Dalga Televiziyasi Siyasət
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün1119
DünənDünən2487
Bu həftəBu həftə21889
Bu ayBu ay65357
Bu günə qədərBu günə qədər2693035

Bizi Paylaşın

Video Xəbərlər

 

Təqvim


Siyasət

Atəşkəsin 24 ili

"Bişkek protokolu" mayın 12-də qüvvəyə minib.

Azərbaycanla Ermənistan arasında atəşkəs elan edilməsindən 24 il ötür.

1994-cü il mayın 8-də tərəflər arasında atəşkəsin əldə edilməsi barədə imzalanmış “Bişkek protokolu” mayın 12-də qüvvəyə minib və cəbhə xəttində aktiv hərbi əməliyyatlar həmin gündən dayandırılıb.

Azərbaycan və Ermənistan arasında atəşkəsin imzalanması ilə bağlı təkliflə 1994-cü il mayın 4-də Rusiya çıxış edib. Qırğızıstanın paytaxtı Bişkekdə MDB Parlamentlərarası Assambleyasının (MDB PA) iclasında Rusiya atəşkəs haqqında sazişin layihəsini tərəflərə təqdim etsə də, Ermənistan-Azərbaycan danışıqları nəticə verməyib.

Əsas fikir ayrılığı protokolda Azərbaycan və Ermənistanla yanaşı, Dağlıq Qarabağın erməni icmasına da bərabər tərəf kimi yer ayrılması olub.

Mayın 8-də ATƏT-in Minsk Qrupunun Rusiyadan olan həmsədri Vladimir Kazimirovun iştirakı ilə sənədi Azərbaycan Milli Məclisinin o vaxtkı sədri Rəsul Quliyev və Dağlıq Qarabağın azərbaycanlı icmasının rəhbəri Nizami Bəhmənov imzalayıb.

Rusiyanın layihəsinə görə, Ermənistan və Azərbaycanın birinci şəxsləri atəşkəs sazişinin ardınca hazırlanacaq “Böyük sülh sazişi”nə imza atmalı idilər.

Mayın 19-da isə atəşkəs müqaviləsinin həyata keçirilməsinə nəzarət məqsədilə ATƏT-in Dağlıq Qarabağ üzrə daimi komitəsi yaradılıb.

Qeyd edək ki, 1993-cü ilin dekabr ayından etibarən Azərbaycan Silahlı Qüvvələri cəbhə xəttində uğurlu hücum əməliyyatları keçirməyə başlayıb.

Cəbhə xəttinin cənub istiqamətində hücum edən Azərbaycan Silahlı Qüvvələri Horadiz qəsəbəsi daxil olmaqla, Füzuli rayonunun 20-yə yaxın yaşayış məntəqəsini azad edib.

Lakin Azərbaycan Ordusunun 1994-cü ilin fevral-mart aylarında Ağdam-Tərtər və Murovdağ istiqamətində hücumları istənilən nəticəni verməyib.

Ermənistan Ordusu bütün ehtiyat qüvvələrini cəbhənin adıçəkilən istiqamətinə və şimalına yönəltməklə, Azərbaycan Ordusunun hücumunu dayandırmağa müvəffəq olub.

Azərbaycan hərbi aviasiyasının fevral-mart aylarında Ağdam və Tərtər istiqamətində həyata keçirdiyi hava dəstəyi nəticəsində Ermənistan Ordusunun əsas ehtiyat qüvvələri məhv edilib. Məhz bundan sonra Rusiyanın işə qarışması ilə atəşkəsin imzalanmasına dair danışıqlara start verilib.

Atəşkəsdən ötən 24 il ərzində müxtəlif məlumatlara görə, cəbhə xəttində 6 mindən artıq Azərbaycan hərbçisi düşmən gülləsi, mina partlayışları, qar uçqunu və digər səbəblərdən həlak olub (APA).

Leyla Əliyeva “Həyat Fondu”nun bir illiyində - FOTO + VİDEO

Bu gün “Həyat Fondu”nun yaranmasının bir illiyi münasibətilə “Buta Palace”də böyük tədbir təşkil olunub.

Tədbirə müxtəlif incəsənət nümayəndələri, siyasətçilər, idmançılar, şirkət rəhbərləri qatılıb. 

