Dalga Televiziyasi Dünya
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün2428
DünənDünən2804
Bu həftəBu həftə8548
Bu ayBu ay35238
Bu günə qədərBu günə qədər2883679

Bizi Paylaşın

Video Xəbərlər

 

Təqvim


Dünya

Rusiyada dəhşətli yanğın

Rusiyanın Korolyov şəhərində baş verən yanğın artıq 8 saatdır ki, davam edir.

Yanğın lokallaşdırılıb, lakin FHN-dən bəzi ocaqlarda yanğının davam etdiyi bildirilir. 

Xilasedicilərin sözlərinə görə, bu, küləyə görə baş verir. İlkin ehtimallara əsasən, yanğına səbəb odla ehtiyatsız hərəkət olub.

Yeddi mərtəbəli binadakı yanğının söndürülməsinə ümumilikdə 122 nəfər və 33 müxtəlif texnika növü, o cümlədən helikopter də cəlb olunub.

 

Binada 210 sakin yaşayır. Hadisə zamanı xəsarət alan olmayıb.

İranda güclü zəlzələ: Ölənlər var

İranın İraqla sərhədi yaxınlığında 6,1 bal gücündə zəlzələ baş verib.

 ABŞ Geoloji Xidmət Mərkəzinin məlumatına görə, yeraltı təkanlar Kirmanşah şəhərindən 87,8 km aralıda qeydə alınıb.

Zəlzələ nəticəsində iki nəfər ölüb, 232 nəfər xəsarət alıb.

Zəlzələnin ocağı 10 km dərinlikdə yerləşib. 

Al-Sumaria telekanalının məlumatına əsasən, yeraltı təkanları hətta Bağdad sakinləri də hiss ediblər.

Peruda 7,1 bal gücündə zəlzələ oldu

Peruda 7,1 bal gücündə zəlzələ baş verib. Bununla bağlı ABŞ Geoloji Xidməti məlumat yayıb. 

Yeraltı təkanlar yerli vaxtla 09:04-də qeydə alınıb.

Zəlzələnin episentri İberiya bölgəsindən 138 kilometr aralıda, yerin 609,5 kilometr dərinliyində yerləşib. 

Dağıntı və tələfatla bağlı hələlik heç bir məlumat yoxdur.

Nənəsinin qarajından yarım milyonluq avtomobil tapdı

ABŞ-da yaşayan bir tələbə nənəsinin istifadə edilməyən qarajından sərvət tapıb.

Gənc 1980-ci ildən qalma iki ədəd lüks idman avtomobili tapıb. Avtomobillərin qiyməti 430 min dollardır.

Eriegin adlı gənc evin heç istifadə edilməyən qarajına girib və ətrafına baxıb. Əvvəlcə o, qırmızı rəngli idman avtomobili görüb. Bir çox qutu və zibilin arasında maşına baxan gənc qapının yanında da üstü örtülü bir maşın tapıb. Maşının üstündəki parçanı qaldıran Eriegin 1981-ci il istehsalı olan "Lamborghini Countach" maşını ilə qarşılaşıb. Digər avtomobil isə "Ferrari 308" modelidir.

Gəncin babası 1989-cu ildə kirayə avtomobil şirkəti qurmaq üçün maşınları alıb. Amma sonra sığorta xərci çox olduğu üçün işdən imtina edib. Maşınları isə satmaq əvəzinə qaraja salıb.

Tarixin ayaq izləri: Dünyanın ən kədərli abidəsi - FOTO

II Dünya Müharibəsinin macar xalqına qalan "yadigarları" Macarıstanın paytaxtı Budapeştdə yerləşən Parlament binasının qarşısında, Tuna çayının sahili boyunca düzülmüş dəmir ayaqqabılardır.

1944-cü ilin oktyabr ayında Hitler tərəfindən devrilən Macarıstan hökumətinin lideri Miklos Horti Ferençin kreslosunda Szalasi əyləşib. 

Hitlerin ideologiyasını dəstəkləyən Szalasi yəhudiləri vəhşi metodlarla öldürməyə başlayıb.

Təxminən, 80 min yəhudi Macarıstandan Avstriya sərhədinə qovulub. 20 min yəhudi isə Szalasi hökuməti tərəfindən Tuna çayı sahilində vəhşicəsinə qətlə yetirilib. Qurbanlardan silah gücü ilə ayaqqabılarını çıxarmaları və çaya atılmaları tələb edilib. Çaya atlayan qurbanlar güllələnərək qətlə yetirilib.

Bu unudulmaz qətliam uzun illər Macarıstanda yaşayan məşhur rejissor Can Toqay və heykəltəraş Qyula Pauer tərəfindən ölümsüzləşdirilib. 

