"Rusiya Dağlıq Qarabağ münaqişəsinin həllində kömək etməyə həmişə hazırdır. Ona görə də sizin Azərbaycan prezidenti İlham Əliyevlə görüşünüzü alqışlayırıq".

Anspress-in məlumatına görə, bu sözləri Rusiyanın baş naziri Dmitri Medvedev Ermənistan prezidenti Serj Sarkisyanla görüşü zamanı deyib. O qeyd edib ki, Qarabağda əldə edilən razılığı qorumaq vacibdir.

"Biz indi sizinlə bu məsələ ilə bağlı olan hər şeyi müzakirə edəcəyik. Vyana görüşü zamanı Minks qrupunun həmsədrlərinin səyləri nəticəsində dialoqun saxlanılması, 1994-95-ci illərdə əldə olunan atəşkəsə riayət olunması barədə məsələlər müzakirə olunub.

Görüşdə əhəmiyyətli qərarlar qəbul edilib. Regionda sülh və sabitliyin qorunması üçün biz əlimizdən gələni edəcəyik", - deyə Medvedev bildirib.

Serj Sarkisyan da Vyana görüşündə mühüm qərarların qəbul olunduğunu deyib. “Ümid edirik ki, ATƏT-in Minsk qrupunun həmsədr ölkələrinin xarici işlər nazirlərinin qəbul etdikləri qərarlar yerinə yetiriləcək".

"Aprel hadisələri zamanı 800 hektar ərazi itirmişik".

"Dalğa TV"nin "Panarmenian"a istinadən verdiyi məlumata görə, bu sözləri Ermənistan prezidenti Serj Sarkisyan Vyanadan qayıdarkən təyyarədə jurnalistlərə deyib.

“Nəyisə itirirsənsə, əvvəlcə anlamaq lazımdır ki, o hansı əhəmiyyətə malik olub. Bu, strateji, taktiki və bəzən psixoloji əhəmiyyət kəsb edə bilər”, - deyə o vurğulayıb.
Ermənistan Silahlı Qüvvələrinin təhlükəsizlik məqsədi ilə istifadə etdiyi 800 min hektar ərazinin 800 hektarını itirdiyini deyən S. Sarkisyan itirilən torpaqların heç bir strateji və taktiki əhəmiyyətə malik olmadığını vurğulayıb.

Qeyd edək ki, Dağlıq Qarabağ münaqişəsinin müasir mərhələsi 1988-ci ildə Ermənistan SSR-in Azərbaycan SSR-ə qarşı ərazi iddiaları əsasında başlayıb. 1991-1994-cü illərdə Azərbaycanın Dağlıq Qarabağ ərazisi uğrunda Ermənistanla Azərbaycan arasında şiddətli müharibə baş verib. Nəticədə Azərbaycan ərazilərinin 20 faizi - Dağlıq Qarabağ və ətraf 7 inzibati rayon (Laçın, Kəlbəcər, Ağdam, Füzuli, Cəbrayıl, Qubadlı, Zəngilan) Ermənistan Silahlı Qüvvələri tərəfindən işğal olunub, 1 milyondan artıq insan qaçqın və məcburi köçkün vəziyyətinə düşüb. Hərbi əməliyyatlar 1994-cü ilin may ayında Bişkekdə Azərbaycan və Ermənistan arasında imzalanmış atəşkəs sazişi ilə başa çatıb.

Dağlıq Qarabağ münaqişəsinin həlli ilə ATƏT-in Minsk qrupu məşğul olur. Qrup ATƏT-in Nazirlər Şurasının 1992-ci ilin 24 martında Helsinkidə keçirilmiş görüşündə yaradılıb. Qrupun üzvləri Azərbaycan, Ermənistan, Rusiya, Amerika Birləşmiş Ştatları, Fransa, İtaliya, Almaniya, Türkiyə, Belarus, Finlandiya və İsveçdir.

1996-cı ilin dekabrından onun Rusiya, ABŞ və Fransadan ibarət həmsədrlik institutu fəaliyyət göstərir.

Ermənistan qoşunlarının Dağlıq Qarabağdan qeyd-şərtsiz çıxarılması ilə bağlı BMT Təhlükəsizlik Şurasının 1993-cü ildə qısa fasilələrlə qəbul edilmiş 822, 853, 874 və 884 saylı qətnamələri, o cümlədən BMT Baş Assambleyası, AŞPA, ATƏT, İƏT və digər təşkilat və qurumların qətnamələri mövcuddur.

Tərəflər ikitərəfli münasibətləri müzakirə ediblər.

Gürcüstanın baş naziri Giorgi Kvirikaşvili bu ölkədə səfərdə olan azərbaycanlı həmkarı Artur Rasizadə ilə görüşüb.

