“Biz qonşu, strateji və dost ölkə olan Türkiyədə baş verən hadisələrdən narahatıq. İyulun 16-na keçən gecə Türkiyədə hərbi çevrilişə cəhd olub. Ümid edirik ki, qonşu və dost ölkədə yaxın günlərdə vəziyyət tezliklə dəyişəcək və stabilləşəcək”.

APA-nın Gürcüstan bürosunun məlumatına görə, bu barədə Gürcüstanın xarici işlər naziri Mixail Canelidze bildirib.

Gürcü nazir açıqlamasında həmçinin Türkiyədə olan Gürcüstan vətəndaşlarını küçələrə çıxmamağa çağırıb. Onun sözlərinə görə, Gürcüstanın Türkiyənin Ankara şəhərindəki  səfirliyində və İstanbuldakı baş konsulluğunda qaynar xətt yaradılıb və ehtiyac olarsa, Gürcüstan vətəndaşlarının həmin qaynar xəttə müraciət etmələri tövsiyə olunub.

M. Canelidze hadisələr baş verən zaman Gürcüstan vətəndaşları ilə daim əlaqə saxlanıldığını da bildirib. 

Gürcüstanın Respublikaçılar Partiyası seçkiqabağı kampaniyaya start verib və bir neçə gündən sonra partiyanın üzvləri - müdafiə naziri Tina Xidaşeli ilə barışıq və vətəndaş bərabərhüquqluluğu üzrə dövlət naziri Paata Zakareişvili öz postlarını tərk edəcəklər”.

Dalga TV-nin  "RİA Novosti"yə istinadən verdiyi məlumata görə, bu sözləri Respublikçılar Partiyasının lideri, Gürcüstan parlamentinin sədri David Usupaşvili deyib. O bildirib ki, Respublikaçılar Partiyasından olan hər iki nazir ölkələri üçün çox iş görüblər: “Bir necə gündən sonra baş nazirin razılığı əsasında onlar öz işlərini yekunlaşdıraraq partiyanın təbliğat fəaliyyətinə qoşulacaqlar. Ətraf mühit naziri Giqla Aqulaşviliyə gəldikdə isə, o başqa seçim edib və partiyadan çıxaraq hökumətdə qalıb”.

Xatırladaq ki, Gürcüstanda parlament seçkiləri oktyabrın 8-də keçiriləcək. Artıq ölkədə seçkiqabağı kampaniya başlayıb.

Türkiyə xarici işlər naziri Mövlud Çavuşoğlu Rusiyanın Soçi şəhərində keçiriləcək Qara Dəniz İqtisadi Əməkdaşlıq Təşkilatının (QDİƏT) tədbirində iştirak edəcək.

QDİƏT tədbiri iyulun 1-də baş tutacaq.

Bundan əvvəl Rusiya tərəfi Türkiyənin tədbirdə iştirak etmək üçün dəvət etdiyini bildirib.

Türkiyə-Rusiya münasibətləri yaxın bir neçə gündə qaydasına düşə bilər".

Bunu AzNews.az-a açıqlamasında politoloq Qabil Hüseynli Türkiyə Prezidenti Rəcəb Tayyib Ərdoğanın Rusiya Prezidenti Vladimir Putinə Su-24 təyyarəsinin pilotunun çlümü ilə bağlı başsağlığı məktubunu şərh edərkən deyib. O bildirib ki, Türkiyənin bu addımının arxasında yaxın qonşularla münasibətləri qaydasına salmaq ideyası durur: "İsraillə münasibətlər qaydasına düşdü. Rusiya ilə münasibətlərin qaydaya düşməsi istiqamətində də 3 aydır ki, danışıqlar gedir. Bunun üçün xüsusi komissiya təşkil olunub. Danışıqlar komissiya vasitəsi ilə aparılır. Nəticə etibarilə tərəflər arasında həm üzr istəmənin, həm kompensasiya çdənilməsinin yolu müəyyənləşib. Bu formada razılaşma indi başa çatıb. Məhz buna gçrə də Ərdoğan həlak olmuş təyarəçinin ailəsindən üzr istədi və kompensasiya çdəniləcəyini vəd verdi".

Q.Hüseynli yaxın günlərdə də R.T.Ərdoğanın Rusiya prezidenti ilə telefon danışqıları aparacağını qeyd edib.

Qeyd edək ki, Türkiyə Prezidenti Rəcəb Tayyib Ərdoğan Rusiya Prezidenti Vladimir Putinə başsağlığı məktubu ünvanlayıb. Məktubda Su-24 təyyarəsinin pilotunun çlümü ilə bağlı Türkiyə prezidenti rus pilotun ailəsinin dərdinə şərik olduğunu bildirib və üzr istəyib.

"Müdafiə naziri Tina Xidaşelinin məcburi hərbi xidmətin ləğv olunması ilə bağlı müstəqil qərar verməyə haqqı yox idi".

APA-nın "Qruziya Online"a istinadən verdiyi məlumata görə, bu sözləri Gürcüstan prezidenti Georgi Marqvelaşvili deyib. O bildirib ki, məsələ çağırışın ləğv olunması ilə deyil, müdafiə nazirinin öz kvotasını istifadə etməməsi ilə bağlıdır: "Onun nə dərəcədə doğru olmasından asılı olmayaraq, bu kimi qərarlar bir rəsmi şəxs tərəfindən verilməməli, məsələyə həm hökumətin, həm də Təhlükəsizlik Şurasının kollegiya iclasında baxılmaldır".

