Rusiya Prezidenti Vladimir Putinlə görüşmək ehtimalına münasibət bildirən Gürcüstan Prezidenti Georgi Marqvelaşvili demişdir ki, bu görüş problem mövzuların dinc, səmərəli kontekstdə müzakirəsinə xidmət göstərməlidir. Prezident mövcud vəziyyətdən çıxış yolunun axtarılıb tapılması yönümündə danışıqlar aparılmasının vacibliyini vurğulamış və bildirmişdir ki, Gürcüstanın Abxaziya, Sxinvali problemlərini hərbi yolla həll etmək niyyətində olmadığı məlumdur. Rusiya tərəfi ilə danışıqlarda da məsələlərin səmərəli kontekstdə müzakirə etmək istəyimizi nümayiş etdirməliyik.
Gfdemişdir: Hazırkı durumun nə Rusiya, nə də abxaz və osetinlərin xeyrinə olmadığını sübuta yetirməliyik, bütün ağrılı məsələlər danışıqların gündəmində durmalıdır.
Gürcüstan Baş nazirinin Rusiya ilə münasibətlər məsələsi üzrə xüsusi nümayəndəsi Zurab Abaşidze və Rusiya Federasiyası xarici işlər nazirinin müavini Qriqori Karasinin yaxın vaxtlara planlaşdırılan görüşündə Prezidentlərin ehtimal olunan görüşü üzərində işə başlanacağı bildirilmişdir.

Azərbaycan Respublikası və İran İslam Respublikası arasında Beynəlxalq avtomobil əlaqələri sahəsində Birgə Komissiyanın Bakıda keçirilən üçüncü iclası başa çatıb.

Dalgatv-nin  Trend-ə istinadən verdiyi xəbərə görə, fevralın 13 və 14-də keçirilən iclasda iki ölkənin Beynəlxalq avtomobil əlaqələri sahəsində 2002-ci ildə imzalanan sazişinin müddəalarının icrasının son vəziyyəti araşdırılıb, iki ölkənin sərnişin və yük daşımalarındakı problemlərin həlli və digər məsələlər haqqında əməkdaşlıq sazişi imzalanıb.

İclasda hər iki tərəf avtomobil əlaqələri sahəsindəki təbii işlərdən razılıq ifadə edib və iqtisadi əməkdaşlıq təşkilatı, TRASEKA və şimal-cənub dəhlizi çərçivəsində birgə əməkdaşlığın davam və inkişaf etdirilməsi istiqamətində anlaşma əldə olunub. Həmçinin tərəflər razılığa gəliblər ki, ehtiyac olarsa, iki ölkə arasında yeni avtobus xətlərinin açılması üçün lazımi addımlar atılsın.

İran tərəfi təklif edib ki, Biləsuvar və Astara gömrük keçid məntəqələrində avtobusların və iri tonnajlı yük maşınların tıxac və sıxlıq probleminin həlli üçün keçid məntəqələrinin iş saatı artırılsın, iri tonnajlı yük maşınların Bakı gömrüyündə dayanma müddəti azaldılsın. Qərara alınıb ki, bu məsələlər Azərbaycan tərəfindən araşdırılsın.

İran nümayəndə heyətinə İran İslam Respublikasının Nəqliyyat Nazirliyinin Avtomobil Yolları və Yük Daşımaları üzrə Baş İdarə rəisi Məhəmməd Cavad Ətrçiyan, Azərbaycan nümayəndə heyətinə isə Dövlət Avtomobil Nəqliyyatı Xidmətinin rəisi Hüseyn Salamov rəhbərlik edib.

Azərbaycan Respublikası və İran İslam Respublikası arasında Beynəlxalq avtomobil əlaqələri sahəsində Birgə Komissiyanın növbəti iclası Tehranda keçiriləcək.

"Rusiya qoşunları Qafqazı tərk etməlidir".

Dalgatv-nin  APA-ya istinadən verdiyi məlumata görə, bunu Gürcüstanın eks-prezidenti Mixail Saakaşvili deyib.

Sabiq prezident bildirib ki, gələcəkdə Rusiya Qafqazı mütləq tərk etməyə məcbur olacaq: “Bizim mövqeyimiz konkretdir. Rusiya qoşunları gec-tez həm Cənubi, həm də Şimali Qafqazdan getməlidir”.

Türkiyənin Baş naziri Recep Tayyib Erdoğanın oğlu Bilal Erdoğan İstanbul prokurorluğuna qarşı iddia qaldırıb.

Dalgatv-nin  Trend-ə istinadən verdiyi xəbərə görə, prokurorluğa qarşı iddia qaldırılmasına səbəb keçən ilin dekabr ayında rüşvət qalmaqalında Bilal Erdoğana böhtan atılması olub.

Keçən il dekabrın 17-də Türkiyənin Ankara və İstanbul şəhərlərində yaşanan korrupsiya qalmaqalında İstanbul prokurorluğu Baş nazirin oğlu Bilal Erdoğanın da əli olduğunu bildirib.

Bilal Erdoğan ölkədə baş verən korrupsiya qalmaqalı ilə bağlı ifadə verməyə hazır olduğunu deyib.

