Gürcüstan üçün böyük əhəmiyyət kəsb edən enerji təhlükəsizliyinin təmin olunmasında Azərbaycanın rolu çox böyükdür.

"Dalğa TV"nin məlumatına görə, bunu Gürcüstanın baş nazirinin müavini, energetika naziri Kaxa Kaladze deyib.

K. Kaladze deyib ki, Azərbaycanın neft-qaz məhsulları nəinki region üçün, eləcə də Avropa üçün olduqca vacibdir: "Gürcüstan və Azərbaycan arasında mövcud olan dostluq münasibətləri ildən-ilə möhkəmlənir. Azərbaycan bizim strateji tərəfdaşımızdır".

Gürcüstanın baş naziri Qiorqi Kvirikaşvili Gürcüstanın müsəlman vətəndaşlarını müqəddəs Ramazan ayının başlanması münasibəti ilə təbrik edib.

"Səmimi qəlbdən mənim müsəlman həmvətənlilərimi müqəddəs ramazan ayının başlanması münasibəti ilə təbrik edirəm. Ramazan ayı hər bir müsəlman üçün vacib aydır. Hər bir kəsə sülh, firəvanlıq, xoşbəxtlik arzu edirəm. Bizim dostluğumuz əsrlər boyu davam edir. İnanıram ki, bu münasibət daha da dərinləşəcək və ağır, eləcə də xoş günlərdə yaşadığımız qardaşlığımızı bir daha təsdiq edəcək və bAzərbaycan prezidenti İlham Əliyev Almaniya kansleri Angela Merkellə təkbətək görüş keçirib.
Modern.az xarici KİV-ə istinadən xəbər verir ki, dövlət başçıları görüşdən sonra jurnalistlərin suallarını cavablandırıblar.

İlham Əliyev Dağlıq Qarabağ münaqişəsindən danışaraq mövcud status-kvonunu qəbulolunmaz olduğunu bəyan edib.
"Cəbhə xətti boyunca tez-tez atışmalar olur, atəşkəs rejimi çox kövrək və qeyri-stabildir. Bugünkü status-kvo qəbul olunmazdır. Aprel ayından bəri Ermənistan bizə qarşı təxribatlara əl atır".

Azərbaycan prezidenti həmçinin, Rusiyanın Qarabağ münaqişəsində rolunun çox konstruktiv olduğunu deyib.

"Azərbaycan Rusiyanı starteji tərəfdaş kimi görür. ATƏT-in sədri kimi Rusiyanın addımları da çox pozitivdir. ".
Prezident İlham Əliyev onu da bildirib ki, "Azərbaycan demokratiya və insan haqları prinsipinə sadiqdir".

O, Almaniya kansleri ilə görüşdə hansı məsələlərin müzakirə olunduğu haqda da danışıb.

"Kanslerlə görüşdə Azərbaycandakı siyasi vəziyyət də müzakirə edilib. Bu məsələlərin inkişafı üçün, o cümlədən sərbəst toplaşma, ifadə azadlığı sahəsində bir sıra addımlar atılıb. Azərbaycanda internet azaddır.

Həmçinin ölkəmizdə din və etiqad azadlığı mövcuddur. Bu il Azərbaycanda "Multikulturalizm ili" elan edilib. Azərbaycanda müxtəlif dinlər birgə yaşayır".irlikdə bizim ölkəmizi gücləndirəcəyik", – deyilir Qiorqi Kvirikaşvilinin təbrik məktubunda.

Gürcüstanın təhsil və elm naziri Tamar Sanikidzeni Aleksandre Cecelava əvəz edəcək, – bu haqda bir neçə dəqiqə öncə Gürcüstanın baş naziri keçirdiyi xüsusi brifinqdə bəyan etdi.

"Rusiya Azərbaycanla qonşu, dost ölkədir. Rusiya ilə yaxşı, konstruktiv münasibətlərimiz mövcuddur".

Bunu Almaniya kansleri Angela Merkellə görüşdən sonra keçirilən mətbuat konfransında Azərbaycan prezidenti İlham Əliyev deyib.

