Qax Dövlət Kukla Teatrı mayın 3-dən 9-dək Gürcüstanın Marneuli rayonunda qastrolda olacaq.

Bu barədə AZƏRTAC-a teatrın direktoru Nazim Mahmudov məlumat verib.

Onun sözlərinə görə, qastrol səfəri ümummilli lider Heydər Əliyevin anadan olmasının 92-ci ildönümü ilə əlaqədar tərtib edilmiş tədbirlər planına uyğun həyata keçirilir.

Səfər zamanı teatrın yaradıcı kollektivi Marneuli şəhərində və rayonun kəndlərində soydaşlarımıza Hilal Həsənovun əsəri əsasında hazırlanmış “Üç keçi balası və canavar” tamaşasını təqdim edəcək. Tamaşanın quruluşçu rejissoru və musiqi tərtibatçısı Yusif Abdurahmanov, rəssamı Əmrah Məmmədovdur. Tamaşada əsas rolları teatrın aktyorları Zaur Paşazadə, Azər Kərimov, Afət Yaqubova, Aynurə Abbasova ifa edəcək.

Gürcüstandan qayıtdıqdan sonra isə Qax teatrı mayın 12-dən 15-dək Balakən rayonunda qastrol səfərində olacaq.

Hazırda teatrda, eyni zamanda, Əli Səmədlinin “Artıq tamah baş yarar” tamaşası üzərində məşqlərə başlanılıb. Tamaşa iyunda balacalara təqdim olunacaq.

Türkiyə “Eurovision 2015” Mahnı Müsabiqəsində iştirak etməyəcək.

“Eurovision”un mətbuat xidmətindən APA-nın sorğusuna cavab olaraq bildirilib ki, bu il iştirak edəcək ölkələr arasında Türkiyənin adı yoxdur: “Türkiyə Yayım Şirkəti olan TRT yarışma üçün iştirakını vaxtında təsdiqləmədiyinə görə “Eurovision 2015”-də iştirak etməyəcək”.

Qeyd edək ki, 2013-cü ildə səsvermə və püşkatma sisteminə etiraz edən Türkiyə yarışmaya qatılmayacağını açıqlasa da, bir müddət əvvəl TRT-nin baş direktoru Şenol Göka Avropa Yayım Birliyinin üzr istəməsi və TRT-nin tələblərini qəbul etməsindən sonra ölkənin yenidən müsabiqədə iştirak edəcəyini açıqlamışdı.

İstanbulda, Edition(Baku Plaza) otelində millət vəkili Qənirə Paşayevanın Türkiyə türkcəsində çıxan “Allah, seven kalplerdedir (“Seni Allaha aşk götürür”) və “Aşk Başka” adlı kitablarının təqdimatı və imzalanması olub. Modern.az xəbər verir ki, Türkiyənin ünlü simalarının tanınmış sənətçilər Orxan Gəncəbay, Oya Aydoğan, Sevim Emre, Nursaç Doğanışık, Bora Gencer, Mehmet Özkaya, Bünyamin Aksundur, Züleyha, tanınmış mediya rəhbərləri və televiziyaçılar Abbac Güclü, Güneri Civaoğlu, Cüneyt Özdemir, İsmayıl Ballı, Mustafa Kara, Nurcan Sabur, Nurettin Soydan, Selim Bakal, böyük şair Cemal Safi, şairə Ayşə Birgül Yılmaz, böyük alim və tasavvuf araşdırmaçısı Cemalnur Sargut, tanınmış ictimai-siyasi xadimlərin iştirakı ilə keçən təqdimat mərasimində ilk olaraq kitabları Türkiyə türkcəsinə uygunlaşdıran yazar İmdat Afşar çıxış edib. Ondan sonra təqdimatın keçirilməsinin təşkilatçısı Palmali şirkətlər qrupunun vitse-prezidenti İbrahim Nəbioğlu öz fikirlərini söyləyib. “Aşk Başka” kitabının öz söz yazarı və kitabın hazırlanmasına rəhbərlik etmiş ustad şair Cemal Safi çıxış edib və Qənirə xanımla, kitabla bağlı öz düşüncələrini bölüşüb və sonda Qənirə xanıma həsr etdiyi şeirini oxuyub. Məhz “Aşk Başka” kitabı üçün Qənirə xanıma hədiyyə etdiyi və ilk dəfə oxuculara təqdim ediləcək “Miracımız Qarabağdır” şeirini oxumağı isə Qənirə Paşayevanın özündən xahiş edib.

