Şəkildə təyyarəyə bənzər böyük aparat təsvir olunub. Onun uzunluğu 100 metr, ağırlığı 500 ton olub və o, Xəzər dənizinin üzərində 500 km/s sürətlə hərəkət edib. 

Pentaqon analitikləri bu obyekti “Xəzər qulyabanısı” adlandırır. Bu cür texnikanın yaranması Sovetlər Birliyini dəniz supergücü edib. O vaxt suyun müqavimətinə görə gəmilərin sürəti çox aşağı olub.

Rus alimi Alekseyevin ağlına bütün situasiyanı dəyişəcək bir ideya gəlir. O, təklif edir ki, gəmilərə sualtı qanad qoyulsun. 

Konstruktorun bu yeniliyi suyun müqavimətini azaldaraq gəmilərin sürətlə hərəkət etməsinə səbəb olub. Sürəti daha da artırmaq üçün onun ağlına daha da möhtəşəm bir fikir gəlir. Bunun üçün gəmiləri ümumiyyətlə, suyun üzünə qaldırmaq lazım idi. Öz layihəsini həyata keçirmək üçün Xruşşovdan razılıq alandan sonra o, təcrübə aparmaq üçün nəzərlərdən uzaq tənha bir yer tapmalı idi. Nəticədə o, Çikalovsk şəhərciyini seçir. 

Maket gəmi 4 il sonra hazır olur. Birinci sınağın Xəzər dənizində 1967-ci ildə keçirilməyi planlaşdırılırdı. Əməliyyat gizli sayıldığından onu Volqa çayı ilə Xəzərə bir aya gətirirlər. Lakin bu əməliyyat ancaq SSRİ əhalisi üçün gizli sayıla bilərdi, çünki ABŞ-ın artıq bu qəribə super qurğudan xəbəri var idi və onu araşdırmaq üçün artıq qrup da yaradılmışdı. 

“Xəzər qulyabanısı” bütün ekranoplanların prototipi idi. Ekranoplanlar radara düşmürdü və minalanmış zonalardan rahat keçə bilirdi. Hələ ki, heç bir ölkə Alekseyevin uğurunu təkrarlaya bilməyib.

2013-cü il mayın 7-də həbsxanadan qaçması ilə diqqətləri üzərinə cəlb edən O.Topolov “Rosbtormet” şirkətinin sahibi Yuri Zvezdoçkinin ölümündə təqsirləndirilib. 

Rostov-Donda məhkəmə Topolova adıçəkilən cinayətdə iştirak etmədiyini bildirərək ona bəraət verib. 

Topolovun vəkili İqor Gerasimovun sözlərinə görə, Topolovun günahlandırıldığı cinayətdə killerlər iş adamını və onun mühafizəçisini maşından çıxarkən güllələyib. 

Bundan sonra Olqe Topolov iş adamının ölümündə təqsirləndirilərək həbs edilib. Tədqiqatçılar belə hesab edib ki, Oleq Topolov məşhur killerləri ətrafına toplayan Dmitri Lesnyakovun dəstəsinə daxil olub. 

Son zamanlar isə bu qruplaşma Ded Xasanın klanının maraqlarını müdafiə etməyə başlayıb. İstintaq qrupu artıq 10 ildir ki, Dmitri Lesnyakovun killer dəstəsinin işini araşdırır və zaman-zaman dəstənin hansısa üzvü həbsə göndərilir. 

Topolovun da işinə Moskvada baxılıb, ancaq daha sonra əsas işdən ayrılaraq, Rostova göndərilib. Məhkəmədə isə Topolova qarşı ittihamların əsasının olmadığı bəyan edilib. Topolov birbaşa məhkəmə zalından azadlığa buraxılıb. Qeyd edək ki, Topolova qarşı saxlandığı istintaq təcridxanasından qaçdığına görə də ittiham irəli sürülüb. Ancaq onun bəraət alması ilə bu ittihamın da ləğv edilməsi gözlənilir. 

Qaçdıqdan sonra Topolovun axtarışına 100 ən təcrübəli xəfiyyə cəlb edilib. Ancaq onun səhəri gün İzmayılovski parkında DİN-in iki əməkdaşı saxlayıb. Məlum olub ki, Topolov qaçdıqdan sonra getməyə yer tapmayıb və qaçdığı zaman ayağı burxulub. Topolovu saxladığına görə hər polis əməkdaşına 100 min rubl mükafat verilib. 

Ombudsman Aparatının mətbuat xidmətindən Trend-ə verilən məlumata görə, ombudsman Elmira Süleymanova insan hüquqlarının müdafiəsi və təmininə yönəlmiş fəaliyyətində dövlət qurumları, ictimaiyyətin nümayəndələri, vətəndaş cəmiyyəti və KİV ilə, həmçinin beynəlxalq təşkilatlarla qarşılıqlı, sıx əməkdaşlığa əsaslanır. Çoxşaxəli fəaliyyəti həmin qurumlar tərəfindən dəfələrlə yüksək dəyərləndirilən müvəkkil müxtəlif nominasiyalar üzrə mükafatlara, Fəxri diplomlara layiq görülüb.

Bu günlərdə Əlil Təşkilatları İttifaqı əlilliyi olan şəxslərin hüquqlarının müdafiəsinə, bu qəbildən olan insanların sosial vəziyyətinin yaxşılaşdırılmasına, fiziki infrastrukturun onlar üçün müyəssər olması sahəsində real işlər gördüklərinə və müvafiq lobbiçilik fəaliyyəti həyata keçirdiklərinə görə ictimaiyyətin yaxşı tanıdığı və dəyərləndirdiyi bir qrup dövlət xadimi və ictimai xadimi "Əlilliyi olan şəxslərin dostu" mükafatı ilə təltif edib. Azərbaycanın insan hüquqları üzrə müvəkkili E.Süleymanova da həmin mükafata layiq görülüb.