“Avropa öz dəyərlərini həqiqətən müdafiə etmək istəyirsə, Azərbaycanla daha yaxından tərəfdaşlıq etməlidir”.

APA-nın məlumatına görə, bu sözləri Gürcüstanın sabiq prezidenti Mixeil Saakaşvili Bakı III Qlobal Forumunda “Avropa İttifaqı və qonşuluq siyasəti” mövzusunda paneldəki çıxışında deyib.

Onun sözlərinə görə, Avropa İttifaqının tərəfdaşlıq proqramı daha çox bu qurumun 2008-ci ildə Gürcüstanda baş verənlərə reaksiyasıdır: “Çox adam bu müharibəni lokal müharibə hesab edirdi. Lakin daha çox strateji düşüncələrə sahib şəxslər anlayır ki, dünya nizamı dəyişib və onlar tərəfdaşlığın yaranmasının vacibliyini qeyd edib. Ölkələr bu tərəfdaşlıq sahəsində çox fərqlidir. Amma ümumi məqamlar da var. Azərbaycanda olan son dəyişikliklər mənə çox gözəl təsir bağışlayır. Bəzi tərəflər Azərbaycanda insan hüquqlarının pozulduğunu iddia edir. Bunlar ikiüzlü yanaşmadır. Reallıq isə budur ki, alternativ enerji üçün real mənbə Azərbaycan qazıdır. Azərbaycan vasitəsi ilə Türkmənistan qazıdır”.

Eks-prezident ölkəsi ilə Ukrayna arasında oxşar məsələlər olduğunu qeyd edib. Onun sözlərinə görə, bunlardan biri Rusiya fenomenidir: “Digər məsələ korrupsiyadır. Bu məsələ ilə hər yerdə mübarizə aparmalıyıq. Korrupsiya əsas düşməndir. Ukraynada bəzi insanlar qəbul etmirlər ki, dövlət qurumları yarana və bütün vətəndaşları müdafiə edə bilər”.

M. Saakaşvili bildirib ki, Azərbaycan dəqiq yolunu seçib: “Azərbaycan Avropada bəzi ölkələrdən daha liberaldır. Bu ölkə sürətlə modernləşmə yolunu seçib. Avropa cəmiyyəti də bunu bilməlidir, anlamalıdır”.

Diasporla iş üzrə Dövlət Komitəsindən Modern.az saytına verilən xəbərdə bildirilib ki, Almaniyanın paytaxtı Berlində qondarma erməni soyqırımı iddialarına qarşı izdihamlı yürüş-mitinq keçirilib.

10 minə yaxın insan iştirak etdiyi etiraz aksiyası Berlinin mərkəzi meydanı olan Uraniyaddan başlayıb.

Daha sonra şəhərin küçələri ilə davam edən aksiya Brandenburq qapıları yanında sona çatıb.

Yürüş iştirakçıları əllərində Türkiyə və Azərbaycan bayraqları, erməni terrorçuların qətlə yetirdiyi türk diplomatlarının fotolarını, “ASALA dinc insanları qətlə yetirib”, “Tarixdən düşmənlik yaratmayın”, “Soyqırımı məsələsi parlamentdə müzakirə edilməz” kimi erməni yalanlarını əks etdirən türk və alman dillərində plakatlar tutublar.

Aksiya iştirakçıları Dağlıq Qarabağ münaqişəsi və Xocalı soyqırımına dair şüarlar da səsləndirib. Əsl soyqırımı aktının ermənilərə qarşı deyil, məhz türklərə qarşı həyata keçirildiyini yerli ictimaiyyətin diqqətinə çatdırıblar.

Almaniyanın bir çox şəhərlərində fəaliyyət göstərən Türk Federasiyalarının təşkilatçılığı ilə keçirilən etiraz aksiyasına bu ölkədəki Azərbaycan diasporu da dəstək verib.

Aprelin 24-də İstanbulda keçirilən 4-cü Türk Dünyası Forumunda “Türk Dünyası ve Diasporunda Algı Yönetimi” mövzusunda müzakirələrin moderatorluğunu həyata keçirən millət vəkili Qənirə Paşayeva bu mövzuda geniş məruzə ilə də çıxış edib və dünyanın hər tərəfindən gəlmiş diaspor təşkilatlarına səslənib.

O, Roma Papası Fransiskinin heç bir tarixi əsası olmayan açıqlamalarından, Avropa Parlamentinin qondarma erməni soyqırımını tanıyan qərarlarından, son günlər Almaniya, Avstriya Parlamentinin qondarma erməni soyqırımını tanıyan qərarlarından danışıb və dünyanın hər yerində yaşayan türk insanının bunlardan narahat olması gərəkdiyini bildirib, bu ədalətsizliyə hamımız harda doğulub harada yaşamasından asılı olmayaraq bütün türk kökənli insanlar öz etiraz səslərini ucaltmalıdır deyib.