Tədbirin əsas qonağı isə Heydər Əliyev Fondunun vitse-prezidenti Leyla Əliyeva olub. Nərgiz Cəlilova, Nəsib Nur və Kəmalə Piriyeva tədbirin aparıcılığını edib.

 

Ermənilər kəndlərimizi atəşə tutublar

Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 81 dəfə pozub.

Bu barədə  Müdafiə Nazirliyindən məlumat verilib.

Ermənistan Respublikası İcevan rayonu ərazisindəki adsız yüksəkliklərdə yerləşən mövqelərdən Qazax rayonunun Bala Cəfərli kəndində, Berd rayonunun Çinari kəndində yerləşən mövqelərdən Tovuz rayonunun Koxanəbi kəndində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən mövqelərimiz atəşə tutulub.

Tərtər rayonunun işğal altında olan Göyarx, Yarımca, Ağdam rayonunun Şuraabad, Tağıbəyli, Şıxlar, Baş Qərvənd, Cəvahirli, Qaraqaşlı, Mərzili, Xocavənd rayonunun Kuropatkino, Füzuli rayonunun Aşağı Veysəlli, Qobu Dilağarda, Qərvənd, Qaraxanbəyli, Qorqan, Horadiz, Cəbrayıl rayonunun Nüzgar və Mehdili kəndləri yaxınlığında, həmçinin Goranboy, Tərtər, Ağdam və Xocavənd rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.

Gürcüstan parlamentində spikerlə prezident arasında mübahisə yaranıb

Gürcüstan parlamentində prezident Giorgi Marqvelaşvilinin illik hesabatından sonra keçirilən debatlar yarımçıq qalıb.
 
APA-nın Gürcüstan bürosunun məlumatına əsasən, buna səbəb G. Marqvelaşvili ilə parlamentin sədri İrakli Kobaxidze arasında yaranmış mübahisə olub.
 
Prezident parlament spikerindən deputatların tənqidlərinə cavab vermək üçün ona şəraitin yaradılmasını xahiş edib. İ. Kobaxidze isə bildirib ki, prezidentə prosedur qaydalarına uyğun olaraq yekunda cavab vermək imkanı yaradılacaq.
 
G. Marqvelaşvili ona bu imkanın yaradılmamasına etiraz olaraq iclası tərk edib.
 
İ. Kobaxidze dövlət başçısının bu hərəkətini öncədən planlaşdırılmış addım adlandıraraq, bunu parlamentə hörmətsizlik kimi qiymətləndirib.
 
Hazırda G. Marqvelaşvili parlament binasındakı kabinetində onun debatlarda iştirakı ilə bağlı qərarın qəbul olunmasını gözləyir.

Gürcüstan prezidenti parlamentdə hesabat verib

Gürcüstan prezidenti Giorgi Marqvelaşvili parlamentdə illik hesabatla çıxış edib.

APA-nın Gürcüstan bürosunun məlumatına görə, dövlət başçısı 20 dəqiqəlik çıxışında xarici siyasət, Rusiya ilə münasibətlər, iqtisadiyyat, media azadlığı və digər məsələlərə toxunub.

G. Marqvelaşvili deyib ki, 2018-ci ildə Rusiya "soyuq müharibə" imitasiyası yaratmağa cəhdlər edib: "Rusiyanın təxribatlarına uymaq olmaz və bunun üçün biz ayıq-sayıq olmalıyıq".

 

Prezident ölkədə biznesin azad olduğunu söyləyib. O, vergi sistemində həyata keçirilən islahatları, startap və innovasiyaların təşviqini alqışladığını qeyd edib.

Prezident çıxışında ölkənin təhsil sistemini tənqid edib. Dövlət başçısının sözlərinə görə, onun təhsil naziri olduğu dövrdən sonra təhsil sistemində heç bir şey həyata keçirilməyib.

Parlamentdə dövlət başçısının çıxışı debatlar formatında davam etdiriləcək.

Plenar iclasda baş nazir Giorgi Kvirikaşvili, hökumət üzləri və diplomatik korpusun nümayəndələri də iştirak edir.

