Dalga Televiziyasi Dünya
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün2416
DünənDünən2804
Bu həftəBu həftə8536
Bu ayBu ay35226
Bu günə qədərBu günə qədər2883667

Bizi Paylaşın

Video Xəbərlər

 

Təqvim


Dünya

İndoneziyada dağıdıcı zəlzələ sunamiyə səbəb oldu

İndoneziyanın Sulavesi adasında 7,4 maqnitudalı zəlzələdən sonra güclü sunami əmələ gəlib. 

Hündürlüyü iki metrə çatan dalğa sahildəki tikililəri dağıdıb, kiçik gəmini okeana aparıb. 

Bununla belə zərərçəkən olmayıb. 

Qeyd edək ki, Sulavesidə zəlzələ nəticəsində bir nəfər ölüb, onlarla adam xəsarət alıb.

Əhalinin təxliyə edilməsi prosesi davam edir.

https://youtu.be/VpSGvN6xnSY

İllərin araşdırması nəticə verdi — Dünyanın ən böyük quşu

İngiltərədə alimlər dünyanın ən böyük quşunun 3 metr hündürlükdə, 800 kq ağırlıqda olan nəsli kəsilmiş bir quş növü olduğunu kəşf ediblər.

Londonun Zoologiya institutunun tədqiqatçıları uzun illər davam edən araşdırma nəticəsində belə qənaətə gəliblər.

Məlum olub ki, "Vorombe titan" adlandırılan quşun hündürlüyü 3 metr, çəkisi 800 kq olub.

Bu günə qədər dünyanın ən böyük quşu Madaqaskarda yaşayan 400 kq çəkisi olan fil quşları sayılırdı. Son tədqiqatlar zamanı isə Madaqaskarda yaşayan və nəsli kəsilmiş bir quşun isə dünyanın ən böyük quş olduğu üzə çıxdı.

Zoologiya institununun baş elmi işçisi Ceyms Hansford bildirib ki, "Vorombe titan" Madaqaskarda 1200 il əvvələ qədər yaşayıb. Bu quşlar bitki, meyvə, toxum və yarpaqla qidalanıb.

 

Tədqiqatın nəticələri "Royal Society Open Science" jurnalında yayımlanıb.

Nepalda sel 117 can aldı

alt

Nepalda son 5 ayda yağan şiddətli yağışlar güclü selə səbəb olub.

Sel nəticəsində 117 nəfər həlak olub. Bu barədə Nepalın daxili işlər nazirliyindən məlumat verilib.

Açıqlamaya əsasən, aprel ayından sentyabr ayına qədər yağan şiddətli yağışların səbəb olduğu sel 117 nəfərin ölümünə, 183 nəfərin xəsarət alması ilə nəticələnib.

 

Açıqlamada qeyd edilib ki, sözügedən dövr ərzində 310 torpaq sürüşməsi, 80 sel qeydə alınıb. Sel və torpaq sürüşmələri 2.200 ailəyə təsir edib.

İnsanlığın ölmədiyini sübut edən görüntülər — Bataqlığa düşən maral belə xilas edildi

Rusiyanın Sibir vilayətindəki Yamal şəhərindən keçən Mordyaha çayında bataqlığa düşən maral xilas edilib.

Ərazidən keçən iki nəfər uzun müddət əlləşərək maralı xilas edə biliblər.

Yamal şəhərindəki çaya bir maral düşüb. Maral getdikcə daha dərinə batıb və ölüm təhlükəsi ilə üz-üzə qalıb. Təsadüfən ərazidən keçən iki nəfər yerli sakin maralı xilas etmək üçün irəli atılıblar. Onlar maralın buynuzuna ip bağlayıblar. İplə maralı dartsalar da, onu bataqlıqdan çəkib xilas edə bilməyiblər. Bundan sonra iki nəfərdən biri maralın yanına yaxınlaşaraq buynuzlarından dartmağa başlayıb. 10 dəqiqəlik əziyyət bəhrəsini verib. Maral bataqlıqdan xilas olub.

