Oktyabrın 31-dən noyabrən 1-dək Heydər Əliyev Mərkəzində III Bakı Beynəlxalq Humanitar Forumu keçirilib. III Bakı Beynəlxalq Humanitar Forumunda dünyanın 70-dən çox ölkəsindən rəsmi şəxslər, sabiq prezidentlər, tanınmış elm, mədəniyyət xadimləri, Nobel mükafatı laureatları iştirak ediblər.

İki gün davam edən Forumda səkkiz sahə üzrə "dəyirmi masa"lar təşkil edilib: "Texnologiyaların konvergensiyası və gələcəyin konturları: XXI əsrin əsas çağırışları", "İqtisadi inkişafın humanitar aspektləri", "Elmi innovasiyalar və onların təhsil mühitinə transferi", "Multikulturalizm və özgünlük: cəmiyyətdə dəyər konsensusu axtarışında", "Postmodern dövrdə milli özünüdərk", "Davamlı inkişaf və ekoloji sivilizasiya", "Molekulyar biologiya və biotexnologiyanın nailiyyətləri: nəzəriyyədən təcrübəyə", "Qloballaşan informasiya məkanında medianın aktual məsələləri".

UNESCO-nun Dünya İrs Mərkəzi tərəfindən Azərbaycan Mədəniyyət və Turizm Nazirliyi və UNESCO üzrə Milli Komissiyanın təşkilatçılığı ilə oktyabrın 29-dan 31-dək Bakıda Dünya İrs Mərkəzinin Periodik Hesabatlar üzrə Mərkəzinin, Cənubi və Şərqi Avropa ölkələri əlaqələndirici şəxslərinin və Azərbaycan üzrə UNESCO-nun Dünya İrs Siyahısında olan ərazilərin rəhbərlərinin treninq-seminarı keçiriləcək.

Mədəniyyət və Turizm Nazirliyindən APA-ya verilən məlumata görə, treninq-seminarın keçirilməsində əsas məqsəd ərazisində dünya irsi abidəsi olan Mərkəzi, Cənubi və Şərqi Avropa ölkələri üzrə dövrü hesabatın hazırlanması, o cümlədən Mərkəz tərəfindən təqdim edilmiş Sorğunun mərkəzin rəsmi saytında onlayn rejimində cavablandırılması metodunun öyrənilməsidir.

Təbdir çərçivəsində qonaqların UNESCO-nun Dünya İrs Siyahısına daxil olunmuş abidələrə - "İçərişəhər" Dövlət Tarix-Memarlıq və Qobustan Milli Tarix-Bədii qoruqlarına səfərləri təşkil olunacaq.

Oktyabrın 27-dә Türkiyәnin Bolu şәhәrindә beynәlxalq Koroğlu festivalı başlamışdır. Festivalda Türk dünyasının çeşidli ölkәlәrini-Azәrbaycanı, Özbәkistanı, Qırqızstanı, Qazaxstanı, Rusiya Federasiyasının Saxa Respublikasını (Yakutya), Türkmәnistanı, Uyğur bölgәsini vә digәr ölkәlәri tәmsil edәn, çoxsaylı nümayәndә heyәtlәri qatılmışdır.
Bolu şәhәrinin mәrkәzi meydanında keçirilәn festival, Türkiyәnin Mehtәr musiqi qrupunun çıxışı ilә açılmışdır. Bolu şәhәr bәlәdiyyәsinin sәdr müavini Әminә Davarçıoğlu Türkiyə respublikasının dövlәt başçısı Abdullah Gülün festival iştirakçılarına ünvanladığı tәbrik mәktubunu oxumuşdur. Abdullah Gül öz mәktubunda festivalın işinә uğurlar dilәmiş, bu festivalın Koroğlu dәyәrlәrinin öyrәnilmәsi vә tәbliği baxımından böyük әhәmiyyәt kәsb etdiyini vurğulamışdır. Tәbrik mәktubu bu sözlәrlә tamamlanmışdır: “Koroğlu sadәcә bir dastan deyildir, hamımızı birlәşdirәn ortaq dәyәrdir vә bu dәyәrdәn yetәrincә faydalanmalıyıq”.