İ. Əliyev bildirib ki, Azərbaycanın Rusiya ilə təhlükəsizlik, nəqliyyat, ticarət sahəsində yaxşı münasibətləri var: "Rusiyanı strateji tərəfdaş hesab edirik. Rusiyanın da Azərbaycana münasibəti eynidir. Rusiyanın Ermənistana silah satması Azərbaycanda allergiyaya səbəb olmur. Lakin bu, Ermənistanda allergiya doğurur".

Azərbaycan prezidenti qeyd edib ki, Ermənistandan fərqli olaraq, Azərbaycan aldığı silahlara görə pul ödəyir: "Azərbaycan təkcə Rusiyadan deyil, həmçinin Türkiyə, İsrail, Belarus və İrandan silah alır. Çünki biz silahlı qüvvələrimizi müasirləşdirməliyik. İşğal altında olan və çətin geosiyasi konfiqurasiyada yerləşən dövlət bunu etməlidir. Rusiya ATƏT-in Minsk qrupunun həmsədr ölkələrindən biridir. Biz Rusiyanın burada rolunu pozitiv qiymətləndiririk. Ümid edirik ki, Rusiya, Fransa və ABŞ bütün potensialından istifadə edərək Ermənistanı ona məxsus olmayan torpaqlardan çıxmağa inandıracaq".

İyunun 7-də Berlində Azərbaycan-Almaniya İqtisadi Forumunun açılışı olub.

"Dalğa TV" xəbər verir ki, Azərbaycan Respublikasının Prezidenti İlham Əliyev Forumun açılışında iştirak edib.

Almaniya Federativ Respublikasının vitse-kansleri, iqtisadiyyat və enerji naziri Ziqmar Qabriel Azərbaycan Prezidentini salamlayaraq bu Forumun keçirilməsindən məmnun olduğunu bildirdi. O, bir neçə gündən sonra Bakıda baş tutacaq "Formula-1" yarışlarının uğurla keçiriləcəyinə əminliyini ifadə edib.

Ziqmar Qabriel "Cənub Qaz Dəhlizi" layihəsinin əhəmiyyətinə toxunaraq onu Xəzərin karbohidrogen ehtiyatlarını Avropaya çatdıracaq yeni layihə kimi xarakterizə edib.

Vitse-kansler ölkəmizin yüksək nailiyyətlər əldə etdiyini dedi, iqtisadi inkişafına görə Azərbaycanın bir neçə il dalbadal dünyada birinci olduğunu diqqətə çatdırıb.

Ölkəmizdə çalışan alman şirkətlərinin uğurla fəaliyyət göstərdiklərini deyən iqtisadiyyat və enerji naziri Azərbaycanın üzləşdiyi ən böyük problemdən - Ermənistan-Azərbaycan, Dağlıq Qarabağ münaqişəsindən narahatlığını ifadə edərək tərəflərin Vyana görüşündən sonra nizamlama ilə bağlı nikbinliyin yarandığını söyləyib. O, Almaniya ilə Azərbaycan arasında güclü əlaqələrin olduğunu bir daha vurğulayaraq bu Forumun ikitərəfli əlaqələrə güclü dəstək verəcəyini bildirib.

Forumda çıxış edən Prezident İlham Əliyev Almaniya ilə Azərbaycanın yaxşı tərəfdaşlar olduqlarını, ölkələrimiz arasında fəal siyasi dialoqun aparıldığını bildirib.