Layihənin sahibi Can Toqay insanlıq dramına diqqət çəkmək üçün həmin günlərdən yadigar qalan xatirələri dəmir ayaqqabılar ilə ölümsüz etmək istəyib. Tuna çayı boyunca uzanan bu ayaqqabı muzeyində indi 60 cüt ayaqqabı var.

Bu abidə o dövrdə insanların şəxsiyyətinin özəlliklərindən də detallar daşıyır. Öldülürən insanların peşəsi, şəxsiyyəti və cinsiyyəti nəzərə alınmadan necə bir dəhşətli niyyətin qurbanı olduqları bu əsərlə göz önünə sərilir – bir kişinin çəkməsi, bir qadının hündürdaban ayaqqabıları və uşaq ayaqqabıları...

Budapeştdəki abidənin düzəldilməsindən sonra Avropada həyata keçirilən yəhudi qətliamları xatırlanmağa başlanıb

 

"Ən böyük arzum Qarabağda qurban kəsməkdir" — AKP rəsmisindən AÇIQLAMA

Türkiyə Böyük Millət Məclisinin (TBMM) sabiq deputatı, hakim "Ədalət və İnkişaf" partiyasının (AKP) komissiya sədri Mustafa Kabaqçı müqəddəs Qurban bayramı münasibətilə Azərbaycan xalqını təbrik edib.

AKP rəsmisi açıqlamasında Türkiyə və Azərbaycana eyni gözlə baxdığını söyləyib. 

O, Azərbaycan Prezidentinə və xalqına firavanlıq arzu etdiyini deyib.

M.Kabaqçı bildirib ki, Azərbaycan və Türkiyə əkiz qardaşlardır:

"Mən ürəyim həm Türkiyə, həm də Azərbaycanla döyünür. Qardaş Azərbaycan mənim ikinci Vətənimdir. Millətimiz də eynidir. Biz eyni tarixi kökə bağlıyıq. Ona görə də Azərbaycanın sevinci bizim sevincimiz, kədəri isə bizim kədərimizdir. Eynilə Türkiyə də Azərbaycan üçün elədir".

 

Sabiq deputat Azərbaycanın erməni işğalı altında olan torpaqları ilə bağlı da ürəyindən keçən arzularını dilə gətirib:

"Bu gün həm Türkiyədə, həm də qardaş Azərbaycanda Qurban bayramı qeyd olunur. Ancaq mənim ən böyük arzum Qarabağda və işğal altında olan digər Azərbaycan torpaqlarında qurban kəsməkdir. Allah mənə bu günü görmədən dünyadan köçməyi nəsib etməsin! Qarabağ tarixi türk torpaqlarıdır. İnşallah gec-tez Azərbaycan öz torpaqlarını düşmən tapdağından azad edəcək".

Hindistanda növbəti biabırçılıq — Yeni doğulan körpəni kanalizasiyaya atdılar

Hindistanda insanın qanını donduran hadisə baş verib.

Yoldan keçən vətəndaşlar qəribə səslər eşidiblər. Gita adlı qadın bir pişik balasının kanalizasiya quyusuna ilişdiyini düşünərək yardım etmək qərarına gəlib.

Gita su arxına əlini uzadanda şoka düşüb. Çünki tutduğu pişik yox, körpə imiş. Qadın uşağın ayaqlarından tutaraq onu sudan çıxarıb. Körpənin bədəni göm-göy olub və göbəyi də boğazına dolanıb. Gita göbək bağını körpənin boynundan açıb və təmiz su ilə uşağı yaxalayıb. Sonra isə təcili surətdə xəstəxanaya aparıb. Xəstəxanada körpəni reanimasiya şöbəsinə yerləşdiriblər. Gita körpəə Sutantiram adının verilməsini xahiş edib

Gürcüstan vətəndaşları Tovuzda qəzaya düşüb

Tovuz rayonunda yol qəzası baş verib.

Hadisə rayonun Cəlilli kəndində qeydə alınıb. 

Belə ki, hərəkətdə olan motosikletin idarəetmədən çıxaraq aşması nəticəsində Gürcüstan vətəndaşı olan ər və arvad müxtəlif dərəcəli bədən xəsarətləri alıb. Onlardan 1964-cü il təvəllüdlü Ziyanida adlı qadın xəstəxanaya yerləşdirilib və əməliyyata alınıb. Onun həyat yoldaşına isə ambulator yardım göstərilib.

Faktla bağlı araşdırma aparılır.

İspaniyada Ermənistan və Gürcüstan vətəndaşlarından ibarət cinayətkar dəstə yaxalanıb

İspaniyada mütəşəkkil cinayətkarlıqla əlaqədə şübhəli bilinən bir Ermənistan və iki Gürcüstan vətəndaşı saxlanılıb.

