Dalga Televiziyasi Cəmiyyət
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün1115
DünənDünən2487
Bu həftəBu həftə21885
Bu ayBu ay65353
Bu günə qədərBu günə qədər2693031

Bizi Paylaşın

Video Xəbərlər

 

Təqvim


Cəmiyyət

Gürcüstanda yeniyetmələrin qətli ilə bağlı daha bir nəfər saxlanılıb

Gürcüstan Daxili İşlər NazirliyiTbilisidə iki yeniyetmənin qətlinin təkrar istintaqı zamanı Baş Prokurorluğun əməkdaşı Mirzə Subelianini saxlayıb.

İstintaq müəyyən edib ki,  Mirzə Subeliani qətlin törədilməsi və Q.C.-nin cinayətlə əlaqəli olması barədə məlumatlı olsa da, hadisə barədə hüquq-mühafizə orqanlarına məlumat verməyib.   

Qeyd edək ki, ötən ilin dekabrın 1-də Tbilisinin 51 saylı məktəbinin şagirdləri 16 yaşlı David Saralidze və Levan Dadunaşvili Xorava küçəsində mübahisə zamanı ölümcül bıçaq yaraları alıblar. Polis insidentdə şübhəli bilinən 2 yeniyetməni saxlayıb. Tbilisi şəhər məhkəməsi bir müddət əvvəl təqsirləndirilən şəxsləri qismən təqsirli hesab edib. Bununla bağlı Tbilisidə keçirilən irimiqyaslı etiraz aksiyaların əsas tələbi ötən ilin dekabrında qətlə yetirilmiş iki yeniyetmənin işi üzrə istintaqın qeyri-obyektiv aparılmasıdır.

 

Aksiyanın əsas təşkilatçısı olan qətlə yetirilmiş yeniyetmələrdən birinin atası Zaza Saralidze kütləvi aksiyanın baş nazir və hökumət istefa verənədək davam etdiriləcəyini bildirib.

AzTV sədrini öldürməyə cəhddə təqsirləndirilən şəxslər məhkəmədə bir-birini ittiham edib

Bu gün Bakı Ağır Cinayətlər Məhkəməsində "Azərbaycan Dövlət Televiziya və Radio Verilişləri" QSC-nin sədri Arif Alışovu öldürməyə cəhddə, ona qarşı dələduzluq etməkdə və digər cinayətlərdə təqsirləndirilən Şücayət Əkbərov, Qoçalı Cəbiyev, Zöhrab Şirinov və Aqşin Hüseynovun barəsində olan cinayət işi üzrə məhkəmə prosesi davam etdirilib.

APA-nın məlumatına görə, hakim Əfqan Hacıyevin sədrliyi keçirilən prosesdə şahid qismində Rövşən Eynalov ifadə verib.

O bildirib ki, hadisə ilə bağlı saxlanılan avtomobil Şamaxı Rayon Polis Şöbəsinə gətirilib. Şahid deyib ki, avtomobilin kimə məxsus olduğunu bilməyib.

 

Digər şahid Samux Rayon İcra Hakimiyyətinin əməkdaşı Ülvi Mirzəyev deyib ki, Samuxda Ş. Əkbərovun qızı üçün ev tikilib: "Evin tikilməsi üçün Şücayət Əkbərov sifariş verib. Evin tikintisi üçün materialları Şücayət və Ələddin tərəfindən alınıb. Evin tikintisinə təxminən 80 min manata yaxın pul xərclənib. Evin tikilməsi üçün torpaq sahəsi Şücayət Əkbərovun qızı Cəmiləyə icra başçısı tərəfindən hədiyyə olunub. Həmin mənzil Şücayət Əkbərovun qızı üçün tikilib".

Qismət Abışov bildirib ki, traktor almaq üçün zərərçəkmiş Dəyanət Cəfərov tərəfindən pul ödənilib. Şahid deyib ki, həmin pulla alınan texnikanı şəxsi təsərrüfatı üçün işlədib: "Şücayətin də, mənim də adıma alınan traktorların pulunu Dəyanət Cəfərov verib".

Ş. Əkbərov isə buna etiraz edərək, özünün adına alınan traktorun pulunu ödədiyini deyib.

Şamaxı rayon Mədrəsə kəndinin Bələdiyyə sədri Asim Bayramov ifadəsində deyib ki, özünə məxsus 12 sot torpaq sahəsini Ş. Əkbərova 5 min manata satıb.

Zərərçəkmiş Dəyanət Cəfərov isə qeyd edib ki, həmin kənddə 50 hektar sahəni Ş. Cəfərov ona 80 hektar adı ilə satıb.

Prosesdə təqsirləndirilən Ş. Əkbərovla digər təqsirləndirilən Aqşin Hüseynov arasında mübahisə düşüb, onlar bir-birlərini təhqir ediblər. Buna görə A. Hüseynov zaldan çıxarılıb.