"Dalğa TV" "Qruizya Onlayn"a istinadən xəbər verir ki, administrasiyanın məlumatına görə, baş nazirlər Gürcüstan-Azərbaycan münasibətlərinin gündəmində olan məsələləri nəzərdən keçiriblər və gələcək əməkdaşlıq perspektivləri ətrafında fikir mübadiləsi aparıblar.

“İlk növbədə, hamını iki ölkə üçün strateji əməkdaşlığın əsası olan Bakı-Supsa enerji dəhlizin 20 illik yubileyi münasibəti ilə təbrik etmək istəyirəm”, - Georgi Kvirikaşvili azərbaycanlı həmkarı ilə görüşə bu sözlərlə başlayıb.

Görüş zamanı iki ölkənin müxtəlif sahələrdə əməkdaşlığında müşahidə edilən intensiv inkişaf barədə söhbət danışılıb, əsasən də iqtisadi-ticarət, energetika və nəqliyyat sahəsində artan potensial qeyd edilib.

Tərəflər Gürcüstan və Azərbaycan tərəfindən birgə həyata keçirilən layihələr nəzərdən keçirilib.

Beynəlxalq enerji və nəqliyyat layihələrinin həyata keçirilməsi nöqteyi-nəzərdən iki ölkənin rolu da qeyd edilib.

Hökumət administrasiyasında keçirilən görüşdə Gürcüstannın baş nazirinin müavini Kaxaber Kaladze, baş nazirin müavini, energetika və dayanıqlı inkişaf naziri Dmitri Kumsişvili, Azərbaycanı energetika naziri Natiq Əliyev, SOCAR-ın prezidneti Rövnəq Abdullayev iştirak ediblər.

"Moskvada baxırlar, kim daha etibarlı dostdur".

Rusiya görür ki, Azərbaycan etibarlı partnyordur, ona inanmaq olar. Elə buna görə də bizim birbaşa əlaqələrimiz möhkəmlənir.

"Dalğa TV" xəbər verir ki, bu sözləri Azərbyacanın Rusiyadakı səfiri Polad Bülbüloğlu ANS TV-nin "Hesabat" verilişində Mir Şahinin sullarını cavablandırarkən deyib.

Son hadisələrindən sonra bəzi məqamların ortaya çıxdığını, Ermənistanın özündə Rusiyaya qarşı etirazların artdığını söyləyən səfir, bütün bu baş verənlərin fonunda Moskvanın kimin daha etibarlı tərəfdaş olduğunu müşahidə etdiyini bildirdi.

"Aprel hadisələri çox şeyi göstərdi, bəzi məqamlar özünü daha geniş büruzə verdi. Ermənistanda olan münasibətlər, İrəvanın özündə Rusiyaya qarşı etirazlar, rus səfirliyinə yumurta atmalar və s. Bunlar kiçik məsələlər deyil. Moskvada baxırlar, kim daha etibarlı dostdur, kimə daha çox etibar etmək olar",- deyə Polad Bülbüloğlu son vəziyyəti şərh edərkən bildirdi.

Səfir aprel hadisələri zamanı dünya azərbaycanlılarının birliyindən, insanlarda olan vətənpərvərlik ruhundan da fəxrlə danışdı. Bildirdi ki, ölkəmizin Rusiyadakı səfirliyinə döyüşlər gedən ərəfədə zənglərin ardı-arası kəsilməyib. Hər kəs torpaqlarımız uğrunda döyüşməyə, orduya kömək etməyə hazır olduğunu səfirliyə yazdığı məktublarla bildirib.

"Vladivostokdan Kalininqrada kimi nə qədər azərbaycanlı bizə könüllü olaraq orduya yazılmaq istəyi ilə müraciət etdi. Hər bir azərbaycanlıda böyük bir ruh oyanıb. Azərbaycan xalqı vətənpərvər xalqdır. Biz bu torpaqları azad edəcəyik. Torpaqlarımızı heç kimin əlində qoymayacağıq",- deyə səfir fəxrlə xalqımızdakı döyüş ruhundan da danışıb.

"Sənədin imzalanması daha müfəssəl əməkdaşlığın həyata keçirilməsinə böyük zəmin yaradacaq".

Ölkələr arasında bu formatda keçirilən dördüncü görüşdə Anlaşma Memorandumunun imzalanacağı barədə yekun qərar qəbul olunub.

"Dalğa TV" xəbər verir ki, bu sözləri Gürcüstanın müdafiə naziri Tinatin Xidaşeli Qəbələdə keçirilən Azərbaycan-Gürcüstan-Türkiyə müdafiə nazirlərinin üçtərəfli görüşündə bildirib.

