Dalga Televiziyasi Dünya
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün2432
DünənDünən2804
Bu həftəBu həftə8552
Bu ayBu ay35242
Bu günə qədərBu günə qədər2883683

Bizi Paylaşın

Video Xəbərlər

 

Təqvim


Dünya

Yaponiyada zəlzələ qurbanlarının sayı artıb

Ötən gün Yaponiyanın şimalındakı Hokkaido adasında baş verən zəlzələ nəticəsində ölənlərin sayı 21-ə çatıb.

 6,7 bal gücündəki zəlzələ meşəlik sahələrdə torpaq sürüşmələrinə səbəb olub.

Sürüşmə nəticəsində 21 nəfər ölüb, daha 13 nəfər isə itkin düşüb.

İtkin düşənlərin axtarışları davam edir. Ölənlərin üçü istisna olmaqla, qalanının Atsuma qəsəbəsi ətrafındakı sürüşmədə həyatını itirdiyi bildirilir.

5,4 milyon əhalinin yaşadığı adaya elektrik enerjisinin verilməsi bərpa edilib. Beynəlxalq hava limanı yenidən işə başlayıb.

Motor istehsalının böyük qismini bu adada həyata keçirən avtomobil nəhəngi "Toyota" fəlakətə görə istehsala müvəqqəti fasilə verib.

İndoneziyada avtobus dərəyə aşıb, 17 ölü

İndoneziyada turistlərin olduğu avtobus dərəyə aşıb.

 hadisə nəticəsində 17 nəfər ölüb, onlarla adam xəsarət alıb.

Avtobusda "Honda" şirkətinin rəsmi təmsilçisi olan "Catur Putra Group" şirkətinin əməkdaşları olub.

İlkin versiyaya görə, avtobus sürücünün idarəetməni itirməsi nəticəsində dərəyə düşüb. 

Bu qidalar gözün sağlamlığını qoruyur — SİYAHI

İş və şəhər həyatı bir çox hallarda sağlam qidalanma tempini aşağı salır. Bu isə eyni zamanda göz sağlamlığı üçün də təhlükəlidir.

Sağlam və stabil qidalanma orqanizmə müsbət  təsir etdiyi kimi, göz sağlamlığı üçün də vacibdir.

Gözün sağlamlığı üçün A, C, E vitaminləri, beta karoten ilə zəngin qidalar qəbul etmək lazımdır. Bu maddələrlə zəngin qidaların siyahısını təqdim edirik.

Yerkökü

Göz sağlamlığı deyəndə ağlımıza ilk olaraq yerkökü gəlir. Qidaların tərkibindəki A vitamini və beta karoten gözə faydalıdır. A vitamini isə yerkökünün tərkibində çoxdur. Bundan başqa Omeqa 3 və 6 yağ turşuları, sink və maqnezium kimi minerallarla zəngin qidaları da qəbul etmək yaş artdıqca yaranan görmə probleminin qarşısını alır.

Qırmızı bibər

Qırmızı bibərin tərkibindəki A vitamini gözün gecə vaxtı görmə qabiliyyətini və müqavimətini artırır.

İspanaq

İspanağın tərkibindəki A vitamini gözün gecə vaxtı görmə qabiliyyətini və müqavimətini artırır.

Şirin kartof

Tərkibində olan C vitamini gözdə katarakt və digər problemlər riskini azaldır.

Qarağat

Qarağatın tərkibindəki C vitamini gözdə katarakt və digər problemlər riskini azaldır.

Somon balığı

Somon balığı Omeqa-3 yağları ilə zəngindir. Bu isə göz üçün çox faydalıdır.

İraqda kütləvi aksiyalar: yeddi ölü

İraqın Bəsrə şəhərində keçirilən kütləvi etiraz aksiyaları zamanı təhlükəsizlik qüvvələri ilə nümayişçilər arasında baş verən toqquşmalar zamanı yeddi nəfər ölüb, 30-dan çox insan yaralanıb. 

Bununla bağlı yerli mənbələr məlumat yayıb. 

