Dalga Televiziyasi Cəmiyyət
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün339
DünənDünən898
Bu həftəBu həftə5069
Bu ayBu ay25221
Bu günə qədərBu günə qədər2781163

Bizi Paylaşın

Video Xəbərlər

 

Təqvim


Cəmiyyət

Azərbaycanda dəhşətli qətl

alt

Azərbaycanda dəhşətli qətl hadisəsi baş verib.

İmişli Rayon Polis Şöbəsindən verilən məlumata görə, hadisə bu gün rayonun Nəriman Nərimanov küçəsi, 171 ünvanında qeydə alınıb.

Rayon sakini, 1944-cü il təvəllüdlü Davud İslam oğlu Abbasov aralarında yaranan münaqişə nəticəsində rayon ərazisində qaz pulu yığan 1962-ci il təvəllüdlü Mübariz Xosrov oğlu Fərəcovu tüfəngdən atəş açaraq qətlə yetirib.

Daha sonra D. Abbasov tüfənglə özünü də vurub. O, hadisə yerində ölüb.

Faktla bağlı araşdırma aparılır. 

Azərbaycanda məcburi köçkünlərə yemək xərci üçün verilən aylıq müavinət 10 faiz artırılıb

Azərbaycan prezidenti İlham Əliyev məcburi köçkünlərə yemək xərci üçün verilən aylıq müavinətin artırılması haqqında sərəncam imzalayıb.


“APA-Economics”in məlumatına görə, aylıq müavinətin məbləği 2013-cü il sentyabrın 1-dən 10 faiz artırılıb.

Baş redaktorun həyat yoldaşını öldürən şəxslə bağlı yeni məlumatlar

alt

Azərbaycan Həmkarlar İttifaqları Konfederasiyasının sədr müavininin həyat yoldaşını öldürən şəxsin daha bir cinayət əməli ortaya çıxıb.

Abşeron Rayon Polis Şöbəsi əməkdaşları tərəfindən avqustun 16-da qəsdən adam öldürdüyünə görə tutulan Əlaqif Abbasovun ətrafında aparılan əməliyyat tədbirləri nəticəsində onun avqustun 3-də Xırdalan şəhər sakini Əminə Məmmədovanın evindən 2000 manat pul, 1000 manat dəyərində qızıl əşyaları və iyulun 27-də Güləbəddin Orucovanın evindən 3250 manat pul və qızıl əşyalarını oğurlaması da müəyyən edilib.

Qeyd edək ki, Ə. Abbasovun “Bərəkət-98” firmasının ofisindən içərisində 100 manat və möhür olan seyfi, Reyhan Müzəffərovanın evindən 2850 manat pul oğurlanması da müəyyən edilib.

Xatırladaq ki, avqustun 14-də Hökməli qəsəbəsində Azərbaycan Həmkarlar İttifaqları Konfederasiyasının sədr müavini Aqil Dadaşovun 1955-ci il təvəllüdü həyat yoldaşı Elmira Xalid qızı Dadaşova Əlaqif Abbasov tərəfindən bıçaqlanaraq qətlə yetirib.

Ə. Abbasov ilkin ifadəsində evə oğurluq məqsədi ilə girdiyini bildirib.

Azərbaycanda dövlət büdcəsindən maliyyələşən bir sıra təşkilatlarda çalışanların əmək haqları artırılıb - SİYAHI

Azərbaycan prezidenti İlham Əliyev dövlət büdcəsindən maliyyələşən bir sıra təşkilatlarda çalışan işçilərin əmək haqlarının artırılması haqqında sərəncam imzalayıb.


