Dalga Televiziyasi Dünya
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün4062
DünənDünən4506
Bu həftəBu həftə29980
Bu ayBu ay100000
Bu günə qədərBu günə qədər2516521

Bizi Paylaşın

Video Xəbərlər

 

Təqvim


Dünya

Tramp: Missiya yerinə yetirildi

alt

ABŞ prezidenti Donald Tramp ötən gecə Suriyaya ABŞ, Britaniya və Fransa tərəfindən endirilmiş raket zərbələrini şərh edib.

Tramp "missiyanın yerinə yetirildiyini" bildirərək, London və Parisə göstərdikləri dəstəyə görə təşəkkür edib.

"Ötən gecə zərbələr mükəmməl şəkildə yerinə yetirildi. Göstərdikləri fədakarlığa və silahlı qüvvələrinin qüdrətinə görə Fransaya və Birləşmiş Krallığa təşəkkür edirəm. Bundan yaxşı nəticə ola bilməzdi. Missiya yerinə yetirildi!",- deyə Tramp "Twitter" hesabında yazıb.

Ağ Ev rəhbəri eyni zamanda ABŞ silahlı qüvvələri ilə qürur duyduğunu bildirib. Yaxın zamanda Birləşmiş Ştatlar ordusunun daha da güclənəcəyini vədd edib.

Türkiyədə xəstəxana yanır

Türkiyənin Bursa şəhərində yerləşən psixiatriya klinikasında güclü yanğın baş verib.

Bu barədə Türkiyə KİV-də məlumat yayılıb.

Yanğın xəstəxananın yeməkxanasında meydana gəlib.

Hadisə yerinə çox sayda yanğınsöndürən və xilasedici göndərilib, yanğının lokallaşdırılması üçün əməliyyat keçirilir.

Klinika rəhbərliyi bütün pasiyentlərin təxliyə olunduğunu və heç kimin xəsarət almadığını bildirib.

https://youtu.be/HV3vbG7p0Cs

ABŞ Suriyanı niyə vurduğunu açıqladı

ABŞ Əsəd rejiminin Dumada kimyəvi silah istifadə etdiyinə "əmin" olduğunu açıqlayıb.

Ağ Ev sözçüsü Sara Sanders bildirib ki, keçən həftəsonu Dumada dinc əhaliyə qarşı təşkil edilən hücumun Əsəd rejimi tərəfindən həyata keçirildiyindən əmindirlər.

"Rusiyanın Suriyaya əngəl olmaması da problemin bir parçasıdır".

Ağ Evin hücumla bağlı yaydığı məlumatlar isə qısaca belədir:

"ABŞ Suriya rejiminin 7 aprel 2018-ci ildə Dumada onlarla uşaq, qadın və kişini öldürən, yüzlərlə insanın yaralanmasına səbəb olan hücumda kimyəvi silahdan istifadə edildiyindən əmindir.

Bu nəticəyə hücuma dair xəbərlər, qurbanlarda müşahidə olunan simptomlar, hücumdan sonra iki kimyəvi bombanın görüntüsü olan video və fotoşəkillər, Suriya əsgərləri arasında koordinasiyanı göstərən etibarlı məlumatlar sayəsində gəlinib.

Məlumatların çoxu Dumadakı bombardmanda rejimin xlor qazı istifadə etdiyini göstərdiyi halda, rejimin eyni zamanda sarin qazı istifadə etdiyini göstərən dəlillər var.

Bu, fərdi bir hadisə deyil. Suriya rejiminin kimyəvi silah proqramını sonlandırdığını elan etdikdən sonra da ondan istifadə etdiyini göstərən faktlar mövcuddur.

7 apreldə hadisə şahidləri Dumada spesifik Mi-8 helikopteri gördüklərini bildiriblər. Bu helikopter rejimin Dumayr hava bazasından qalxıb. Şahidlər bildirib ki, helikopter bir neçə bomba atıblar. Rejim ölkədəki müharibə müddətində bu taktikadan çox istifadə edib. Onlar fərq qoymadan, bütün dincə əhalinin məhvinə çalışırlar.

