Dalga Televiziyasi Cəmiyyət
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün2689
DünənDünən4506
Bu həftəBu həftə28607
Bu ayBu ay100000
Bu günə qədərBu günə qədər2515148

Bizi Paylaşın

Video Xəbərlər

 

Təqvim


Cəmiyyət

Tovuzda ər və arvadı öldürüb evlərini yandırdılar

Tovuz şəhərində yanğın baş vermiş evdə meyitləri tapılan ər arvadın qətlə yetirildiyi bildirilir.

Dalga tv xəbər verir ki, APA-nın hüquq-mühafizə orqanlarından əldə etdiyi məlumata görə, meyiti aşkarlanan 1950-ci il təvəllüdlü Pakizə Mirzəyevanın əl-ayağı və ağzı lentlə bağlı imiş. 

Bundan başqa, P. Mirzəyeva və onun həyat yoldaşı, 1945-ci il təvəllüdlü Fərman Məmmədovun cəsədləri ayrı-ayrı otaqlarda tapılıb. 

Kişinin baş, qadının isə bədən nahiyələrində yanıq xəsarətləri olub.

Hazırda hüquq-mühafizə orqanlarının əməkdaşları hadisə yerində araşdırma aparırlar. P. Mirzəyeva AFFA-nın keçmiş prezidenti, mərhum Ramiz Mirzəyevin bacısıdır və o, Tovuz rayon Poliklinikasında həkim işləyirdi.

Qeyd edək ki, yanğın hadisəsi ötən gecə Tovuz şəhərində ümumi sahəsi 320 kvadrat metr olan ikimərtəbəli evdə baş verib. Hadisə yerinə rayon Yanğından Mühafizə hissəsinin əməkdaşları və texnikası cəlb olunub. Alov tez bir zamanda söndürülüb.

 

Tbilisidə Sorosun müqəvvası yandırılıb

Gürcüstanın paytaxtı Tbilisidə Gürcüstan Açıq Cəmiyyət Fondunun ofisi qarşısında “Gürcüstan Marşı” hərəkatının bir qrup fəalı fondun təsisçisi Corc Sorosun müqəvvasını yandırıb.

"Xalqa eşq olsun, düşmənə ölüm" şüarları səsləndirən aksiya iştirakçıları fondun ofisinə “Rustaveli” metrostansiyasından yaxınlaşıb.

Marş iştirakçıları Soros Fondu və ölkə xaricindən maliyyələşən bütün qeyri-hökumət təşkilatlarının bağlanmasını tələb edib.

Bildiriblər ki, Soros Fonduna qarşı mübarizə aparmaqla, onlar Gürcüstan gənclərinin müdafiəsinə qalxır.

Limonlu çay səhhət üçün təhlükəlidir

Londonun Krallıq kollecinin mütəxəssisləri bildiriblər ki, limonla çay kimi turş içkilər və aromatlaşdırılmış sular diş emalı üçün zərərlidir.

Alimlərin sözlərinə görə, bu cür içkilər turşuluqdan dişlərin eroziyası riskini artırır. Həmçini bu “təhlükəli” siyahıya meyvə suları, dietik içkilər və bol şəkər tərkibli içkilər də daxil edilib.

Dişlərin orta və güclü eroziyasına gündə iki dəfə qida qəbulu zamanı limon dilimi ilə su içən insanlar daha çox meyillidir.

“Əgər nahar zamanı çərəz kimi alma yesəniz, çalışın axşam vaxtı turş heç nə qəbul etməyəsiniz. Əgər axşam  bir qədəh şərab içsəniz, o zaman səhər meyvəli çay içməyin”, deyə tədqiqatçılar xəbər verir.

Onların sözünə görə, özünü təhlükəsizləşdirmək üçün rasionda olan içki və çərəzləri tarazlaşdırmaq lazımdır.

Marneulidə bomba həyəcanı yaşanıb

Gürcüstanda azərbaycanlıların kompakt yaşadığı Marneuli rayonunun mərkəzində axşam saatlarında bomba həyəcanı yaşanıb.

