“Millət vəkili Qənirə Paşayeva bir həftədən çox mənim yanımda qaldı. Xəstəxana ilə bağlı bütün problemlərimlə maraqlandı. Həkimlərlə danışdı. Hər şey çox yüksək səviyyədə həll olundu. Buna görə Heydər Əliyev Fondunun prezidenti Mehriban xanım Əliyevaya təşəkkür edirəm”.

Onun sözlərinə görə, Azərbaycandan ona bütün sənət adamları, işlədiyi teatrın direktoru və kollektivi, jurnalistlər zəng edib maraqlanırlar:

“Hamısı sağ olsun. Aybəniz xanım Haşımova elə bir gün olmaz ki, mənimlə danışmasın. Allah hər kəsə can sağlığı versin. Günü-gündən səhhətimdə irəliləyişlər hiss olunur, yaxşılaşıram. Allah şükür ki, yaşamaq şansım çoxaldı”.

X.Qafarova onu da bildirdi ki, dekabrın 25-də o, Bakıya qayıdacaq: “10 gün ara verəcəm. Sonra yenə təkrar müalicə. Sonra isə səhnəyə dönəcəm”.

Xatırladaq ki, əməkdar artist Xanım Qafarova xərçəng xəstəliyindən əziyyət çəkir. O, hazırda "Fatih Universitesi Hastanesine(Sema Hastanesi")ində müalicə kursu alır.

Dünən günortadan sonra başlayan güclü külək Gürcüstanın Saqareco rayonunun (Qaraçöp mahalı) azərbaycanlıların kompakt yaşadığı bir neçə kəndinə ciddi ziyan vurub.

APA-nın Gürcüstan bürosunun məlumatına görə, azərbaycanlıların yaşadığı Ləmbəli, Yor-Muğanlı və Muğanlı kəndlərində külək bir neçə evin damını aparıb, həyətyanı evlərin qarşısında qurulan çardaqları uçurub.

Yor-Muğanlı kənd açıq məktəbinin müəllimi İsmixan Məmmədov APA-ya bildirib ki, 1000 nəfərdən çox əhalisi olan Ləmbəli kənd sakininin evi elektrik naqillərinin qısqapanması nəticəsində tamamilə yanıb. Muğanlı natamam orta məktəbinin damının bir hissəsini külək 200 metr kənara atıb, Yor-Muğanlı kənd açıq məktəbinin damı isə uçub. Bir neçə elektrik dirəyi yıxılıb, əhali işıqsız qalıb.

İ.Məmmədovun sözlərinə görə, təbii fəlakət nəticəsində xəsarət alan olmayıb. Hadisə yerində fövqəladə hallar xidmətinin nümayəndələri çalışır, fəsadlar aradan qaldırılır. Bu gün Gürcüstan Elm və Təhsil Nazirliyinin əməkdaşları məktəblərə baxış keçirib, dəyən ziyanı qeydiyyata alıblar.

Kaxeti bölgəsinin enerji distribüter mərkəzi fövqəladə rejimdə fəaliyyət göstərməyə başlayıb. Hazırda rayon üzrə 30 min abonent işıqsız qalıb. Qasırğa nəticəsində Qaraçöp mahalına yaxın rayonlara da ziyan dəyib. Fəsadların aradan qaldırılması üçün müəyyən texnika və mütəxəssislər cəlb edilib.

Seçkilərin Monitorinqi və Demokratiyanın Tədrisi Mərkəzinin (SMDTM) rəhbəri Anar Məmmədli saxlanılıb. Hüquq-mühafizə orqanlarından APA-ya verilən məlumata görə, A. Məmmədli barəsində həbs-qətimkan tədbiri Nəsimi rayon Məhkəməsində seçilib.

Qeyd edək ki, bu gün saat 17 radələrində A. Məmmədli Bəşir Süleymanlı və Elnur Məmmədli ilə birlikdə Baş Prokurorluğun Ağır Cinayətlərə Dair İşlər üzrə İstintaq İdarəsinə çağırılıblar. Bu barədə A. Məmmədlinin "facebook" səhifəsində onun dostları yazıblar.

Məlumata görə, bir müddət sonra isə B. Süleymanlı və E. Məmmədli sərbəst buraxılsalar da, A. Məmmədli ilə dindirilmə davam edib.

Daha sonra isə o, Nəsimi rayon Məhkəməsinə gətirilib və barəsində 2 ay müddətinə həbs-qətimkan tədbiri seçilib.

Baş Cinayət-Axtarış, Baş Mütəşəkkil Cinayətkarlıqla Mübarizə və Sumqayıt Şəhər Polis idarələri əməkdaşlarının birgə keçirdikləri əməliyyat-axtarış tədbirləri nəticəsində dekabrın 12-də Vüqar İsayevin mənzilindən 550 manat pulunu və qızıl əşyalarını oğurlamış Gürcüstan vətəndaşı Mamuka Mekvabili, Sumqayıt şəhər sakini, əvvəllər məhkum olunmuş Şahin Kərimov və Bakı şəhər sakini, əvvəllər məhkum olunmuş Rəşad Allahverdiyev tutulmuşlar.