 

Nəhəng balinanın cəsədini dalğalar sahilə vurdu — FOTO

Avstraliyanın Royal Milli Parkının sahillərinə dalğalar nəhəng balinanın cəsədini atıb.

Hər gün minlərlə yerli sakin balina cəsədinə tamaşa etmək üçün əraziyə axışır.

18 metr uzunluğu, 40 ton çəkisi olan balinanın ölüm səbəbi araşdırılır. Mütəxəssislər ölü balinanın regiondakı köpək balıqlarının sayını artıracağını ehtimal edirlər. Bu səbəbdən çimərlikdə çimmək qadağan edilir.

Dünyanın ən təhlükəli şəhərləri məlum oldu

Dünyanın ən təhlükəli şəhərləri məlum olub. 

Numbeo araşdırma portalının ekspertləri müvafiq siyahı tərtib ediblər. 

Bu il ilk "beşlik"də Karakas (Venesuela), Port-Morsbi (Papua Yeni Qvineya), Fortaleza (Braziliya) və Durban (Cənubi Afrika Respublikası) yer alıb. 

327 şəhərin yer aldığı siyahıda Moskva 144-cü yer tutub. 

Abu-Dabi (BƏƏ), Doha (Qətər) və Bazel (İsveçrə) isə dünyanın ən təhlükəsiz şəhərləri hesab olunur. 

İranda hərbi parad vaxtı terror aktı törədildi — Ölənlərin sayı 24-ə çatdı

İranda hərbi parad zamanı törədilən terror aktında ölənlərin sayı 24-ə çatıb.

53 nəfər yaralanıb. Onların arasında qadınlar və uşaqlar da var.

Agentliyin məlumatına görə, terror aktına görə məsuliyyəti “Əhvazdakı patriot ərəb demokratik hərəkatı” qruplaşması öz üzərinə götürüb. Qeyd edək ki, bu qruplaşmanın Səudiyyə Ərəbistanı ilə əlaqəsi var.

Tanzaniyada dəhşətli qəza — 86 ölü

Tanzaniyanın Viktoriya gölündə dəhşətli qəza baş verib.

300-dən çox sərnişini olan gəmi batıb. Qəza nəticəsində ən azı 86 nəfər həlak olub. 37 nəfər xilas edilsə də, yüzlərlə insan itkin düşüb.

Gəmi göldəki ən böyük ada sayılan Ukereve sahillərində batıb. Rəsmilər bildiriblər ki, gəmidə sərnişin həddindən artıq çox olub. Mvanza bölgə polisinin rəisi Conatan Şana bildirib ki, 86 nəfər həlak olub.

Şana axtarış-xilasetmə işlərinin davam etdiyini, ən azı 200 nəfərin itkin düşdüyünü bildirib. Eyni zamanda isə ölü sayının artacağından da narahat olduqlarını qeyd edib.

ABŞ-da silahlı atışma nəticəsində 3 nəfər ölüb, 5-i yaralanıb

ABŞ-da silahlı toqquşma baş verib.

Hadisə Merilend ştatının Harford dairəsində qeydə alınıb.

Belə ki, naməlum şəxslər arasında baş verən atışma nəticəsində 3 nəfər olub, 5 nəfər yaralanıb.

Alimlərdən dünyanı qorxudan xəbərdarlıq: “Hər an Günəş fırtınası ola bilər”

Alimlər Günəş ilə bağlı qorxunc açıqlama veriblər.

İngilis mütəxəssislər günəş fırtınalarının artacağını və yüksək sürətli radioaktiv hissələrin Dünyadakı elektrik sistemləri və rabitəni məhv edəcəyini bildiriblər.