APA-nın Gürcüstan bürosunun məlumatına əsasən, rayonun Rustaveli küçəsində şübhəli qara çanta böyük narahatlığa səbəb olub.

Hadisə yeri polis tərəfindən mühasirəyə alınıb. Qara çantaya keçirilən baxış zamanı orada ərzaq məhsulları aşkar olunub.

Çantanın olduğu yerdən Marneuli rayonunun kəndləri, Qırmızı körpü sərhəd-keçid məntəqəsinə və Bakıya avtobuslar yola düşür. Təşviş yaratmış çantanı Bakıya yola düşmüş sərnişinin unutduğu bildirilir.

Gürcüstanda azərbaycanlıların yaşadığı rayonda müasir istixana açılıb

Gürcüstanda azərbaycanlıların sıx yaşadığı Marneuli rayonunun Əzizkənd kəndində müasir istixana təsərrüfatı açılıb.

APA-nın Gürcüstan bürosunun məlumatına əsasən, "Hazır şitil" adlı təsərrüfat Avropa standartlarına cavab verir və yüksək texnologiyalarla təchiz olunub.

"Gürcüstanda istehsal et" dövlət proqamı və  "Vahid Aqrolayihə" çərçivəsində yaradılmış təsərrüfata 1,8 mln. dollardan çox investisiya yatırılıb. Məbləğin 442 min dollarını güzəştli kredit təşkil edir.

İldə 30 milyon şitilin istehsal olunacağı təsərrüfatda 30 nəfər işlə təmin olunub. İstixananın məhsulları yerli bazarda satışa çıxarılacaq.

İstixananın açılış mərasimində Kvemo Kartli bölgəsinin rəhbər şəxsləri, Marneuli rayonunun icra başçısı Temur Abazov, Türkiyənin Gürcüstandakı səfiri Fatma Ceren Yazqan və digər rəsmi şəxslər iştirak edib.

Gürcüstanda azərbaycanlıların yaşadığı rayonda qızılcaya yoluxma halları qeydə alınıb

Gürcüstanda azərbaycanlıların sıx yaşadığı Marneuli rayonunda qızılcaya yoluxma ilə bağlı 4 hal qeydə alınıb.
 

APA-nın Gürcüstan bürosunun məlumatına görə, bu barədə rayonun İctimai Sağlamlıq və Xəstəliklərə Nəzarət Mərkəzindən bildirilib.
Qızılcaya yoluxanların vəziyyəti qənaətbəxş qiymətləndirilir.

 

Qeyd edək ki, 7 fevral tarixinə olan məlumata əsasən Gürcüstanda 130-dan çox insanda qızılcaya yoluxma halı qeydə alınıb. Onların 40%-ni 5 yaşına qədər olan uşaqlar, 50%-ni isə 30 yaşdan yuxarı olan şəxslər təşkil edir. Ötən həftə Gürcüstanın İctimai Sağlamlıq və Xəstəliklərə Nəzarət Milli Mərkəzi ölkədə qızılca epidemiyası təhlükəsinin olduğunu bildirib.

Gürcüstanda Xocalı soyqırımının ildönümü ilə bağlı xeyriyyə aksiyası keçirilib

Gürcüstanda Xocalı soyqırımının 26-cı ildönümünə həsr olunmuş tədbirlər çərçivəsində xeyriyyə aksiyası keçirilib. 
 

APA-nın yerli bürosunun məlumatına əsasən, Azərbaycanın Gürcüstandakı səfirliyinin dəstəyi ilə Qori rayonunun Tinisxidi kəndində ətraf Tedotsminda və Xidistavi kəndlərinin yerli sakinləri üçün pulsuz tibbi müayinə təşkil olunub. 
 

Xeyriyyə tədbirində Azərbaycan səfiri Dursun Həsənov, Şida Kartli bölgəsinin qubernatoru Kaxa Samxaradze və Qori meri Konstantin Tavzaraşvili iştirak edib. 
 

