Bu gün yəni Mayın 10-da ümummilli li   Ulu öndər Heydər Əliyevin anadan olmasının ildönümünün qeyd olunması Gürcüstanda ənənəyə çevrilib.

Heydər Əliyevin anadan olmasının 92-ci ildönümünə həsr edilmiş mərasim ulu öndərin Tbilisidəki büstü önünə əklillər qoyulması ilə başlanıb

Əklil qoyma mərasimində Azərbaycanın Gürcüstandakı səfiri Azər Hüseyin,Gürcüstan parlamentinin bir qrup deputarları Gürcüstan hökümətinin və burada yaşayan soydaşlarımızın nümayəndələri Azərbaycanın Gürcüstandakı iş adamları və digər rəsmi şəxslər iştirak ediblər

Sonra mərasim iştirakçıları Kvemo Kartili-Borçalı bölgəsinin Rustavi şəhərində ümummilli lider Heydər Əliyevin anadan olmasının 92-ci ildönümü münasibətilə keçirilən silsilə tədbirlərə qatılıblar.Tədbirlərdə Azərbaycanın Gürcüstandakı səfirliyi və Rustavi şəhər rəhbərliyi,həmçinin burada fəaliyyət göstərən Azərbaycan və digər ölkələrin diaspor təşkilatlarının nümayəndələri,Rustavi mətəblərində təhsil alan azərbaycanlı tələbələr iştirak ediblər.

İştirakçılar Rustavi şəhərində ümummilli lider Heydər Əliyevin adını daşıyan parlda Ulu Öndərin abidəsi önünə gül dəstələri qoyaraq xatirəsini ehtiramla yad ediblər.

   Keçirilən mərasimdə xalqımızın Ümummilli Liderinin həyat və fəaliyyətindən,iki xalq və dövlət arasında dostluq münasibətlərinin möhkəmlənməsi və inkişafında onun əvəzsiz rolundan söhbət açılıb.Tədbir iştirakçılarına əməldaşımızın müəllifi olduğu gürcü və azərbaycan dilində “Heydər Əliyev və Gürcüstan”kitabları hədiyyə olunub

Tədbir Azərbaycan və Gürcü incəsənət ustalarının iştirakı ilə böyük bayram konserti ilə davam edib.

Gürcüstanda yeni müdafiə naziri Tinatin Xidaşeli təyin olunub. Bununla da Gürcüstanda Müdafiə Nazirliyinə ilk dəfə qadın başçılıq edəcək.

AzNews.az ANS PRESS-ə istinadən xəbər verir ki, onun bu təyinatı ölkə mətbuatında və ictimaiyyətdə geniş rezonans doğurub.

Tinatin Xidaşeli Gürcüstan parlamentinin indiki sədri David Usupaşvilinin xanımıdır. Onlar Gürcüstanın Respublika Partiyasının üzvləridir. T.Xidaşeli bir sıra qeyri-hökumət təşkilatının, o cümıədən Gənc Hüquqşünaslar Assosiasiyasının yaradıcılarından sayılır.

Xatırladaq ki, Gürcüstanın Baş naziri İrakli Qaribaşvili yeni kabinetinin tərkibində olacaq namizədləri təqdim edib. Deputat Qiqlu Aqulaşviliyə Ətraf mühitin müdafiəsi və təbii ehtiyatlar, deputat, keçmiş biznesmen və idmançı Tariyel Xiçikaşviliyə isə İdman və gənclər naziri vəzifəsinə təsdiqlənib.

Gürcüstan baş naziri İrakli Qaribaşvili bu gün Nazirlər Kabinetinin yeni üzvlərini təqdim edib. Modern.az Gürcüstan mətbuatına istinadən xəbər verir ki, parlamentdə hökumətin yeni tərkibinin təsdiq olunması üçün səsvermə keçiriləcək.

2014-cü ilin iyul ayıda baş nazir İrakli Qaribaşvilinin başçılığı altında formalaşan hökumət aprelin 29-da sayca 7-ci nazirin - idman və gənclər naziri Levan Kipianinin istefa verməsi ilə istefaya göndərilib. Kipinaidən bir gün öncə ətraf mühit və təbii sərvətlər naziri Elquca Xokrişvili istefa vermişdi.