İngiltərənin Kosmik Agentliyi və alman alimlər kosmosa yeni sistem göndərərək daha dəqiq nəticələr ala biləcəklər. Alimlər  "Günəş fırtınalarının bizə təsir etməsi an məsələsidir: açıqlamasını veriblər.

Avropa Kosmik Agentliyi bir neçə günə yeni layihəyə başlayır. Layihə Günəşdəki fırtına və partlayışlarla bağlıdır.

 

"Kosmosa göndəriləcək yeni sistem alimlərin və millətlərin gələcəkdəki Günəş fırtınaları və partlayışlara qarşı tədbir görməyimizi nəzərdə tutur", - deyə açıqlama verilib.

Putin vurulmuş təyyarəyə görə cavab tədbirlərindən danışdı

Rusiya prezidenti Vladimir Putin Suriyada İl-20 təyyarəsinin məhvini 2015-ci ildə türk hərbçilərinin Su-24 təyyarəsini vurması ilə müqayisə etməməyə səsləyib.

Rusiya dövlətinin başçısı İl-20 təyyarəsinin vurulmasını "faciəvi hadisələrin zənciri" adlandırıb.

"Məlum hadisələrlə, türk qırıcısının bizim təyyarəmizi vurması ilə bağlı müqayisəyə gəldikdə isə, o, hər halda başqa vəziyyət idi. Burada, görünür, təsadüfi, faciəvi zəncirlər halqası yer alıb", - deyə Putin bildirib.

Rusiyalı lider bəyan edib ki, ölkəsinin İl-20 təyyarəsinin vurulmasına cavabı Suriyadakı rusiyalı hərbçilərin əlavə təhlükəsizliyinin möhkəmləndirilməsinə yönələcək və hər kəs bu tədbirləri görəcək.

"Cavab tədbirlərinə gəldikdə, onlar ilk növbədə Suriya Ərəb Respublikasındakı hərbi qulluqçularımız, obyektlərimizin əlavə təhlükəsizliyinin təmin olunmasına yönələcək”, - deyə dövlət başçısı əmin edib.

Qeyd edək ki, çərşənbə axşamı Rusiya Müdafiə Nazirliyi İl-20 radioelektron mübarizə təyyarəsinin vurulduğunu bəyan edib. Hadisə İsrailin F-16 qırıcılarının Suriyanın Latakiya əyalətinə hücumu zamanı baş verib. Təyyarənin göyərtəsində olan 15 nəfər həlak olub. 

Rusiyanın müdafiə naziri Sergey Şoyqu baş vermiş hadisədə İsraili günahlandırıb. Belə ki, İsrail tərəfi həmin gün ərazidə əməliyyat keçirəcəyi barədə Rusiyanı məlumatlandırmayıb və nəticədə, suriyalı hərbçilər havadakı İsrail qırıcılarını rus təyyarəsi ilə səhv salaraq, sonuncunu raketlə vurublar.

Rusiyanın təyyarəsi Suriyada vuruldu

Rusiyanın müdafiə nazirliyi "İl-20" rus hərbi təyyarəsinin dünən gecə Aralıq dənizində radardan itdiyini bildirmişdi.

nazirlik təyyarə ilə bağlı yeni açıqlama verib.

"Təyyarəmiz Suriyada vurulub. Bunun səbəbi İsraildir", - deyə Rusiyanın müdafiə nazirliyi açıqlama verib.

Nazirlik bildirir ki, təyyarə Suriyaya məxsus "S-200" hava hücumundan müdafiə sistemi tərəfindən vurulub. Nəticədə 15 hərbçi həlak olub.

 

Açıqlamada qeyd edilir ki, təyyarə İsrailə aid dörd ədəd "F-16" qırıcısının Suriyanın Lazkiyə şəhərinə etdiyi hücum əsnasında yoxa çıxıb. Aralıq dənizində Fransaya aid bir hərbi gəmidən də regiona raket hücumu edilib.

Saytda Axtarış

Son xəbərlər