Dumaya atılan bombalar rejimin əvvəl atdıqları kimyəvi silahlarla eynidir. Xlorin tərkibli olduğu müəyyənləşdirilən kimyəvi maddənin koordinasiyasında Suriya ordusuna məxsus şəxslər yer alıb.

Həkimlər və sağlıq quruluşları hücumdan sonra kəskin xlor qazı qoxusu təsbit ediblər.

Rusiya Əsəd rejiminə səssiz qalmaqla bərabər, İngiltərədə sui-qəsd təşəbbüsündə kimyəvi maddədən istifadə edib, bununla göstərib ki, kimyəvi silahlarla bağlı tabuya hörməti yoxdur".

ABŞ Suriyaya qarşı hərbi əməliyyata başladı

ABŞ Qərargah rəisləri birləşmiş komandanlığının sədri Cozef Danford bəyan edib ki, Suriyaya zərbələr başa çatıb.

O, bu barədə Pentaqon rəhbəri Ceyms Mettislə birgə mətbuat konfransında bildirib.

Danfordun sözlərinə görə, hədəflərdən biri tədqiqat mərkəzi, digəri kimyəvi silah anbarı olub. General bütün hədəflərin Dəməşqin "kimyəvi silah proqramı" ilə bağlı olduğunu qeyd edib.

Öz növbəsində Mettis bəyan edib ki, ABŞ Suriya ərazisinə yeni zərbələri planlaşdırmır. Pentaqon rəhbəri son atəşi "birdəfəlik hücum" adlandırıb.

Yerevanda Serj Sarkisyana qarşı kütləvi aksiya keçirilir

Yerevanın Azadlıq meydanında  Ermənistanın  keçmiş prezidenti Serj Sarkisyanın baş nazir təyin olunması planına qarşı kütləvi etiraz aksiyası keçirilir.

Bu barədə "news.am" məlumat yayıb.

Aksiyanı "Vətəndaş müqaviləsi" müxalifət partiyasının lideri Nikola Paşinyanın tərəfdarları təşkil edib.

Partiya üzvləri martın 31-dən etibarən Ermənistanın bir çox şəhərlərində yürüşlər və etiraz aksiyaları keçirir. 

Partiya fəalları aprelin 17-də Ermənistan parlamentinin binasını mühasirəyə alacaqlarını və baş nazirin seçilməsi ilə bağlı səsverməyə əngəl olacaqlarını xəbərdar edib.

Tramp: Hazır ol, Rusiya, raketlərimiz gəlir!

ABŞ prezidenti Donald Tramp Suriyaya hərbi müdaxilələrlə əlaqədar açıqlama ilə çıxış edib.

Oxu.Az xəbər verir ki, o "Twitter" hesabında  yazıb:

"Rusiya Suriyaya atacağımız raketləri vuracaqmış. Hazır ol, Rusiya, çünki raketlərimiz gəlir".

Tramp "tweet"ində Suriyadakı kimyəvi silahla həyata keçirilmiş qətliama da toxunub və Rusiyaya müraciət edib:

"İnsanları qazla öldürən və bundan zövq alan bir heyvanla tərəfdaş olmamalı idiniz".

Əlcəzairdə təyyarə qəzası: 257 ölü

Əlcəzair Müdafiə Nazirliyinə məxsus İL-76 hərbi-nəqliyyat təyyarəsinin qəzaya uğraması nəticəsində 257 nəfər ölüb.

Ölənlərdən çoxu hərbi qulluqçulardır.

Qəza yerinə nazir müavini, ordu generalı Əhməd Qayd Salah da gəlib.

İran İsraili təhdid etdi

İsrailin Suriyanın Humus vilayətindəki aviabazaya raket zərbələri endirməsi cavabsız qalmayacaq.

Bunu İranın dini lideri Əli Xamneyinin baş məsləhətçisi Əli Əkbər Vilayəti İsrailin Suriyada yerləşən T-4 hərbi hava bazasına hücumla bağlı danışarkən deyib.

Xatırladaq ki, İsrailin hərbi təyyarələri Humusda rejimə aid T-4 hava bazasına hücum təşkil etmişdi. İran mətbuatı hücumda üç iranlı polisin öldüyünü açıqlamışdı.

