Fevralın 16-da saat 11 radələrində "Neftqazelmitədqiqatlayihə" İnstitutunda intihar hadisəsi baş verib.

SOCAR-dan APA-ya verilən məlumata İnstitutun əməkdaşı Əli Süleymanov özünü iş yerinin 8-ci mərtəbəsindən ataraq intihar edib. 1969-cu il təvəllüdlü Əli Süleymanov 1991-ci ildən Memarlıq və İnşaat Universitetini bitirdikdən sonra İnstitutun Sanitar texniki işlər şöbəsinin baş mühəndisi vəzifəsində işləyib.

İş yoldaşlarının dediyinə görə, anası rəhmətə getdikdən sonra Əli Süleymanov depressiyadan əziyyət çəkib, müalicə olunurdu.

Hadisə ilə bağlı araşdırma aparılır.

Bakıda doğranmış qadın meyiti tapılıb.

APA-nın məlumatına görə, Binəqədi rayonu, Azadlıq prospektində zibil qutularından birində insan əzalarının tapılması barədə hüquq-mühafizə orqanlarına məlumat daxil olub.

Məlumat əsasında hadisə yerinə Bakı şəhər prokurorluğunun və Bakı şəhər Baş Polis İdarəsinin əməkdaşları çıxıb. Hadisə yerinə baxış keçirilərkən doğranmış meyitin qadın cinsinə aid olması müəyyən edilib. Qətlə yetirilən qadın təqribən 50-60 yaşlarındadır.

Ərazidə qadının başı, ayaqları (pəncə hissəsi) və daxili orqanları aşkar edilib, qalan əzalar isə tapılmayıb.

Faktla bağlı cinayət işi başlanıb, istintaq gedir.

Xalq təbabətində geniş istifadə olunan əzvay (aloe) öz möcüzəvi faydaları ilə illərin sınağından çıxmış bitkilərdən sayılır.

Bir çox xəstəliklərin müalicəsində əzvaydan istifadə etməklə şəfa tapmaq mümkündür.

Əzvayın müalicəvi xüsusiyyətləri hələ üç min il əvvəl kəşf edilib. Təsadüfi deyil ki, ən qədim zamanlarda hazırlanan uzunömürlülük eliksirinin əsas tərkibi əzvaydan ibarət olub.

Modern.az saytı sağlamlıq mövzusunda növbəti yazını təqdim edir.

Əzvay insan orqanizmi üçün vacib olan vitaminlərlə, mikroelementlələ, minerallarla zəngindir.

Bəs hansı xəstəliklərdə əzvaydan necə istifadə etmək lazımdır?

1. Boğaz xəstəlikləri zamanı əzvay şirəsi ilə suyu eyni miqdarda qarışdıraraq boğaz yaxalanır. Bundan sonra 1 çay qaşığı təzə çəkilmiş əzvay şirəsi içilir.

2. Soyuqdəymə və qrip zamanı əzvay şirəsindən 3-4 damcı burun deşiklərinə damızdırılır. Bunu 6-7 gün təkrar etmək lazımdır. Bu zaman tənəffüs rahatlaşır, qrip virusları məhv olur və xəstəlik qısa zamanda yüngülləşir.

3. Katarakta zamanı 1 pay əzvay şirəsi 10 pay su nisbətində qarışdırılır və gündə iki dəfə səhər və axşam 1-2 damcı gözə damızdırılır.

4. Mədə və onikibarmaq bağırsağın xorası, qastrit, xroniki qəbzlik xəstəliklərinin müalicəsində yeməkdən qabaq 1 çay qaşığı təzə çəkilmiş əzvay şirəsinin içilməsi məsləhət görülür.

5. Diş ağrısı zamanı əzvay bitkisini kəsib ağrıyan dişin üzərinə qoymaqla ağrıdan xilas olmaq mümkündür.

6. Vərəm xəstəliyinin müalicəsi zamanı 150 qram əzvay şirəsi, 100 qram piy, 100 qram bal, 100 qram kakao tozu qarışdırılır və gündə 2-3 dəfə 1 xörək qaşığı qəbul edilir.

7. Orqanizmin qüvvətləndirilməsi, immunitetin güçləndirilməsi, xüsusilə uzun xəstəlikdən sonra zəifliyin aradan qaldırılması üçün 2 stəkan təzə çəkilmiş əzvay şirəsi, 2 stəkan kəmşirin çaxır, 1 stəkan bal qarışdırılır, 5 gün qaranlıq və sərin yerdə saxlanılır, sonra hər gün 3 dəfə yeməkdən 15-20 dəqiqə əvvəl bir xörək qaşığı qəbul edilir.

8. Üz dərisində problemlər yaranan zaman cizvələr və sızanaqlar olduqda 1 çay qaşığı təzə şəkilmiş əzvay şirəsinin üzərinə eyni miqdarda xama və 1 yumurta sarısı əlavə edilir və qarışdırılır. Üz dərisinə çəkildikdən 30 dəqiqə sonra ilıq su ilə yuyulur. Bu maska bir ay ərzində həftədə bir dəfə təkrar olunur.

9. Yaralar və yanıqlar zamanı tənzifi əzvay şirəsində isladıb zədələnmiş yerə qoymaq sağalmanı tezləşdirir.

10. Əzvay şirəsindən gündəlik normada istifadə qan dövranını yaxşılaşdırır və yüksək qan təzyiqindən əziyyət çəkənlərə müsbət təsir göstərir.