Prezident Rusiyanın Baş Qərargah rəisini və NATO baş komandanını qəbul edib

Azərbaycan Respublikasının Prezidenti İlham Əliyev aprelin 19-da Rusiya Federasiyası Silahlı Qüvvələrinin Baş Qərargah rəisi, müdafiə nazirinin birinci müavini Valeri Gerasimovu qəbul edib.

Valeri Gerasimov İlham Əliyevi prezident seçkilərində inamlı qələbəsi münasibətilə təbrik etdi və bu seçkiləri xalqın dövlətimizin başçısına olan böyük etimadının göstəricisi kimi qiymətləndirdi. Azərbaycan Respublikasının Prezidenti təbriklərə görə minnətdarlığını bildirdi.

Söhbət zamanı hərbi və hərbi-texniki sahələrdə Azərbaycan-Rusiya uğurlu əlaqələri müzakirə edildi, gələcək qarşılıqlı faydalı əməkdaşlıq haqqında fikir mübadiləsi aparıldı.

Valeri Gerasimov NATO-nun Avropada Müttəfiq Qüvvələrinin Ali Baş Komandanı ilə görüşünə ölkəmizin ev sahibliyi ilə əlaqədar dövlətimizin başçısına minnətdarlıq etdi.

Azərbaycan Prezidenti bu görüşün Bakıda keçirilməsini ölkəmizə olan inamın göstəricisi kimi dəyərləndirdi və görüşün beynəlxalq təhlükəsizliyin möhkəmləndirilməsi işinə xidmət edəcəyinə ümidvar olduğunu bildirdi.

Dövlət başçısı, həmçinin Azərbaycan Respublikasının Prezidenti İlham Əliyev aprelin 19-da NATO-nun Avropada Müttəfiq Qüvvələrinin Ali Baş Komandanı Körtis Skaparottinin başçılıq etdiyi nümayəndə heyətini qəbul edib.

Körtis Skaparotti İlham Əliyevi prezident seçkilərində qələbəsi münasibətilə təbrik etdi.
Azərbaycan Prezidenti təbrikə görə minnətdarlığını bildirdi. Söhbət zamanı NATO-Azərbaycan əməkdaşlığının uğurlu inkişafı müzakirə edildi.

Keçən ilin noyabrında NATO qərargahına səfər etdiyini vurğulayan dövlətimizin başçısı qeyd etdi ki, səfər zamanı NATO-nun baş katibi ilə aparılan fikir mübadiləsi, Şimali Atlantika Şurasının iclasındakı çıxışı və oradakı müzakirələr bir daha Azərbaycan ilə NATO arasında əməkdaşlığın yüksək səviyyədə olduğunu göstərdi.

NATO-nun Avropada Müttəfiq Qüvvələrinin Ali Baş Komandanı Körtis Skaparotti öz tərəfindən NATO-Azərbaycan əməkdaşlığından çox razı olduğunu məmnunluqla bildirərək Azərbaycanın bu təşkilat üçün çox önəmli tərəfdaş ölkə olduğunu qeyd etdi. O, xüsusən Əfqanıstandakı sülhməramlı əməliyyatlarda Azərbaycanın rolunu yüksək qiymətləndirərək bu əməliyyatlar üçün ölkəmizin tranzit və nəqliyyat imkanlarından istifadə edilməsinin önəmini vurğuladı.

Körtis Skaparotti Rusiya Federasiyası Silahlı Qüvvələrinin Baş Qərargah rəisi ilə görüşünə ölkəmizin ev sahibliyi etdiyi üçün Prezident İlham Əliyevə minnətdarlığını bildirdi.

Azərbaycan Prezidenti ümidvar olduğunu bildirdi ki, bu görüş beynəlxalq təhlükəsizliyin möhkəmləndirilməsi işinə xidmət edəcək.

 

Gürcüstan baş naziri: “Etnik azlıqlar ölkənin NATO-ya inteqrasiyası barədə məlumatlandırılmalıdır”

"Gürcüstanda yaşayan etnik azlıqların NATO-ya inteqrasiyanın ölkəyə verdiyi faydalar barədə məlumatlandırılması olduqca vacibdir".

APA-nın yerli bürosunun məlumatına əsasən, bunu Gürcüstan baş naziri Giorgi Kvirikaşvili hökumətin iclasında deyib. 
 