İran XİN sözçüsü Bəhram Qasımi nazirliyin saytında yayımlanan açıqlamasında ölkəsinin İsrailin Suriyaya hücumunu qınadığını bəyan etmişdi.

T-4 hava bazası rejimin xüsusən son dövrlər Şərqi Qutadakı kimyəvi silahlı hücumları həyata keçirən təyyarələrin qalxdığı hərbi baza olaraq tanınır. Bazada İran hərbi qüvvələri də var.

Suriyada aviabazaya hücum: 15 ölü

İsrailin səhər saatlarında Suriyanın Homs vilayətindəki hava bazasına endirdiyi raket zərbələri nəticəsində üç iranlı həlak olub.

Bu barədə "FARS" agentliyi məlumat yayıb.Agentliyin məlumatına görə, ölənlərdən ikisi Təbriz, biri Əhvaz şəhərindən olub.

Xatırladaq ki, bazar ertəsi İsrail hərbi hava qüvvələri sübh çağında Suriyanın Tifor aviabazasına zərbələr endirib. Rusiya Müdafiə Nazirliyinin məlumatına görə, raketlər iki “F-15” qırıcısından buraxılıb. Raketlərdən üçü hədəfinə çatıb, qalanları  havada zərərsizləşdirilib. 

Hücum zamanı rusiyalı hərbi müşavirlər arasında ölən və ya yaralıların olmadığı  bildirilir.

Türkiyədə universitetə silahlı hücum: Dörd ölü

Türkiyədə, Əskişəhər Osmanqazi Universitetində silahlı insident baş verib.

Əskişəhər Osmanqazi Universitetitinin təhsil fakültəsinə silahlı hücum olub.

Hücum nəticəsində dörd təhsil işçisi dünyasını dəyişib. 

Verilən məlumata görə, silahlı insidenti universitetin müəllimi törədib. 

Şübhəli şəxs yaxalanıb.

Dünyanı aclıq gözləyir – HESABAT

Dünyanın 51 ölkəsində 124 milyon nəfərə yaxın insan ərzaq təhlükəsizliyi problemi yaşayır.

Bu barədə BMT-nin Ərzaq və Kənd təsərrüfatı Təşkilatının (Food and Agriculture Organization - FAO) Qlobal Ərzaq Böhranı hesabatında qeyd edilir.

Ərzaq defisiti, eləcə də, aclıq o qədər ciddi səviyyədədir ki, bu, yaşam üçün ciddi təhlükə yaradır. 

Vəziyyətin bu səviyyəyə çatması yeni və artan uzunmüddətli münaqişələrlə bağlıdır. Hansı ki, Konqo Demokratik Repsublikasında, Cənubi Sudanda, Yəməndə müşahidə edilir. 

Quraqlıq Şərqi və Cənubi Afrikada qida təhlükəsizliyi və qidalanma səviyyəsi aşağı olan ölkələrdə məhsul çatışmazlığına gətirib-çıxarıb.

Hesabatda qeyd edilir ki, 18 ölkədə hökm sürən münaqişələr ərzaq çatışmazlığının əsas səbəbidir. O da bildirilir ki, 18 ölkədən 15-i Afrikada və ya Yaxın Şərqdə yerləşir. 

Qarşıdurmalar 2018-ci ildə qida böhranının əsas səbəbi olaraq qalacaq. Bu, Əfqanıstana, Mərkəzi Afrika Respublikasına, Cənubi Sudan, Yəmən, Liviya, eləcə də, Saxelə təsir edəcək: 

"Aclıq və ərzaq çatışmazlığı bütün dünyada milyonlarla insanın həyatına təhlükə yaradır. Yoxsulluq, qida böhranlarına qarşı daha strateji addımlar atılmalıdır. Əgər biz aclığın yox olmasını istəyiriksə, münaqişələr və aclıq əlaqəsini araşdırmalıyıq". 

İsveçrə dağlarında qar uçqunu baş verib: Ölənlər var

İsveçrə dağlarında qar uçqunu baş verib.

Hadisə nəticəsində 3 nəfər ölüb.

Daha 2 nəfər isə yaralanıb. İlkin məlumatlara əsasən, qar uçqununa düşənlərin hamısı İspaniya vətəndaşıdır.

Saytda Axtarış

Son xəbərlər