Get Adobe Flash player

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün3454
DünənDünən3597
Bu həftəBu həftə10542
Bu ayBu ay32364
Bu günə qədərBu günə qədər2960769

Bizi Paylaşın

Video Xəbərlər

 

Təqvim


Cəmiyyət

Yaxın vaxtlarda Marneuli rayonunun Kirəc Muğanlı kəndi qazlaşdırılacaq

alt

Yaxın vaxtlarda Marneuli rayonunun Kirəc Muğanlı kəndi təbii qazla təmin olunacaq.

Bu barədə mətbuata Gürcüstan parlamentinin Marneuli rayonundan olan azərbaycanlı deputatı Ruslan Hacıyev deyib.

O bildirib ki, SOCAR-ın Gürcüstan nümayəndəliyi bu ölkədə əhalinin, xüsusən də azərbaycanlıların yığcam yaşadığı bölgələrin təbii qazla təmin olunmasını davam etdirir. Hazırda azərbaycanlıların yığcam yaşadığı Marneuli rayonunun Kirəc Muğanlı kəndinə qaz xətti çəkilir: “Gürcüstan-Azərbaycan sərhədinin yaxınlığında yerləşən Kirəc Muğanlıda təxminən 1300 nəfər yaşayır. Yaxın vaxtlarda onların təbii qaz problemi öz həllini tapacaq”.

Tbilisinin mərkəzində müxalifət əleyhinə aksiya keçirilib

alt

Noyabrın 25-də Tbilisinin mərkəzindəki Azadlıq meydanında Gürcüstanın sabiq prezidenti Mixeil Saakaşvilinin lideri olduğu və ölkənin əsas müxalif qüvvəsi sayılan “Vahid Milli Hərəkat” Partiyasının əleyhinə kütləvi etiraz aksiyası keçirilib.

Iqtidar yönümlü “Nasizmə yox” ictimai birliyinin təşkil etdiyi aksiyaya minlərlə insan qatılıb. Etiraz aksiyasına “Vətənpərvərlər Alyansı” Partiyası da dəstək verib.

Əllərində Gürcüstan bayrağını dalğalandıran aksiya iştirakçıları “Mişaya yox!”, “Milli hərəkatçılara yox!”, “Gürcüstanı qoruyaq!” şüarlarını səsləndiriblər. “Vətənpərvərlər Alyansı” partiyasının liderlərindən olan İrma İnaşvili çıxış edərək bildirib ki, meydana toplaşan insanlar ölkənin keçmişə qaytarılmasını istəmirlər. 

“Biz terrorizm, zorakılıq və kasıblıq dövrünə qayıtmaq istəmirik. Prezident seçkilərinin ikinci turunda biz Salome Zurabişvilini dəstəkləməliyik, çünki ölkənin başqa seçimi yoxdur. Qriqol Vaşadzeni dəstəkləmək keçmişə qayıtmaq deməkdir”, – deyə İnaşvili vurğulayıb. 

Aksiya nəticəsində meydan ərazisindən keçən yolda avtomobillərin hərəkəti bir müddət dayanıb. Nümayiş dinc şəraitdə keçib və heç bir qarşıdurma qeydə alınmayıb.

Marneuli rayon böyük Bəylər kəndində ev yanaraq külə dönüb

Gecə saatlarında Marneuli rayon böyük Bəylər kəndində Əmirxan Sultanova məxsus ev yanaraq külə dönüb.

24News.ge xəbər portalına şahidlərin verdiyi məlumata görə hadisə 23noyabr gecə saat 00.00 radələrində baş verib. Yanan evin sahibləri türkiyədə yaşasalarda evdə onların qızı yaşayırmış lakin yanğın başlayan zaman Ə.Sultanovun qızı evdə olmayıb, yanğın zamanı evin içindəki əşyaları yanaraq külə dönüb.

Kənt sakinlərinin verdiyi məlumatda oda bildirilir ki, yanğın baş verən zaman 112 çağrı xidmətinə zəng edilib, lakin yanğın söndürənlər evin dam örtüyü yanıb çökəndən sonra hadisə yerinə gəliblər.

Hazırda araşdırma aparılır, ilkin ehtimala görə yanğın elektirin naqillərində olan boşluq nəticəsində baş verib.

https://youtu.be/Xoc44B3Yw3k

Marneulidə İmam Əli (ə) Məscidində qan vermə aksiyası keçirilir

Bu gün Marneulidə Qan Donoru Yeni Vizual Univeristeti və İmam Əli (ə) Məscidinin birgə təşkilatçılığı ilə sözü gedən məsciddə təmənnasız qan vermə aksiyası keçirilir.

