Dalga Televiziyasi Siyasət
Get Adobe Flash player

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün1229
DünənDünən2380
Bu həftəBu həftə3609
Bu ayBu ay38912
Bu günə qədərBu günə qədər7409386

Bizi Paylaşın

Video Xəbərlər

 

Təqvim


Siyasət

Gürcüstan Prezidenti müqəddəs Qurban bayramı münasibətilə müsəlmanları təbrik edib

Gürcüstan Prezidenti Giorgi Marqvelaşvili müqəddəs Qurban bayramı münasibətilə müsəlmanları təbrik edib.

Gürcüstanın dövlət başçısı "Facebook"dakı səhifəsində paylaşdığı təbrik məktubunda Qurban bayramının birlik, xeyriyyəçilik və humanistlik bayramı olduğunu vurğulayıb, müsəlmanlara uğurlar və tərəqqi arzulayıb.

Prezident Gürcüstan əhalisinin ayrılmaz tərkib hissəsi olan müsəlmanların bu ölkənin inkişafındakı rolunu xüsusi qeyd edib.

İlham Əliyev Azərbaycan xalqını təbrik etdi

Azərbaycan Prezidenti İlham Əliyev Qurban bayramı münasibətilə Azərbaycan xalqını təbrik edib.

"Hörmətli həmvətənlər!

Sizi dünya müsəlmanlarının mənəvi birlik, həmrəylik və qardaşlıq rəmzi olan müqəddəs Qurban bayramı münasibətilə ürəkdən təbrik edir, xalqımıza və Azərbaycanın hüdudlarından kənarda yaşayan bütün soydaşlarımıza ən səmimi arzu və diləklərimi yetirirəm.

Qurban mərasimi Uca Yaradana məhəbbət və itaət, yüksək mənəvi-əxlaqi dəyərlərə hörmət, hər bir bəşər övladına mərhəmət və dözümlülük təlqin edən İslam dininin insanlar üçün hidayət yolu seçilməsi ilə əlamətdardır. Bu mübarək bayram bütün dünya müsəlmanlarının mənəvi-ruhi birliyini, əməli-saleh insanların Tanrı sevgisini və haqq-ədalət naminə hər cür fədakarlığa hazır olmalarını təcəssüm etdirir.

 

Mütərəqqi islami dəyərlərə bağlılığı ilə seçilən Azərbaycan xalqı əsrlər boyu, hətta ən mürəkkəb dövrlərdə Qurban bayramını özünün əziz günlərindən biri kimi qoruyub saxlamışdır. Hazırda minlərlə həmvətənimizin də aralarında olduğu milyonlarla müsəlman müqəddəs Həcc ziyarətində möhtəşəm həmrəylik nümayiş etdirərək, Uca Yaradana şükranlarını bildirir, ölkəmizdə və dünyada sülhün, əmin-amanlığın bərqərar olması üçün dualar edirlər.

Bayram günləri müsəlmanlarımız Allah və din yolunda öz müqəddəs borcunu yerinə yetirir, qurbanlar kəsilir, imkansızlara və ehtiyacı olanlara yardımlar edilir, şəhidlərimizin nurlu xatirəsi ehtiramla yad olunur. Məmnuniyyət hissi ilə qeyd etmək istəyirəm ki, hər belə bayram cəmiyyətimizdə xeyirxahlığın, birlik və bərabərliyin, Vətənə və milli dövlətçiliyə sədaqətin təntənəsinə çevrilir.

İnanıram ki, bu mübarək bayram müstəqil Azərbaycan Respublikasının tərəqqisi naminə xalqımızın qəhrəmanlıq və fədakarlıq qüdrətini artıracaq, ölkəmizdə vətəndaş sülhünü və milli-mənəvi həmrəyliyi daha da gücləndirəcəkdir.

Əziz bacı və qardaşlarım!

Kəsdiyiniz qurbanların Allah tərəfindən qəbul olunması arzusu ilə bir daha hər birinizə möhkəm cansağlığı, ailələrinizə firavanlıq, süfrələrinizə bol ruzi-bərəkət arzulayıram.

Qurban bayramınız mübarək olsun!".