Qeyd edək ki, 2013-cü il dekabrın 17-də İstanbulda və Ankarada keçirilən xüsusi əməliyyat zamanı onlarla şəxs, o cümlədən bir neçə nazirin övladı və tanınmış iş adamları saxlanılıb. Saxlamalar korrupsiya, qaçaqmalçılıq və narkotik maddələrin satışı ittihamları əsasında həyata keçirilib.

ABŞ-ın Nyu Meksiko ştatının Senatında fevralın 13-də Azərbaycana dair geniş qətnamə qəbul olunub.

Dalgatv-nin Trend-ə istinadən verdiyi xəbərə görə, qətnamədə Azərbaycanın ərazi bütövlüyünün ABŞ tərəfindən dəstəkləndiyi və beynəlxalq birliyin Dağlıq Qarabağı müstəqil dövlət kimi tanımadığı bildirilir. Qeyd olunur ki, Ermənistan-Azərbaycan münaqişəsinin həlli ilə məşğul olan ATƏT-in Minsk Qrupuna münaqişəni beynəlxalq hüququn norma və prinsipləri, BMT Təhlükəsizlik Şurasının müvafiq qətnamələri, eləcə də ATƏT-in qəbul etdiyi qərar və sənədlər əsasında həlli həvalə edilmişdir. Bu səpkidə vurğulanır ki, BMT Təhlükəsizlik Şurası tərəfindən qəbul edilmiş 822, 853, 874 və 884 saylı qətnamələr Azərbaycanın ərazi bütövlüyünü dəstəkləyir və bütün erməni qoşunlarının işğal olunmuş Azərbaycan ərazilərindən dərhal, tamamilə və qeyd-şərtsiz çıxarılmasını tələb edir.

Bundan başqa sənəddə vurğulanır ki, NATO, İslam Əməkdaşlıq Təşkilatı və Qoşulmama Hərəkatı kimi beynəlxalq təşkilatlar da daxil olmaqla bütün dünya birliyi Azərbaycanın ərazi bütövlüyünü və suverenliyini tanıyır və münaqişənin Azərbaycanın ərazi bütövlüyü və sərhədləri çərçivəsində həllini dəstəkləyir.

Bütün bunları nəzərə alaraq, qanunvericilər ABŞ-ın münaqişənin tezliklə və ədalətli şəkildə həlli istiqamətində səylərini gücləndirməsinin vacibliyini vurğulayırlar.

Xatırladaq ki, bu, 2014-cü ildə ABŞ-da Ermənistan-Azərbaycan münaqişəsinə dair qəbul edilmiş ikinci qətnamədir. Bundan öncə, yanvarın 30-da Arizona parlamenti oxşar qətnamə qəbul edərək, Azərbaycanın ərazi bütövlüyünə dəstək verdiyini bildirmişdi. Ötən il isə Nyu Meksiko parlamenti Xocalı qətliamını tanıyan qətnamə qəbul edib.

Fevralın 12-də Gürcüstan Prezidenti Georgi Marqvelaşvili Azərbaycana rəsmi səfəri çərçivəsində Milli Məclisdə olmuşdur.
Ali qonağı parlamentin binası önündə Milli Məclisin sədri Oqtay Əsədov qarşıladı.
Gürcüstan Prezidenti Milli Məclisin inzibati binası, iclas zalı və Heydər Əliyev Xatirə zalı ilə tanış olmuşdur. Xatirə zalında ulu öndər Heydər Əliyevin zəngin həyat yolunu, siyasi və dövlətçilik fəaliyyətini əks etdirən çoxsaylı fotoşəkillər, eksponatlar Gürcüstan Prezidentində dərin təəssürat yaratmışdır. Gürcüstan dövlətinin başçısı Xatirə kitabına ürək sözlərini yazmışdır.
Sonra Milli Məclisin sədri Oqtay Əsədov və Gürcüstan Prezidenti Georgi Marqvelaşvili arasında görüş keçirilmişdir.
Ali qonağı ölkəmizdə salamlayan Oqtay Əsədov Azərbaycan və Gürcüstan xalqları arasında tarixi dostluq əlaqələrinin olduğunu bildirmişdir.
Qeyd olunmuşdur ki, bu cür yüksək səviyyəli səfərlər qardaşlıq və mehriban qonşuluq əlaqələrinə əsaslanan münasibətləri daha da inkişaf etdirəcəkdir.
Gürcüstan ilə Azərbaycan arasındakı əlaqələrin konkret layihələrlə inkişaf etdirildiyini deyən Milli Məclisin sədri Bakı-Tbilisi-Ceyhan neft və Bakı-Tbilisi-Ərzurum qaz kəmərlərinin regionun və Avropanın enerji təhlükəsizliyində önəmli rol oynadığını xüsusi qeyd etmişdir.
Oqtay Əsədov hər iki ölkənin qanunverici orqanlarında fəaliyyət göstərən dostluq qruplarının münasibətlərin inkişafında mühüm rolu olduğunu diqqətə çatdırmışdır.
Prezident Georgi Marqvelaşvili bildirmişdir ki, mehriban qonşu dövlətlər olan Azərbaycan və Gürcüstan regionda birlikdə iri layihələr həyata keçirir. Biz bu layihələri həyata keçirməklə regionun gələcək inkişafını və sabitliyini təmin etməliyik.
Qeyd olunmuşdur ki, yalnız enerji sahəsində deyil, mədəniyyət, elm, təhsil, səhiyyə və digər sahələrdə də əməkdaşlıq üçün böyük potensial vardır.