D. Həsənov gələcəkdə də bu cür xeyriyyə tədbirlərinin təşkil olunacağını bildirib. Şida Kartli qubernatoru bu xeyirxah aksiyaya görə Azərbaycan səfirliyinə təşəkkür edib. O bildirib ki, gələcəkdə də Azərbaycan səfirliyi ilə əməkdaşlıq davam etdiriləcək.
 

Aksiya zamanı Tedosminda kəndinin azərbaycanlı sakinləri də müayinə olunub. Sakinlər "Loğman" tibb mərkəzinin müxtəlif profilli həkimləri tərəfindən müayinə olunub, bəzilərinə müalicə təyin edilib. 

Gürcülərin Almaniyadan kütləvi deportasiyası başlayıb

Avropa İttifaqı ərazisində qalmaq şərtlərini pozan gürcü vətəndaşları kütləvi şəkildə Almaniyadan deportasiya olunur.

Bu barədə Gürcüstanın Baş konsulluğu məlumat yayıb.

"Dünən Almaniya Federativ Respublikasından növbəti readmissiya həyata keçirilib, 65 vətəndaş qaytarılıb", - deyə, diplomatik missiyadan bildiriblər.

Agentliyin məlumatına görə, bu məlumatı sosial şəbəkələrdə Almaniyada yaşayan gürcülər yayıb. Onların məlumatına görə, ölkədən çıxarılanlar Şimali Reyn-Vestfaliya və Baden-Vürtemberq torpaqlarında yaşayıblar. Bildirilir ki, yaxın vaxtlarda analoji işlər üzrə çoxsaylı məhkəmə iclasları təyin olunub və bu məhkəmələrdə işlərə çox tez baxırlar.

Qeyd edək ki, 2017-ci ilin martında Gürcüstan və Avropa İttifaqı arasında vizasız rejim qurulub. Gürcüstan vətəndaşları vizasız 90 gün ərzində Avropa İttifaqı və Şengen ölkələrində qala bilərlər. Lakin iş və ya tədris üçün viza almağa məcburdurlar. Qaydaları pozanları Gürcüstana deportasiya edir və 3 min avro cərimələyir, həmçinin 5 il ərzində Aİ-yə gəlməyə qadağa qoyurlar.  

Xərçəngi öldürən GİLƏMEYVƏ

Son elmi araşdırmalar böyürtkənin xərçəng əleyhinə təsirini aşkar edib. Araşdırmalar göstərib ki, böyürtkən ekstraktı xərçəng hüceyrələrinin artmasının qarşısını alır.

Bu səbəbdən mütəxəssislər bu faydalı giləmeyvəni  xərçəng xəstəliyindən əziyyət çəkən insanların qidalanmasına daxil etməyi tövsiyə edirlər.

Böyürtkən C vitamini (günlük dozanın 1/3 hissəsi) və marqansla zəngindir. C vitamini insan sağlamlığı üçün ən vacib maddələrdən biridir. C vitamininin güclü  antioksidant xüsusiyyətləri var ki, bu maddə orqanizmi xroniki xəstəliklərin inkişafından, o cümlədən xərçəngdən qoruyur, qocalmanı ləngidir, damarların sağlamlığını və elastikliyini təmin edir.

Marqans sinir sisteminin normal fəaliyyəti üçün çox vacib, qaraciyəri piylənmədən qoruyur, qadın cinsiyyət sisteminin fəaliyyətinə müsbət təsir edir, sümüklərin sağlamlığı üçün önəmlidir.

Böyürtkən həmçinin K vitamini ilə də zəngindir. Bu vitamin qanın laxtalanma sistemində olduqca böyük rol oynayır.

Böyürtkənin 100 qr-da yalnız 46 kalori var. Bu səbəbdən çəki problemi olan insanlar da bu faydalı giləmeyvəni öz rasionuna daxil edə bilərlər.

