Volqoqrad Vilayət Hökumətinin mətbuat xidmətindən AzNews.az-a verilən məlumata görə, Prezident Aparatının şöbə müdiri Əli Həsənov və Qaradağ İcra Hakimiyyətinin başçısı Süleyman Mikayılovun da iştirak etdiyi səfər zamanı Fondun vitse-prezidenti və qurumun Rusiya bölməsinin rəhbəri Leyla Əliyeva Volqoqrad şəhər 3 saylı gimnaziyaya yeni idman zolağı hədiyyə edib. 

Bununla bağlı keçirilən mərasimdə Leyla Əliyeva deyib ki, təmsil Fondun fəaliyyət istiqamətlərindən biri də yeni təhsil müəssisələrinin inşası və əsaslı bərpası, uşaq evlərinə yardım layihələrinin və xeyriyyə məqsədli sosial tədbirlərin həyata keçirilməsidir.

Tədbirdə həmçinin, məlumat verilib ki, Fondun Rusiyanın əyalətlərində həyata keçirdiyi bu kimi sosial layihələr iki ölkə arasında dostluq əlaqələrinin mövcudluğundan və getdikcə inkişafından xəbər verir.

Qeyd edilib ki, yeni idman qurğuları gimnaziyanın ərazisində quraşdırılıb. Bundan sonra gimnaziyanın şagirdləri yeni idman meydançasında daha rahat şəkildə basketbol, voleybol və futbol oynaya biləcəklər. Meydançanın döşəməsinin isə isti və soyuğa davamlılığı nəzərə alınıb. 

Məlumatda o da qeyd olunub ki, səfər zamanı Leyla Əliyeva vilayət qubernatoru Serqey Bojenovla başqa xoşməramlı layihələrin həyata keçirilməsi ilə bağlı da müzakirələr aparıblar. 

Səfər zamanı Fondla vilayət qubernatorluğu arasında Volqoqradla Bakının rayonlarından biri ilə ticarət-iqtisadi, elmi-texniki və mədəni əlaqələrin inkişaf etdirilməsinə dair protokol da imzalanıb. Səfər zamanı Fondun vitse-prezidenti Leyla Əliyeva “Volqaqrad vilayəti qarşısında xidmətlərinə görə” medalı ilə də təltif olunub.

Bununla əlaqədar keçirilən mərasimdə bildirilib ki, medalın Leyla Əliyevaya təqdim olunmasına səbəb, onun bu illər ərzində Volqoqrad vilayətinin sosial-iqtisadi inkişafındakı, mədəni tədbirlərin həyata keçirilməsindəki, ictimai və xeyriyyə layihələrinin icrasındakı təşəbbüsləri ilə bağlıdır. 

Qeyd edək ki, buna qədər isə Heydər Əliyev Fondu Volqoqradda Dostluq Parkı inşa etdirib. 

Hadisə ötən gün Neftçilər prospektində qeydə alınıb.

Bakı şəhər sakini, 1989-cu il təvəllüdlü Yusif Ələsgərovun idarə etdiyi 10 SU 025 dövlət nömrə nişanlı, “Mercedes” markalı avtomobillə xidmətdə olan, Bakı Şəhər Baş Polis İdarəsi Dövlət Yol Polisi İdarəsinin inspektoru, polis serjantı, 1969-cu il təvəllüdlü Asif Qiyas oğlu Mirzəliyevi vurub.

A. Mirzəliyev kəllə beyin travması ilə Klinik Tibbi Mərkəzə yerləşdirilib.

Hadisəni törədən Y. Ələsgərov şübhəli şəxs qismində tutulub. 

Azərbaycanın birinci xanımı, Heydər Əliyev Fondunun prezidenti Mehriban Əliyeva konsertdə olub.

Heydər Əliyev Fondunun dəstəyi ilə keçirilən konsertdə XX əsrin 80-ci illərində San-Remo şəhərində keçirilən İtaliya mahnıları festivalının milyonların qəlbini fəth etmiş əfsanəvi ulduzları - Al Bano, Toto Kutunyo, Pupo, Rikkardo Foli, Toni Espozito, Umberto Totsi, Mariya Fiordalizo, İvan Spaqn, eləcə də məşhur "Rikki e Poveri", "Matia Bazar" qrupları unudulmaz mahnılarını ifa ediblər.

Konsertin aparıcıları İtaliyanın dünya şöhrətli aktrisası Ornella Muti və Tural Əsədov idi.

Bakıda yenidən olmağından məmnunluğunu bildirən Ornella Muti şəhərimizin daha da gözəlləşdiyini bildirib. O, San-Remo festivalı ulduzlarının bu konsertinin paytaxt Bakının mədəni həyatında mühüm hadisə olduğunu vurğulayıb.

Anşlaqla keçən konsertdə İtaliya meqastarlarının ifa etdiyi mahnılar tamaşaçılar tərəfindən alqışlarla qarşılanıb.

İtaliyalı müğənnilər gözəl Bakı şəhərində belə möhtəşəm konsert verməkdən şad olduqlarını bildirib, Azərbaycan xalqının qonaqpərvərliyini yüksək qiymətləndirdiklərini qeyd ediblər.

Əfsanəvi Toto Kutunyonun xalq mahnısı "Sarı gəlin"i Azərbaycan dilində ifa etməsi tamaşaçıların sürəkli alqışlarına səbəb olub.

şanslı alıcı beynəlxalq xeyriyyə latoreyasının qalibi kimi əsəri 100 avroya almağa müvaffəq olub. 

25 yaşlı amerikalı Cefri Qonano 1914-cü ildə çəkilən “Silindirli kişi” əsərini sahibi olub. Qonaq otağı üçün tablo almağı planlaşdıran Cefri P.Pikassonun əsərini alacağını güman etmədiyini vurğulayıb. 

Qeyd edək ki, latoreyanı “Sotheby`s” Evi keçirib. İnternet vasitəsilə latoreya biletləri 100 avroya satışa çıxarılıb.