Böyrəklər orqanizmdə gedən su-duz mübadiləsinə, cinsi funksiyaya, digər orqanların, eləcə də mərkəzi sinir sisteminin düzgün işləməsinə xidmət edir.

Kalsium balansının pozulması orqanizmdə 150-yə yaxın xəstəlik əmələ gətirir və onlardan biri də böyrək-sidik kisəsində daşların yaranmasıdır. Maddələr mübadiləsinin pozulması və həzm prosesinin düzgün getməməsi, mədə-bağırsaq sisteminin öz işinin öhdəsindən layiqincə gəlməməsi digər orqanlarla yanaşı böyrəklərin də işinə mənfi təsir göstərir.

Böyrəklərdə, eləcə də sidik kisəsində oksalat, fosfat, urat və mərcan daşları ola bilər. Onların mənşəyi daha çox qidadan asılı olur. Mərcan daşları xüsusi reseptlərə tabe olur.

 Bitkilərin xüsusiyyətinə bələd olmadan qəbul etmək düzgün deyil. Həmin bitkilər daşları iri hissələrə parçalamaq xassəsinə malik olsa da, parçalanma nəticəsində daşların iri hissələri sidik və böyrək kanalını, eləcə də sidik kisəsinin çıxacağını tutaraq fəsadlar yaradır. Məsələn, sarıçıçək bitkisində belə bir xüsusiyyət var. Böyrək-sidik sistemi daşlarının müalicəsi zamanı adi qarpız, sulu armud, qırxbuğum, itburnu, itburnunun kökü, böyürtkənın kökü, günəbaxanın kökü və s. kimi bitkilər daha yaxşı təsir göstərir.

Böyrək-sidik kisəsi daşlarının parçalanması zamanı son dərəcə diqqətli olmaq və mütəxəssislərlə məsləhətləşmək lazımdır.

- 6 stəkan xırdalanıb doğranmış günəbaxan kökləri üzərinə 3 litr qaynar su tökülərək 5 dəqiqə qaynadılır, süzülür və soyuducuda saxlanır. Gündə 3-4 dəfə yeməkdən yarım saat əvvəl içilir. Dərman qurtarandan sonra günəbaxan köklərini yenə də eyni miqdarda su ilə bu dəfə 10 dəqiqə qaynadılaraq proses təkrar edilir. Axırıncı dəfə suyun miqdarını artıraraq 2 litrə, qaynatma prosesi 15 dəqiqəyə çatdırılır və süzüləndən sonra günəbaxan kökləri atılır.

- Kökləri ilə birlikdə 2 dəstə cəfəri, 1 dəstə şüyüd və 2 ədəd limon yuyularaq xırdalanır, limonların tumları çıxarılaraq doğranır. Emallı qazanda 1,5 litr su qaynadılaraq doğranmış tərəvəzlər 15-20 dəqiqə dəmlənir. Sonra doğranmış limon qabıqlı şəkildə əlavə olunaraq yenə 12-20 dəqiqə dəmlənir, soyudulur. Dəmləmənin gün ərzində yeməkdən qabaq və sonra içilməsi daşları tədricən əridir, sidiyəgetməni yaxşılaşdırır.

- 3 çay qaşığı cirə toxumu 3 stəkan suda dəmlənir və gündə 3 dəfə yeməkdən 30 dəqiqə əvvəl 1 stəkan içilir.

- 1 xörək qaşığı itburnu meyvəsi xırdalanır, 50 qram qarğıdalı saçağı 1 litr qaynar suda 1 sutka dəmlənir, süzülərək yeməkdən 30 dəqiqə əvvəl 1 stəkan qəbul edilir.

- 2 qram ladan bitkisinin tozu 1 stəkan qatıqla qarışdırılaraq gündə 3 dəfə yeməkdən 30 dəqiqə əvvəl qəbul edilir. Qarışıq sidik kisəsindəki daşları tədricən ağrı vermədən parçalayıb toz halına salır. Ladanın istifadəsinə 1 qramdan başlanılması daha yaxşı səmərə verir.

- 1 çay qaşığı pol-pala bitkisinin 1 stəkan suda dəmlənilərək gündə 3 dəfə içilməsi sidik kisəsi daşlarını toz halına salır. Prosedur 2-3 ay aparılır.

- 20 qram itburnu meyvəsi, 20 qram adi ardıc meyvəsi, 20 qram tozağacı, 40 qram boyaq otunun kökü xırda-xırda doğranılaraq qarışdırılır, qarışıqdan 1-2 xörək qaşığı 2 stəkan qaynar suda 15-20 dəqiqə dəmlənir. Sidik yollarında daş əmələ gələndə gündə 3 dəfə və hər dəfə yarım stəkan yeməkdən 30 dəqiqə əvvəl qəbul edilir.

- Çörəkotu əzilərək balla qarışdırılır, gündə 3 dəfə yeməkdən əvvəl 1 çay qaşığı qəbul edilir.

- Çobanyastığı suda qaynadılır və gündə 3 dəfə stəkanla içilir.

Bu gün səhər saatlarında Şirvan şəhərində yol-nəqliyyat hadisəsi baş verib.

Dalga tv APA-ya istinadən xəbər verir ki, Şirvan-Salyan marşrutu üzrə hərəkət edən mikroavtobusla "Şirvan oil"ə məxsus xüsusi qurğulu "KamAZ" markalı yük maşını toqquşub.