Böyürtkən antosian maddələrlə olduqca zəngindir. Məhz bu maddələr hüceyrə səviyyəsində xərçənglə mübarizə aparır, xərçəng hüceyrələrinin artmasının qarşısını alır.

Qubada itkin düşmüş alpinistlərin axtarışları ilə əlaqədar Əməliyyat Qərargahı məlumat yayıb

Quba rayonunda dağlıq ərazidə itkin düşmüş alpinistlərin axtarışları davam etdirilir.

Alpinistlərin axtarışları ilə əlaqədar Əməliyyat Qərargahından APA-ya verilən məlumatda bildirilir ki, axtarış-xilasetmə işləri mürəkkəb reylefli yüksək dağ massivində (dəniz səviyyəsindən 3000-3200 m yüksəklikdə) çətin meteoroloji şəraitdə Fövqəladə Hallar Nazirliyinin müvafiq xilasetmə qüvvələri, Ekologiya və Təbii Sərvətlər Nazirliyinin əməkdaşları tərəfindən aparılır.

"Son günlər hava şəraiti kəskin pisləşib, temperatur düşüb, qar yağıb. İntensiv yağan qar səbəbindən axtarışların getdiyi ərazilərdə yeni qar uçqunlarının yaranma ehtimalı artıb. Yaranmış şəraitdə axtarış-xilasetmə və digər təxirəsalınmaz işlərin aparılması daha da çətinləşib. Yuxarıda qeyd olunanları nəzərə alaraq, axtarış-xilasetmə tədbirləri məhdudiyyətlə (xilasedicilərin təhlükəsizliyi təmin edilməklə), lakin fasiləsiz aparılır.

Fövqəladə Hallar Nazirliyi bir daha təəssüf hissi ilə bildirir ki, əməliyyat barədə məlumatların mütəmadi yenilənməsinə, əməliyyat şəraitinin mürəkkəbliyinə və ən əsası yaranmış vəziyyətin həssaslığına baxmayaraq, bəzi xəbər saytları həqiqəti əks etdirməyən, xüsusi ilə də əməliyyatda iştirak edən dövlət qurumlarının fəaliyyəti ilə bağlı doğru olmayan məlumatlar yayır.

Fövqəladə Hallar Nazirliyi kütləvi informasiya vasitələrinə, ictimaiyyət nümayəndələrinə, sosial şəbəkələrin istifadəçilərinə bir daha müraciət edərək Nazirliyin fəaliyyəti, xüsusilə də baş verən hadisələrlə bağlı rəsmi olmayan, dəqiqləşdirilməmiş məlumatlardan istifadə etməməyə, xilasetmə işlərinin aparıldığı ərazi və yaranmış vəziyyətlə birbaşa tanışlığı olmayan şəxslərin subyektiv fikirlərini yayarkən diqqətli olmağa çağırır və bu cür məlumat yayanlara yaranmış həssas vəziyyətə anlayışla yanaşmağı tövsiyyə edir", - deyə məlumatda bildirilir.

Qeyd edək ki, 2017-ci il dekabrın 23-də "Gilavar" Hava və Ekstrim İdman Klubunun üzvləri Cəbrayılzadə Fəridə Zəbiyulla qızı, Hüseynov Babur Vaqif oğlu və Bünyatzadə Namin Nizami oğlu Quba rayonunun Xınalıq kəndindən Tufandağı istiqamətində yürüşə çıxaraq geri qayıtmayıblar.

Qışda başıaçıq gəzmək sağlamlığa nə kimi ziyan vurur?

Fəsillər dəyişdikcə, geyimlərimiz də dəyişir. Hər fəslin öz geyim tərzi var. Yayda daha rahat, yüngül geyimlərə üstünlük veririk, qışda isə əksinə, daha qalın geyinirik.

Amma nədənsə, qış geyimlərini bəzi insanlar sevmir. Həmin geyimlərin onları narahat etdiyini və buna görə də imtina etdiklərini deyirlər.