İrakli Qaribaşvilinin təklif etdiyi yeni Nazirlər Kabinetinin tərkibində idman və gənclər naziri olaraq “İberia Business Group” avtomobil holdinqinin prezidenti Tariel Xiçikaşvilinin, ətraf mühit və ekologiya naziri olaraq deputat Qiqla Aqulaşvilinin, müdafiə naziri postuna isə parlamentin avrointeqrasiya məsələləri üzrə komitəsinin sədri Tina Xidaşelinin namizədliyi təklif olunub.

Bununla yanaşı, Nazirlər Kabinetinin digər üzvlərinin öz postlarında qalması təklif olunur: iqtisadiyyat və davamlı inkişaf naziri Georgi Kvirikaşvili, energetika və təbii sərvətlər naziri Kaxa Kaladze, əmək, səhiyyə və sosial müdafiə naziri David Sergeenko, qaçqınlar və işğal olunmuş Gürcüstan torpaqlarını məcburən tərk edən köçkünlərlə iş üzrə nazir Sozar Subari, təhsil və elm naziri Tamara Sanikidze, kənd təsərrüfatı naziri Otar Daneliya, regional inkişaf və infrastruktur naziri Nodar Cavaxişvili, maliyyə naziri Nodar Xaduri, mədəniyyət və tarixi abidələrin qorunması naziri Mixail Qiorqadze, ədliyyə naziri Teya Çulukiani, xarici işlər naziri Tamara Beruçaşvili, daxili işlər naziri Vaxtanq Qomelauri, proborsiya və məhkəmə qərarlarının icrası naziri Georgi Mqebrişvili, barışıq və vətəndaş bərabərliyi üzrə dövlət naziri Paata Zakareişvili, Avropa və avroatlantik məkana inteqrasiya məsələləri üzrə dövlət naziri David Bakradze və diasporla iş üzrə dövlət naziri Gela Dumbadze.

Ölkəmizdə səfərdə olan III Qlobal Bakı Forumunun iştirakçıları Bakının Nəsimi rayonundakı Əjdərbəy məscidində cümə namazında iştirak ediblər.

Qafqaz Müsəlmanları İdarəsindən (QMİ) Modern.az-a bildiriblər ki, QMİ-nin sədri Şeyxülislam Allahşükür Paşazadə və QMİ sədrinin birinci müavini Müfti Salman Musayev qonaqları səmimi salamlayaraq, dünya şöhrətli, nüfuzlu şəxsiyyətlərin Azərbaycana səfərlərinin yüksək dəyər kəsb etdiyini vurğulayıblar.

Türkiyənin keçmiş Prezidenti Abdullah Güllə görüşən A.Paşazadə Azərbaycan-Türkiyə dövlətləri və xalqları arasında dostluq və qardaşlığın dərinləşdirilməsi yönündə qonağın səylərini yüksək qiymətləndirib. Azərbaycanda keçirilən qlobal əhəmiyyətli tədbirdə qardaş Türkiyə dövlətinin nüfuzlu dövlət xadiminin iştirakını mühüm sayan QMİ sədri turk-İslam birliyinin ümumi mənafeləri üçün dəyərli hal kimi səciyyələndirib.

A.Gül isə öz növbəsində, Şeyxülislamla Azərbaycanda və Türkiyədə keçirdiyi görüşləri məmnunluqla xatırlayıb və A.Paşazadənin iki qardaş dövlət arasında dini-mənəvi əlaqələrin inkişafı üçün səylərini əvəzsiz kimi dəyərləndirib.

Səmimi qardaşlıq şəraitində keçən görüşün sonunda Şeyxülislam Türkiyənin sabiq Prezidentinə xatirə hədiyyəsi təqdim edib.

Gürcüstanın keçmiş prezidenti Mixail Saakaşvilinin lideri olduğu Vahid Milli Hərəkat Partiyasını bu ölkənin parlamentində təmsil edən azərbaycanlı deputat Azər Süleymanov Modern.az saytına müsahibə verib.

- Azər müəllim, Gürcüstanda ətraf mühit və təbii sərvətlər naziri Elquca Xokrişvilinin, onun ardınca idman və gənclər naziri Levan Kipianinin istefa verməsindən sonra hökumətdə böhran yarandı. Baş nazir bu gün Nazirlər Kabinetinin yeni tərkibinin formalaşdırılması ilə bağlı namizədlərin siyahısını açıqlasa da, prezident bir həftə bu məsələnin parlamentdə səsverməyə çıxarılmasını yubadıb. Gürcüstan hökumətində yaranan böhran barədəki fikirləriniz necədir?