Bir sıra ölkə rəhbərlərinin qondarma erməni soyqırımı yalanlarının 100 illiyi ilə bağlı Ermənistana səfərlərini kəskin tənqid edən millət vəkili Qənirə Paşayeva işğalçı bir ölkəyə işğal etdiyin Azərbaycan torpaqlarını azad et deməyən o siyasətçilərin bu məsələlərdən öz maraqları üçün istifadə etdiklərini deyib.

Tarixdə heç bir zaman türklər ermənilərə qarşı heç bir soyqırım törətməyiblər tam əksinə ermənilər həm Anadoluda həm də Azərbaycan torpaqlarında 20-ci əsrin əvvəlində və sonunda türk insanına qarşı soyqırımlar törədiblər deyən millət vəkili Qənirə Paşayeva Roma Papasının, Avropa Parlamentinin, Almanya, Avstriyanın yalanları dəstəkləməsi, Fransa, Rusiya prezidentlərinin yalanların 100-cü ildönümündə Ermənistana getməsi amma gerçəkləri görmək istəməmələri insanlarımızda böyük üzüntü yaratmaqla bərabər düşüncələrdə ciddi suallara da səbəb olmalıdır deyib.

“Xocalı Soyqırımının 23-cü ildönümü tamam oldu. Amma biz qondarma erməni soyqırımı yalanlarına dəstək verənlərin Xocalı Soyqırımı ilə bağlı bir cümlə açıqlamasını belə eşitmədik? Ölənlər hansı millətdən olursa-olsunəvvəlcə insandı. Xocalıda, Qaradağlıda soyqırım törədən cinayətkarlar Ermənistanda önəmli vəzifədədirlər. Hələ dəədalət qarşısında törətdikləri cinayətə görə cavab verməyiblər. Amma qondarma erməni qoyqırımı yalanlarını dəstəkləyənlər 1 milyon insanın öz evindəyaşama hüququnun Ermənsitan tərəfindən pozulması, o insanların öz evlərinə dönməsinin vacibliyi ilə bağlı heç zaman danışmayıb. Qondarma erməni soyqırımının 100-cü ili üçün Yeravana gedirlər.

Türkiyəyə Ermənistanla sərhədləri açın deyə çağırış səsləndirirlər. Atalarının belə görmədiyi hadisələrə gedənlər , bəs niyə hər şeyi gördükləri Xocalı üçün bir açıqlama vermirlər? Niyə Türkiyəyə Ermənistanla sərhədi açın deyə çağırış səsləndirənlər Ermənistana işğal etdiyi Azərbaycan torpaqlarından çəkilməsi, 1 milyon azərbaycanlının öz evinədönməsinə imkan verməsi üçün təzyiq etmir, çağırış səsləndirmirlər? Xocalı Soyqırımından danışmayanlar qondarma erməni soyqırımı yalanları ilə türk millətinə tarixdə olmayan bir soyqırımı zorla qəbul etdirmək üçün Ermənistan və erməni diasporuna ciddi dəstək verirlər.

Qondarma erməni soyqırımı iddiaları ilə millətimizə qarşı nələr edildiyi ortadadır.

Bunlar ciddi mətləblərdən xəbər verir deyən millət vəkili Qənirə Paşayevadünyanın hər yerində türk insanı, gəncləri gerçəkləri görməli və dünyanın hər yerində yalanlara qarşı doğruları daha çox təbliğ edərək mübarizə aparmalıdırlar deyib.

Özəlliklə Avropadakı türk diaspor təşkilatlarının bu cür açıqlamalara etiraz səsini ucaltmasının vacibliyinə toxunan millət vəkili Qənirə Paşayeva gəncləri sosial mediyada yalanlara qarşı mübarizədə aktiv olmağa və duyarlı olmağa çağırıb. Diaspor təşkilatlarımız birlik və bərabərlik içində qondarma erməni soyqırımı yalanlarına qarşı artıq çox ciddi mübarizə aparmalıdırlar deyən millət vəkili Qənirə Paşayeva yalana qarşı ən ciddi mübarizə isə doğruları, həqiqətləri anlatmaqdır vədünyanın hər yerində yaşayan türk kökənli insanlar Xocalı Soyqırımı həqiqətlərinin daha geniş yayılmasına çalışmalıdırlar deyib.

Biz Xocalı Soyqırımı da daxil olmaqla Ermənistanın işğal etdiyi Azərbaycan torpaqlarında məsum insanlarımızı qətlə yetirən bütün cinayətkarların, qatillərin ədalət qarşısında cavab verməsinə nail olmalıyıq və torpaqlarımızı işğaldan azad etməliyik. Sizə və dünyanın hər yerində yaşayan qardaş-bacılarımıza səslənərək demək istəyirəm ki, buna nail olmayana qədər bizə rahatlıq olmamalıdır və hər birimiz öz yerimizdə bu istiqamətdə daha çox çalışmalıyıq” deyib.