Sonra Qənirə Paşayevanın “Allah, seven kalplerdedir” kitabının ön söz yazarı və Qənirə xanımın dostu Cemalnur Sargut çıxış edərək həm kitab həm də Qənirə xanımla dostluqlarının tarixindən danışıb. Türkiyənin ən məhşur jurnalsitlərindən olan Abbas Güclü isə bildirib ki, Qənirə xanımın kitablarından əldə ediləcək bütün gəliri ata-anasız və ya ağır ailə vəziyyəti üzündən ali təhsil ala bilməyən qızların, özəlliklə hüquq təhsili almaq istəyən Azərbaycan və Türkiyədən olan qızlara bağışlaması önəmli addımdır və örnək bir addımdır. Bunun üçün millət vəkilinə təşəkkür edən Abbas Güclü kitabla, Qənirə xanımla dostluqları barədə fikirlərini də bölüşüb.

Türkiyənin tanınmış sənətçisi Orxan Gəncəbayın çıxışından sonra tədbirin yekununda millət vəkili Qənirə Paşayeva çıxış edib.Bu cür gözəl tədbirin təşkili üçün Palmali ailəsinə,tədbirdə iştirak edən bütün dostlara və medya mənsublarına təşəkkür edən millət vəkili Qənirə Paşayeva 40 yaşımı bu kitablarla və sizinlə birlikdə qeyd etmək mənim üçün çox böyük sevinc və qürurdur deyən Qənirə Paşayeva ona hər zaman dəstək olan insanlara, həyatında böyük rol oynamış şəxsiyyətlərə, dostlarına, bu kitabların işıq üzü görməsində dəstək göstərən bütün insanlara təşəkkür edib. Bizim ailəmiz zəngin deyildi amma atam hər zaman deyərdi ki, mən çox zəngin insanam, çünki mənim pulla alına bilməyəcək qədər çoxlu gözəl dostlarım var. Mən də çox zəngin insanam çünki sizin kimi çoxlu dəyərli dostlarım var deyən Qənirə Paşayeva Azərbaycanın müstəqilliyə keçdiyi yoldan, Ermənistanın işğal etdiyi torpaqlarımızda törətdiyi faciələrdən, Xocalı Soyqırımından, şəhid olan dostlarından, sinif yoldaşlarından, Azərbaycanın Ümumumilli lideri Heydər Əliyevin həyatında oynadığı böyük roldan, Prezident İlham Əliyev və Birinci Xanım Mehriban Əliyevanın o da daxil olmaqla gənc qadınların ölkənin həyatındakı rolunu daha da artırmaq üçün böyük dəstəyindən danışaraq mən Allahdan heç zaman özüm üçün çox şey istəmədim hər zaman sadəcə mənə xeyrli bildiyini ver deyə dua etdim.

Amma 40 yaşımın tamam olduğu bu gün ondan bir çox şey istəyirəm. “Allahdan mənə bundan sonra ailəmə layiq övlad, müəllimlərimə layiq öyrənci, dostlarıma layiq dost, Vətənimə, millətimə, torpağımıza layiq övlad ola bilmək üçün daha çox güc versin. Və ən əsası şəhid dostlarımın yanına üzü ağ gedə bilməyi nəsib etsin. Torpaqlarımızı işğaldan azad edən gün onların qəbirləri üzərinə o gözəl torpaqlarımızdan gətirib səpəcəyimə söz vermişdim. Allahdan ən çox bunu arzulayıram. Bir gün belə bir tədbiri Şuşada keçirə bilməyimizi arzulayıram”.

Millət vəkili Qənirə Paşayeva tədbirin sonunda bütün qadınları 8 Mart Qadınlar bayramı münaisbəti ilə də təbrik edərək, qızları daha çox oxutmalı, onların toplumda rolunu daha da artırmalı, qadına şiddətə qarşı daha çox mübarizə aparmalıyıq deyib. Kitabları haqqında danışan Qənirə Paşayeva bu kitablar özünə yolçuluğa çıxan bir insanın kitabıdır və əgər oxucuların az da olsa xoşuna gələrcə mənim üçün böyük mutluluq olur deyib. Kitabdan əldə olunacaq bütün gəlirin Azərbaycandan və Türkiyədən olan qızların ali təhsil ala bilməsinə dəstək üçün bağışlandığını deyən Qənirə Paşayeva bir neçə qızımızın xəyallarını gerçəkləşdirməyə dəstək ola bilməkdən gözəl nə ola bilər deyib və həmin qızları gələcəkdə qadın haqları sahəsində fəal şəxslər kimi görmək istədiyini də deyib.