İmam Əli (ə) Məsçidin axundu Hacı Hacıyev 24News.ge xəbər portalına müsahibəsində bildirib ki, “Marneuli İmam Əli (ə) Məscidində təmənnasız qan aksiyasını keçirməkdə məqsəd, Donora ehtiyac olan insanlara yardım etməkdir”

"Bu gün İmam Əli məsçidində saat 11:00 dan axşam saat 18:00 qədər qan aksiyası keçirilir: Bu aksiyanı keçirməkdə məqsəd, ehtiyacı olan insanlara kömək etməkdir: Bizdə bu aksiyanı keçirmək istəyən təşkilata və həkimlərə şərait yaratdıq. Allah hərkəsə yardımcı olsun". Deyə H.Haciyev bildirib.

 

“İçəridə ana və oğlu “bizi qurtarın” deyirdi” — Gəncədəki dəhşətli partlayışın ŞAHİDLƏRİ

Bu gün səhər saatlarında dördmərtəbəli yaşayış binasında partlayış olub.

Hadisə şəhərdə yerləşən dördmərtəbəli binada "Füzuli" parkının yaxınlığında, Şahlar Hüseynov küçəsi, bina 13-də baş verib.

İlkin ehtimala görə partlayış qaz sızması nəticəsində baş verib.

Sakin: “Səhər-səhər 6-ya qalmış əynimi geyinib bazara gedirdim, gördüm partlayış oldu. Əvvəl elə bildim zəlzələ oldu. Durub çölə qaçdım. Gəldim dedilər ki, binanın bir hissəsi yoxdur. İçəridən də oğlanla anasının səsi gəlirdi “bizi qurtarın” deyirdi”.

Sərxan Məmmədov - sakin: "04:20-də güclü partlayış oldu. Gəldik ki, binanın yarısı çöküb aşağı. Bir və ikinci mərtəbələrdə yaşayış var, üçüncü, dördüncü mərtəbələdə yoxdur".

Fövqəladə Hallar Naziri Kəmaləddi Heydərov, Gəncə şəhər rəhbərliyi, hüquq mühafizə orqanlarının rəhbərləri də hadisə yerində olublar.

Axtarış xilasetmə işləri nəticəsində dağıntılar içərisindən 24 yaşlı Cumazadə Cuma Saleh oğlunun, 47 yaşlı Tağıyaeva Nigar Tağı qızı və onun oğlu 1994-cü il təvəllüdlü Hüseyn Oktay oğlu Heydərovun meyiti tapılaraq çıxarılıb. Dağıntılar altından çıxarılan yaralı, 1997-ci il təvəllüdlü Orxan Oktay oğlu Məmmədov xəstəxanaya çatdırılıb. Onun vəziyyətinin ağır olduğu bildirilir.

Kəmaləddin Heydərov  - Fövqəladə Hallar Naziri: "Səhər saat 05:00-da məlumat daxil olub. İlkin ehtiala görə, partlayış binanın iknci mərtəbəsindəki mənzildə qaz sızması nəticəsində baş verib. Xilasetmə işləri davam etdirilir".

Partlayış nəticəsində binanın bir hissəsinin bir bloku təmamilə çöküb.

Tükəzban Ağayeva – sakin: "Səhər saat 05:00-da çay qoymağa durdum. 05:30 radələrində partlayış oldu. Duman oldu, daha heçnə başa düşmədik. Balkona çıxmaq istəyəndə gördüm nə aynam var, nə qapım. Divarımız çartlayıb. Su çənləri partlayıb, evimizi su basıb".

Hadisə ilə bağlı araşdırma aparılır.

Qış aylarında içilən kələm çayının — ORQANİZMƏ FAYDALARI

Türk həkimlər bağırsaq problemləri olanlara və arıqlamaq istəyənlərə kələm çayı içməyi məsləhət görürlər.

Kələm çayı orqanizmin bağırsaq florasını tənzimləyir və orqanizmdəki toksinləri xaric edir. Müntəzəm olaraq qəbul ediləndə probiotik bakteriyaların yerləşməsini təmin edir. Bununla da orqanizmin şirniyyata olan ehtiyacını azaldır. Bundan başqa arıqlamaq istəyənlər üçün də faydalıdır.

Kələm suyunun tərkibində olan B, C və E vitaminləri, potasium sidik qovucudur. Qanı təmizləyir və qara ləkələrdən qoruyur. Qış aylarının faydalı tərəvəzi olan kələm çay kimi qəbul ediləndə qarın piyini əridir.

Kələm çayını necə hazırlamaq lazımdır?

Kələm çayı hazırlamaq üçün bir kasa kələm, bir baş soğan, bir dəstə kərəviz, üç diş sarımsaq, iki dilim təzə zəncəfil, litr yarım təmiz su.