Prezident müdafiə naziri tərəfindən verilən qərardan əvvəlcədən xəbərdar olmadığını söyləyib.

Xatırladaq ki, Gürcüstanın müdafiə naziri Tina Xidaşeli ölkəsində məcburi həqiqi hərbi xidmətin ləğv olunması ilə bağlı sərəncam imzalayıb.

Milli Məclin növbədənkənar sessiyasının sonuncu iclasında deputat Zahid Orucla sədr Oqtay Əsədov arasında qalmaqal yaşanıb.

İclasın açıq elan edilməsindən sonra deputatlar birbaşa gündəlikdə duran məsələlərin müzakirəsinə keçiblər. Deputatlar Vergi Məcəlləsində dəyişikliklər edilməsi haqqında qanun layihəsini müzakirə ediblər.
Bu haqda Milli Məclisin İqtisadi siyasət, sənaye və sahibkarlıq komitəsinin sədri Ziyad Səmədzadə məlumat verib. O qeyd edib ki, təklif edilənlər vacib dəyişikliklərdir. Deputat Qüdrət Həsənquliyev bu dəyişiklikləri müdafiə etdiyini açıqlayıb.
Zahid Oruc isə deyib ki, Böyük Britaniyada Avropa Birliyindən çıxmaq xətti qalib gəldi:
"Avropa Birliyinin gələcəyi sual altına düşür. Bu iqtisadi bazarlara təsir edəcək. Artıq bu gundən funt strerlinqin qiyməti aşağı düşüb. Eləcədə avro dollar qarşısında zəifləməkdə davam edir. Odur ki, "tax-free" siyasətinə diqqətlə yanaşmaq lazımdır".
Spiker Oqtay Əsədov deyib ki, "tax free" dünyanın 130 ölkəsində işləyir: "Azərbaycan bura qoşulmaqla 131-ci ölkə olacaq. Bunun Avropa Birliyinə nə dəxli var axı?".
Spiker Oqtay Əsədovun bu fikirləri Zahid Orucun etirazına səbəb olub. Deputat yerdən spikerə etiraz edərkən qarşıdurma yaranıb. Spiker Zahid Orucu sakit olmağa dəvət edib: "Siz danışdınız, mən də sizə qulaq asdım və izahat verirəm. Xahiş edirəm yerindən danışma".
Zahid Orucun yerdən danışması spikeri yenidən əsəbləşdirib: "Otur yerində. Sakit ol. Səviyyəni gördük. Səviyyəsiz. Sənə söz verməyəcəm".

Deputat Siyavuş Novruzov tərəfləri sakitliyə dəvət edib. O, spikerin istənilən məsələ ilə bağlı fikrini demək hüququnda olduğunu bildirib: "Etika qaydalarına riayət edək. Azərbaycanda mövcud adət-ənənə, böyük-kiçik məsələsi var. Milli Məclisdəki əvvəlki vəziyyətləri görmüşük. Deyirsiniz ki, həmin dövrə qayıdaq? Fikir bildirdin bitdi. Hər kəs deyə bilməz ki, bu fikir düzdür. Hər kəsin öz fikri var. Bir-birimizə hörmətlə yanaşmalıyıq. Söz verildi, danışırıq, mikrafon söndüsə, deməli söhbət bitdi. Hər kəs yerdən bir söz desə, onda bizim Milli Məclis hansı vəziyyətə qalar? Bu məsələni nəzərə almalıyıq".
İclasın sonunda spiker Oqtay Əsədov Zahid Orucla bağlı məsələyə Milli Məclisin İntizam Komissiyasında baxılması ilə bağlı İntizam Komissiyasının sədri Ağacan Əbiyevə tapşırıq verib. O, komissiyanın iclasında Z. Orucun bu gün Milli Məclisdəki davranışının araşdırılmasını və ölçü götürülməsini tapşırıb.
Milli Məclisin İntizam Komissiyasının sədri Ağacan Abıyev jurnalistlərə açıqlamasında deyib ki, Milli Məclisdə fikir ayrılıqları, mübahisələr ola bilər. "Ancaq Milli Məclis üzvünün Milli Məclis sədri ilə söz güləşdirməsi qəbuledilməzdir. Sədri Milli Məclisin üzvləri seçib. Onun vəzifəsi Milli Məclisin iclaslarını idarə etməkdir. Milli Məclis sədri deputatın mövqeyini müdafiə də edə, razı olmaya, irad bildirə bilər. Oqtay Əsədov həm də Zahid Orucdan yaşlıdır. Zahid Oruc kimi cavan deputat bu amilləri nəzərə alaraq, Oqtay Əsədovla söz güləşdirməməli, elə reaksiya verməməli idi.
A.Abıyev bu həftə ərzində İntizam Komissiyasının iclasının keçiriləcəyini nəzərə çatıdırıb. Komissiyada Zahid Orucla həmkar olaraq söhbət ediləcəyini deyən Ağacan Abiyev əlavə edib ki, 12 nəfər komissiya üzvü öz fikrini bildirəcək. "Burada hər hansı cəza yoxdur, ancaq tövsiyə verə bilərik. Zahid Oruc iclasa dəvət olunacaq və Milli Məclisdə sədrə qarış belə davranışının yolverilməz olduğu onun nəzərinə çatdırılacaq".