Aprelin 3-ü günün ikinci yarısı qərb rayonlarından başlayaraq, aprelin 5-dək Azərbaycanın rayonlarında  hava şəraitinin qeyri-sabit keçəcəyi, bəzi yerlərdə şimşək çaxacağı, arabir yağış, dağlıq ərazilərdə qar yağacağı, ayrı-ayrı yerlərdə intensiv olacağı, dolu düşəcəyi gözlənilir. 

Ekologiya və Təbii Sərvətlər Nazirliyinin Milli Hidrometeorologiya Departamentindən  bildirilib ki, qərb küləyi əsəcək, bəzi yerlərdə arabir güclənəcək.

Böyük və Kiçik Qafqazın bəzi dağ çaylarında sululuğun artacağı ehtimal olunur. 

Qubada dağlıq ərazidə itkin düşmüş "Gilavar" idman klubunun 3 üzvü - 1983-cü il təvəllüdlü Namin Bunyatzadə, 1990-cı il təvəllüdlü Babur Hüseynov və 1991-ci il təvəllüdlü Fəridə Cəbrayılzadənin axtarışları çətinləşib.

Axtarışlarda iştirak edən alpinistlər Trend-ə açıqlamasında bildiriblər ki, axtarışların çətinləşməsinə səbəb əraziyə yenidən qar yağmasıdır: "Martın 31-də Qubaya yenidən qar yağıb. Ərazidə qar daha 10 santimetr artıb. Ona görə də axtarışlar qısmən çətinləşib. Amma buna baxmayaraq axtarışlar davam etdirilir".

Qeyd edək ki, ötən il dekabrın 23-də "Gilavar" hava və ekstrim idman klubunun 3 üzvü - Fəridə Cəbrayılzadə, Babur Hüseynov və Namin Bünyatzadə Quba rayonundan Tufandağ istiqamətində hərəkət edərkən onlarla əlaqə kəsilib.

Baş Prokurorluğun yaydığı məlumatda bildirilir ki, hadisə ilə əlaqədar xüsusi mühafizə olunan təbiət əraziləri və obyektlərindən istifadə sahəsində qanunvericiliyin tələblərinə əməl edilməməsinə, habelə adları qeyd olunan alpinistlərin ixtisası, təcrübəsi, hazırlıqlarının yürüşə imkan verib-verməməsi, meteoşəraitin dağın zirvəsinə qalxmağa əlverişli olub-olmaması, marşrutun seçilməsi və təhlükəsizlik tədbirləri ilə bağlı digər məsələlərə nəzarət edilməsi sahəsində məsul şəxslərin öz xidməti vəzifələrini lazımi qaydada yerinə yetirməməsinə dair şübhələr üçün kifayət qədər əsaslar yarandığından Cinayət Məcəlləsinin 314.2-ci (səhlənkarlıq, ehtiyatsızlıqdan ağır nəticələrə səbəb olduqda) maddəsi ilə cinayət işi başlanıb. Cinayət işi üzrə Baş Prokurorluğun Ağır cinayətlərə dair işlər üzrə istintaq idarəsində zəruri istintaq-əməliyyat tədbirləri həyata keçirlir.

Gürcüstanda azərbaycanlıların kompkat yaşadığı Kvemo Kartli bölgəsində turizm sahəsi inkişaf etdirilir.
 

APA-nın yerli bürosunun məlumatına görə, bu barədə Gürcüstanın baş naziri Giorgi Kvirikaşvili "Gürcü Arzusu" Partiyasının Rustavi təşkilatının konfransında deyib. Baş nazir bildirib ki, bölgədə turizmin inkişafı üçün bütün şərtlər mövcuddur və bu istiqamətdə addımlar artıq atılıb: "Bölgədə tarix və mədəni abidələrin təmir-bərpa işləri də aparılır. Bununla yanaşı, 2018-ci ildə Bolnisidə Ədliyyə Evinin inşası planlaşdırılır".

G. Kvirikaşvili qeyd edib ki, hakim partiyanın məqsədi yerlərdə, xüsusən də regionlarda partiya təşkilatlarını möhkəmləndirməkdir: "Gürcü Arzusu"nun qapıları ölkə quruculuğunda iştirak etmək istəyən hər bir kəsə açıqdır".

Bəzi məhsullar var ki, onlar öz faydalı xüsusiyyətlərinə görə təzyiqi normada saxlamağa kömək edir.

Dalga tv saglamolun.az-a istinadən sizə bu məhsulları təqdim edir. 

1. Çuğundur

Çuğundurun tərkibində olan maddələr insan orqanizminə düşdükdən sonra burada azot oksidinə çevrilir. Azot oksidi damarları genişləndirir ki, bu da arterial təzyiqi aşağı salır.

Çuğundur həmçinin qidalı liflərlə zəngindir. Bu liflər xolesterinin səviyyəsini aşağı salmaqla ürək və damarların sağlamlığını qoruyur.

2. Mərci

Son elmi araşdırmalar göstərib ki, mərcini tez-tez istehlak edən insanların damarları bərpa olunur, periferik qan dövranı yaxşılaşır. Bunlar isə arterial təzyiqi normalaşdırmağa kömək edir.