“APA-Economics”in məlumatına görə, dövlət büdcəsindən maliyyələşən aşağıda göstərilən təşkilatlarda çalışan rəhbər və digər işçilərin aylıq vəzifə maaşları 2013-cü il sentyabrın 1-dən orta hesabla 10 faiz artırılıb:

- Azərbaycan Milli Elmlər Akademiyasının Rəyasət Heyəti və aparatı, Naxçıvan bölməsinin aparatı, Gəncə bölməsinin aparatı, Elmi İnnovasiyalar Mərkəzi;

- Heydər Əliyev Mərkəzi;

- Azərbaycan Respublikasının Prezidenti yanında Strateji Araşdırmalar Mərkəzi;

- Azərbaycan Dövlət Teleqraf Agentliyi (AzərTAc);

- “Azərbaycan Milli Ensiklopediyası” Elmi Mərkəzi;

- Azərbaycanda Atatürk Mərkəzi;

- Azərbaycan Respublikasının dövlət arxivləri və onların filialları, rayon (şəhər) dövlət arxivləri;

- Azərbaycan Respublikasının Prezidenti yanında Dövlət Sirrinin Mühafizəsi üzrə İdarələrarası Komissiyanın İşçi Qrupu;

- Əsir və İtkin Düşmüş, Girov Götürülmüş Vətəndaşlarla Əlaqədar Dövlət Komissiyasının İşçi Qrupu;

- Azərbaycan Respublikasının Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupu;

- Azərbaycan Respublikası Mədəniyyət və Turizm Nazirliyinin Dövlət Film Fondu və onun Naxçıvan filialı;

- Azərbaycan Respublikasının Prezidenti yanında Elmin İnkişafı Fondu;

- Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu;

- Azərbaycan Respublikasının Prezidenti yanında Qeyri-hökumət təşkilatlarına Dövlət Dəstəyi Şurasının Katibliyi;

- Azərbaycan Respublikasının Prezidenti yanında Gənclər Fondu.

Azərbaycan Respublikasının Nazirlər Kabinetinə dövlət orqanlarının tabeliyində olan dövlət büdcəsindən maliyyələşdirilən qurumların dövlət qulluqçusu olmayan işçilərinin (Vahid Tarif Cədvəli əsasında əməkhaqqı alan işçilər istisna olmaqla) vəzifə maaşlarının orta hesabla 10 faiz artırılmasını təmin etmək, sərəncamda göstərilən təşkilatlarda və nəzərdə tutulan qurumlarda çalışan rəhbər və digər işçilərin vəzifə maaşlarının yeni məbləğlərini müəyyən etmək tapşırılıb.

Ermənistan əsir düşən əsgərimizi qaytarmağa razıdır

alt

Ermənistan əsiri geri qaytaracaq 

Ermənistan tərəfi əsir götürülən Azərbaycan hərbçisinin geri qaytarmağa razı olub. 

Bu barədə müdafiə nazirinin mətbuat xidmətinin rəhbəri Artsrun Ovannsiyan məlumat verib. Onun sözlərinə görə, Azərbaycan hökumətinin qərarından asılı olmayaraq, Ermənistan əsiri geri qaytaracaq. 

Ermənistan Azərbaycan tərəfinə əsir düşən Akop İnciqulyanın qarşılığında Firuz Fərəcovun qarşı tərəfə təhvil veriləcəyini də vurğulayıb:

“Biz azərbaycanlı əsiri sağ-salamat geri qaytarmaq üçün hərbi əsirlərə qarşı məsuliyyətimizi ifadə edən sazişlər imzaladığımız müvafiq beynəlxalq təşkilatlarla işləyəcəyik”.

”Erməni əsir istəsə, ölkəsinə qaytarılacaq ”

alt

Dövlət Komissiyası Azərbaycanda saxlanılan erməni əsirin öz ölkəsinə qaytarılmasında problem görmür”

“Əsir və itkin düşmüş, girov götürülmüş vətəndaşlarla əlaqədar Dövlət Komissiyası Azərbaycanda saxlanılan erməni əsir Akop İnciqulyanın öz ölkəsinə qaytarılmasında problem görmür”. Bu açıqlamanı APA-ya Əsir və itkin düşmüş, girov götürülmüş vətəndaşlarla əlaqədar Dövlət Komissiyasının katibi Şahin Sayılov verib.