"İnsanların ilk imtina etdikləri qış geyimi papaqdır"  desək, yanılmarıq. Bədənlərinə nə qədər qalın geyinsələr də, bir çox gənclər papaq taxmaq istəmir. Kimisi başını narahat etdiyini, kimisi yaxşı görünmədiyini, yaraşmadığını, kimisi də saçlarına ziyan etdiyini bildirir. Bu aylarda əsasən də xanımlar saçlarını düzləşdirdikdən, yaxud da hər hansı bir formaya saldıqdan sonra dağılmasın deyə, baş üçün hər hansı örtükdən istifadə etmirlər. Hətta zarafatyana "gözəllik qurban tələb edir" deyərək, sağlamlıqlarını böyük təhlükə altına alırlar. Amma hər dəfə qışda evdən başıaçıq çıxanda, valideynlər sağlamlığımıza böyük ziyan vurduğumuzu deyirlər. Bu, doğrudanmı belədir? Görünüş gözəl olur, bəs sağlamlığımıza nə kimi ziyan vururuq?

Həkimlər bildirirlər ki, soyuq və sərt qışda bayırda qalacağınız müddəti əvvəlcədən nəzərdən keçirib, buna uyğun olaraq qalın geyinmək lazımdır. Çünki soyuq havada çox qaldıqda, orqanizmin müdafiə qüvvəsi aşağı düşür və xəstələnmək üçün şərait yaranır. Papaq taxmaq və qulaqlara soyuq havanın daxil olmasını əngəlləmək qışda qorunmağın ən əsas yollarından biridir. Soyuq havalarda başıaçıq gəzmək üz iflicinə səbəb ola bilər. Soyuq hava sinirlərin gərilməsinə şərait yaradır və üzdəki əzələlərin idarə edilməsinə maneçilik törədir. Buna görə də, əzələlər hərəkətsiz qalır. Üz hərəkətlərini təmin etmək üçün beyindən gələn əmrləri əzələlərə çatdıran üz sinirlərindəki problemlər bu xəstəliyə səbəb olur. Üz iflici insandan asılı olaraq özünü fərqli formada göstərir. Bəzən çox yumşaq olur və yalnız insan güldüyü zaman bəlli olur. Üzün yarısı qismən hərəkətsiz və ifadəsiz qalır. Ətraf sinir sistemi səbəbindən, üz iflici alını qırışdırmağa mane olur, gözlər yumulmur, dişləri göstərmək mümkün olmur, dodaqlar büzülmür, ağzın kənarları düz qalır.

Tibb üzrə ekspert, professor Adil Qeybulla kaspi.az-a açıqlamasında bildirir ki, baş örtükləri hər fəsildə istifadə oluna bilər: "Yayda günəş şüalarından, qışda isə soyuqdan qorunmaq üçün papaq və şərfdən istifadə etmək lazımdır. Əks halda, insan, müalicəsi çətin olan bəzi xəstəliklərə tutula bilər. Lakin bəzi insanlar baş örtüyündən çox istifadə edir. Bir tərəfdən, bu da ziyandır. Çünki başın dərisi nəfəs almalıdır, saç diblərini çox havasız saxlamaq olmaz. Əks halda, saçlar tökülə bilər".

Həkim deyir ki, baş dərisinin soyuqlaması tez bir zamanda orqanizmin ümumi soyuqlamasına səbəb olur: "Bunun nəticəsində insanın immuniteti kəskin zəifləyir və insan soyuqdəymə və infeksiya xəstəliklərinə daha tez tutula bilər. Qulaqlar soyuğa xüsusilə, həssasdır. Qulaq sinirinin iltihabı eşitmənin pisləşməsinə, qulaqlarda ağrılara, vaxtında müalicə olunmadıqda, karlığa da gətirib çıxara bilər. Orta qulağın iltihabı olan otitin əsas səbəbi də məhz soyuqlamadır".