3. İtburnu

C vitamini ilə zəngin olan itburnu damarları möhkəmləndirir, onların elastikliyini artırır, orqanizmə yüngül sidikqovucu təsir edir. Bu faydalı xüsusiyyətlərə görə itburnu təzyiqi aşağı salmağa yardım edir.

Şamaxıda minik avtomobili kəndin girişində yol nişanına çırpılıb, 4 tələbə xəsarət alıb.

APA-nın yerli bürosunun məlumatına görə, hadisə bu gün axşam saatlarında Məlhəm kəndi ərazisində baş verib.

"VAZ 21014" markalı  "90 HO 284" dövlət nömrə nişanlı minik avtomobili hərəkətdə olarkən sürücü idarəetməni itirib və avtomobil Məlhəm kəndinin girişində məlumat lövhəsinə çırpılıb.

Hadisə nəticəsində 1996-cı il təvəllüdlü Quliyev  Elmar  Eldəniz oğlu və həmyaşıdları - Alışov Famil Fuad oğlu, Mustafayeva Pakizə Ədalət qızı müxtəlif dərəcəli bədən xəsarətləri alıb, Şamaxı rayon Mərkəzi Xəstəxanasına yerləşdiriliblər. Minik avtomobilində olan Şitayeva Tavat Mehman qızı isə daha ağır xəsarət alıb, koma vəziyyətindədir.

Xəsarət alanları Şamaxı rayonundakı ali təhsil müəssisələrinin birinin tələbələri olduğu bildirilir.

Faktla bağlı araşdırma aparılır.

Hazırda dünyada ən təhlükəli xəstəliklərdən birincisi xərçəngdir. Hətta əvvəlki illərə nisbətən yaşlı əhali arasında xərçəngə daha çox rast gəlinirdisə, son zamanlar bu yaş getdikcə cavanlaşır və uşaqlar arasında da sürətlə yayılır. Xəstəliyin səbəbləri isə müxtəlifdir. Həmin səbəblər arasında düzgün qidalanmamaq da var. Halbuki düzgün qidalanmaqla xərçəngdən qorunmaq mümkündür.

Göbələk, yulaf və taxıl məhsulları

Sadalanan məhsullar xolesterolun düşməsinə və arıqlamağa yardımçı olur. Bundan əlavə yoğun bağırsaq və mədə xərçənglərindən qorunmaqda təsirlidir. Yulafın həftədə 2-3 dəfə müxtəlif meyvələr və qatıqla istifadəsi həm immunitet sistemini, həm də həzm sistemini dəstəkləməyə kömək olur.

Qırmızı, bənövşəyi rəngli meyvələr

Böyürtkən, qarağat, qara üzümün çəyirdəyi, qara gavalı kimi tünd bənövşəyi meyvələrin tərkibində olan maddələr hüceyrələrin yaşam müddətini uzadır. Gündəlik meyvə istifadəsinin 1-2 porsiyasının bu meyvələrə ayrılması həmçinin ürək və damar xəstəlikləri ilə qaraciyər, öd yolları, döş, bağırsaq kimi xərçəng növlərinə qarşı riski minimuma endirir.

Sarıkök xərçəngdən qoruyur

Sarıkök yaxşı bir iltihab aparıcıdır. Bu özəlliyi ilə xərçəngə qarşı qoruyucu olduğu düşünülür. Toz və ya təzə halı ilə gündəlik qidalanmaya əlavə edilə bilər. Pomidor, qarpız və ərik prostat xərçəngindən qoruyur. Bu qırmızı və narıncı meyvə-tərəvəzin tərkibindəki likopen qüvvətli bir antioksidantdır. Prostat və uşaqlıq yolu xərçənginə qarşı qoruyucudur.

Süd və süd məhsulları

Qatıq, süd, ayran, pendir və kərə yağı kimi süd məhsulları ilə aspir yağında olan konjuge linoleik turşusu (CLA) şişmanlıq, yağlanma, diabet və xərçəng riskini azaldır. Gündəlik istehlak miqdarlarında həddindən çox olmamaq şərti ilə istifadə edilən süd məhsulları immunitetin güclənməsinə də fayda verir.

Sarımsaq

Sarımsağın içində bol olan alil sülfür DNT zədələrini aradan qaldırma, immuniteti artırma və xərçəngə səbəb ola bilən sərbəst radikalların təsirlərini azaltma ilə xüsusiyyəti ilə önə çıxır.

Sarımsaq, mədə, prostat və yoğunn bağırsaq xərçənglərinə qarşı qoruyucudur. Mümkün olduğu qədər çiy istifadə etməyə çalışmaq faydalı maddələrin qorunması baxımından önəmlidir. Bununla yanaşı brokoli kimi sülfürlü birləşmələr və selenium tərkibli qidalar də xərçəngə qarşı qoruyur.

Balıq, kətan toxumu və qoz ilə sağlam olun

Balıqlarda bol olan Omega-3 kətan toxumu və qozda da var. Döş, yoğun bağırsaq və prostat xərçənglərinin inkişaf riskini azaldır. Həftədə 2-3 dəfə balıq yemək Omega-3 baxımından əhəmiyyətlidir. Balığın qızartmasındansa buğlama formasında bişirilməsi daha da faydalı olur.