Gürcüstanın hakim partiyası prezident seçkilərində namizəd irəli sürməyəcək

"Hakim "Gürcü arzusu-Demokratik Gürcüstan" Partiyasının oktyabrın 28-də keçiriləcək prezident seçkilərinin ilk turunda qələbə qazana biləcək namizədləri çoxdur. Amma buna baxmayaraq, biz bu seçkilərdə heç bir namizəd irəli sürməyəcəyik".

"Reort"un Gürcüstan bürosu xəbər verir ki, bu fikirləri Gürcüstan parlamentinin sədri İrakli Kobaxidze deyib. 

Onun sözlərinə görə, Gürcüstanda demokratiya inkişaf edir: "Biz də hakim partiya olaraq müstəqil prezident institutunun formalaşması, yeni seçiləcək ölkə başçısının tam müstəqil olması üçün bu addımı atırıq. Bununla belə, məqsəd və məramı, seçki platforması hakim partiyanın siyasi kursu ilə üst-üstə düşən müstəqil namizədi dəstəkləyə bilərik. Həmin şəxsin adı isə prezident seçkilərində iştirak edəcək siyasi partiyaların namizədlərinin qeydiyyatı tam başa çatdıqdan sonra açıqlanacaq".

Qeyd edək ki, İ.Kobaxidze bir neçə gün əvvəl jurnalistlərə açıqlamasında hakim partiyanın prezident seçkilərində xanım deputat Salome Zurabişvilinin namizədliyini dəstəkləyəcəyini bildirmişdi.

Medvedev Gürcüstan müharibəsinin təfərrüatını açıqladı

Rusiya baş naziri Dmitri Medvedev Rusiya və Gürcüstan arasındakı "Beşgünlük müharibə" ilə bağlı "Kommersant" qəzetinə müsahibə verib. 

Müsahibə hərbi əməliyyatların başlanmasının 10 illiyinə həsr olunub. 

O zaman ölkə prezidenti postunu tutan Medvedev münaqişənin təfərrüatını açıqlayıb. 

Onun sözlərinə görə, hərbi əməliyyatların başlanması üçün zərurət yox idi:

"Ancaq “Saakaşvilinin (Mixail Saakaşvili – 2004-2013-cü illərdə Gürcüstanın prezidenti) və onun tərəfdarlarının məsuliyyətsizliyi, əxlaqsız və cinayətkar davranışı buna vadar etdi". 

"Düşündüm və belə qərara gəldim: Cənubi Osetiya və Abxaziyanın müstəqilliyini tanımaqdan yaxşı heç nə yoxdur", - Rusiyanın baş naziri bildirib. 

Medvedevin sözlərinə görə, o, Rusiyada, Zaqafqaziyada gələcəkdə sülhün saxlanılması üçün çalışırdı. Və, bu, yeganə mümkün addım idi. 

"Bir müddət sonra VladimirPutinin rəhbərlik etdiyi hökumətlə danışdım. O da məni bu məsələdə dəstəklədi", - o qeyd edib. 

Medvedev deyib ki, 2008-ci ildə baş verən münaqişədə Rusiyanın Gürcüstanı darmadağın etmək və prezident Mixail Saakaşvilini edam etmək niyyəti yox idi. 

Gürcüstan 2008-ci il münaqişəsinə görə Rusiyanı günahlandırdı

Gürcüstan prezidenti Georgi Marqvelaşvili Abxaziya və Cənubi Osetiyanın Gürcüstandan ayrılması ilə bağlı məsələdə Rusiyanı günahlandırıb. 

Marqvelaşvili Tbilisidə Polşa, Litva və Latviya xarici işlər nazirləri, eləcə də, Ukrayna baş nazirinin müavini ilə görüşündə bəyan edib:

“Rusiya hibrid müharibəsi ilə iki regionu Gürcüstandan ayırıb. Biz bu məsələni danışmaqdan qorxmamalıyıq. Rusiya Gürcüstanın suverenliyinə qarşı nələr edib və hazırda edir. Bu aqressiyadır, işğaldır və beynəlxalq normaların pozulmasıdır”. 