Ş. Sayılov bildirib ki, əsirin hansı səbəbdən sərhədi keçməsi aydınlaşandan sonra öz istəyindən asılı olaraq ölkəsinə təhvil verilə və yaxud üçüncü ölkəyə göndərilə bilər: “Ötən gün Beynəlxalq Qızıl Xaç Komitəsinin Azərbaycan nümayəndəliyinin əməkdaşları əsirlə görüşüblər. Yəqin ki, görüşdə onun öz ölkəsinə və yaxud üçüncü ölkəyə getmək istəməsi müəyyənləşib. Hər şey əsirin öz istəyindən asılıdır. Əgər Ermənistana getmək istəsə, qaytarılacaq. Biz bu məsələdə problem görmürük”.

Qeyd edək ki, avqustun 7-dən 8-ə keçən gecə erməni silahlı bölmələrinin hərbiçisi, 1991-ci il təvəllüdlü Akop Gevorkoviç İnciqulyan qoşunların təmas xəttinin Ağdam cəbhəsi istiqamətində Azərbaycan Ordusunun nəzarəti altında olan hissəsinə keçib.

Azərbaycana əsir düşən erməni ailəsinə məktub yazdı

alt

Hissəyə keçərkən əsir götürülmüş erməni hərbçi Akop İnciqulyan Beynəlxalq Qızıl Xaç Komitəsinin nümayəndələri ilə görüşüb. Erməni mətbuatına istinadən verdiyi məlumata görə, bu barədə əsirin qardaşı bildirib.

Akop İnciqulyan həmçinin ailəsinə məktub göndərərək narahat olmamalarını bildirib. Özünü yaxşı hiss etdiyini deyən əsgər Azərbaycanda ona qarşı yaxşı münasibət göstərildiyini deyib. 

Əsirlikdə olan həmyerlimiz barəsində cinayət işi qaldırıldı

alt

Ermənistanda Gürcüstan vətəndaşı olan azərbaycanlı Allahverdi Pələngova qarşı sərhədi qeyri-qanuni və sənədsiz keçmək ittihamı ilə cinayət işi başlanıb.

Bu barədə Ermənistan Milli Təhlükəsizlik Nazirliyi xüsusi bəyanat yayıb.

Bəyanatda deyilir ki, avqustun 18-də Lori vilayətinin Çoçkan kəndi yaxınlığında saxlanılmış mənşəcə azərbaycanlı olan Gürcüstan vətəndaşına qarşı Cinayət Məcəlləsinin 329-cu maddəsinin 1-ci hissəsi ilə cinayət işi qaldırılıb. Bu maddə minimum əməkhaqqından 100-200 dəfə artıq cərimə və ya maksimum 3 il azadlıqdan məhrumetmə cəzası nəzərdə tutur.

Məcburi köçkünlər yolu bağladılar

alt

Bir qrup məcburi köçkün Mirəli Qaşqay küçəsi ilə Bakıxanov küçələrinin kəsişməsindəki yolu bağlayıblar. Məcburi köçkünlərin onlara verilən mənzillərin ədalətsiz şəkildə bölüşdürülməsinə etiraz edirlər.

Hazırda yol bağlıdır və yol polislərinin səylərinə baxmayaraq, aksiya iştirakçıları yolu açmayıblar. 

Baş redaktorun arvadının qatili danışdı- Video

alt

“Evdən pul götürə bilmədim, bir qolbaq idi, o da qızıl çıxmadı”

“Çox peşmanam. Mənim də anam var. Qadın öldürmüşəm. Kişiyə yaraşan hərəkət etməmişəm``.Bunu 5 gün əvvəl 58 yaşlı Elmira Dadaşovanı evində 15 bıçaq zərbəsi ilə qətlə yetirən 31 yaşlı Əlaqif Abbasov ilkin istintaqa verdiyi ifadəsində bildirib.
Əlaqif Abbasov ali məktəb müəlliməsi olan Elmira Dadaşovanın evinə oğurluq məqsədi ilə girdiyini, daha doğrusu narkoman olduğundan ağrılarını sakitləşdirmək üçün pul axtardığını deyib.

