Tbilisidə Gürcüstan Prezidentinin impiçmenti tələbi ilə aksiya keçirilib

Tbilisidə Gürcüstan Prezidenti Salome Zurabişviliyə impiçment tələbi ilə aksiya keçirilib.

“Report”un yerli bürosu xəbər verir ki, “Rusiya işğalçıdır” Hərəkatının təşkil etdiyi “Prezidentə qırmızı kart” şüarlı aksiya dövlət başçısının iqamətgahı qarşısında baş tutub.

İştirakçılar əllərində qırmızı kart, “Bizə NATO lazımdır!”, “Get Salome, get” şüarları tutaraq fit çalıblar və prezidentin impiçment prosesinin başlanmasını tələb ediblər.

Onlar bildiriblər ki, S.Zurabişvilinin Gürcüstanda ABŞ hərbi bazasının yerləşdirilməsinin məqsədəuyğun olmaması ilə bağlı səsləndirdiyi fikir Rusiyanın maraqlarına tam cavab verir.

Qeyd edək ki, “Rusiya işğalçıdır” Hərəkatının fəalları analoji şüar və tələblə mayın 2-də Gürcüstan parlamentinin binasında da aksiya keçiriblər.

Leave a Reply

Your email address will not be published. Required fields are marked *

GeorgiaAzerbaijanRussiaTurkey