Həmin gün Tbilisidə Gürcüstan baş naziri Mamuka Baxtadze hökumətin digər nümayəndələri ilə 2008-ci il avqust müharibəsində həlak olanların abidəsi önünə gül dəstələri qoyub. 

Artilleriyaçılarımız finala yüksəlib

"Beynəlxalq Ordu Oyunları-2018" yarışları çərçivəsində Qazaxıstanın Otar hərbi bazasında keçirilən "Artilleriya atəşinin ustaları-2018" müsabiqəsinin yarımfinal mərhələsində Azərbaycan artilleriyaçıları yüksək nəticələr göstərərək müsabiqənin finalına yüksəliblər.

Müdafiə Nazirliyindən verilən məlumata görə, müsabiqənin final mərhələsi avqustun 8-də keçiriləcək. 

 

İlham Əliyev: Ermənistanı daha da sarsıdacağıq

Ermənistandan sülhə yönəlmiş çağırışlar da edilir, biz də bu çağırışları eşidirik. Əlbəttə, biz də sülh istəyirik, amma biz torpaqlarımızı istəyirik. Torpaqlarımız qayıtmayana qədər sülh olmayacaq və Ermənistanın yeni rəhbərliyi bunu çox yaxşı başa düşməlidir.

Sülh istəyirlərsə, erməni əsgəri torpaqlarımızdan çıxmalıdır. Erməni əsgərinin Azərbaycan torpağında nə işi var?! Müharibədən əziyyət çəkmiş, həlak olmuş, əlil olmuş Azərbaycan vətəndaşları öz torpağında həlak olublar, əlil olublar, Ermənistan torpağında yox.

Ona görə münaqişənin həllinin bir yolu var – işğalçı qüvvələr bizim torpaqlarımızdan dərhal və qeyd-şərtsiz çıxarılmalıdır. Onda bölgədə sülh yaranar. Onda Ermənistan ilə Azərbaycan arasında əlaqələr yarana bilər. Onda regionun geosiyasi vəziyyəti tamamilə dəyişə bilər və dayanıqlı sülh yarana bilər.

Bu sözlər Azərbaycan Respublikasının Prezidenti İlham Əliyev avqustun 1-də Bakının Qaradağ rayonunun Lökbatan qəsəbəsində Qarabağ, Böyük Vətən müharibələri, Çernobıl əlillərinə və şəhid ailələrinə mənzillərin və avtomobillərin verilməsi mərasimindəki çıxışında söyləyib.

Azərbaycan Prezidenti deyib:

"Münaqişənin tezliklə və mərhələli yollarla həlli torpaqlarımızın azad olunmasından asılıdır. Biz bunu tələb edirik və beynəlxalq hüquq da bunu tələb edir. Biz öz siyasətimizdən əl çəkməyəcəyik.

Əgər Ermənistan rəhbərliyi bundan sonra da danışıqların uzadılması ilə məşğul olacaqsa, biz öz təcrid siyasətimizi davam etdirəcəyik, bütün vasitələrdən istifadə edib Ermənistanı daha da sarsıdacağıq. Çünki kriminal xunta rejiminin çökməsində Azərbaycanın rolu da az deyil.

Onları çökdürən və uçuruma aparan birinci zərbə iki il bundan əvvəl vurulub. Aprel döyüşləri onların çürümüş sütunlarını tamamilə sıradan çıxarıb və ondan sonra kriminal xunta rejimi uçuruma doğru getməyə başlamışdır. Bunu heç kim unutmamalıdır".

Gürcüstanda keçiriləcək prezident seçkilərinin vaxtı məlum olub

alt

Oktyabrın 28-də Gürcüstanda prezident seçkiləri keçiriləcək.

Dalga tv AZƏRTAC-a istinadən xəbər verir ki, bu barədə Gürcüstan Prezidenti Giorgi Marqvelaşvili keçirdiyi brifinqdə bildirib.

Bununla da seçkilərə rəsmən start verilib.

Məlumat üçün qeyd edək ki, bu il Gürcüstanda seçkilər dövlət başçısının birbaşa səsvermə yolu ilə seçiləcəyi son seçkilər olacaq. Prezident altı il müddətinə seçiləcək və 6 ildən sonra Gürcüstan tam olaraq parlament respublikasına çevriləcək, prezident isə seçicilər kollegiyası tərəfindən seçiləcək.