Sonra şahid Habil Bayramov ifadə verib. O deyib ki, özünə məxsus 4 hektar torpaq sahəsini 2 min manata Aqşin Hüseynova satıb.

Daha sonra prosesdə iki şahid dindirilib. Məhkəmə şahidlərin ifadəsində ailə sirri olduğuna görə, prosesin qapalı keçirilməsinə qərar verib.

Qeyd edək ki, təqsirləndirilən şəxslər Cinayət Məcəlləsinin 29,120-ci (qəsdən adam öldürməyə cəhd), 178-ci (dələduzluq) və digər maddələrinə əsasən ittiham olunurlar.

Gürcüstan azərbaycanlıları “Soyqırıma son” şüarı ilə aksiya keçirib

Gürcüstanda azərbaycanlıların kompakt yaşadığı Marneuli rayonunda "Qüds günü" ilə bağlı aksiya keçirilib.

APA-nın yerli bürosunun məlumatına görə, aksiya Ümum Gürcüstan Müsəlmanları Ali Dini İdarəsinin təşkilatçılığı ilə Marneulinin İmam Əli məscidinin önündə baş tutub.

"Soyqırıma son!" şüarı altında keçirilən aksiyada iştirakçılar dünyada müsəlmanlara qarşı haqsızlıqlara və zülmə qarşı etiraz bildirib və İslam dünyasını birlikdə mübarizə aparmağa çağırıblar.

Aksiyada həmçinin Gürcüstan və Azərbaycanın işğal altında olan ərazilərində törədilən soyqırım cinayətləri də qınanılıb.

Sumqayıtda yaşayış binasında yanğın — 11 nəfər təxliyə edildi

Sumqayıt şəhərində beşmərtəbəli yaşayış binasının 1-ci mərtəbəsində yerləşən, ümumi sahəsi 67 m² olan 3 otaqlı mənzilin mətbəxində 2 ədəd məişət avadanlığı və 0,5 m² sahədə mətbəx mebeli yanıb.

Məlumatı FHN yayıb.

Yüksək temperaturdan mətbəxin lambirindən ibarət tavanı 15 m² sahədə əriyib. Yanğın zamanı 11 nəfər bina sakini yanğınsöndürənlər tərəfindən təxliyə edilib. Mənzilin qalan hissəsi yanğından mühafizə olunub.

Yanğın söndürülüb. 

Gürcüstanda müsəlman dünyasının ilk qadın deputatının məzarı abadlaşdırılıb

Gürcüstanda müsəlman dünyasında ilk qadın deputat olmuş etnik azərbaycanlı Pərixanım Sofiyevanın məzarı abadlaşdırılaraq üstündə qəbirüstü abidə qoyulub.

APA-nın yerli bürosunun məlumatına görə, Qardabani rayonunun Qaracalar kəndində abidənin açılış mərasimi keçirilib. Qəbirüstü abidə Gürcüstanın barışıq və vətəndaş bərabərliyi məsələləri üzrə dövlət naziri aparatının dəstəyi ilə qoyulub. 

Mərasimdə Gürcüstanın barışıq və vətəndaş bərabərliyi məsələləri üzrə dövlət naziri Ketevan Tsixelaşvili, Kvemo Kartli bölgəsinin qubernatoru Qriqol Nemsadze, qubernator müavini Zaur Darğallı və digər rəsmi şəxslər iştirak edib.

 

Qeyd edək ki, P. Sofiyeva 1918-ci ildə bitərəf millət vəkili kimi Gürcüstan Demokratik Respublikasının parlamentinə seçilib. O, dünyada demokratik yolla deputat seçilmiş ilk müsəlman qadın hesab olunur. P. Sofiyeva 1951-ci ildə vəfat edib və onun məzarı bu günə qədər baxımsız vəziyyətdə olub.

Gürcüstan hökumətinə qarşı ayaqqabı aksiyası keçirilib

Tbilisidə, Gürcüstanın hökumət administrasiyasının binası qarşısında simvolik etiraz aksiyası keçirilib.

APA-nın yerli bürosunun məlumatına görə, "Məni öldürmə" etiraz aksiyasını dəstəkləyən gənclər binanın önünə 200-ə yaxın köhnə ayaqqabı düzüblər.

Aksiya təşkilatçıları ötən ilin dekabrında Tbilsinin Xorava küşəsində qətlə yetirilmiş yeniyetmələrin işi üzrə istintaqın şəffaf aparılması və iyunun 10-na qədər konkret addımların atılmasını tələb ediblər. Onlar bildiriblər ki, həmin vaxta qədər addım atılmasa, xalq hökuməti köhnə ayaqqabı kimi dəyişəcək.

Azərbaycandakı zəlzələ Rusiya, Gürcüstan və Ermənistanda hiss olunub

Rusiya Federasiyasının Dağıstan respublikasının sakinləri Azərbaycanda ötən gecə baş verən zəlzələni hiss ediblər. APA-nın "RİA Novosti"yə istinadən verdiyi xəbərə görə, bu barədə Dağıstan FHN-in nümayəndəsi bildirib.

