Fransa “Lans”ı ilə bağlı bütün məsələlərə gələn həftənin əvvəlində nöqtə qoyulacağına inanıram”.

O, “Lans”ın səhmlərinin müəyyən hissəsinin Azərbaycana məxsus olacağını vurğulayıb. Məmmədov bu klubla əməkdaşlığın baş tutmaması üçün xüsusən, Fransadakı erməni lobbisi tərəfindən kampaniyanın aparıldığını vurğulayıb: “Onlar bəzi çirkin işlərə də əl atdılar. Amma “Lans” cameəsinin dəstəyilə bu iş baş tutdu”.

O, “Lans”la danışıqların yekunlaşmamasının səbəbini də açıqlayıb: “Fransada bir neçə proses gedir. İyulun 5-də bizimlə klub rəhbərliyi arasında görüş olacaq. Hazırladığımız investisiya proqramı təqdim olunacaq və inanıram ki, bu iş müsbət həllini tapacaq. “Lans”la əməkdaşlıq prezidentimiz İlham Əliyevin apardığı siyasətin davamıdır. Fransa kimi dövlətlə əməkdaşlıq həm də bir siyasətdir. İnşallah, “Lans” Fransanın əsas liqasına qayıdacaq və yüksək yerlər uğrunda mübarizə aparacaq”.

Gürcüstan azərbaycanlılarının adından Gürcüstan-Azərbaycan tarixi dostluğuna xələl gətirmək istəyənlərə qarşı bəyanat qəbul edilib.

Tədbiri açan mərkəzin idarə heyətinin sədri Fazil Həsənov bəzi KİV-də və sosial şəbəkələrdə heç bir sosial dayağı və cəmiyyətdə nüfuzu olmayan qondarma təşkilatın rəhbərlərinin Gürcüstan azərbaycanlılarının adından yayımlanan, azərbaycançılıq ideyalarına zidd olan və Gürcüstan-Azərbaycan tarixi dostluğuna xələl gətirmək məqsədi güdən yazıların verilməsindən narahatlığını ifadə edərək və bu çıxışların ziyalıların mövgeyini əks etdirmədiyini xüsusi vurğulayıb. O, Gürcüstanın azərbaycanlı ziyalıları adından bəyanat hazırlandığını bildirib. "Regionpress" qəzetinin redaktoru Binnət Əlioğlu bəyanatın mətni ilə tədbir iştirakçılarını tanış edib.

Ziyalılar bildiriblər ki, ümummilli lider Heydər Əliyev ideyalarına daim sadiq qalan və bu gün öz doğma torpaqlarında yaşamalarına Heydər Əliyev və onun siyasi varisi - Azərbaycan Respublikasının Prezidenti cənab İlham Əliyev şəxsiyyətlərinə borclu olan Gürcüstan azərbaycanlıları özünün dövlətçilik ənənələrinə həmişə sədaqətləri ilə öyünmüş, minillik tarixə malik və Heydər Əliyev tərəfindən zirvəyə qaldırılmış mehriban dostluq və qardaşlıq münasibətlərinin qorunub-saxlanılması ilə qürur duymuşlar:

"Xatırlatmaq istəyirik ki, 2004-cü ildə Prezident cənab İlham Əliyevin Gürcüstana səfərindən və azərbaycanlıların yığcam yaşadığı Marneuli şəhərində soydaşlarımızla görüşündən sonra bu münasibətlər ümumi mənafe baxımından xüsusi mərhələyə qədəm goymuş və yeni məna kəcb etməyə başlamışdır."

Bəyanatda xüsusi qeyd edilir ki, son illər cənab İlham Əliyevin yürütdüyü uğurlu daxili və xarici siyasət nəticəsində qazanılmış nailiyyətlər bəzi "qaragüruhçu" qüvvələr tərəfindən "həzm" oluna bilmir, onlar nəyin bahasına olursa-olsun, beynəlxalq aləmdə ölkəni müxtəlif bəhanələrlə gözdən salmağa, ən böyük uğur hesab olunan daxili sabitliyi pozmağa və bununla da qarşıdakı prezident seçkilərində ucuz divident qazanmağa cəhd edirlər.