Gürcüstanın hakim partiyası prezidentliyə namizədini avqustda elan edəcək

Gürcüstanın hakim “Gürcü Arzusu” Partiyası prezidentliyə namizədini avqustda elan edəcək.

APA-nın yerli bürosunun məlumatına görə, bu barədə Gürcüstanın regional inkişaf və infrastruktur naziri vəzifəsinə namizəd Maya Tskitişvili deyib. 
 

"Bir neçə dəfə bəyan etmişik ki, prezidentliyə namizədin adını yayın sonunda açıqlayacağıq. Namizədimiz həmin vaxt məlum olacaq", - deyə o qeyd edib.  
 

Qeyd edək ki, bu ilin aprel ayında Gürcüstan parlamentinin spikeri İrakli Kobaxidze hakim partiyanın prezidentliyə namizədini iyul və ya avqust ayında açıqlayacağını bildirmişdi.
 

 

Gürcüstanda prezident seçkiləri bu ilin oktyabrında keçiriləcək. Builki seçkilər dövlət başçısının birbaşa səsvermə yolu ilə seçiləcəyi son seçkilər olacaq. 

Tramp Gürcüstanın NATO-ya üzvlüyünə münasibət bildirib

"Gürcüstan indi NATO-nun üzvü olmayacaq".

APA-nın Gürcüstan bürosunun məlumatına görə, bunu ABŞ prezidenti Donald Tramp Brüsseldə keçirdiyi mətbuat konfransında deyib.
 

D. Tramp bildirib ki, Gürcüstanın alyansa üzvlüyü ilə bağlı şans yaranacaq: "Gələcəkdə onların belə bir şansı olacaq, amma indi yox". 

Stoltenberq: “Gürcüstan NATO üzvü olacaq”

"Gürcüstan NATO-nun üzvü olacaq".

APA-nın yerli bürosunun məlumatına görə, bunu NATO-nun baş katibi Yens Stoltenberq Gürcüstan prezidenti Giorgi Marqvelaşvili ilə Brüsseldə keçirdiyi görüşdən sonra deyib.

Baş katib bildirib ki, NATO Gürcüstanın avroatlantik məkana inteqrasiyasını tam dəstəkləyir: "NATO-nun Gürcüstanla tərəfdaşlığı unikaldır. Gürcüstan alyansın ən əsas tərəfdaşı və etibarlı dostudur".

 

Y. Stoltenberq qeyd edib ki, Gürcüstanın NATO-ya üzvlüyünü alyansın üzvləri də dəstəkləyir: "Dünən alyansın üzvləri buna dəstək verdiklərini təsdiqlədilər. Biz Gürcüstanın NATO-ya üzvlüyə hazırlığı istiqamətində birgə çalışmağa davam edəcəyik".

G. Marqvelaşvili isə Gürcüstanın NATO-ya üzvlüyü üçün bütün praktik alətlərin olduğunu deyib: "Gürcüstan NATO ilə əməkdaşlığın növbəti mərhələsinə keçməyə hazırdır".

Gürcüstanın hökumət administrasiyasına yeni rəhbər təyin olunub

Kaxa Kaxişvili Gürcüstanın hökumət administrasiyasının rəhbəri təyin olunub.

APA-nın yerli bürosunun məlumatına görə, bu barədə Gürcüstanın baş naziri Mamuka Baxtadze bildirib.

Baş nazir K. Kaxişvilinin hökumətin ən uğurlu nazirlərindən biri olduğunu deyib.

 

Qeyd edək ki, K. Kaxişvili 2015-ci ildən cəzaların icrası və probasiya naziri olub. Hökumətdə həyata keçirilmiş struktur dəyişikliklərinə əsasən, onun rəhbərlik etdiyi nazirlik Ədliyyə Nazirliyinə birləşdirilir. Hökumət administrasiyasının keçmiş rəhbəri Şalva Tadumadze ötən gün ölkənin baş prokuroru vəzifəsinə təyin olunub.

Saytda Axtarış

Son xəbərlər