"Saat 21.50-də (Bakı vaxtı ilə 22.50) episentrinin Azərbaycanda yerləşdiyi zəlzələ barədə məlumat daxil olub. Dağıstan ərazisində zəlzələ 3-4 bal gücündə hiss olunub", - deyə qurumdan bildirilib.  

Qeyd edək ki, Azərbaycanın Zaqatala rayonunda 6 bal gücündə baş verən zəlzələ Gürcüstan və Ermənistan ərazilərində də hiss olunub

"Gürcüstan hava yolları” aviaşirkəti etiraz aksiyası keçirəcə

"Gürcüstan hava yolları" aviaşirkəti etiraz aksiyası elan edib.

APA-nın Gürcüstan bürosunun məlumatına görə,  buna səbəb şirkətin Tbilisi hava limanını idarə edən Türkiyənin “TAV Urban Georgia” şirkəti ilə aviabiletlərin qiymətinin aşağı salınması ilə bağlı bir ildən çoxdur apardığı danışıqların nəticə verməməsidir.

“Gürcüstan hava yolları”nın yaydığı xüsusi bəyanatda "TAV Urban Georgia” şirkətinin Gürcüstanı tərk etməsi tələb olunub: “Biz bunu tələb etməyə məcburuq. Əks halda "TAV Urban Georgia” bizim hava limanlarını 2027-ci ilə qədər idarə edəcək”.

 

Şirkət nümayəndələri etiraz aksiyasını bu həftənin sonunda Tbilisi hava limanının ərazisində keçirməyi planlaşdırırlar.

Qeyd edək ki, Gürcüstanın Tbilisi və Batumi hava limanlarının idarə olunması 2027-ci ilə qədər “TAV Urban Georgia” şirkətinə həvalə olunub.

"Gürcüstan hava yolları" şirkəti 1993-cü ildən fəaliyyət göstərir. Özəl aviaşirkətdə 500-dən çox işçi çalışır.

"Gürcüstan hava yolları" iddia edir ki, şirkətin aviabiletlərinin qiyməti “TAV Urban Georgia” tərəfindən  irəli sürülmüş şərtlərə görə yüksəkdir.

Tbilisidə qətlə yetirilmiş yeniyetmənin atası hökumətə iyunun 10-na qədər vaxt verib

Tbilisidə ötən ilin dekabrında qətlə yetirilmiş yeniyetmələrdən birinin atası Zaza Saralidze istintaqın obyektiv aparılması üzrə əhəmiyyətli addımların atılması üçün hökumətə iyunun 10-na qədər vaxt verib.

APA-nın Gürcüstan bürosunun məlumatına əsasən, bu barədə Z. Saralidze baş nazir Giorgi Kvirikaşvili ilə görüşdən sonra bildirib.

O deyib ki, həmin günə qədər etiraz aksiyası davam etdiriləcək: "Mənim mövqeyim ondan ibarətdir ki, sistem dağılmalıdır. Bu tələb əhəmiyyətli addımlar atılmayana qədər dəyişməz qalacaq".

G. Kvirikaşvili həmçinin qətlə yetirilmiş digər yeniyetmənin atası Davit Dadunaşvili ilə də görüşüb. 

Soda xərçəng xəstəliyindən xilas edə bilər

Soda xərçəng xəstəliyindən xilas edərək, kimya terapiyası zamanı effektivliyi artıra bilər. Bu qənaətə Lüdviq Universitetinin xərçəng üzrə tədqiqatçı alimləri gəliblər.

Bu barədə EurekAlert yazır.

Mütəxxəsislərin sözlərinə görə, suda qarışdırılmış sodanın istifadə edilməsi xərçəng toxumalarını müaliyəcəyə daha həssas edir.

Şiş böyüyən zaman onun ətrafına oksigen daxil olmur, nəticədə isə turşuluq artır. Soda isə turşuluğu neytrallaşdırır.

Bakıda güclü yanğın

alt

Bakının Binəqədi rayonu ərazisində yanğın təkər tullantıları sexində qeydə alınıb.

Bu barədə FHN-dən daxil olan məlumatda bildirilir.

Hazırda qurumun yanğın bölmələri alovun qarşısını almağa çalışır.

alt

alt

https://player.baku.tv/embed/1518

Gürcüstanda güclü leysan fəsadlar törədib

Gürcüstanda səhər saatlarından yağan güclü leysan Rustavi şəhərində problemlər yaradıb.

APA-nın Gürcüstan bürosunun məlumatına görə, şəhərin əsas küçə və prospektlərini su basıb.

Rustavinin mərkəzində yollar avtomobillərin hərəkəti üçün keçilməz olub.

Şəhərdə yağış yağmaqda davam edir.

Saytda Axtarış

Son xəbərlər