Türkiyəli müğənni Tarkan Azərbaycanda ad günü mərasiminə qatılmaqdan imtina edib.

Dekabrın 31-də Qubada konsert verəcək sənətçiyə eyni zamanda yanvarın 2-də azərbaycanlı iş adamının 100 nəfərlik doğum günü tədbirinə qatılmaq təklif olunub. Bunun qarşılığında isə ifaçıya 1 milyon türk lirəsi (təxminən 450 min azn) və müxtəlif hədiyyələr bağışlanacağı vəd edilib. Tarkan təklifə meneceri vasitəsilə "yox" cavabı verib. O deyib ki, heç vaxt ad günü və toy məclislərinə qatılmır.

Məqalədə həmçinin Tarkanın fevralın sonunda yenidən Azərbaycanda konsert verəcəyi vurğulanıb. O, bununla 700 min lirə pul əldə edəcək.

Qəzetin məlumatına görə, Azərbaycan dünya ulduzları üçün böyük qazanc mənbəyidir. 2012-ci ildə Bakıda konsert verən Rihanna 2 milyon dollar, Cennifer Lopez isə 400 min dollar gəlir götürüb

Bakı Şəhər Baytarlıq İdarəsinə rəis təyin olunub.

Bunu açıqlamasında Dövlət Baytarlıq Xidmətinin mətbuat xidmətinin rəhbəri Yolçu Xanvəli deyib. Y. Xanvəli rəis vəzifəsinə Aslan Aslanovun təyin olunduğunu bildirib:

“Yəqin ki, yaxın günlərdə işdən azad olunan digər şəxslərin də vəzifəsinə yeniləri təyin olunar. Bu nazirin səlahiyyətində olan məsələdir”.

Yeni rəisin bu gün kənd təsərrüfatı nazirinin müavini İlham Quliyev və Dövlət Baytarlıq Xidmətinin rəisi Siyalə Rüstəmovanın iştirakı ilə kollektivə təqdim olunduğunu söyləyən Y. Xanvəli bildirib ki, yeni rəis öz fəaliyyətinə başlayıb.

Qeyd edək ki, bir neçə gün öncə Bakı Şəhər Baytarlıq İdarəsinin rəisi Şahmar Abdullayev, İdarənin Müalicəxanasının həkimi Şahlar Əliyev, İdarənin mühasibi Mina Daşdəmirova və Binəqədi rayon Baytarlıq Məntəqəsinin müdiri Mədət Qocayev öz ərizələri ilə işdən azad olunublar.

Ağdamda məcburi köçkünlər üçün yeni qəsəbə inşa olunur.

APA-ın Qarabağ bürosunun məlumatına görə, yeni yaşayış massivi 632 evdən, 440 yerlik orta məktəbdən, 50 yerlik uşaq bağçasından, içərisində futbol meydançası olan 3 hektarlıq parkdan, inzibati binalar və digər infrastrukturlardan ibarətdir.

Ağdam Rayon İcra Hakimiyyətindən APA-nın Qarabağ bürosuna bildirilib ki, yeni qəsəbənin tikintisi üçün rayon ərazisindən 50 hektara yaxın torpaq sahəsi ayrılıb. Yeni qəsəbənin gələn ilin ortalarınadək istifadəyə verilməsi nəzərdə tutulur.

Bu yaşayış massivinə Ağdam, Bərdə və Tərtər rayonlarında daha ağır sosial şəraitdə yaşayan köçkün ailələrinin yerləşdirilməsi nəzərdə tutulur.

Ukraynanın paytaxtı Kiyevdəki “Troyanşina” topdansatış bazarında azərbaycanlılarla gürcülərdən və ukraynalılardan ibarət ticarətçi dəstə arasında kütləvi dava baş verib.

Hadisə şahidlərinin APA-ya verdiyi məlumata görə, kütləvi davanın baş verdiyi dekabrın 6-dan 7-nə keçən gecə davada iştirak edən azərbaycanlılardan biri bazarın yaxınlığında vəhşicəsinə qətlə yetirilib.

Dekabrın 7-si səhər saatlarında hadisə yerində meyiti aşkar edilən həmin şəxs əslən Yevlax rayonundan olan Gəncə şəhər sakini 37 yaşlı İlham Hüseynovdur. O, daş kərpiclə döyüldüyündən, meyiti baş hissəsi tamamilə parçalanmış, əzilmiş halda tapılıb.

Bazarda çalışan və adının çəkilməsini istəməyən azərbaycanlıların APA-ya verdiyi məlumata görə, dava ticarət maraqları üstündə baş verib: “Hadisəyə səbəb İlham Hüseynovla gürcülər arasında olan konflikt səbəb olub. Aralarında biznes mübahisəsi yaranıb, nəticədə gürcülərə qoşulan ukraynalılardan ibarət bir dəstə ilə bazarda çalışan azərbaycanlılar arasında dekabrın 6-da kütləvi dava düşüb. Səhəri gün isə İlham Hüseynovun meyiti bazarın yaxınlığındakı kərpic qalağının yanında tapılıb. Meyit aşkar olunan zaman davada iştirak edən gürcü və ukraynalılar aşkar formada qətli törətdiklərini bazarda elan edərək, azərbaycanlıların hamısını eyni aqibət gözləyəcəyini bildirərək kütləvi formada hədələyiblər”.

Hadisə ilə bağlı yerli milis tərəfindən cinayət işi qaldırılıb, qətli törədənlərin müəyyənləşdirilməsinə çalışılır.

Azərbaycanın Ukraynadakı səfirliyindən isə APA-ya bildiriblər ki, hadisə barədə yenicə məlumat alıblar və araşdırma aparılaraq tədbir görüləcək.