Əzvaydan istifadə edərkən mütləq şəkildə bir məsələyə diqqət yetirmək lazımdır ki, bu dəyərli bitkidən qaydasında istifadə edilmədikdə, yaxud normadan artıq qəbul edildikdə sağlamlıq üçün problemlər yarana bilər. Buna görə də əzvay bitkisindən və ya ondan hazırlanmış pereparatlardan istifadə etmək qərarına gəldikdə hökmən həkimlə məsləhətləşməyi unutmayın.

"Hər il bir il ərzində 3 günəş tutulması baş verir. Bu gün ilin ilk günəş tutulması baş verəcək. Digər günəş tutulma hadisələri isə 13 iyul və 11 avqust tarixində baş verəcək".

Bu sözləri  Azərbaycan Milli Elmlər Akademiyasının Nəsirəddin Tusi adına Şamaxı Astrofizika Rəsədxanasının direktor müavini Xıdır Mikayılov deyib.

Onun sözlərinə görə ilk günəş tutulması bu gün 15-dən 16 –a keçən gecə baş verəcək. Bakı vaxtı ilə saat 22:55:51-də qeydə alınacaq və fevralın 16-da tutulma maksimuma 00:51:29-da çatacaq. Saat 02:47:08-dəsona çatacaq. Davam etmə müddəti 2 saat 51 dəqiqədir. Günəş tutulması baş verərkən Azərbaycanda gecə olduğu üçün bu hadisə ölkəmizdə hiss olunmayacaq. Əsasən Sakit, Atlatik sahili ölkələrdə, Cənubi Amerikanın cənub hissəsində və Antraktidada hiss olunacaq.

X.Mikayılov bildirib ki, Ay Günəşlə Yer arasında olanrkən Günəş düz xətt üzrə olsa tutulma hadisəsi baş verir. Ümumiyyətlə bu il baş verəcək 3 günəş tutulma hadisələrinin heş biri Azərbaycanda müşahidə olunmayacaq.

"13 iyulda Bakı vaxtı ilə saat 05: 48 :23 –də qeydə alınacaq və tutulma maksimuma 07:01:05 –də çatacaq. Saat 08: 13: 44-də sona çatacaq. Davam etmə müddəti 3 saat 29 dəqiqə olacaq. Sakit və Hind okeanı hövzələrində Avstraliyanın cənub hissəsində və Antraktidada müşahidə ediləcək. 11 avqust tarixində baş verəcək günəş tutulması Rusiyanın şimalında, Şimali Amerikada, Skandinaviya və Çini əhatə edəcək. Bakı vaxtı ilə saat 12:02 :08-də qeydə alınacaq və tutulma maksimuma saat 13:46: 24 –də çatacaq. Saat 15:30: 44-də başa çatacaq. Davam etmə müddəti 2 saat 29 dəqiqə olacaq".

X.Mikayılov qeyd edib ki, bu gün baş verəcək Günəş tutulmasını insanlar hiss etməyəcək. Əhaliyə mənfi təsiri olmayacaq. Günəşdə baş verən tutulmaların sadecə psixoloji təsiri ola bilər.

Bakı Metropoliteninin "İnşaatçılar" stansiyasında 42 yaşlı qadın qatar gələn an relsin üstünə düşüb.

Bakı Metropoliteni QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayevin verdiyi məlumata görə, xoşbəxtlikdən relslərin arasında qalan qadın heç bir xəsarət almayıb.

"Həzi Aslanov"dan "Dərnəgül"ə gələn qatar "İnşaatçılar" stansiyasına çatan zaman qadının epilepsiyası tutub və relsin üstünə düşüb. Qatar isə onun üstündən keçib. Xoşbəxtlikdən qadın relslərin arasında qalıb. Heç bir xəsarət almayıb. Stansiyaya təcili tibbi yardım briqadası dəvət olunub və qadına müdaxilə edilib, - deyə Nəsimi Paşayev bildirib.

Məlumata görə, 1976-cı il təvəllüdlü Məmmədova Sevinc Rafiq qızı 1 saylı Şəhər Kliniki Xəstəxanasına aparılıb.

İnsidentlə əlaqədar qatarın hərəkətində 5 dəqiqə gecikmə olub. 

"Azərbaycan Dövlət Televiziya və Radio Verilişləri" QSC-nin sədri Arif Alışznovu öldürməyə cəhddə, ona qarşı dələduzluq etməkdə və digər cinayətlərdə təqsirləndirilən Şücayət Əkbərov, Qoçalı Cəbiyev, Zöhrab Şirinov və Aqşin Hüseynovun barəsində olan cinayət işi üzrə ibtidai istintaq yekunlaşıb.

APA-nın məlumatına görə, həmin şəxslərin cinayət işi baxılmaq üçün Bakı Ağır Cinayətlər Məhkəməsinə göndərilib. Yaxın vaxtlarda cinayət işi üzrə məhkəmə iclası başlayacaq.

Qeyd edək ki, təqsirləndirilən şəxslər Cinayət Məcəlləsinin 29,120-ci (qəsdən adam öldürməyə cəhd), 178-ci (dələduzluq) və digər maddələrinə əsasən ittiham olunurlar.