Görüş Qəbələdə keçirilir.

Qəbələdə Azərbaycan, Gürcüstan və Türkiyənin müdafiə nazirləri Zakir Həsənov, Tinatin Xidaşeli və İsmət Yılmaz arasında üçtərəfli görüş başlayıb.

"Dalğa TV" xəbər verir ki, görüşdə təhlükəsizlik və hərbi əməkdaşlıq məsələləri müzakirə olunacaq.

Üçtərəfli görüşdən sonra müdafiə nazirləri mətbuat konfransı keçirəcəklər.
Mayın 15-də Azərbaycan Respublikasının Müdafiə naziri general-polkovnik Zakir Həsənov ölkəmizə rəsmi səfərə gələn Türkiyə Respublikasının Milli Müdafiə naziri cənab İsmət Yılmaz ilə ikitərəfli formatda danışıqlar aparılması üçün görüşüb.

Oxu.Az xəbər verir ki, nümayəndə heyətlərinin iştirakı ilə keçirilən görüşdə Müdafiə naziri general-polkovnik Zakir Həsənov qonaqları salamlayaraq, Azərbaycan ilə Türkiyə arasında hərbi əməkdaşlığın dostluq və qardaşlıq münasibətləri üzərində qurulduğunu, bu əlaqələrin yüksələn xətt üzrə inkişaf etdiyini və ölkələrimiz üçün faydalı olduğunu qeyd edib.

Qonaq Azərbaycan-Türkiyə qarşılıqlı münasibətlərinin möhkəmlənməsində bu cür görüşlərin rolu və əhəmiyyətindən danışıb.

Daha sonra regional və qarşılıqlı əməkdaşlıqla bağlı digər məsələlər barədə də ətraflı fikir mübadiləsi aparılıb.

Görüşdə Türkiyə Respublikasının ölkəmizdəki fövqəladə və səlahiyyətli səfiri cənab İsmayıl Alper Coşkun iştirak edib.

Rusiya prezidenti İlham Əliyevə təbrik məktubu ünvanlayıb.

Rusiya Federasiyasının Prezidenti Vladimir Putin Böyük Vətən müharibəsində Qələbənin 71-ci ildönümü münasibətilə Azərbaycan prezidenti İlham Əliyevi təbrik edib.

"Dalğa TV"nin məlumatına görə, təbrik məktubunda deyilir:

"Sizi Böyük Vətən müharibəsində Qələbənin 71-ci ildönümü münasibətilə ürəkdən təbrik edirəm.

9 may Rusiyanın və Azərbaycanın ümumi tarixində şanlı gündür. Bu tarix Qələbə naminə döyüş meydanlarında faşizmə qarşı çiyin-çiyinə vuruşmuş və arxa cəbhədə fədakarcasına çalışmış xalqlarımızın birliyinin və misilsiz qəhrəmanlığının əbədi rəmzi olaraq qalacaq. İndiki nəsillərin borcu bu dəhşətli müharibədə həlak olanların parlaq xatirəsini qayğı ilə qoruyub saxlamaq və keçmişin faciəli hadisələrinin təkrarlanmasına yol verməməkdir.

Əminəm ki, zamanın sınağından çıxan dostluq bağları bundan sonra da Rusiya-Azərbaycan strateji əməkdaşlığının möhkəmlənməsinin sarsılmaz təməli olacaq.

Hörmətli İlham Heydər oğlu, xahiş edirəm, ən səmimi minnətdarlıq sözlərimi, cansağlığı, firavanlıq və uzun ömür arzularımı Böyük Vətən müharibəsinin Sizin ölkənizdə yaşayan bütün veteranlarına çatdırasınız".

Ermənistan XİN rəhbəri bəyanatla çıxış edib.

Ermənistan Xarici İşlər naziri Edvard Nalbandyan Dağlıq Qarabağ münaqişəsinin həlli üçün hansı addımların atılmasının zəruri olduğunu açıqlayıb.

"Dalğa TV"-nin RİA Novosti-yə istinadən məlumatına görə, nazirin sözlərinə əsasən, hazırda mümkün görüşlər regionda yeni zorakılıq hallarının qarşısının alınmasına yönəlməlidir.