“ “Reşotka”nı qırdım girdim içəri, gördüm evdə arvad. Arvad başladı qışqırmağa, qonum-qonşu eşitdi. Mən də arvada dedim ki, bura pul üçün gəlmişəm, səni öldürmək fikrim yoxdu. Qadın dedi ki, pulumuz yoxdur. Bir-iki bıçaq vurdum buna. Sonra dedi sənə çoxlu pul verəcəm. Sonra da mənə dedi ki, su ver. Aparıb mətbəxdə üzünü yudum, su verdim, başladı yenidən qışqırmağa. Mətbəxdə pendir bıçağı var idi. Götürdüm vurdum. Qonşular qapını döyürdü, mən də başladım çoxlu vurmağa. Bilmirəm neçəsini vurdum. Mən evə oğurluq məqsədi ilə girmişdim. Əslində, məni kişi aldatdı. Qapını bayırdan bağlayıb getdi, elə bildim ki, da evdə adam yoxdur, ev boşdu``.

Məlumata görə, Əlaqif qətli törədib qaçarkən evdən bir ədəd qolbaq götürüb. “Evdən pul götürə bilmədim. Heç nə. Çünki qonşular gəlirdi. Bir qolbaq idi, o da qızıl çıxmadı qırdım tulladım”`.
Yeri gəlmişkən, ilkin araşdırmalardan sonra məlum olub ki, Ə. Abbasov bunacan bir neçə mənzildən də oğurluq edib.

Faktla bağlı Abşeron Rayon Prokurorluğunda cinayət işi başlanıb, istintaq gedir.

Bayraq Meydanı yaxınlığında dəhşətli qəza

alt

Bu gün axşam saatlarında Bakı şəhəri, Neftçilər prospekti Bayraq Meydanı yaxınlığında dəhşətli yol nəqliyyat hadisəsi baş verib.

90 DN 988 dövlət nömrə nişanlı "Mitsubishi Lancer"le "Tofaş" toqquşub. Zərbə nəticəsində "Tofaş" markalı avtomobil 30 metr kənara- yolun hərəkətsiz hissəsinə aşıb. 

Dəhşətli qəza nəticəsində "Tofaş" markalı avtomobildə olan 3 nəfər ağır bədən xəsarətləri alaraq xəstəxanaya yerləşdiriliblər.

Hər iki avtomobilin yararsız hala düşdüyü bildirilir.

Gürcüstan xüsusi xidmət orqanları girov götürülmüş azərbaycanlının geri qaytarılması üçün Ermənistanla danışıqlar aparır

alt

“Sadaxlı kənd icra nümayəndəliyinin inzibati ərazi dairəsinə daxil olan Burma kəndindəyik. Erməni sərhədçilərinin girov götürdüyü Allahverdi Pələngovun ailəsi bu kənddə yaşayır. Məni Sadaxlı kənd mərkəzində Allahverdi Pələngovun qardaşı oğlu Anar Pələngov qarşıladı və polisin hadisə baş verən kəndə getdiyini dedi. Az sonra “Niva” markalı avtomobilin sürücüsü Mirzə Pələngov (sonra öyrəndim ki, o, girov götürülən şəxsin qardaşıdır) yaxınlaşdı, mənim kim olduğumu soruşdu və jurnalist olduğumu eşidəndə bildirdi ki, “bizə jurnalist lazım deyil, bizə hökumət adamı, polislər lazımdır. Qardaş sən geri qayıt, bizim işimizə mane olma, qoy polislə işimizi görək, ermənilər bilsə ki, bu məlumat mətbuata ötürülüb, qardaşımızın işi yaxşı olmaz”.

