Vəkil Cavad Cavadlının verdiyi məlumata görə, prosesdə qərar elan olunub. Qərara əsasən, vəsatət təmin edilərək, İ. Məmmədovun barəsində seçilmiş həbs-qətimkan tədbirinin müddəti 2 ay uzadılıb.

Qeyd edək ki, Müsavat Partiyası başqanının müavini Tofiq Yaqublu və “REAL” hərəkatının sədri İlqar Məmmədova qarşı Cinayət Məcəlləsinin 233-cü (ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə) və 315.2-ci (hakimiyyət nümayəndəsinə zor tətbiq etmə və ya müqavimət göstərmə) maddəsi ilə ittiham irəli sürülüb. Onlar yanvarın 23 və 24-də İsmayıllıda baş vermiş aksiyalar zamanı ictimai qaydanı pozmaqda və vətəndaşları iğtişaşlara təhrik etməkdə təqsirləndirilirlər. Məhkəmə T. Yaqublu və İ. Məmmədov barəsində 2 ay müddətinə həbs-qətimkan tədbiri seçib.

Bir neçə saatdan sonra Milli Şuranın sədri və vahid namizədi Rüstəm İbrahimbəyovun namizədliklə bağlı sənədləri Mərkəzi Seçki Komissiyasına təqdim olunacaq. 

Bu barədə “El” Hərəkatının Ali Məclisin sədri Eldəniz Quliyev məlumat verib. O bildirib ki, hazırda R.İbrahimbəyovun MSK-ya təqdim olunacaq sənədlərinin toplanması yekunlaşdırılmaq üzrədir: “MSK-nın tələbnaməsinə uyğun olaraq sənədlər hazırlanır. Sənədləri MSK-ya Milli Şuranın hüquqşünası aparacaq”. 

Bunu hakim Yeni Azərbaycan Partiyasının (YAP) sədr müavini - icra katibi, deputat Əli Əhmədov bildirib.

O qeyd edib ki, müxalifət artıq özünə inamı tamamilə itirib, Azərbaycan seçiciləri artıq onları dəstəkləmir: “O ki qaldı Rüstəm İbrahimbəyovun namizədliyinin irəli sürülməsinə, ondan heç vaxt namizəd çıxmayacaq. Son hadisələr göstərdi ki, onun həm siyasi təcrübəsizliyi, həm yaşı, həm də məsuliyyətsizliyi buna imkan vermir. Mən onun namizədliyinin hüquqi tərəfinin problemlərini yenidən izah etmək istəmirəm, çünki bu barədə dəfələrlə deyilib və cəmiyyətə məlumdur. Amma bu qədər hüquqi cəhətdən problemləri olan bir adamın kor-koranə namizədliyini verməsinin özü məsuliyyətsizlikdir. Bu da ondan xəbər verir ki, ümumiyyətlə, Rüstəm İbrahimbəyov siyasətdən xəbərsiz adamdır: seçki nə deməkdir, prezidentlik postu nə deməkdir və sair bütün bunlar barədə onun anlayışı yoxdur. Müxalifət Rüstəm İbrahimbəyov tərəfindən bu şəkildə aldadılmasını başqa formada izah edirsə, bu bir daha göstərir ki, onlar normal formada namizəd axtara bilmirlər. Onlar yaxşı bilirlər ki, Azərbaycan cəmiyyəti onların içərisindən çıxan hansısa bir namizədi dəstəkləməyəcək”.

Ə. Əhmədov Milli Şuranın Rusiyanın layihəsi olması fikirlərə də toxunub: “Təbii ki, Milli Şura kiminsə əlində vasitə oldu. Amma bilirsiniz ki, süni yaradılmış vasitələrdən müvəqqəti istifadə edirlər. Milli Şuradan da istifadə olundu və atıldı”.

Prezident İlham Əliyevin avqustun 12-də imzaladığı sərəncama əsasən, Ceyhun Bayramov təhsil nazirinin müavini vəzifəsinə təyin edilib.

Yeni təyinatla bağlı Təhsil Nazirliyində toplantı keçirilib. Toplantıda çıxış edən təhsil naziri Mikayıl Cabbarov Ceyhun Bayramovu Təhsil Nazirliyinin struktur bölmə rəhbərlərinə təqdim edib.

C. Bayramov bundan öncə Təhsil Nazirliyi Aparatının rəhbəri vəzifəsində çalışıb.

Bir qədər əvvəl onun təhsil nazirinin müavini təyin olunması barədə xəbərlət yayılsa da, nazirlik bu xəbəri təkzib etmişdi.

Hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülmüşdü.

Rusiya Federasiyasının Prezidentini hava limanında Azərbaycan Respublikası Baş nazirinin birinci müavini, Azərbaycan-Rusiya hökumətlərarası iqtisadi komissiyanın həmsədri Yaqub Eyyubov və digər rəsmi şəxslər yola salıblar.