Ukraynada yaranmış böhranın tənzimlənməsi haqda razılaşmaya əsasən, ölkədə növbədənkənar prezident seçkisinin günü təyin edilib.

Dalğa TV-nin «gazeta.ru»-ya istinadən məlumatına görə, Ukrayna prezidentinin saytı bildirib ki, növbədənkənar prezident seçkisi 2014-cü ilin dekabrından gec keçirilməyəcək.

Mənbənin məlumatına əsasən, prezidentin, hökuməti və parlamentin səlahiyyətlərinin müəyyənləşdirilməsi ilə konstitusiya islahatı 2014-cü ilin sentyabrınadək başa çatdırılacaq. Prezident seçkiləri isə yeni Ana Yasa qəbul ediləndən sonra keçiriləcək.

2014-cü il martın 3-dək ölkədə koalision hökumətinin qurulması başa çatdırılmalıdır.

Ukrayna parlamenti həbsdə olan keçmiş baş nazir Yuliya Timoşenkonun sərbəst buraxılması haqda qanun qəbul edib.

Dalğa TV-nin «unian.net»-ə istinadən məlumatına görə, bu qərarın lehinə 310 deputat səs verib. Keçmiş baş nazirin azadlığa çıxacağına imkan verən qanun qəbul edildikdən sonra parlamentin iclası başa çatıb.

Azərbaycan Xarici İşlər Nazirliyindən APA-ya verilən məlumata görə, Honduras Milli Konqresinin qəbul etdiyi bu Qərar Konqresin Prezidenti və katibləri tərəfindən təsdiq edilib.

Bu Qərar 2014-cu ili 24 yanvar tarixində Honduras Respublikasının Prezidenti və Xarici İşlər Naziri tərəfindən təsdiq edildikdən sonra, 2014-cu ilin 13 fevral tarixində ölkənin rəsmi mətbuat orqanı olan "THE GAZETTE" rəsmi kütləvi informasiya vasitəsində dərc edilərək qüvvəyə minib və ölkənin qanunu statusunu alıb.

Sənədin giriş hissəsində Ermənistan Respublikasının öz müstəqilliyini bəyan etdikdən əvvəl və sonra Azərbaycanın suverenliyi altında olan geniş əraziləri ilhaq etmək yolu ilə öz ərazilərinin ekspansiyası siyasətinə başladığı bildirilir.

1991 və 1992-ci illərdə Sovet İttifaqının dağılması nəticəsində yaranmış siyasi qeyri-sabitlikdən istifadə edən Ermənistan Respublikası hökumətinin Dağlıq Qarabağ və onu əhatə edən 7 rayonun işğalı məqsədilə döyüş əməliyyatlarını hərbi fazaya keçirərək ərazi ekspansiyası siyasətini intensivləşdirdiyi bildirilir. Həmçinin 30 min insanın öldürüldüyü və 1 milyondan çox insanın məcburi köçkünə çevrildiyi hərbi əməliyyatlar zamanı Xocalıda azərbaycanlı əhaliyə qarsı Soyqırım aktı və digər insanlıq əleyhinə cinayətlərin törədildiyi qeyd edilir.

Sənəddə Ermənistan hökuməti tərəfindən Azərbaycanın suveren ərazilərinin işğalı nəticəsində beynəlxalq hüququn təməl prinsiplərinin, pozulması ilə yanası, azərbaycanlı əhalinin kütləvi səkildə məcburi köçkünə çevrilməsi diqqətə çatdırılır və bu kimi hərəkətlər beynəlxalq cinayət əməli kimi qiymətləndirilərək, beynəlxalq sülh və təhlükəsizliyə təhdid olaraq təqdim edilir.

Bununla yanaşı, bütün erməni qoşunlarının Azərbaycanın işğal edilmiş bütün ərazilərindən dərhal çıxarılmasını tələb edən BMT Təhlükəsizlik Şurasının 1992 və 1993-cü illərdə qəbul etdiyi 822, 853, 874 və 884 saylı qətnamələrin qəbulundan 21 ildən artıq vaxtın ötməsinə baxmayaraq, münaqişənin hələ də davam etdiyi və Ermənistan hökumətinin BMT-nin tələblərinə etinasız olduğu bildirilir.