Məlumata görə, hökumət sakinlərin evlərindən çıxmasına qadağa qoyub. Sosial şəbəkələrdə yayımlanan kadrlarda mitinq iştirakçılarının yerli administrasiyanın binasına od vurduğu görünür. 

Bildirilib ki, etirazlara kommunal sahədəki vəziyyət səbəb olub. Bundan öncə, İraqın cənubunda sosial şəratin yaxşılaşdırılması, içməli su, elektrik enerjisi, işsizlik və korrupsiya problemləri səbəbindən etiraz aksiyası keçirilmişdi. 

Yaponiyada hava limanı su altında qaldı

"Cebi" qasırğasının gətirdiyi güclü yağışlar Yaponiyanın qərbindəki Osaka şəhərindəki Kansay beynəlxalq aeroportunun su altında qalmasına səbəb olub. 

Təyyarələrin dayanacağı və eniş zolağı tamamilə suya qərq olub.

Aeroport rəhbərliyi əvvəlcədən bütün reysləri təxirə salıb.

Xatırladaq ki, Yaponiyada "Cebi" qasırğasına görə 600-dən çox reys təxirə salınıb.

Almaniyada azərbaycanlı tələbələrə hücum — Təhqir edib dəyənəklə döydülər

Almaniyada təhsil alan üç azərbaycanlı tələbə Meklenburq-Ön Pomeraniya əyalətinin Rostok şəhərində küçədə hücuma məruz qalıb.

Hadisə sentyabrın 1-də baş verib, polis isə bu barədə sentyabrın 2-də məlumat yayıb.

Belə ki, şənbə günü şəhərarası elektrik qatarını gözləyən üç azərbaycanlı gəncə qadınla kişi-ər və arvad  yaxınlaşıb. Onlar irqçi süarlar səsləndirərək, həmyerlilərimizi təhqir ediblər. 

Daha sonra kişi tələbələrdən birinə dəyənəklə zərbə endirib və cütlük hadisə yerini yaxınlaşan qatarla tərk edib.

 

Rostok polisi araşdırmaya başlayıb və insidentin şahidlərini axtarır.

Digər bir məlumata görə, tələbələrdən biri baş verənləri əvvəldən axıradək lentə ala bilib və onu polisə təqdim edib.

Türkiyədə dəhşətli qəza: çox sayda ölü

Türkiyədə traktorla mikroavtobusun toqquşması nəticəsində ən azı 7 nəfər həlak olub, 19 nəfər yaralanıb.

Hadisə Qaziyəntəp əyalətində baş verib. 

Qəza zamanı 4 nəfər həlak olub, daha 3 nəfər isə aldığı xəsarətlərdən dünyasını dəyişib.

Yaralılar xəstəxanaya yerləşdiriliblər. Onlardan üçünün vəziyyəti son dərəcə ağırdır.

Qəzanın səbəbləri araşdırılır.

ABŞ-ın SSRİ-nin məhvinə dair məxfi planları açıqlandı

Ötən əsrin 60-cı illərində ABŞ hökuməti SSRİ-nin məhv edilməsinə dair plana malik olub.

Bu barədə Corc Vaşinqton universitetinin nəzdindəki "Milli təhlükəsizlik arxivi" qeyri-hökumət təşkilatının saytında bildirilir.

Təşkilatın dərc etdiyi bir sıra sənədlərə əsasən, ABŞ nüvə zərbəsi endiriləcəyi təqdirdə SSRİ və Çini məhv etmək imkanlarını nəzərdən keçirib.

Amerika rəhbərliyi SSRİ şəhərlərində yaşayan əhalinin 71 faizinin öldürülməsini ehtimal edib.

2015-ci ilin dekabrında ABŞ-ın Milli arxivlər və sənədlər idarəsi 1959-cu il üçün Amerikanın atom bombaları üçün potensial hədəflərin siyahısını dərc etmişdi. Siyahıya keçmiş SSRİ-nin yüzlərlə şəhəri daxil edilmişdi.