Münasibətlərin iqtisadi əlaqələrin inkişafına da təsir etdiyini deyən Dövlət başçısı bildirib ki, Azərbaycan iqtisadiyyatının inkişafı üçün təhlükəsizlik və sabitlik vacibdir. Son vaxtlar Dağlıq Qarabağda qoşunların təmas xəttində baş verən hadisələrə diqqəti cəlb edən Prezident İlham Əliyev vurğulayıb ki, atəşkəs olduqca kövrəkdir, Ermənistan vəziyyətə nəzarət edə bilmir və status-kvo bu cür davam edə bilməz. İşğal olunmuş ərazilərdən bütün işğalçı qüvvələrin çıxarılmasının vacibliyini vurğulayan dövlətimizin başçısı Avropanın indi üzləşdiyi miqrasiya problemi nəticəsində yaranan humanitar böhranı Azərbaycanın 20 il bundan əvvəl yaşadığını qeyd etdi, BMT Təhlükəsizlik Şurasının qətnamələrini icra etmədiyi üçün Ermənistana sanksiyaların tətbiq olunmamasından təəssüfləndiyini bildirib. "Münaqişənin tezliklə həll olunması regionun sabitliyinə xidmət edəcək", - deyən Prezident İlham Əliyev bildirdi ki, bu çətin vəziyyətə baxmayaraq, Azərbaycan uğurla inkişaf edir. Son 25 ildə ölkəmizdə çox güclü siyasi və iqtisadi islahatlar həyata keçirilib, bütün azadlıqlar təmin olunub. "Biz Ermənistan ilə atəşkəs müddətini ölkəmizin inkişafına sərf etmişik", - deyən dövlətimizin başçısı Azərbaycanın hazırda qlobal enerji layihələrinin həyata keçirilməsində mühüm rol oynadığını vurğuladı. Avropaya qaz ixracını təmin edəcək layihənin 2012-ci ildən icra olunduğunu bildirən Prezident İlham Əliyev "Cənub Qaz Dəhlizi" layihəsinin mühüm qolu olan TAP-ın inşasının uğurla davam etdiyini deyib. Dövlət başçısı layihə üzrə güclü tərəfdaşlıq komandasının yarandığını vurğuladı, bu layihələrə Avropa İttifaqının da böyük dəstək verdiyini diqqətə çatdırdı. Prezident İlham Əliyev bütün tərəfdaşlara fayda verəcək bu layihənin mənbələrin şaxələndirilməsi baxımından mühüm əhəmiyyət kəsb etdiyini bildirib.

Hazırda ölkəmizdə qeyri-neft sektorunun inkişafına xüsusi diqqət yetirildiyini deyən Dövlət başçısı ixrac potensialının şaxələndirilməsi, kənd təsərrüfatının, informasiya-kommunikasiya texnologiyalarının, nəqliyyat sektorunun inkişaf etdirilməsinin prioritet məsələlər sırasında olduğunu vurğulayıb.

Prezident İlham Əliyev Bakı-Tbilisi-Qars dəmir yolunun bu il istifadəyə veriləcəyinə ümidvar olduğunu bildirib, Bakıda ən böyük dəniz limanının tikintisinin aparıldığını, bununla da ölkəmizin gələcəkdə logistik mərkəzə çevriləcəyini söyləyib.

Keçən il Azərbaycanın birinci Avropa Oyunlarına ev sahibliyi etdiyini diqqətə çatdıran Dövlət başçısı bu ay ölkəmizdə "Formula–1" yarışlarının, gələn il isə IV İslam Həmrəylik Oyunlarının keçiriləcəyini dedi. Azərbaycan Prezidenti bu ilin ölkəmizdə "Multikulturalizm ili" elan olunduğunu bildirib.

"Biz Azərbaycanda daha çox alman şirkətlərini görmək istəyirik", – deyən Dövlət başçısı ölkəmizdə əməkdaşlıq üçün mühüm sahələrin olduğunu vurğulayıb, bu Forumun əlaqələrin daha da möhkəmlənəcəyinə töhfə verəcəyinə əminliyini ifadə edib.

Sonra "Knauf" şirkətlər qrupunun icraçı direktoru, Şərqi Avropa ilə İqtisadi Əlaqələr üzrə Komitənin idarə heyətinin üzvü Manfred Qrunke və Almaniya-Azərbaycan Ticarət və Sənaye Palatasının rəhbəri Samir Axundov Azərbaycan ilə Almaniya arasında iqtisadi əlaqələrin inkişafından danışıblar.

Marqvelaşvili fərman imzalayıb.

Gürcüstan prezidenti Georgi Marqvelaşvili parlament seçkilərinin keçirilmə tarixinin oktyabrın 8-nə təyin olunması barədə fərman imzalayıb.

Oxu.Az xəbər verir ki, bu barədə prezidentin mətbuat katibi Eka Mişveladze məlumat verib.

Onun sözlərinə görə, Gürcüstan prezidentinin imzaladığı sərəncam artıq baş nazir Qeorqi Kvirikaşvili göndərilib.

Ölkədə seçkiqabağı kampaniyaya iyunun 8-dən start veriləcək.