"Bu il NATO günləri bölgələrdə xüsusilə qeyd olunur. Bu günlər həmçinin etnik azlıqların yaşadıqları bölgələrdə də keçirilir. Əhalimizin NATO-ya inteqrasiya barədə məlumatlandırılmasının səviyyəsi yüksək olmalıdır ki, vətəndaşlarımız ölkənin hansı faydaları əldə etməsi və ölkəmiz üçün sabitliyin necə vacib olmasını daha yaxşı anlasınlar". 
 

Qeyd edək ki, qonşu ölkədə aprelin 16-da start verilmiş NATO günləri may ayının 1-dək davam edəcək. NATO günləri çərçivəsində ilk görüş azərbaycanlıların kompakt yaşadığı Marneuli rayonunda xarici işlər naziri Mixeil Canelidzenin iştirakı ilə baş tutub. 

Ermənilər dinc sakinimizi vurdular - YENİLƏNİB

Ermənilərin odlu silahla yaraladığı 27 yaşlı Rahim Hacıyevin bel nahiyəsində olan qəlpəni götürmək mümkün olmayıb. 

 Ağcabədi Mərkəzi Rayon Xəstəxanasının Cərahiyyə Şöbəsinin müdiri Vaqif Bağırov APA-ya açıqlamasında bildirib ki, qəlpənin olduğu yerdə  əməliyyat aparılması həyatı təhlükə daşıdığı üçün onu xaric etmək mümkün olmayıb.

“Ağcabədi rayonunun Yuxarı Qiyamadınlı kənd sakini Rahim Hacıyev xəstəxanaya döş qəfəsinin sağ yan səthindən daxilə sirayət edən odlu silah yaralanması ilə gətirilib. Vəziyyəti ağır idi, arterial təzyiqi aşağı, şok vəziyyətdə idi. Təcilli müayinəyə aparıldı, döş boşluğunda çoxlu miqdarda qan olması, ağ ciyərin zədələnməsi aşkar edildi. Rentgen müayinəsi zamanı güllə yarasının 12-ci döş fəqərəsi ilə 1-ci fəqərə arasında diskə yaxın olduğu müəyyən edildi. Təcili qaydada əməliyyata götürüldü. Döş boşluğunda olan 300 ml qram qan götürüldü və sağ ağ ciyərin deşilmiş yeri tikilərək bərpa edildi. Xəstənin döş boşluğu drenaj edildi. Hal-hazırda xəstə süni tənəffüs aparatından ayrılıb reanimasiya palatasına köçürülüb, vəziyyəti ağırdır”, - deyə o vurğulayıb.

Qeyd edək ki, R. Hacıyev bu gün saat 13:30 radələrində əkin sahəsində olarkən düşmən tərəfindən açılan atəş nəticəsində güllə yarası alıb.

İlham Əliyev: Xalqa ləyaqətlə xidmət edəcəyimə and içirəm

Bu gün Azərbaycan Respublikasının prezidenti İlham Əliyevin andiçmə mərasimi keçirilib.

Silahlı Qüvvələrin əsgərləri Azərbaycan Respublikasının dövlət bayrağını və Azərbaycan prezidentinin ştandartını (bayrağını) təntənəli marşın sədaları altında səhnəyə gətiriblər.

Azərbaycan Respublikasının prezidenti İlham Əliyev əlini Azərbaycan Respublikası Konstitusiyasının üzərinə qoyaraq and içib:

“Azərbaycan Respublikası prezidentinin səlahiyyətlərini həyata keçirərkən Azərbaycan Respublikasının Konstitusiyasına əməl edəcəyimə, dövlətin müstəqilliyini və ərazi bütövlüyünü qoruyacağıma, xalqa ləyaqətlə xidmət edəcəyimə and içirəm!”

Azərbaycan Respublikasının dövlət himni səslənib.

Sonra prezident müqəddəs "Qurani-Şərif"ə əl basaraq and içib:

"Əlimi “Qurani-Şərif”ə basaraq and içirəm: Azərbaycan xalqının əsrlər boyu yaratdığı milli-mənəvi dəyərlərə və ənənələrə sadiq qalacağam, onları daim uca tutacağam".

Daha sonra Prezident İlham Əliyev təzim edərək, Azərbaycanın dövlət bayrağını öpüb.