Nəticədə mikroavtobusda olan 15 sərnişin müxtəlif bədən xəsarətləri alıb. Onlar xəstəxanaya çatdırılıblar.

Baş verən qəzada xəsarət alan şəxslərin kimliyi müəyyənləşib.

Onlar Şirvan sakinləri - 1980-ci il təvəllüdlü Xankişiyeva Tünzalə Adil qızı, 1964-cü il təvəllüdlü Dadaşova Fərqiyyə Əbil qızı, 1961-ci il təvəllüdlü Vəliyeva Gülüstan Fazil qızı, 1973-cü il təvəllüdlü Allahverdiyeva Şərafət Arif qızı, 1988-ci il təvəllüdlü Abbasova Tünzalə Rəhimxəlil qızı, 1983-cü il təvəllüdlü Alxanova Şəlalə Ataxan qızı, Məmmədova Mətanət Həsənağa qızı, 1967-ci il təvəllüdlü Əliyeva Gülçiçək Əkrəm qızı, 1983-cü il təvəllüdlü Mirzəyeva Nigar Əvəz qızı, 1977-ci il təvəllüdlü Mirzəyeva Aynur Balaş qızı, 1979-cu il təvəllüdlü Mirzəyeva Könül Əlihüseyn qızı və daha dörd nəfər müxtəlif dərəcəli xəsarətlərlə Şirvan şəhər xəstəxanasına yerləşdirilib.

Onlardan bir nəfər reanimasiya şöbəsinə, digər altı nəfər travmatologiya şöbəsinə yerləşdirilib. 

Digər sərnişinlər tibbi yardım göstəriləndən sonra ambulator müalicəyə göndərilib.

Bildirilir ki, hadisə istixanada işləyən qadınlar səhər mikroavtobusla işə gedərkən baş verib.

Azərbaycan Mətbuat Şurasının (MŞ) VII qurultayında Şuranın sədri seçilib.

Qurultayda səsvermə ilə MŞ sədri vəzifəsinə növbəti dəfə  Əflatun Amaşov seçilib.

Bundan başqa, səsvermənin nəticələrinə əsasən, Şuranın İdarə Heyətinə 11 jurnalist (Əflatun Amaşov, Vüqar Rəhimzadə, Umud Rəhimoğlu, Rəşad Məcid, Aydın Quliyev, Akif Aşırlı, Rauf Arifoğlu, Elçin Mirzəbəyli, Aynur Camalqızı, Bəxtiyar Sadıqov, Bahəddin Həziyev), 7 ictimaiyyət nümayəndəsi (Vüqar Səfərli, Müşfiq Ələsgərli, Aqil Abbas, Cavanşir Feyziyev, Hikmət Babaoğlu, İlham İsmayılov, Yadigar Məmmədli) 5 internet informasiya resursu təmsilçisi (Vüsalə Mahirqızı, Azər Həsrət, Niyaz Niftiyev, Rəhman Hacıyev, Anar İmanov) seçilib.

Qurultay işini davam etdirir.

Xatırladaq ki, qurultayda Mətbuat Şurasının Nizamnaməsinə İdarə Heyətinin tərkibinin genişləndirilməsi ilə bağlı dəyişiklik edilib. Dəyişikliklə üzvlərin sayı 17-dən 23-ə çatdırılıb.

Azərbaycanda hava şəraitinin dəyişəcəyi ilə bağlı xəbərdarlıq edilib.

Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, Bakıda və Abşeron yarımadasında martın 9-u günün ikinci yarısından martın 10-u səhərədək hava şəraitinin qeyri-sabit keçəcəyi, güclü şimal-qərb küləyinin əsəcəyi, arabir yağış yağacağı, bəzi yerlərdə intensiv olacağı gözlənilir. Havanın temperaturu ötən günlərlə müqayisədə 5-7 dərəcə aşağı enəcək.

Azərbaycanın rayonlarında martın 9-u gündüzdən martın 10-u gündüzədək hava şəraitinin qeyri-sabit keçəcəyi, arabir yağış, dağlıq ərazilərdə qar yağacağı, bəzi yerlərdə intensiv olacağı gözlənilir. Qərb küləyi əsəcək, ayrı-ayrı yerlərdə arabir güclənəcək. Havanın temperaturu ötən günlərlə müqayisədə 5-8 dərəcə aşağı enəcək. Çaylarda sululuğun artacağı ehtimal olunur.

Qaxda ağır qəzada ölən və yaralananların şəxsiyyəti məlum olub.

APA-nın Şəki-Zaqatala bürosunun məlumatına görə, hadisə zamanı Qax rayonu Əlibəyli kənd sakini Akati Emraşvili ölüb, daha 6 nəfər isə müxtəlif dərəcəli xəsarət alıb.

Belə ki, Qax rayonu, Əlibəyli kənd sakini, 20 yaşlı Laşa Sioşvili rayon Mərkəzi Xəstəxanasının reanimasiya şöbəsinə yerləşdirilib.

1982-ci il təvəllüdlü  Qita Dikaşvili, 1980-cı il təvəllüdlü Naia Emraşvili, 1977-ci il təvəllüdlü Laşa Andraşvili, 1991-ci il təvəllüdlü Qiorqi Barxaşvili və  2014-cü il təvəllüdlü Nikolas Emraşvili isə həmin xəstəxananın cərrahiyə şöbəsində müalicə alırlar.

Faktla bağlı araşdırma davam etdirilir.