“Ölkələr arasında münasibətlərin təməli 25 il əvvəl qoyulsa da, sənədin imzalanması bizə daha müfəssəl əməkdaşlığın həyata keçirilməsi üçün böyük zəmin yaradacaq”, - deyə gürcü nazir bildirib.

Tinatin Xidaşeli həmçinin Azərbaycan və Gürcüstanın dövlət müstəqilliklərinə göstərdiyi dəstəyə görə Türkiyə Cümhuriyyətinə öz minnətdarlığını bildirib.

NATO və Gürcüstan əməkdaşlığından danışan nazir qeyd edib ki, ötən ilin avqustunda NATO və Gürcüstan birgə qiymətləndirmə mərkəzi açıblar:

“Bu mərkəz tam həcmdə fəaliyyət göstərir və biz Azərbaycan tərəfini keçirilən tədbirlərə dəvət etmək istərdik ki, ölkəniz Gürcüstan kimi NATO-nun tam bir paketindən faydalana bilsin”.

Hazırda Gürcüstanda ABŞ və Böyük Britaniya hərbçilərinin təlimindən danışan (“Noble Partner” – red.) Tinatin Xidaşeli ölkəsinin gələcəkdə bu tədbirləri mütəmadi olaraq Fransa, Almaniya, Türkiyə və Azərbaycan hərbçiləri ilə keçirəcəyini qeyd edib.

“Gürcüstan öz tərəfdaşlarını bu tədbirlərdə görməkdən şad olardı”, - deyə o bildirib.

Gürcü nazir onu da qeyd edib ki, ölkəsinin keçirdiyi tədbirlər heç kimə qarşı yönəlməyib:

“Təlimləri keçirməkdə məqsədimiz müttəfiqlərimizi, dostlarımızı dəvət etmək, regionda sülhə və sabitliyə nail olmaq, iqtisadi inkişafa yönəlmiş sabit qonşuluq siyasəti aparmaqdır”, - deyə o bildirib.

Müdafiə nazirləri regiondakı hərbi-siyasi vəziyyəti və təhlükəsizlik məsələlərini də müzakirə ediblər.

3 ölkənin Silahlı Qüvvələrinin döyüş qabiliyyətinin artırılması və qarşılıqlı əməliyyat uyarlılığının əldə edilməsi məqsədilə üçtərəfli birgə təlimlərin keçirilməsi, hərbi təlim-təhsil sahəsində əməkdaşlığın üçtərəfli formatda təşkili, kibertəhlükəsizlik sahəsi üzrə əməkdaşığın inkişaf etdirilməsi, o cümlədən neft və qaz boru kəmərlərinin mühafizəsi üzrə üçtərəfli təlimlərin daha da təkmilləşdirilməsi məqsədəuyğun hesab olunub.

Oxu.Az xəbər verir ki, bu sözləri Azərbaycanın müdafiə naziri Zakir Həsənov Qəbələdə Azərbaycan-Gürcüstan-Türkiyə müdafiə nazirlərinin üçtərəfli görüşünün yekunlarına həsr olunmuş mətbuat konfransında bildirib.

Nazirin sözlərinə görə, Azərbaycan, Gürcüstan və Türkiyə üçtərəfli Anlaşma Memorandumunun imzalanmasını nəzərdə tutur.

“Hazırda layihəsi razılaşdırılmaqda olan Anlaşma Memorandumunun imzalanması əməkdaşlığımızın hüquqi bazasının əsasını təşkil edəcək, üçtərəfli fəaliyyətlərimizin yeni mərhələyə keçməsinə zəmin yaradacaq”, - deyə Zakir Həsənov bildirib.

Azərbaycanın müdafiə naziri həmçinin gələcəkdə bu formatdan irəli gələn yeni təşəbbüs və layihələrin həyata keçirilməsinin planlaşdırıldığını bildirib.

Zakir Həsənov həmçinin qeyd edib ki, üçtərəfli görüşdə müdafiə nazirləri regiondakı hərbi-siyasi vəziyyəti və təhlükəsizlik məsələlərini də müzakirə ediblər.

Həmçinin Qəbələ görüşündə Dağlıq Qarabağ münaqişəsinin tənzimlənməsi ilə bağlı məsələlər, xüsusən son zamanlarda münaqişə zonasında gərginliyin artması da diqqət mərkəzində olub.

“Münaqişələrin sülh yolu ilə həllinin zəruriliyini və bir-birimizin suverenliyinə, ərazi bütövlüyünə qarşı beynəlxalq hüquq normaları çərçivəsində yanaşmanın vacibliyini bir daha qeyd etdik”, - deyə Zakir