Nazirlər Kabineti 2014-cü ildə Novruz, Ramazan, Qurban bayramları haqqında qərar qəbul edib.

Baş nazir Artur Rasizadənin imzaladığı qərara əsasən, 2014-cü ildə 20, 21, 22, 23, 24 mart Novruz bayramı, 28, 29 iyul Ramazan bayramı, 4, 5 oktyabr Qurban bayramıdır.

Qanunvericiliyə uyğun olaraq, həmin günlər iş günü hesab edilmir.

 Azərbaycan başa çatmaqda olan 2013-ci il ərzində uğurlarla yanaşı, bir çox tanınmış insanların itkisi ilə yadda qalıb.

2013-ci ilin ilk itkisi aşıq sənətində baş verib.

Yanvarın 12-də aşıq Alqayıt (Alqayıt Bayramov) vəfat edib.

Fevralın 10-da akademik Mahmud Kərimov dünyasını dəyişib.

Martın 1-də aktyor, diktor, əməkdar artist Hicran Hüseynov vəfat edib.

Elə həmin ayın 5-də isə teatr və kino aktyoru Fərman Şəkili (Fərman Abdullayev) dünyasını dəyişib.

İyunun 2-də xalq rəssamı Toğrul Nərimanbəyov, 27-də isə xalq artisti, kino və teatr aktyoru Səyavuş Aslan dünyasını dəyişib.

İyulun 26-da xalq artisti, bəstəkar Şəfiqə Axundova vəfat edib.

Avqustun 1-də rejissor Ələkbər Muradov dünaysını dəyişib.

Sentyabrın 23-də aktyor Muxtar İbadov, 30-da isə şair Ədalət Əsgəroğlu vəfat edib.

Oktyabrın 2-də “Qədim musiqi alətləri” Dövlət ansamblının yaradıcısı və bədii rəhbəri Məcnun Kərimov vəfat edib. M.Kərimov uzun müddətdir xərçəng xəstəliyindən əziyyət çəkirmiş.

Noyabrın 18-də tənqidçi, ədəbiyyatşünas Yusif Seyidov dünyasını dəyişib.

Bu günlərdə, daha dəqiq söyləsək, dekabrın 20-də tanınmış qarmon ifaçısı Aslan İlyasov vəfat edib.

APA-nın Gürcüstan bürosunun məlumatına görə, Ramin Rəşid oğlu İgidov idarənin rəhbəri və şeyxi seçilib.

R. İgidov 1980-ci ildə Qardabani şəhərində doğulub. 2000-ci ildən dini fəaliyyətlə məşğul olub. Gürcüstanda fəaliyyət göstərən “İmam Əli” adına mədrəsənin müdiri vəzifəsində çalışıb. Tiflisdə nəşr olunan “İman” qəzetinin və saytının redaktoru olub. R. İgidov iki kitab müəllifidir və fars dilindən 6 kitab tərcümə edib, eyni zamanda bir sıra dini nəşrlərin redaktoru olub. Ailəlidir, iki övladı var.

Yürüşdə 2000 yaxın tərəfdar iştirak edib

Milli hərakat partiyası, Tiflisin mərkəzi küçələrində mitinq keçiriblər. 

Tərəfdarlar, “Gürcüstan totalizar hakimiyyətə yox”, “Gürcüstan kriminal prokurora yox”, “Yaşasın Ukrayna Gürcüstan demokratik ölkə”, şüarları ilə irəlləyirdilər. Mitinq işrirakçılarının əllərində Ukrayna bayraqları da var idi. Mitinqə milli hərəkat partiyasın parlament deputatları və partiya liderləri iştrak edirdilər. Onlar prokurorun, Tiflis merinə ve sabiq baş nazirə olunanları insan haqqların pozulmuş olduğun bildirdilər.

Mixail Saakaşvilin tərəfdarlarından yeganə hakimiyyətdə qalan Tiflis meri Qiqi Uqulavada mitinqdə iştirak edirdi. O bir neçə gün öncə gecə yatdığı yerdə evində çıxardaraq baş prokurorun aparıblar. Ölkədə may ayında mer seçkiləri keçirilməli olsa da məhkəmə yolu ilə o vaxtından tez işindən kənarlaşdırılıb.