Qərarın 1-ci bəndində Ermənistan Respublikası hökuməti, təcavüzkar işğalçı davranış, Azərbaycanın suveren ərazilərinin hərbi işğalı və Azərbaycan mülki əhalisinə qarsı misilsiz hərəkətlərə görə ciddi şəkildə ittiham edilir. Qərarın 2-ci bəndində Ermənistan tərəfinin hərəkətlərinə münasibətdə Azərbaycan Dövləti və Hökuməti ilə həmrəylik ifadə olunur.

Qərarın 3-cu bəndində beynəlxalq sülh və təhlükəsizliyin təmin edilməsinə cavabdeh olan qurumlar, münaqişədən əvvəlki status kvonun bərpa edilməsi məqsədilə, Azərbaycan ərazilərinin qaytarılması ilə bağlı həlledici addımlar atmağa çağırılır. Qərarın 4-cu bəndində Honduras Respublikası Hökuməti Azərbaycan Dövlətinin ərazi bütövlüyünün bərpası, Azərbaycan əhalisinin sülh və təhlükəsizliyinin və öz ərazisində sülh şəraitində yaşamaq hüququnun bərpa edilməsi naminə beynəlxalq təşəbbüsləri dəstəkləməyə çağırılır.

Qərarın 5-ci bəndində sənədin "THE GAZETTE" rəsmi kütləvi informasiya vasitəsində dərc edilməsindən sonra qüvvəyə minəcəyi bildirilir.

Gürcüstan Prezidenti Georgi Marqvelaşvili parlamentdə bu vəzifədə ilk hesabatla çıxış etmişdir. Prezident ölkənin daxili və xarici siyasətinin prioritetlərindən söhbət açmış, Gürcüstanın Avropa yolundan dönməyəcəyini qeyd etmişdir.
Georgi Marqvelaşvili demişdir: “Biz Gürcüstanın sabit inkişafını təmin edəcək hakimiyyət sistemi yaratmalıyıq”.

Rusiyanın dövlət başçısı Vladimir Putin Ukrayna hadisələrini müzakirə edib. Modern.az Rusiya mətbuatına istinadən xəbər verir ki, təcili elan olunan iclasda Kreml rəhbəri Rusiyanın Təhlükəsizlik Şurasının daimi üzvləri ilə Ukraynadakı gərginliyi aradan qaldırmaq yollarından söz açıb.

Məlumatda da qeyd olunur ki, toplantıya Rusiyanın baş naziri Dmitri Medvedyev, hər iki parlament qanadının sədrləri Valentina Matviyenko və Sergey Narışkin, Təhlükəsizlik Şurasının katibi Nikolay Patruşşev, xarici işlər naziri Sergey Lavrov, daxili işlər naziri Vladimir Kolokoltsev, müdafiə naziri Sergey Şoyqu, Federal Təhlükəsizlik Xidmətinin rəhbəri Aleksandr Bortnikov iştirak ediblər.

Ukrayna prezidenti Viktor Yanukoviç və üç müxalifət lideri – Vitali Kliçko, Arseni Yasenyuk və Oleq Tyaqnibok ölkədə yaranmış böhrana son qoyulmasını nəzərdə tutan saziş imzalayıblar.

Dalgatv-nin APA-ya istinadən verdiyi xəbərə görə, sazişə vasitəçi qismində Almaniyanın xarici işlər naziri Frank-Valter Ştaynmayer, Polşanın xarici işlər naziri Radoslav Sikorski və Fransa XİN-in departament rəhbəri Erik Furnye də imza atıb. Digər vasitəçi ölkə olan Rusiyanın ombudsmanı, prezident Putinin xüsusi elçisi Vladimir Lukin sənədi imzalamaqdan imtina edərək mərasimə qatılmayıb.

İmzalanma mərasimindən əvvəl O. Tyaqnibokun təklifi ilə son günlər ölkədə baş vermiş toqquşmalarda ölənlərin xatirəsi bir dəqiqəlik sükutla yad edilib.