Gəncliyə Yardım Fondu (GYF) qurban kəsmək və paylamaq fəaliyyətinə 1994-cü ildən başlamışdır.
Fonddan AzərTAc-a bildirmişlər ki, bu ilki Qurban bayramında Türkiyənin Əziz Mahmud Hüdayi vəqfinin maddi köməyi ilə xeyirxah işini davam etdirmişdir.
Bu il də kəsilən 20 ton qurban ətinin bir hissəsi Azərbaycan Respublikası Nazirlər Kabinetinin göstərişi ilə Bərdə rayonunun Təklə və Lənbəran kəndlərində, eyni zamanda, Göygöl rayonunun Murovdağ qəsəbəsində məskunlaşan qaçqın və məcburi köçkünlərə, şəhid ailələrinə paylanılmışdır. Başqa sözlə, qeyd edilən bölgələrdə yaşayan 1000 ailə bayram sevincini Gəncliyə Yardım Fondunun xeyirxah aksiyası sayəsində yaşamışdır.

Oktyabrın 16-dan Gürcüstanın Siqnaxi şəhərində Gürcüstanın İdman və Gənclər Nazirliyi ilə Azərbaycan Gənclər və İdman Nazirliyinin birgə layihəsi olan Beynəlxalq Gənclər Festivalına start veriləcək.

Gənclər və İdman Nazirliyindən APA-ya verilən məlumata görə, festivalın keçirilməsində məqsəd iki ölkə arasında gənclər və idman sahəsində əməkdaşlığı inkişaf etdirmək, ünsiyyət və əlaqələrin formalaşdırılmasına şərait yaratmaqdır.

Tədbirdə Azərbaycan tərəfindən gənclər və idman naziri Azad Rəhimovun və digər rəsmi şəxslərin, respublikanın aparıcı gənclər təşkilatlarının rəhbərlərinin, ictimai fəal, yaradıcı və istedadlı gənclərin iştirakı nəzərdə tutulur.

Oktyabrın 19-dək davam edəcək festival çərçivəsində Azərbaycan və Gürcüstan hökumətləri arasında gənclərlə iş və idman sahələrində imzalanmış əməkdaşlıq haqqında sazişlərin müddəalarını həyata keçirilməsi üçün 2014-2015-ci illər üçün tədbirlər planı imzalanacaqdır. Bundan başqa, idman yarışları, müxtəlif sənətkarlıq işlərinin sərgisi, milli xörəklərimizin nümayişi, moda sərgisi, hər iki ölkənin gənclər təşkilatları ilə görüş və Azərbaycan və Gürcüstan gənclərinin iştirakı ilə konsert proqramının təşkili nəzərdə tutulub.

Zaqatala rayonu 2013-cü il üçün “Azərbaycanın folklor paytaxtı” elan olunmuşdur. Folklor ili çərçivəsində Zaqatalada növbəti tədbir - “Xalq sənəti, el təranələri” Ümumrespublika Xalq Yaradıcılığı bayramı keçirilmişdir.
Mədəniyyət və Turizm Nazirliyi, Zaqatala Rayon İcra Hakimiyyəti və Mədəni İrsin Qorunmasına Dəstək İctimai Birliyinin təşkilatçılığı ilə keçirilən bayram tədbirində yerli kollektivlərlə yanaşı, Balakən, Qax, Masallı və Şamaxı rayonlarından gəlmiş folklor və rəqs kollektivləri də iştirak etmişlər.Qeyd olunmuşdur ki, qədim tarixi abidələri, fauna və florası, ətirli çayı, qızılgülü ilə məşhur olan Zaqatala etnik baxımdan da zəngin diyardır. Burada 20-dək xalqın nümayəndəsi yaşayır. Əsrlər boyu birgə yaşayış buradakı mədəni irsi daha da zənginləşdirmiş, xalq sənətinin inkişafına təkan vermişdir. Müxtəlif xalqların folklor və xalq yaradıcılığı nümunələri bu gün də yaşadılır, qorunur, inkişaf etdirilir.
Bayram tədbirində iştirakçı rayonların folklor və rəqs kollektivləri rəngarəng konsert proqramı ilə çıxış etmişlər.
Tədbirin sonunda kollektivlərə rayon icra hakimiyyətinin diplom və xatirə hədiyyələri təqdim olunmuşdur.