Kələmi xırda-xırda doğrayın, soğanı dilimləyin və sarımsağı əzin. Kərəvizi də halqavari şəkildə doğrayın və 1.5 litr suda 30 dəqiqə qaynadın. Bir stəkan için. Bu məhlulu 21 gün içmək olar. Amma bu dövr ərzində yeməklərinizə diqqət edin. Xəmir körəkləri və qızartmalardan uzaq durun. Bundan başqa çay içməklə yanaşı yürüşə çıxsanız, daha çox arıqlamış olarsınız.

Qaradağda sürücü qəza törətdi, həyat yoldaşı öldü

Bakıda ölümlə nəticələnən yol-nəqliyyat hadisəsi baş verib.

Daxili İşlər Nazirliyindən verilən məlumata görə, noyabrın 19-da saat 23:00 radələrində Qaradağ rayonu ərazisində - Kənar dairəvi yolda Bakı şəhər sakini Sabir Vəliyev idarə etdiyi "Chevrolet" markalı avtomobili yolun kənarında dayanmış Bakı şəhər sakini Zaur Əliyevin idarə etdiyi “DAF” markalı avtomobilin qoşqusuna vurub.

 

Nəticədə S.Vəliyevin sərnişini, həyat yoldaşı Gülgəz hadisə yerində ölüb.

Faktla bağlı araşdırma aparılır.

Gəncədə binada partlayış: ölənlər var

Gəncə şəhərində baş verən partlayış zamanı dağıntılar altında qalanlardan meyiti çıxarılan iki nəfərin kimliyi məlum olub.

Fövqəladə Hallar Nazirliyindən verilən məlumata görə, Gəncənin Kəpəz rayonunda yaşayış binasında baş vermiş qəza hadisəsi ilə əlaqədar aparılan axtarış-xilasetmə işləri nəticəsində dağıntılar altından daha iki nəfərin, 1971-ci il təvəllüdlü Tağıyeva Nigar Tağı qızı və 1994-cü il təvəllüdlü Heydərov Hüseyn Oktay oğlunun meyiti tapılaraq çıxarılıb.

Ümumilikdə, ərazidə aparılan axtarış-xilasetmə tədbirləri nəticəsində dağıntılar altından üç nəfərin meyiti çıxarılıb. Bir nəfər yaralı vəziyyətdə aşkar edilərək xilas edilib. 

 

Gürcüstanda yüz minlərlə vətəndaşın bank borcu silinəcək

Gürcüstan adı qara siyahıda olan 600 mindən çox vətəndaşının banklara olan borcunu silmək barədə qərar qəbul edib

Bunu Gürcüstanın baş naziri Mamuka Baxtadze deyib.

"Söhbət banklar, onlayn kredit verən maliyyə təşkilatları və digər maliyyə qurumlarına borcu olan 600 mindən çox insandan gedir. Ümumi məbləğ 1,5 milyard lari (565,3 milyon dollar) təşkil edəcək. Bu gün verilən qərara görə, bizim vətəndaşlarımızın borcu silinəcək", - deyə Mamuka Baxtadze keçirdiyi brifinqdə bildirib.

 

Onun sözlərinə görə, bu kateqoriyaya 150 min nəfər sosial təminatsız və məhdud imkanları olan vətəndaş daxildir. Borcların sıfırlanması prosesinə dekabrın 15-də başlanılacaq və ayın sonuna qədər bu prosedur davam edəcək.

"Xalqımız yeni ili borcu olmadan qarşılayacaq", - deyə baş nazir əlavə edib.

Milli Dirçəliş Günü Tbilisidə qeyd olunub

alt

Tbilisidəki M.F.Axundzadə adına Azərbaycan Mədəniyyəti Muzeyində xalqımızın milli dövlətçilik tarixində özünəməxsus rolu olan 17 noyabr - Milli Dirçəliş Günü qeyd olunub. 

AZƏRTAC xəbər verir ki, muzeyin təşkilatçılığı ilə keçən tədbirdə Azərbaycanın Gürcüstandakı səfirliyinin əməkdaşları, ictimaiyyət nümayəndələri, Tbilisi və Kutaisi şəhərlərinin məktəbliləri, musiqi kollektivləri iştirak ediblər. 

Muzeyin direktoru, Azərbaycanın Əməkdar mədəniyyət işçisi Leyla Əliyeva tədbiri açaraq Milli Dirçəliş Günü barədə məlumat verib. 

Azərbaycan səfirliyinin əməkdaşı Rəhim Rəhimzadə çıxışında qeyd edib ki, xalqımızın istiqlal mübarizəsinin əsas mərhələlərindən biri olan Milli Dirçəliş Günü dövlət müstəqilliyimizin bərpasında tarixi rol oynayıb. Mənəvi əsaslarını və başlanğıcını XX əsrin 60-cı illərindən götürən bu tarix sonralar ulu öndər Heydər Əliyevin siyasi uzaqgörənliyi və müdrikliyi ilə dönməz xarakter alıb, müstəqil Azərbaycan müasir inkişaf yoluna qədəm qoyub. 

