Yanvarın 22-də Davosda Azərbaycan Respublikasının Prezidenti İlham Əliyevin və İsrailin prezidenti Şimon Peresin görüşü olub.

Dalgatv APA-ya istinadən xəbər verir ki, görüşdə Azərbaycan ilə İsrail arasında müxtəlif sahələrdə, o cümlədən elm, təhsil, kənd təsərrüfatı sahələrində əməkdaşlığın hazırkı vəziyyəti və perspektivləri ətrafında fikir mübadiləsi aparılıb.

Ukraynada müxalifət liderlərinin prezident Viktor Yanukoviçlə görüşü başlayıb.

Dalgatv-nin APA-ya istinadn verdiyi xəbərə görə, bunu “Twitter” səhifəsində “Batkivşina” parlament fraksiyasının rəhbəri Arseni Yatsenyuk yazıb.

Yatsenyukla yanaşı prezidentlə görüşə UDAR partiyasının rəhbəri Vitali Kliçko və milliyətçi “Azadlıq” partiyasının lideri Oleq Tyaqnibok yollanıb.

Kiyevdə müxalifətlə milis arasında toqquşma davam etməkdədir. Yanvarın 20-də

Ukrayna prezidenti Viktor Yanukoviç ölkə vətəndaşlarına müraciət edib.

O, müraciətində ölkə vətəndaşlarını danışığa və kompromisə çağırıb.

V.Yanukoviç dövlətinə xidmət edəcəyini vurğulayıb. O, ölkədə ictimai sabitliyi və dinc vətəndaşların haqqını müdafiə edəcəyini təmin etmək üçün bütün imkanlardan istifadə edəcəyini boyun olub.

Xatırladaq ki, Ukrayna müxalifəti onun istefasının danışıqlar da yalnız V.Yanukoviçlə aparmaq istədiyini bildirib.

"Türkiyə Gürcüstanın NATO və Avroatlantik strukturlara daxil olması üçün bu ölkəyə dəstəyini davat etdirəcək".

Bunu Türkiyə Prezidenti Abdullah Gül deyib.

Onun sözlərinə görə, Türkiyə regionda sabitliyə böyük önəm verir.

Azərbaycanın mərhum eks-prezidenti Əbülfəz Elçibəyin oğlu Ərturqut Əliyev AXCP və Müsavat Partiyasının funksionerlərinə müraciət edib.

Modern.az saytına açıqlamasında Ərturqut Əliyev hazırda bir-biri ilə qalmaqal yaşayan tərəfləri Elçibəyin adından istifadə etməməyə çağırıb.

“Heç bir siyasi partiya öz işlərinə görə mənim atamın adını çəkməsin. Sizin sayt vasitəsilə onlara səslənirəm ki, bir-birlərinə ünvanladıqları ittihamlarda Əbülfəz Elçibəyin adından istifadə etməsinlər.

Atamın ruhunu sakit buraxsınlar!”-deyə Ərturqut Əliyev sərt şəkildə bəyanat verib.

O qeyd edib ki, son günlər AXCP və Müsavat Partiyası arasında yaşanan qalmaqalda mərhum atasının adının bu formada hallandırılmasının əleyhinədir.

Xatırladaq ki, Müsavat Partiyasının Milli Şuradan çıxmasından sonra AXCP ilə bu siyasi qurum arasında başlayan qalmaqal səngimək bilmir. Tərəflər bir-birini qarşılıqlı ittiham edir və arqumentlərini bəzən keçmiş mərhum prezident Əbülfəz Elçibəy üzərində irəli sürürlər. Bu qalmaqalın iştirakçıları vaxtilə “Azadlıq” və “Yeni Müsavat” qəzetlərində Əbülfəz Elçibəy əleyhinə dərc edilən yazıları da üzə çıxarıb sosial şəbəkələrdə yayırlar...

Milli Şuranın növbəti sessiyası artıq başlayıb. “El” Hərəkatı Ali Məclisinin sədri Eldəniz Quliyev Rüstəm İbrahimbəyovun yenidən Milli Şuranın fəxri sədri və ya lideri olmasını təklif edib.

AzNews.az xəbər verir ki, Eldəniz Quliyev R. İbrahimbəyova qarşı müəyyən təzyiqlər olduğunu bildirib: “Lakin o Milli Şuranın saxlamaq üçün geri çəkilib. Ona görə fəxri sədrlik məsələsinə münasibət bildirilməli və bu barədə qərar verilməlidir”.

E. Quliyev qeyd edib ki, Milli Şura artıq qarşıdurmalara münasibət bildirməli və bu qarşıdurmaların qarşısını almalıdır.

Mehriban Vəzir isə bu təklifə qarşı çıxıb. O, Rüstəm İbrahimbəyovla bağlı məsələni yenidən gündəliyə salınmasına etiraz edib.

Milli Şura sədri C. Həsənli isə qeyd edib ki, yenidən liderlik məsələsinə qayıtmağa lüzum görmür:

“Mənim öz fikrimə görə, biz yenidən liderlik məsələsinə qayıtmamalıyıq. Burda oturanların əksəriyyəti liderdir. Bu mənim fikrimdir, lakin Milli Şura qərar verməlidir. Milli Şurada bir ənənə var.

Bu ondan ibarətdir ki, biz sessiyalararası müddətdə Milli Şuranı tərk edənlərin Milli Şuradan çıxmasın nəzərə alırıq. Eyni zamanda, quruma müraciət varsa, biz bu müraciətlər baxmalıyıq. Ötən sessiyadan sonra Rüstəm İbrahimbəyovun Milli Şuraya müraciəti olub.

Rüstəm İbrahimbəyovun Milli Şuranın fəxri sədrlikdən imtina müraciətinə biz baxmalı idik. Ona görə də, biz Rüstəm İbrahimnbəyovun istefa ilə bağlı müraciətini Milli Şurada müzakirəyə çıxararaq münasibət bildirməliyik”.(