Bəyanatda bildirilir: "Biz, Gürcüstan azərbaycanlıları bir daha bəyan edirik ki, heç bir təxribata uymayan uzaqgörən Azərbaycan xalqı yaxşını yamandan seçməyi çox gözəl bilir, ictimai rəyi öz xeyrinə dəyişməyə və bu yolda heç nəyi əsirgəməməyə çalışan şər qüvvələr niyyətlərinə bu dəfə də çatmayacaq, ağıl-kamal nümayiş etdirən xalq yenə də müdriklik göstərəcək, möhtərəm prezidentimiz İlham Əliyevin ətrafında sıx birləşərək doğma Azərbaycanımızın daha da çiçəklənməsi və parlaq gələcəyi naminə bütün qüvvə və bacarığımızı sərf edəcəyik".

ABŞ-da qeyri-adi güclü istilər müşahidə olunur. Bəzi ştatlarda havanın hərarəti 50 dərəcəyə çatıb.

Nevada ştatında günvurmadan yaşlı kişi ölüb, onlarla adam xəstəxanalara müraciət edib.

Bu gün Kaliforniyanın bəzi rayonlarında rekord istilər gözlənilir. Havanın temperaturu 56,7 dərəcəyə çatacaq.

Onlardan biri – Hüseyn Tukan Əhvaz şəhərində, “Salman Farsi” dördyolunda, əhalinin gözü qarşısında qaldırıcı krandan asılıb, Digər məhbus (onun ad və soyadının yalnız baş hərfi yazılıb) isə Gəcsaran şəhərində həbsxanada dara çəkilib. Onlardan birincisi narkotik maddələrin qaçaqmalçılığında, digəri isə qətldə günahlandırılıb. Belə ki, ikinci məhbus 2006-cı ildə Gəcsaran-Paznan küçəsində Möhsün Hüseyn Niki tapança ilə qətlə yetirib. Onlar barəsində aşağı instansiya məhkəmələrinin çıxardığı qərar İranın Ali Məhkəməsi tərəfindən təsdiqləndikdən sonra iyunun 29-da səhər saatlarında icra edilib.

Qeyd edək ki, İran Çindən sonra edamların sayına görə dünyada ikinci yerdədir.

İstanbul polisi ötən gecə Taksim meydanında 10 minədək iştirakçısı olan hökumət əleyhinə aksiyanı yatırarkən 20-dək etirazçı saxlanılıb.

Aksiya iştirakçıları iyunun 28-də əhalisinin əksəriyyətini kürdlər təşkil edən Diyarbəkirdə jandarmalarla toqquşmalar zamanı bir nəfərin ölməsi və 10-dan çox insanın yaralanması ilə bağlı hökumətə etiraz bildiriblər.

Taksim meydanındakı Müstafa Kamal Atatürkün heykəlini əhatəyə almış polis bir neçə dəfə etirazçıları dağılmağa çağırdıqdan sonra aksiya iştirakçılarını ərazidən qalxanlar vasitəsilə sıxışdırmağa başlayıb. Məlumata görə, polis etirazçılara qarşı bu dəfə su şırnağı və gözyaşardıcı istifadə etməyib.

Ankarada isə polis Qızılay meydanına razılaşdırılmamış yürüş edən yüzlərlə aksiya iştirakçısını dağıtmaq üçün su şırnağından istifadə edib. Orada da saxlanılanların olduğu bildirilir.

Bundan başqa, İraq sərhədi yaxınlığında yerləşən Yüksəlova şəhərində etirazçılarla polis arasında toqquşmalar baş verib. Kürdyönümlü Sülh və Demokratiya Partiyasının üzvləri də daxil olmaqla 1000-dək etirazçı bələdiyyə binasının qarşısında toplaşaraq Dıyarbəkirdəki hadisələrlə bağlı bəyanatı elan edib. Bundan sonra bir qrup ekstremist bələdiyyə binasına daş və fişəng atmağa başlayıb. Polis qaz və su şırnağından istifadə etməklə aksiyanı yatıra bilib.

İzmir, Adana və Antalyada keçirilmiş etiraz aksiyaları insidentsiz ötüşüb.