Bildirilib ki, bu gün Azərbaycan və Gürcüstan müstəqil dövlətlərdir. Bütün təzyiqlərə, ərazilərimizin işğal olunmasına baxmayaraq, siyasi liderlərimizin uzaqgörən siyasəti və gərgin əməyi nəticəsində hər iki dövlət müstəqil olaraq dünyada öz layiqli yerlərini tutub. Dost və qardaş xalqlarımız arasındakı münasibətlər də dünyada nümunədir. Bugünkü tədbirdə hər iki xalqın məktəblilərinin, musiqi kollektivlərinin iştirakı bunu sübut edir.

Sonra Kutaisidən gəlmiş “Pirimze” ansamblının rəhbəri Nino Silaqadze, müəllimə Maka Trapaidze, “Meydan” ansamblının rəhbəri Nargilə Mehtiyeva və başqaları çıxış edərək Azərbaycan ilə Gürcüstan xalqları arasındakı oxşar tarixi proseslərdən, mədəniyyət nümunələrindən, müstəqillik uğrunda mübarizədən söz açıblar. 

Çıxışlardan sonra “Pirimze” ansamblı, “Ceyran” rəqs qrupu və Muzeyin nəzdində fəaliyyət göstərən “Meydan” musiqi kollektivi maraqlı konsert proqramı ilə çıxış ediblər.

“Meydan” Azərbaycan musiqi qrupu Tbilisidə Beynəlxalq Tolerantlıq Gününə həsr olunan tədbirdə çıxış edib

alt

Gürcüstanda Beynəlxalq Tolerantlıq Günü münasibətilə tədbir keçirilib. 

Barışıq və Vətəndaş Bərabərliyi Məsələləri üzrə Dövlət Naziri Ketevan Tsixelaşvilinin təşəbbüsü ilə keçirilən tədbirdə dövlət və hökumət rəsmiləri, diplomatik korpusun və beynəlxalq təşkilatların əməkdaşları, ictimaiyyət nümayəndələri iştirak ediblər.

Ketevan Tsixelaşvili çıxışında bildirib ki, hər il keçirilən Tolerantlıq Həftəsinin və Tolerantlıq Gününün Gürcüstan üçün xüsusi önəmi var. O deyib: “Tolerantlıq qarşılıqlı hörmət deməkdir. Bu bayram vətəndaşlarımızın hər birinin bərabər olduğunu xatırladır və bu bərabərlik onlara həyatın bütün sahələrində iştirak etmək imkanı yaradır. Bu prosesi daha da sürətləndirmək üçün hər bir vətəndaşın istedadı bizim üçün önəmlidir. Etnik və ya dini mənsubiyyətindən asılı olmayaraq, hər bir vətəndaşın özünü təhlükəsiz hiss etməsi və haqqının qorunması üçün əlimizdən gələni edirik və bundan sonra da edəcəyik”.

Tədbirdə Gürcüstanda yaşayan millətlərin nümayəndələrinin folklor qrupları maraqlı konsert proqramı ilə çıxış ediblər.

M.F.Axundzadə adına Azərbaycan Mədəniyyəti Muzeyinin nəzdində fəaliyyət göstərən “Meydan” musiqi qrupu tədbirdə Azərbaycanın xalq və bəstəkar mahnılarını səsləndirib.

Tbilisidə yaşayış binasında partlayış nəticəsində xəsarət alan azərbaycanlıların vəziyyətindən xəbər var

alt

Tbilisidə ötən gün qaz sızması nəticəsində yaşayış binasında baş verən partlayış zamanı xəsarət alan Məmmədovlar ailəsinin üzvlərinin vəziyyəti sabitdir.

Bunu Yanıq Mərkəzinin direktoru Quqa Kaşibadze bildirib.

O deyib ki, xəsarət alan kişi, onun oğlu və uşağın müalicəsi mərkəzin reanimasiya şöbəsində davam etdirilir: “Onlar bədənin müxtəlif yerlərində yanıq xəsarətləri alıblar. Yaşlı kişinin bədəninin 65%-i, onun oğlunun bədəninin 55%-i, uşağın bədəninin isə 12%-i yanıb”.

Qeyd edək ki, Tbilisinin Zemo Poniçala qəsəbəsində ötən gün səhər saatlarında doqquzmərtəbəli binada təbii qaz sızmasından güclü partlayış baş verib. Nəticədə üç nəfər – 44 yaşlı kişi, onun 24 yaşlı oğlu və 6 yaşlı nəvəsi xəsarət alıblar. Hadisə nəticəsində gənc qadın və onun övladı dağıntılar altında qalaraq ölüb.

Saytda Axtarış

Son xəbərlər