Ölənlərdən biri hərbçidir, o, bayramla əlaqədar evlərinə məzuniyyətə gedirmiş

Bakı-Şamaxı yolunun 59-cu kilometrliyində, Qobustan rayonunun Cəngi qəsəbəsi ərazisində baş verən avtomobil qəzası zamanı xəsarət alanlarından daha biri dünyasını dəyişib. Bununla da dəhşətli qəzada ölənlərin sayı 7-yə çatıb.

APA-nın yerli bürosunun məlumatına görə, hadisə zamanı ölənlərin hamısının adı məlum olub.

Xəstəxanadan APA-ya verilən məlumata görə 90 KU 103 dövlət nömrə nişanlı “VAZ 2107” markalı minik maşının sürücüsü, Qobustan rayonu Qızılbaş qəsəbə sakini, 1990-cı il təvəllüdlü Qasımov Nurlan Ədalət oğlu və sərnişinləri - Qızılbaş qəsəbə sakinləri Əliyev Güloğlan Balaxan oğlu və Bəndiyev Rəhman Əmrah oğlu dünyasını dəyişib.

Ağsu rayonun Qasımbəyli kənd sakini, 1956-cı il təvəllüdlü Hacıyev İnqilab Tacəddin oğlunun idarə etdiyi 90 BC 517 dövlət nömrə nişanlı “VAZ 2107” markalı avtomobildə olan 4 nəfər – sürücü özü, Ağsu rayonunun Ərəbmehdibəy kənd sakini, 1985-ci il təvəllüdlü Xəlilov Səməndər Kamandar oğlu, 1937-ci il təvəllüdlü Nuriyeva Tutu Əli qızı və Ağsu rayonu Gəgəli kənd sakini, 1991-ci il təvəllüdlü Mədətov Valeh Şirin oğlu da ölüb.

Məlumata görə, hərbçi Səməndər Xəlilov Yeni il bayramı ilə əlaqədar Bakıda xidmət etdiyi hərbi hissədən məzuniyyətə çıxaraq, yaşadığı Ağsu rayonuna gedirmiş.

Avtomobillərdə olan 8 nəfərdən sağ qalan bir nəfər - 1983-cü il təvəllüdlü Nuriyeva Gülşən Vəlimusa qızı hazırda ağır bədən xəsarətləri ilə Qobustan Mərkəzi Rayon Xəstəxanasındadır.

Həkimlər onun vəziyyətini orta-ağır qiymətləndirir.

Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.

Gürcüstanın baş nazirinin müavini, enrgetika naziri Kaxa Kaladze Azərbaycan xalqını, o cümlədən ölkədə yaşayan azərbaycanlıları yeni il münasibəti ilə təbrik edib. Bu barədə K.Kaladze Gürcaani rayonunun Axalşeni kəndinin qazlaşdırılması ilə bağlı keçirilmiş tədbirdə azərbaycanlı jurnalistlərə açıqlamasında bildirib. Onun sözlərinə görə, Azərbaycanın “SOCAR Georgia Gas” şirkəti Gürcüstanda qazlaşdırma sahəsində böyük işlər həyata keçirir: “Gələn il qazlaşdırma davam edəcək və ölkə əhalisinin 75% əhalisi təbii qazla təmin olacaq”.  

Gürcaani rayonundakı Axalşeni kəndinə təbii qaz verilməsi tədbirində iştirak edən “SOCAR Georgia Gas”-ın direktoru Anar Məmmədov jurnalistlərə açıqlamasında Axalşeni kəndində hələlik 350 abonentə təbii qaz verildiyini bildirib: “Bu iş davam edəcək və kənddə yaşayan 940 ailənin hamısı qazla təmin olunacaq”.

Qeyd edək ki, bu günlərdə Gürcüstanda ARDNŞ prezidenti Rövnəq Abdullayev və  Gürcüstan Baş nazirinin müavini, iqtisadiyyat və sabit inkişaf naziri Georgi Kvirikaşvili və Gürcüstan Baş nazirinin müavini, energetika naziri Kaxa Kaladze ilə bu ölkənin qazlaşdırılmasına dair memorandum imzalanıb. Sənəddə qeyd olunub ki, ARDNŞ-in Gürcüstan nümayəndəliyi 2017-ci ilədək Gürcüstanda qazlaşdırılmanı yenə də davam etdirəcək və 100 min ailəni təbii qazla təmin edəcək.