Tədibrdə Qənirə Paşayevanın yazılarından parçalar da səsləndirilib. Tədbirin sonunda Türkiyə Baralor Birliyinin üzvü vəkil Saide Ekmen təşkilat adından millət vəkili Qənirə Paşayeya plaket təqdim edib və bildirib ki, onun adına Tema Vaqfına 5 ağaç əkilərək bağışlanıb. Qənirə Paşayeva kitablarını imzalayaraq tədbir iştirakçılarına hədiyyə edib.

Dekabrın 20-də Heydər Əliyev Mərkəzində Gürcüstanın Xalq Artisti, görkəmli kino aktyoru və müğənni Vaxtanq Kikabidzenin solo konserti keçirilib. Heydər Əliyev Mərkəzindən APA-ya verilən xəbərə görə, konsertin əvvəlində Bakının gözəlliyindən söz açan ifaçı bakılı tamaşaçılar qarşısında çıxışdan qürür duyduğunu bildirib.

Vaxtanq Kikabidze yaradıcılığının müxtəlif illərinin mahnılarını izləyicilərə onların tarixçələrini danışaraq təqdim edib. Şux zarafatlar, məzəli söhbətlərlə zalda şən ovqat yaradan ifaçının çıxışları alqışlarla qarşılanıb.

V. Kikabidzenin Bakı tamaşaçılarına təqdim etdiyi repertuarda onun məşhur “Mənim illərim - mənim sərvətim”, “Mimino” filmindəki mahnıları da olub. Heydər Əliyev Mərkəzinin səhnəsində ikinci dəfə çıxış etdiyini vurğulayan sənətkar bu ilin yanvarında həmin səhnədə təqdim olunan “Vera məhəlləsinin musiqiləri” müziklinin əsas mahnısını yenidən ifa edib.

Canlı əfsanə səhnəni tanınmış gürcü müğənnisi Liza Baqrationi ilə bölüşüb. İlk dəfə Bakıda olan ifaçı buradakı gözəlliyə və xeyirxahlığa valeh olduğunu bildirib. O, tamaşaçılara iki mahnı təqdim edib.

Konsertin sonunda tamaşaçı alqışları ilə bir neçə dəfə səhnəyə qayıdan V.Kikabidze proqramı Azərbaycan xalq mahnısı “Bəri bax”ın da daxil edildiyi “Qafqaz popurisi” ilə sona çatdırıb. O, bakılıları qarşıdan gələn Yeni il bayramı münasibətilə təbrik edib, sevgi və səadət arzulayib.

V.Kikabidze konsertdən öncə jurnalistlərə müsahibə verib və Bakını çox sevdiyini bildirib: “Mən həmişə çıxışlarımda demişəm ki, iki şəhərdə məmnuniyyətlə yaşayaram-onlardan biri Tbilisi, digəri Bakıdır. Mən bu şəhəri sevirəm və özümü burada çox yaxşı hiss edirəm. Burada mənim çoxlu dostlarım var və tez-tez bir-birimizə qonaq gedirik”.

İlk dəfə Bakıya 40-50 il əvvəl gəldiyini söyləyən sənətkar son illər bu şəhərin çox gözəl və möhtəşəm olduğunu bildirib: “Mən unikal Heydər Əliyev Mərkəzinin səhnəsində ikinci dəfədir çıxış edirəm və tamaşaçılara isti qəbul, sevgi və hörmətə görə minnətdarlığımı bildirirəm. Bu heyrətamiz bina məni yalnız memarlığı ilə deyil, həm də artistin uğurlu çıxışı üçün vacib əhəmiyyət daşıyan xoş aurası ilə valeh edib”.

Gürcüstanın paytaxtında Beynəlxalq Qadınlar Assosiasiyasının təşkilatçılığı ilə “Qış sərgisi” adlı xeyriyyə yarmarkası keçirilib.

