O, məktubun konkret kimdən gəldiyini açıqlamayıb. Jurnalistlər məktub sahibinin Fətullan Gülən və ya onun yaxın ətrafındakı şəxslərdən biri ola biləcəyini təxmin edir. Məktubda nur (Gülən) icması adından hökumətə sülh və barışıq təklif olunur.

Lakin R. T. Ərdoğan heç kimlə sövdələşməyə getməyəcəyini, hüquq-mühafizə orqanları və məhkəmə sistemindəki nurçuların hamısını sistemdən kənarlaşdıracaqlarını qətiyyətlə vurğulayıb.

Baş nazir “Ergenekon” və “Balyoz” cinayət işləri əsasında məhkum olunmuş şəxslərin yenidən mühakimə olunmasının mümkünlüyünü də söyləyib. Bu barədə müvafiq araşdırma aparılması üçün ədliyyə nazirinə tapşırıq verilib. Əsgər adı çəkilən cinayət işlərinin ibtidai və məhkəmə istintaqında qanunsuzluqlar, hüquq pozuntuları aşkarlanarsa, generallar başda olmaqla, məhkum olunmuş şəxslər yenidən mühakimə olunacaqlar.  

R. T. Ərdoğan 17 dekabr 2013-cü ildə gerçəkləşdirilən rüşvət və korrupsiya əməliyyatını hökumətə qarşı qiyam cəhdi kimi qiymətləndirib. O, aparılan rəy sorğularına əsasən Ədalət və İnkişaf Partiyasının (AKP) reytinqinin qətiyyən aşağı düşmədiyini və 30 mart bələdiyyə seçkilərində yenidən parlaq zəfər qazanacaqlarını açıqlayıb.

Xatırladaq ki, Türkiyə hökuməti 17 dekabr əməliyyatında polis, prokurorluq və məhkəmə orqanlarında mövqe tutmuş nurçuları ittiham edir. 

Gürcüstan prezidenti Rusiya ilə münasibətlərin normallaşdırılması kursunu davam etdirəcəklərini deyib

"Gürcüstan Rusiya ilə münasibətlərin normallaşdırılması kursunu davam etdirəcək".Bu barədə ölkə Gürcüstan prezidenti Georgi Marqvelaşvili müsahibəsində deyib. O, canlı efirdəki çıxışında deyib ki, Gürcüstan Rusiya ilə münasibətlərdə siyasi temperaturun azalması üçün əlindən gələn hər şeyi edəcək. 

Marqvelaşvilinin sözlərinə görə, Abaşidzr-Karasin görüşü formatında dialoqlar tükənməyib və davam etdiriləcək. O, qeyd edib ki, bu cür görüşlər yaxşı nəticələr verir.
“Bu formatda birbaşa dialoq iqtisadi-ticari və mədəniyyət əlaqələrinin bərpa edərək inkişaf etdirməyə imkan yaradacaq. Bu cür görüşlər iki ölkə arasında kifayət qədər yüksək etimad və gələcəkdə bir çox mühüm məsələlərin həll olunması üçün şərait yaratmağa kömək edəcək".

Gürcüstan baş nazirinin Rusiya ilə əlaqələr üzrə xüsusi nümayəndəsi Zurab Abaşidze və Rusiya XİN rəhbərinin müavini Qriqori Karasin arasında ilk görüş 2012-ci il dekabrın 14-də Cenevrədə keçirilib. Növbəti görüş fevralda Çexiyanın paytaxtı Praqada keçiirləcək.

 İranla “altılıq” ölkələri arasında nüvə məsələsində Cenevrədə əldə olunmuş razılaşmaya uyğun olaraq birgə fəaliyyət planı yanvarın 20-dən icraya yönələcək.

Bu barədə İran Xarici İşlər Nazirliyinin beynəlxalq və siyasi məsələlər idarəsinin müdiri Həmid Bəidinejad bildirib.

Onun sözlərinə görə, bununla bağlı tərəflər arasında ekspertlər səviyyəsində Cenevrədə keçirilmiş son nüvə müzakirələri zamanı razılığa gəlinib: “Bu tarix üst səviyyəli səlahiyyətlilər tərəfindən də təsdiqlənməlidir. Hər halda mütəxəssislər yanvarın 20-ni təklif ediblər. Ancaq bu tarixin daha sonraya da salınması mümkündür”.

Rəcəb Tayyib Ərdoğanın gizli bank hesabları Almaniya baş naziri Merkelin əlinə keçib.

Alman kəşfiyyatı İsveçrədən Ərdoğana aid gizli hesablarla bağlı məlumatları alıb. Məlumata görə, Fətullah Gülən icması da Türkiyə baş nazirinə aid bu hesabları əldə etməyə çalışır.
 

Qeyd edək ki, “Wikileaks” qalmaqalları zamanı sızan məlumatlarda Ərdoğanın təkcə İsveçrədə 7 gizli bank hesabının olduğu bildirilmişdi. Almaniya baş nazirinin əlinə keçən məlumatlar da məhz bu gizli hesablarla bağlıdır.

“Azərbaycan da Türkiyə kimi bizim strateji müttəfiqimizdir. Gürcüstanla Azərbaycan arasında elə münasibətlər yaranıb ki, biz bu münasibətlər olmadan yaşaya bilmərik”.

Bunu Gürcüstanın müdafiə naziri İrakli Alasaniya Türkiyədə nəşr olunan “Turkish policy” jurnalına deyib.

Nazir bildirib ki, Gürcüstanla Azərbaycanı yalnız enerji deyil, digər sahələrə aid layihələr də birləşdirir: “Bütövlükdə bizim gələcəyimiz regiondakı üç ölkə ilə daha geniş miqyaslı əməkdaşlıqdan asılıdır”.  

İ. Alasaniya Gürcüstanın Azərbaycan, Türkiyə və Ermənistanla həm iqtisadi, həm hərbi sənaye, həm də xarici siyasət sahəsində əməkdaşlığı genişləndirmək, bu ölkələrlə hərbi siyasət məsələlərini daha effektiv koordinasiya etmək niyyətində olduğunu vurğulayıb.