"Hazırda mümkün ola biləcək görüşlərin məqsədi aprel ayında baş vermiş toqquşmaların təkrarlanmasının qarşısının alınmasına, müddətsiz atəşkəs rejiminin qorunmasına və atəşkəsin pozulması hallarının araşdırılması mexanizmçlərinin yaradılmasına yönəldilməlidir", - Nalbandyan belə deyib.

""Noble Partner 2016" regionda hərbi-siyasi vəziyyəti şüurlu şəkildə laxlatmağa yönəlib".

Rəsmi Moskva 11-26 may tarixlərində Gürcüstanda keçiriləcək "Noble Partner 2016" hərbi təlimlərini təxribat kimi qiymətləndirib.

"Dalğa TV"nin APA-ya istinadən məlumatına görə, bu barədə Rusiya XİN-in məlumatında deyilir.

"NATO hərbçilərinin müntəzəm olaraq Gürcüstan ərazisində peyda olması Cənubi Qafqaz regionunda hərbi-siyasi vəziyyəti şüurlu şəkildə laxlatmağa yönələn təxribatdır", məlumatda vurğulanıb.

Qeyd edək ki, "Noble Partner" hərbi təlimləri Gürcüstanda ikinci dəfə keçirilir. Gürcüstan müdafiə nazirliyinin məlumatına əsasən, təlimlərdə 500 Gürcüstan, 650 ABŞ və 150 Böyük Britaniya hərbçisi iştirak edəcək. Təlimlərə ABŞ-ın C-130 tipli hərbi təyyarələri cəlb olunacaq.

"Ordumuzun qüdrəti ilə ərazi bütö;vlüyümüz bərpa olunacaq".

Ermənistan müdafiə naziri Seyran Ohanyanın Dağlıq Qarabağ münaqişəsinin həlli ilə bağlı Azərbaycana güzəştə getməyəcəkləri barədə mülahizələrinə Azərbaycan Müdafiə Nazirliyi cavab verib.

Müdafiə Nazirliyindən  verilən məlumata gö;rə, S.Ohanyanın bizə güzəştə getməyəcəyi haqqında düşündüyü hər qarış Azərbaycan torpağı erməni əsgərlərinin qanı tö;külməklə azad olunacaq.

Müdafiə Nazirliyi bəyan edib ki, münaqişənin sülh yolu ilə yeganə həll yolu işğal olunmuş ərazilərimizdən Ermənistan silahlı qüvvələrinin qeyd-şərtsiz çıxarılmasıdır:

"Əks təqdirdə Azərbaycan xalqının təkidi, Ali Baş Komandanın əmri və ordumuzun qüdrəti ilə işğal olmuş torpaqlarımız işğaldan azad ediləcək, ərazi bütö;vlüyümüz və suverenliyimiz bərpa olunacaq".

Fransa prezidenti Fransua Olland bu gün gürcü həmkarı Georgi Marqvelaşvili ilə Cənubi Qafqazdakı vəziyyəti, ikitərəfli münasibətlərə dair məsələləri və beynəlxalq gündəmdə olan məsələləri müzakirə edib. APA-nın "RİA Novosti"yə istinadən verdiyi xəbərə görə, bu barədə Yelisey Sarayının açıqlamasında bildirilir.

Məlumata görə, danışıqlar Gürcüstan prezidentinin Parisə rəsmi səfəri çərçivəsində baş tutub.

Fransa və Gürcüstan arasında iqtisadi əməkdaşlığın perspektivlərinin müzakirəsi danışıqların əsas mövzularından biri olduğu bildirilir: "Tərəflər həmçinin beynəlxalq gündəmdə olan məsələləri, xüsusən, Cənubi Qafqazdakı vəziyyəti müzakirə ediblər".

Yelisey Sarayının açıqlamasında qeyd olunur ki, Fransa Gürcüstanın ərazi bütövlüyünü və suverenliyini dəstəkləyir.

Tərəflər 2014-cü ilin iyununda imzalanmış Assosiasiya sazişi çərçivəsin