Müzakirələr zamanı ABŞ, Fransa, Rusiya, Avstriya, Danimarka, Rumınya, Yunanıstan, İraq və bir sıra ölkələrdən gələn türk toplumlarının və diaspor təşkilatlarının təmsilçiləri çıxış edərək bu mövzu ilə bağlı fikirlərini, problemləri, nələr edilməsi gərəkdiyi ilə bağlı danışıblar, millət vəkili Qənirə Paşayevanın fikrini də dəstəkləyərək artıq diaspor təşkilatları birlik və bərabərlik içində bu məsələlərlə bağlı daha çox çalışmalıdırlar deyib və geniş müzakirələr həyata keçirilib.

Roma Papası Fransiskin qondarma erməni soyqırımı ilə bağlı verdiyi açıqlamadan sonra ABŞ-da bu mövzuda mövqeyini ortaya qoyub. 
Modern.az xarici KİV-ə istinadən xəbər verir ki, ABŞ Dövlət Departamentinin sözçüsü Marie Harf jurnalistlərin uydurma erməni soyqırımı ilə bağlı sualını cavablandırıb.
“ABŞ prezidenti Barak Obama və bizim yüksək vəzifəli şəxslər Osmanlı imperiyasının son vaxtlarında 1.5 milyon erməninin öldürüldüyünü və ya ölümə təhrik edildiyini dəfələrlə bildirib.

Həqiqətlərin qəbulunun Türkiyə, Ermənistan və Amerika daxil hər kəsin maraqlarına uyğun olduqlarını söyləyiblər”,-deyə Marie Harf qeyd edib.

Marie Harf bununla belə “erməni soyqırımı” ifadəsini işlətməyib.

Türkiyə prezidenti Rəcəb Tayyib Ərdoğan Roma Papası I Fransiskin qondarma “erməni soyqırımı” barədə dediklərini cəfəngiyat adlandırıb.

APA-nın “Anadolu”ya istinadən verdiyi xəbərə görə, Ərdoğan bunu Türkiyə İxracatçılar Məclisinin iclasında çıxışı zamanı deyib.

“Hər dəfə siyasətçilər və dini xadimlər tarixçilərin vəzifəsini üzərilərinə götürərkən həqiqət əvəzinə cəfəngiyyat olur. Mən papanın dediklərini pisləyirəm və onu bir daha bu səhvi təkrarlamamağa çağırıram”, - deyə Ərdoğan bildirib.

Türkiyə prezidenti yenidən erməni tərəfinə səslənərək 1915-ci il hadisələri üzrə arxiv sənədlərinin araşdırılması üçün tarixçilərdən ibarət birgə komissiya yaratmağa çağırıb. Ərdoğan Ankaranın arxivlərini tarixçilər üçün açdığını və analoji addımın Ermənistan tərəfindən atılmasını gözlədiyini qeyd edib.

Ərdoğan tarixi hadisələrin ölkə və xalqa qarşı kampaniya üçün istifadə edilməsinə yol verməyəcəyini bəyan edib.

Qeyd edək ki, Roma Papası I Fransisk uydurma “erməni soyqırımı”nın XX əsrin ilk soyqırımı olduğunu bəyan edib.

Bu barədə o, aprelin 12-də Romadakı Müqəddəs Pyotr kilsəsində ənənəvi mərasimdəki çıxışında bildirib.

Roma Papası nitqində nasizm və stalinizmin dəhşətlərindən də danışıb.

Roma Papasının bəyanatı artıq Türkiyənin sərt etirazı ilə qarşılanıb. Türkiyənin Vatikandakı səfiri geri çağırılıb, Vatikanın Ankaradakı səfiri isə Türkiyə XİN-ə çağırılıb.

Qondarma “1915-ci il erməni soyqırımı” qurbanlarını anmaq üçün sabah Vatikanda keçiriləcək ayin üçün Roma Papası Fransiskin iştirakçılara payladığı dua kitabçasında "soyqırım" kəlməsi yazılıb.

AZNEWS.AZ xəbər verir ki, yerli vaxtla saat 09.00-da başlaması nəzərdə tutulan sözügedən tədbirdə dünya ermənilərinin ruhani lideri və erməni apostolik kilsəsinin katolikosu Karekin II və Kilikiya katolikosu Aram I və Ermənistan prezidenti Serj Sarkisyanın da iştirakı gözlənilir.

Roma Papası mərasimdə 10-cu əsrdə yaşayan erməni şair, rahib, mistik və teoloq Surp Krikor Naregatsiyə "Kilsə doktoru” adını da rəsmi olaraq verəcək.

Qeyd edək ki, bu ad xristianlığa xidmət edən insanlara verilir və bu günə qədər cəmi 35 nəfər buna layiq görülüb.