Marneulidə NATO Günləri çərçivəsində tədbir keçirilib

"Marneuli böyük potensialı, tarixi və gələcəyi olan şəhərdir. Marneuli şəhər ictimaiyyəti fəal olmaqla yanaşı, Gürcüstanın inkişafı prosesinə mümkün qədər çox dəstək verməyə hazırdır".
 

APA-nın yerli bürosunun məlumatına görə, bu sözləri Gürcüstan baş nazirinin müavini, xarici işlər naziri Mixeil Canelidze NATO Günləri çərçivəsində Marneulidə keçirdiyi görüşdə deyib. Nazir NATO Günləri çərçivəsində ilk görüşün Marneulidə keçirilməsindən məmnunluq ifadə edib. O, görüş iştirakçılarına Gürcüstanın avroatlantik məkana inteqrasiya prosesi və bu yolda əldə etdiyi tərəqqidən danışıb: "NATO bizim təhlükəsizliyimiz üçün seçimdir. Bizim müdafiə imkanlarını genişləndirmək hüququmuz var və aqressiya ilə mübarizə aparmaq üçün güclü dövlət olmalıyıq”.


M. Canelidze qeyd edib ki, Gürcüstan NATO və Aİ-yə heç zaman bu qədər yaxın olmayıb: "Bizim məqsədimiz bu əməkdaşlıq çərçivəsində daha çox sülh, sabitlik və təhlükəsizlik təmin etməkdir".


Sual-cavab formatında keçirilən görüşdə yerli idarəetmə orqanları, QHT və media nümayəndələri iştirak edib.


Tədbirə Kvemo Kartlinin qubernatoru Qriqol Nemsadze, Marneuli rayonunun icra başçısı Temur Abazov, Gürcüstanda NATO ofisinin rəhbəri Rozariya Pulisi də qatılıb.


Qeyd edək ki, Gürcüstanda dünəndən start götürmüş NATO Günləri may ayının 1-nə qədər davam edəcək. 

Gürcüstan DİN rəhbəri: “Təhlükəsizlik olmadan regionda iqtisadi inkişaf dayanıqlı ola bilməz”

"Təhlükəsizlik olmadan heç bir iqtisadi inkişaf tez və ən əsası dayanıqlı ola bilməz".

APA-nın yerli bürosunun məlumatına görə, bunu Gürcüstan daxili işlər naziri Giorgi Qaxariya biznesmenlərlə görüşdə deyib.
 

Nazir iqtisadiyyatın vacib sahələrinin təhlükəsizliklə bağlılığını qeyd edib: “"iz kifayət qədər kəskin təhlükələrlə üz-üzə olan regionda yaşayırıq. Biz çox yaxşı başa düşürük ki, iqtisadiyyatın turizm və tranzit, energetika kimi sahələri təhlükəsizliklə birbaşa bağlıdır". 
 

G. Qaxariya iş adamlarını Daxili İşlər Nazirliyində həyata keçirilmiş islahatlarla tanış edib. 

Sabah prezident İlham Əliyevin andiçmə mərasimi keçiriləcək

Bu gün Konstitusiya Məhkəməsi 11 aprel 2018-ci ildə keçirilmiş prezident seçkilərinin nəticələrini təsdiq edib.


APA-nın məlumatına görə, Konstitusiya Məhkəməsinin qərarı ilə MSK-nın yekun protokoluna əsasən,İlham Əliyev 86,02 faiz səslə prezident seçkilərinin qalibi olub.
 

Azərbaycan Konstitusiyasının 103-cü maddəsinə uyğun olaraq, prezident seçilmiş şəxs prezident seçkilərinin yekunları haqqında məlumatın Konstitusiya Məhkəməsi tərəfindən rəsmi elan olunduğu gündən başlayaraq 3 gün ərzində and içir. Yeni Azərbaycan Partiyasının icra katibi Əli Əhmədov andiçmə mərasiminin sabah olacağını bildirib.
 

Fəaliyyətdə olan Azərbaycan Respublikasının prezidenti öz vəzifələrini yeni seçilmiş Azərbaycan Respublikası prezidentinin öz vəzifəsinə başlamasına kimi həyata keçirir.

Saytda Axtarış

Son xəbərlər