Soçi aeroportunda sərnişin təyyarəsi yandı

Moskvadan havaya qalxan "UTair" aviaşirkətinin "Boeing 737" təyyarəsi Soçi hava limanında enişdən sonra çaya yuvarlanıb.

Bu barədə şənbə günü, sentyabrın 1-də, şirkətin rəsmi saytında yerləşdirilən məlumatda bildirilir.

Laynerin şassiləri və qanadları sıradan çıxıb, mühərriki alovlanıb.

Bildirilir ki, təyyarədə 164 sərnişin və altı ekipaj üzvü olub. Hadisə zamanı 18 nəfər, o cümələdən üç uşaq xəsarət alıb.

Rusiya hüquq-mühafizə orqanları faktla bağlı araşdırmaya başlayıb.

Rusiyada hərbi zavodda partlayış: ölənlər var

Rusiyanın Nijeqorod vilayətində yerləşən Y.M.Sverdlov adına nəhəng müdafiə zavodunda partlayış baş verib. Hadisə zamanı üç nəfər ölüb, üç nəfər yaralanıb, daha üç nəfərin taleyi isə naməlum olaraq qalır.

Bununla bağlı "RİA Novosti" agentliyi regionun fövqəladə hallar idarəsinin nümayəndəsinə istinadla məlumat yayıb. 

"Hadisə nəticəsində üç nəfər ölüb, üç nəfər isə yaralanıb. Daha üç nəfərlə bağlı məlumat yoxdur. Güman olunur ki, onlar dağıntılar altında qalıb", - o deyib. 

Partlayışdan sonra başlayan yanğın artıq 100 kvadrat metr ərazini əhatə edib. Hadisə yerində yanğınsöndürən və xilasetmə briqadaları cəlb edilib. 

İnsident ammonal istehsal edən sexdə baş verib. 

Almaniyada çaxnaşma — Hitlerin davamçıları aksiya keçirir

 

Almaniyanın şərqindəki Xemnitz şəhərində bir almanın öldürülməsindən sonra irqçi nümayişlər başlayıb.

İfrat sağ görüşlü qruplarla qarşı tərəf arasında toqquşma olub.

Bazar günü bir almanın küçə davasında bıçaqlanaraq öldürülməsindən sonra irqçi nümayişlər start götürüb. Belə ki, küçə festivalında bir alman öldürülüb, ikisi isə yaralanıb. Davanın səbəbi bilinmir.

Hadisədən sonra 23 yaşlı bir suriyalı ilə 22 yaşlı iraqlı saxlanılıb. Sosial mətbuatda davanın səbəbi kimi bir qadının zorlanması yazılır. Polis isə iddiaları rədd edir. Bazar günü 100 nəfərlik etiraz aksiyası keçirilib. Sonra isə 800 nəfərlik qrup Karl Marksın heykəli qarşısına yığışıb.

Bəzi aksiya iştirakçıları qeyri-almanlara əllərindəki şüşələri atıblar. İslam və xaricilərə qarşı çıxış edən "Pegida" hərəkatı isə dünən günorta saatlarında aksiya keçirib.

İfrat sağ görüşlü millət vəkili Markus Frohnmayer də Tvitter hesabında məsələ ilə bağlı yazıb:

"Əgər dövlət vətəndaşını qorumursa, insanlar küçələrə çıxıb özlərini qoruyar. Bu qədər sadə".

 

 

ABŞ-da Azadlıq heykəlinin yaxınlığında partlayış: minlərlə insan təxliyyə edildi

ABŞ-da Azadlıq heykəlinin yaxınlığında partlayış baş verib. 

Buna görə Liberti adasından 3 mindən çox adam təxliyyə olunub. 

Hadisəyə səbəb heykəl yaxınlığındakı qaz balonlarının partlaması olub. 

İlkin ehtimala görə, partlayış tikinti işləri aparan şəxslərin təhlükəsizlik qaydalarını pozmaları nəticəsində baş verib. Fəhlələrdən biri yanıq xəsarətləri alıb. 

Saytda Axtarış

Son xəbərlər