Türkiyənin “Qalatasaray” idman klubunun iyunun 22-də keçirilən qurultayında seçilən yeni İdarə Heyəti rəsmən fəaliyyətə başlayıb.

Klub prezidenti Ünal Aysalın formalaşdırdığı yeni İdarə Heyətində Türkiyənin məşhur sənətçisi Candan Ərçətin də yer alıb.

İdarə Heyətinin iyunun 25-də keçirilən ilk toplantısında vəzifə bölgüsü aparılıb. C. Ərçətin “Qalatasaray” prezidentinin 2 köməkçisindən biri olub. Türkiyə idman klublarının tarixində ilk dəfədir ki, bir qadın belə yüksək vəzifəyə gətirilir.

Qeyd edək ki, 1963-cü il təvəllüdlü C. Ərçətin Qalatasaray Liseyini bitirib. Uzun illər eyni liseydə musiqi müəlliməsi olub. Hazırda Türkiyənin ən nüfuzlu ali məktəblərindən olan Qalatasaray Universitetində dərs deyir

Türkiyənin Taksim meydanında baş verən son hadisələrlə bağlı aksiyaçılara dəstək bu dəfə rus əsilli kanadalı müğənni Michelle Gurevichdən gəldi.

Məşhur müğənni, səsləndirdiyi `Kiss in Taksim Square` (Taksim Meydanında bir öpücük) adlı mahnısı ilə öz dəstəyini etirazçılardan əsirgəməyib.

Bu gün NATO-nun baş katibi Foq Rassmussen Gürcüstana səfərə gəlib.

Bu gün səfər çərçivəsində NATO baş katibinin Gürcüstanın baş naziri Bidzina İvanişvili ilə görüşü olub. Görüşdən sonra onlar mətbuat konfransı keçiriblər. F. Rasmussen Gürcüstanda gedən proseslərə münasibət bildirib: “Gürcüstanın hansı səviyyədə olduğunu və onun irəliləyişini qiymətləndirmək üçün bizim bu gün və sabah imkanımız olacaq. Bizim ümumi məqsədimiz Gürcüstanın bütünlüklə Avroatlantik məkana inteqrasiya olunmasıdır. Əgər Gürcüstan lazım olan tələblərə cavab verərsə, bu ölkə mütləq NATO-nun üzvü olacaq”.

Jurnalistlərə açıqlamasında Rasmussen ölkədə payızda baş tutacaq prezident seçkilərinə də münasibətini bildirib: “Ümidvaram ki, bu il prezident seçkiləri yüksək standartlara uyğun baş tutacaq. Bu, Gürcüstanın demokratikləşdirilməsi üçün çox vacibdir və bu Gürcüstanın beynəlxalq rolunun artmasında həlledici əhəmiyyət kəsb edir. Biz sizə söz veririk ki, bu yolda NATO həmişə sizinlə birgə olacaq”.

Gürcüstanın baş naziri Bidzina İvanişvili prezident Mixael Saakaşvilinin həbs olunma ehtimalının böyük olduğu barədə danışıb.

Baş nazir İvanişvili Saakaşvilin həbs olunmasını istəmədiyini deyib. "Düzdür, mən istəmərəm ki, onu saxlasınlar. Ancaq belə variantın olacağı istisna deyil. Əgər bu hal baş versə, çox güman ki, 2013-cü il prezident seçkilərindən sonra olacaq. Qərarları özü verir. Atdığın addımları yaxşı fikirləşmək lazımdır. Məhkəmə var, qanun var, qayda var. Və o qanunların qarşısında hamı eyni məsuliyyəti daşıyır", - deyə nazir bildirib.

Məlumat üçün deyək ki, baş nazir İvanişvili dəfələrlə Saakaşvilinin vəzifədən sui-istifadə etməkdə təqsirli bilərək, onun həbs edilmə ehtimalının yüksək olduğu barədə danışıb.

Fransanın məşhur Eyfel qülləsinin işçıləri etiraz aksiyası keçirir.

Etiraz aksiyasına görə bu gün turistlərin Eyfel qülləsini ziyarət etməsi mümkün olmayıb. Kassaların açılmasında bir qədər əvvəl etiraz aksiyasının keçirilməsi barədə qərar qəbul edildiyindən turistləri bununla bağlı xəbərdar etmək mümkün olmayıb.

Eyfel qülləsində çalışanların səsləndirdiyi tələblər əmək haqlarını artırılması və əmək şəraitinin yaxşılaşdırılmasıdır. Həmçinin dünyaca məşhur Eyfel qülləsində təhlükəsizlik məsələlərinə də diqqət çəkilir.

Hazırda Səudiyyə Ərəbistanı, Qatar, Birləşmiş Ərəb Əmirlikləri, Fransa, Almaniya, İtaliya və Tunisdə tənəffüs yollarını yoluxduran yeni “MERS” öldürücü virus ortaya çıxıb. Mütəxəssislər “MERS” virusunun bir insana heyvandan - dəvə və ya keçidən keçdiyini bildirir.
Həkimlər günlərlə davam edən yüksək temperatur və öskürək əlamətləri göstərən virusun xəstəxanalara yayılmasının narahatverici olduğunu açıqlayıb.