ANS TV-nin məlumatına görə, Tiflisdə fəaliyyət göstərən 23 xarici ölkənin diplomatik nümayəndəliklərinin qatıldığı yarmarkada iştirakçılar ölkələrini milli yeməkləri, məhsulları, eləcə də sənətkarlıq nümunələrilə tanıtmağa çalışıblar. Azərbaycanın bu ölkədəki səfirliyi də xeyriyyə məqsədilə yanaşı xarici vətəndaşların ölkəmizin mədəniyyəti, tarixi və mətbəxilə tanış ola bilmələri üçün ayrıca guşə yaradıb.

Azərbaycanın Gürcüstandakı səfirliyinin ataşesi Samirə Ağayeva sərgidə UNESCO-nun bu yaxınlarda siyahıya saldığı Azərbaycan kəlağayılarını da burda nümayiş etdiririk: “Digər suvenirlərimiz vardır, həmçinin yeyinti məhsulları, Azərbaycan çayı, Azərbaycan şərabları, konyakları satışa çıxarılmışdır. Onu deyə bilərəm ki, stendimizə çox böyük maraq var”.

Bu maraq Azərbaycan mətbəxindən Şah plov və dolmanın, müxtəlif təlamların, soyuq qəlyanaltıların satışının təşkil olunduğu masada da hiss olunurdu.

Qonaq Tamuna Qurçaninin sözlərinə görə, Azərbaycan mətbəxini çox sevir: “İlk dəfə Bakıda dadmışam plovu. Bilmirdim ki, sizin mətbəxdə bu qədər çeşid var. Sərgiyə daxil olanda əvvəl bir şey yemək barədə düşünmürdüm. Amma plovu görəndən sonra mütləq yeyəcəm dedim”.

Yarmarkada iştirak edən ölkələr arasında milli geyimləri, adət-ənənələrilə türkdilli ölkələrin özünə daha çox diqqət çəkdiyini aydın görmək olurdu.

Türkiyəli iştirakçılar da öz ölkələrini bir sıra sənət nümunələrilə təmsil edirlər. Bunların arasında qonaqların ən çox diqqətini çəkən isə türklərin dili ilə desək yazı sənətidir.

Hər il təşkil olunan “Qış sərgisi”ndə müxtəlif ölkələrin diplomatlarını, Gürcüstan hakimiyyətinin rəsmilərini və iş adamlarını da görmək mümkündür. Məhsulların satışından əldə edilən vəsait isə xeyriyyə məqsədilə istifadə olunur.

Gürcüstan torpaqlarının Rusiyaya birləşdirilməsinə hakimiyyətin göz yummasına etiraz edən gürcülər kütləvi aksiya keçiriblər. Minlərlə aksiyaçı parlament qarşısına Abxaziyanın anneksiyasına etiraz olaraq toplaşmışdı.

ANS TV-nin Gürcüstan bürosunun məlumatına görə, ötən həftə hökumətin istefalar dalğası ilə üzləşən Gürcüstan hakimiyyəti bu gün rusiyapərəst siyasətinə görə qınaq obyekti olub.

Tiflisin mərkəzi prospektlərindən olan Rustavellidə nəqliyyat vasitələrinin hərəkəti tamamilə məhdudlaşdırılıb. Hazırda iştirakçılar mitinqin keçiriləcəyi köhnə parlament binasının qarşısına doğru hərəkət edirlər.

Mixail Saakaşvilinin rəhbərlik etdiyi Vahid Milli Hərəkat Partiyasının keçirdiyi mitinqdə 10 minə yaxın insan iştirak edirdi. Etirazçılar Abxaziya və Cənubi Asetiya ərazilərinin Rusiyaya tam birləşdirilməsinə qarşı çıxırlar. Onlar Gürcüstan hakimiyyətini bu məsələyə göz yummaqda ittiham edirlər.

Mitinqdə Gürcüstanla yanaşı Ukrayna, Avropa Birliyi və ABŞ bayraqları dalğalanırdı. “Rusiya dayan!”, “Putin dayan!” yazılarının olduğu plakatlar da diqqət çəkirdi.

Təşkilatçılar belə mitinqlərin davamlı olacağını bəyan ediblər.

Ötən gün isə parlament iclasıni baykot edən Vahid Milli Hərəkat Partiyasının deputatları spiker David Usupaşvilinin çıxışını dinləmədən zalı tərk ediblər. Buna səbəb isə iclasın əvvəlcədən deyildiyi kimi prezident Georgi Marqvelaşvili ilə debat şəklində keçməməsi olub.