Gürcüstan-Ermənistan gömrük məntəqəsindən sağa burulub, təxminən 3 km yol gəldikdən sonra Burma kəndi başlayır. Ermənistan gömrük məntəqəsi ilə bu kəndi magistral yoldan cəmi 100-150  metr məsafə ayırır. Burma kəndinə çatanda yerli sakinlərin toplaşıb hadisəni müzakirə etdiklərini gördüm. Gürcüstanın “Gürcü Arzusu” partiyasının Siyasi Büro üzvü Əli Babayev və “Sadaxlı Dirçəliş İttifaqı” qeyri-hökumət təşkilatının sədri Sabir Mehdiyev  də  kənddə polislərlə hadisənin təfərrüatlarını öyrənməyə çalışırdı. Polislər Allahverdi Pələngövun həyat yoldaşından, oğlu Kənan  və hadisənin digər şahidlərindən izahat alırdı. Allahverdi Pələngövun evində olarkən qardaşı Mirzə Pələngov yenə mənim və “Sadaxlı Dirçəliş İttifaqı” qeyri-hökumət təşkilatının sədri Sabir Mehdiyevə kəndə gəlməmizə etiraz etdi və Allahverdi Pələngovun həyat yoldaşından açıqlama almağıma mane oldu. Mirzə Pənləngov şəkil çəkməyimə də etirazını bildirdi. Mən kənd sakini Vaqif Naibovun maşını ilə sərhədə gedərək Ermənistan sərhədçilərinin dayandığı sərhəd zolağını da çəkmək istədim. Vaqif Naibov bildirdi ki, 3-4 il bundan əvvəl ermənilər 1974-cü ilin qondarma xəritəsini əsas gətirərək meşəyə yaxın ərazidə kənd evlərinin yerləşdiyi ərazilərin Ermənistana aid olduğunu iddia edib və azərbaycanlıları dədə-baba evlərimizdən çıxartmaq istəyiblər: “Lakin biz mübarizə apardıq, müvafiq təşkilatlara müraciət etdik, bundan sonra evlərimizi vermədik. Lakin başımıza hələ də çox hadisələr gəlir”.

Allahverdi Pələngovun əmisi oğlu Süleyman Pələngov açıqlamasında girov götürülən şəxsin Ermənistan-Gürcüstan sərhədinin neytral sahəsində iki erməni çobanı ilə görüşdüyünü və birlikdə çörək yediklərini bildirib: “Sonra erməni sərhədçiləri onların hər üçünü tutaraq, yaxınlıqda olan erməni sərhəd zastavasına aparıblar. Ermənilər izahat verdikdən sonra azad buraxılıb əmim oğlu Allahverdini isə İrəvana aparıblar. O, indi Ermənistan Təhlükəsizlik Nazirliyində saxlanır”.

“Gürcü Arzusu” partiyasının Siyasi Büro üzvü  Əli Babayev baş verən hadisə barədə Gürcüstanın baş naziri Bidzina İvanişvilinin milli azlıqlarla iş üzrə köməkçisi Savalan Mirzəyevin də məlumatlı olduğunu deyib. O hadisəyə müdaxilə edəcəyini və müvafiq orqanları məlumatlandıracağını bildirib. Burma kəndində mənə hadisə ilə bağlı artıq Azərbaycan və ABŞ-ın Gürcüstandakı səfirliklərinə məlumat verildiyini bildiriblər.

Hadisə yerinə gələn Sadaxlı kənd icra nümayəndəliyinin rəhbəri Hüseyn Əsgərov açıqlamasında hadisə ilə bağlı Gürcüstan Təhlükəsizlik İdarəsi rəsmilərinin Ermənistanın əlaqədar qurumları ilə danışıqlar apardığını və bu gün Allahverdi Pələngovun geri qaytarılacağını söylədi.

Saytda Axtarış

Son xəbərlər