"Report" RİA "Novosti"yə istinadən xəbər verir ki, üç kişi Marbelyi restoranlarından birində, ehtimal ki, "rəqib qruplaşma üzvünün qətlini" planlaşdıran zaman tutulublar.

Saxlanılan canilərin hamısı adam öldürməyə qəsd etmə, sənədləri saxtalaşdırma və cinayətkar qruplaşmaya aid olma ittihamı üzrə həbs olunubalar.

Misir hərbçiləri 52 terrorçunu məhv etdi

Misir Silahlı Qüvvələrinin və Daxili İşlər Nazirliyinin Sinay yarımadasında və Liviya sərhədləri yaxınlığında birgə keçirdiyi "Sinay-2018" əks-terror əməliyyatları nəticəsində 52 ekstremist məhv edilib.

Misir Silahlı Qüvvələrinin məlumatına görə, ölkənin Hərbi Hava Qüvvələri sərhədi qeyri-qanuni keçməyə cəhd göstərən silah-sursatla dolu 15 avtomobilə hücum edib və 39 xüsusi təhlükəli ekstremist öldürülüb.

Sinay yarımadasının şimalında Əl-Ariş şəhərində keçirilən daha bir əməliyyat zamanı isə təhlükəsizlik qüvvələri 13 ekstremisti məhv edib.

Bundan əlavə, Sinayın şimalında və mərkəzi hissəsində 49 xüsusi təhlükəli cinayətkar saxlanılıb.

Venesuela prezidentinə sui-qəsd

Venesuela prezidenti Nikolas Maduronun ölkə paytaxtı Karakasda Bolivar Milli Qvardiyasının yaradılmasnın növbəti ildönümündə çıxışı zamanı partlayış baş verib.

 Bu barədə yerli El Observador nəşri yazıb.

Dövlət başçısının nitqi canlı efirdə yayımlanıb. YouTube-də peyda olmuş televiziya kadrlarında Maduronun niqtini yarımçıq saxlayıb havaya baxdığı görünür.

Onun həyat yoldaşıı Kiliya Floresdə yuxarı baxır, sonra kamera paradda iştirak edən əsgərlərdən birini çəkir. Növbəti ümumi kadrda isə hərbi qulluqçuların qaçmağa başladığı göstərilir.

Prezident təxliyə olunub. Venesuelanın rabitə və informasiya naziri Xorxe Rodriqes mətbuata açıqlamasında ölkə prezidentinə sui-qəsd olduğunu təsdiqləyib.

Hücum edənlər partlayıcı bərkidilmiş drondan istifadə ediblər. Qurğu Maduronun çıxış etdiyi səhnənin önündə işə düşüb. Altı qvardiya əsgəri yaralanıb, prezidentin özü isə xəsarət almayıb. 

Hadisədən sonra Venesuelanın "Soldados de Franelas" silahlı qruplaşması Nikolas Maduroya qəsdə görə məsuliyyəti öz üzərinə götürüb və bu barədə məlumatı Twitter-də yerləşdirib.

Onların sözlərinə görə, C4 partlayıcısı ilə yüklənmiş iki drondan istifadə ediblər. Lakin apartlar prezidentin olduğu yerə çata bilməyib, çünki onları snayperlər vurublar.

Associated Press-in məlumatına görə, Maduro qəsddə günahkar olan bir neçə nəfərin saxlanıldığını bildirib.

Venesuela prezidentinin rəyinə görə, ona qəsdin arxasında Kolumbiyanın rəhbəri Xuan Manuel Santos dayanır, təşkilatda həmçinin venesuelanın ifrat sağçı qrupları da iştirak edirlər.

Maduro 2018-ci ilin mayında 68% səs toplayaraq, təkrar Venesuela prezidenti seçilib.

"Soldados de Franelas" qruplaşması özünü Maduro hakimiyyətinə qarşı müqavimət qüvvələrinin ittifaqı kimi təqdim edir.

 

 

İndoneziyada sunami təhlükəsi — Zəlzələdə 3 nəfər ölüb

İndoneziyada daha bir zəlzələ baş verib.

Təbii fəlakət Lombok adasında qeydə alınıb. 7 maqnituda gücündə baş verən zəlzələ nəticəsində azı 3 nəfər həyatını itirib.

Yeraltı təkanların episentri Mataram şəhərindən şimal-şərqdə yerləşib. Zəlzələnin ocağı yerin 10 km dərinliyində qeydə alınıb. Sunami təhlükəsi elan olunub.

 

Sunami təhlükəsi elan olunub.

Saytda Axtarış

Son xəbərlər