- “Gürcü Arzusu” bloku hakimiyyətə gələndən sonra qarşıya qoyulan məqsədlərdən heç birinə nail ola bilməyib. Gürcüstanda hazırda hökumət böhranı ilə yanaşı, iqtisadi böhran də yaşanır. İqtisadi böhran zamanı isə idman naziri ilə ətraf mühit nazirinin istefası təəccüb doğurur. Halbuki, iqtisadi böhrana görə məsuliyyət daşıyan başqa nazirlər var idi.

Onlar, yəni ölkənin iqtisadi fəlakətə sürüklənməsinə görə məsuliyyət daşıyan nazirlər yerində qaldı, günahsız olmayan hökumət üzvləri istefa verdi. Bu onu göstərir ki, Gürcüstan dövlətində ciddi siyasi böhran mövcuddur. Nazirlərin dəyişilməsi ilə heç nə düzəlməyəcək.

- Bir az aydınlaşdıraq, siz konkret nəyi nəzərdə tutursunuz?

- Gürcüstanda kriminal hadisələrin, narkotik ticarətinin, “qanuni orğular”ın sayı artıb, iqtisadiyyat gündən-günə geriləyib. İndiki hakimiyyətin isə bundan çıxış yolu tapacağına ümid yoxdur.

- Sizcə, çıxış yolu nədir?

- Yeganə çıxış yolu ölkədə növbədənkənar parlament seçkisinin keçirilməsidir. Bidzina İvanaşvili isə kənardan müdaxilələrə, dövləti idarə etməyə son qoymalıdır.

- Gürcüstanda baş nazirlə prezident arasında da qalmaqal yaşanırdı. Sizcə, proseslərin mürəkkəbləşməsində bu amil də rol oynayıbmı?

- Gürcüstan prezidenti Georgi Marqvelaşvili Bidzina İvanaşviliyə tabe olmadığına görə baş nazir və parlament sədri ona qarşı cəbhə açıblar. Prezident bu komandanın içərisində yeganə insandır ki, ancaq Gürcüstan haqqında fikirləşir. Ancaq təəssüflər olsun ki, Bidzina İvanaşvili heç bir vəzifədə olmadan hakimiyyətin işinə nəzarət edir. Nazirlərin əksəriyyəti onun tərəfindən idarə olunur.

- Mixail Saakaşvilinin tərəfdarları çoxdur. Bu fakt Saakaşvilinin yenidən hakimiyyətə gəlişini zəruri edə bilərmi?

- Mixail Saakaşvilini istəyənlər çoxdur. Onun yenidən qayıdışına Gürcüstan xalqı qərar verə bilər. Mixail Saakaşvili prezident olanda sübut etdi ki, ölkə tarixindəki ən yaxşı rəhbərdir. Təəssüf ki, onun zamanında tikilən Gürcüstan sökülə-sökülə gedir. Belə getsə, Saakaşvilinin yenidən hakimiyyətə gəlməsi ehtimalları çoxdur.

“Azərbaycanda müşahidə olunan inkişaf bizə qürur verir”.

APA-nın məlumatına görə, bu sözləri Türkiyənin 11-ci prezidenti Abdullah Gül deyib. O, Azərbaycanın I Avropa Oyunları və digər mühüm tədbirlərə ev sahibliyi edəcəyini xatırladıb: “Bakı tarixi şəhərdir. 19-cu əsrdə neftin tapıldığı önəmli şəhərlərdən biri kimi dünyada böyük şəxslərin diqqətini cəlb edib. Bakı həm də siyasi paytaxtdır və Azərbaycan enerji resursları ilə zəngin ölkədir. Vaxtilə Bakı-Tbilisi-Ceyhan neft boru xətti yuxu kimi görünürdü. Ancaq reallaşdı. Sonra biz Bakı-Tbilisi-Ərzurum qaz boru xətini reallaşdırdıq. Çəkiləcək TANAP xətti də Azərbaycanı Avropada önəmli enerji mənbəyi olaraq ortaya çıxaracaq. Bakı-Tbilisi-Qars dəmir yol xətti çox önəmli layihədir və bitmək üzrədir. Bunlar Azərbaycan qaynaqlı layihələrdir. Gürcüstan və Türkiyə üzərindən çıxır və bütün Avropaya paylanır. Dünya bu layihələrə çox önəm verir”.