar. Birgə ticarət palataları iqtisadi əməkdaşlığın inkişafını sürətləndirə bilər və sanksiyaların ləğvində əsas rol oynayar".

Qara Dəniz İqtisadi Əməkdaşlıq Təşkilatında (QDİƏT) sədrlik 6 ay müddətinə Ermənistandan Bolqarıstana keçib.

 Bolqarıstanın xarici işlər naziri Kristian Viqenin bildirib ki, təşkilatda sədrlik dövründə onun təmsil etdiyi ölkənin əsas prioritetləri QDİƏT-in müxtəlif beynəlxalq və regional təşkilatları ilə əməkdaşlığın genişləndirilməsi, enerji, nəqliyyat, turizm, ekoloji sahələrində birgə layihələrin həyata keçirilməsi olacaq.

K.Viqenin əlavə edib ki, Bolqarıstan QDİƏT ilə Avropa Birliyi arasında əlaqələrin inkişaf etdirilməsi istiqamətində də çalışacaq.

QDİƏT 1992-ci il iyunun 5-dən fəaliyyətinə başlayıb. Təşkilata Azərbaycan, Albaniya, Ermənistan, Bolqarıstan, Yunanıstan, Gürcüstan, Moldova, Rumıniya, Rusiya, Türkiyə və Ukrayna daxildir. Azərbaycan 2009-cu ilin ikinci yarısında QDİƏT-ə sədrlik edib.

Bu MDB Dövlət Başçıları Şurasının 25 oktyabr 2013-cü il tarixli qərarına əsasən baş tutub.

MDB-də həmsədrlik isə Belarus və Qazaxıstan tərəfindən həyata keçiriləcək. 2014-cü il MDB-də “Turizm ili” elan olunub.

Qeyd edək ki, bu il Yunanıstan Avropa Birliyinə sədrliyi Litvadan təhvil alıb. Rusiya isə “Böyük 8-lik”də sədrlik etməyə başlayıb.

2014-cü ilin yanvarın 1 tarixindən etibarən ATƏT-in Bakı Ofisi ATƏT-in Bakı Layihə Əlaqələndiricisi statusuna transformasiya olunub.

2013-cü il iyulun 26-da ATƏT-in Daimi Şurasında qəbul edilib.

Qərara əsasən, Layihə Əlaqələndiricisi aşağıdakı vəzifələri icra edəcək:

- ATƏT-in prinsip və öhdəliklərinin həyata keçirilməsi məqsədilə ATƏT və onun institutları ilə Azərbaycan hökuməti arasında əməkdaşlığın dəstəklənməsi;

- ATƏT və onun institutları ilə Azərbaycanın müvafiq dövlət orqanları arasında ATƏT-in hərtərəfli təhlükəsizlik konsepsiyasının hər üç meyarını əhatə edən və Azərbaycan hökumətinin ehtiyac və prioritetlərini nəzərə alan layihələrin planlaşdırılması və icrası;

- Hökumət və qeyri-hökumət orqanları, yerli hakimiyyət orqanları, universitetlər, elmi-tədqiqat institutları və QHT-lərlə əlaqələrin saxlanılması;

- ATƏT ilə Azərbaycan hökuməti arasında razılaşdırılan və ATƏT institutları və ya sədri tərəfindən uyğun hesab edilən digər vəzifələrin həyata keçirilməsi.

Qeyd edək ki, ATƏT-in Bakı Ofisi 17 iyul 2000-ci ildən fəaliyyət göstərir.