Müsahibimiz bildirir ki, papaq qoymamaq bəzi xroniki xəstəlikləri olan insanlar üçün daha təhlükəlidir: "Burun-udlaq da soyuqlamaya çox tez reaksiya verir. Nəticədə insanda zökəmin, tonzillitin (angina), bronxitin və s. iltihabların riski xeyli artır. Xüsusilə, bu, xroniki tonzillit, xroniki haymorit kimi xəstəlikləri olan insanlar üçün təhlükəlidir. İstənilən soyuqlama onlarda xəstəliyin kəskinləşməsinə gətirib çıxara bilər".

"Papaqda saçlar əzilir, düzümü korlanır deyə, bir çoxları saçlarını "qorumaq" məqsədi ilə papaqdan imtina edir" deyən ekspert bildirir ki, əksinə, soyuq, saçların sağlamlığına çox ciddi ziyan vurur: "Soyuqda baş dərisinin kapilyar damarları daralır, saç follikullarının qidalanması kəskin pozulur. Bu isə saçların vəziyyətinə mənfi təsir edir - saçlar zəif, nazik, cansız olur, tökülür. Başın soyuqlaması üz sinirlərinin iltihabına səbəb ola bilər. Bu, çox ciddi, güclü ağrılarla müşayiət olunan, çətinliklə müalicə olunan pozulmalardır. Üz sinirinin iltihabı nəticəsində insanın üzü əyilə bilər. Həmçinin, başın soyuqlaması güclü baş ağrılarına, kəllədaxili təzyiqin artmasına səbəb ola bilər".

Müsahibimiz deyir ki, başın soyuqlaması miqren tutmasına da gətirib çıxarır. Bir çox insanlarda ağır baş ağrıları ilə müşayiət olunan miqren xəstəliyi məhz başın güclü soyuqlamasından sonra meydana çıxıb.

Sarımsaqlı su. Damarları təmizləyən UNİKAL VASİTƏ

Sarımsaq damarları xolesteroldan təmizləyən ən əffektli təbii vasitədir. Bunu onlarla müxtəlif ölklərdə aparılan elmi  araşdırmalar təsdiq edib.

Xolesterol (yağa oxşayan maddə) damarların daxilində yığılaraq damarları zəif və kövrək edir, daraldır, trombların əmələ gəlməsinə səbəb olur. Nəticədə bu ürək xəstəliklərinə, infarkt və insulta gətirib çıxarda bilər.

Sarımsağın tərkibində olan nadir allisin maddəsi damarlar xolesteroldan təmizləyir, onların sağlamlığını və cavanlığını qoruyur.

Saglamolun.az rusiyalı fitoterapevt Konstantin Makarovun damarları xolesteroldan təmizləyən sarımsaqlı suyun reseptini  təqdim edir.

Tərkib:

- 1 iri baş sarımsaq

- 1 stəkan su

Hazırlanması:

Sarımsağı təmizləyin, əzin, üzərinə soyuq qaynanmış su tökün, 1 həftə sərin yerdə saxlayın (vaxtaşırı olaraq qarışdırın). 1 həftədən sonra məhlulu yaxşı süzün və sonra qapağı kip bağlı bankada soyuducuda saxlayın.

İstifadəsi:

Hər gün səhər 1 çay qaşığı için. Müalicə kursu - 1,5 ay. Daha sonra 1,5 ay fasilə verin və müalicəni təkrarlayın. Belə müalicə kurslarını daim etmək olar.

Sarımsaqlı su damarları təmizləməqlə yanaşı həmçinin immun sistemini möhkəmləndirir, orqanizmdə iltihabı azaldır, qurdqovucu təsir edir, xərçəngdən qoruyur.

Diqqət! Mədə və 12 barmaq bağırsağı xorası, qastrit, öd daşı xəstəliyi, pankreatit zamanı sarımsaqlı suyun qəbulu qadağandır.

Saytda Axtarış

Son xəbərlər