Gürcüstanın baş nazirinin, habelə nazirlərinin və millət vəkillərinin sabiq hökumət rəhbəri, milyarder Bidzina İvanişviliyə məxsus olan "Cartu Bank"a kredit borcu var.

"Dalğa TV" xəbər verir ki, bu barədə "Mediator" qeyri-hökumət təşkilatı məlumat yayıb.

Bildirilir ki, məmur və millət vəkillərinin ümumi borcu 1,5 mln. dollar təşkil edir.

Ən iri borc hazırkı baş nazir Georgi Kvirikaşvilidədir. Ötən il baş nazirin banka ödədiyi məbləğ onun gəlirlərindən 4 dəfə çoxdur.

İkinci yerdə iqtisadiyyat naziri Dmirti Kumsişvilidir. Onun banka 79 min dollar borcu var. Maraqlıdır ki, nazirin həmin bankda 20 min dollarlıq depoziti var.

Bununla yanaşı, bir neçə deputat bankdan 15 min dollara yaxın kredit götürüb.

Azərbaycan Mərkəzi Bankı (AMB) martın 28-ə olan USD/AZN rəsmi məzənnəsini açıqlayıb.

AMB-dən verilən məlumata görə, USD/AZN rəsmi məzənnəsi martın 28-ə 1,5876 səviyyəsində müəyyən olunub. Qeyd edək ki, dollar bu gün 1,5971 manata bərabər olub

Azərbaycan Mərkəzi Bankı (AMB) martın 17-ə olan USD/AZN rəsmi məzənnəsini açıqlayıb.

AMB-dən verilən məlumata görə, USD/AZN rəsmi məzənnəsi martın 17-ə 1,6102 səviyyəsində müəyyən olunub. Qeyd edək ki, dollar bu gün 1,6186 manata bərabər olub.

Ekonom sinfinin üç tarif kateqoriyası təqdim olunacaq.

"Azərbaycan Hava Yolları"-nın aşağı büdcəli brendi AZALJET 28 mart 2016-cı il tarixindən etibarən(yay mövsümü üzrə uçuş cədvəlinin qüvvəyə minməsi ilə)uçuşlar yerinə yetirməyə başlayacaq.

Bu barədə şirkətdən Oxu.Az-a bildirilib.

Əvvəlcədən elan olunduğu kimi, AZALJET brendi altında daha çox tələb olunan istiqamətlər üzrə və uçuş müddəti 3,5 saata qədər olan reyslər yerinə yetiriləcək.

Bu istiqamətlərə Moskva, İstanbul, Dubay, Tbilisi, Sankt-Peterburq, Minsk, Kiyev, Lvov, Tehran, Aktau, Kazan, Mineralnıe Vodı, Ankara kimi şəhərlər, həmçinin Türkiyənin Antalya, İzmir, Bodrum və Dalaman kurortları daxildir.

AZALJET-in reyslərində ekonom sinfinin üç tarif kateqoriyası - "Budget", "Discount" və "Comfort" mümkün olacaq. Bu tariflər üzrə aviabiletləri 28 mart tarixindən etibarən əldə etmək mümkün olacaq.

AZALJET-in reyslərinə aviabiletin qiyməti Bakıdan/Bakıya uçuş olmaqla yuxarıda sadalanan istiqamətlərin hər biri üzrə bir tərəfə 49 avrodan, gediş-dönüş isə 98 avrodan başlayacaq. Bu məbləğə bütün vergi və yığımlar daxildir.

Qeyd edək ki, bu tarif üzrə təyyarədə yerlərin sayı məhduddur.

"Budget", "Discount" və "Comfort" tarif qaydaları təyyarə göyərtəsində yemək nəzərdə tutmur və yalnız əl yükü (çəkisi 8 kq-dək) daşınmasına icazə verir.

Sərnişin kassada bilet aldığı zamanı əvvəlcədən qaynar yemək sifariş verə bilər, veb-sayt üzərindən sifariş verdiyi halda isə bu barədə call-center vasitəsilə (+99412 598-88-80 və ya *8880) məlumat verə bilər. Həmçinin sərnişinlər təyyarə göyərtəsində soyuq qəlyanaltı və içki seçmək imkanı əldə edəcəklər.

Hər bir baqaja (23 kq-a qədər) görə ödəniş uçuşdan ən azı 3 saat əvvəl 20 avro təşkil edəcək. Baqaja görə göstərilən vaxtdan gec ödəniş həmin qiymətdən 5 avro baha olacaq.

Bu istiqamətlər üzrə ən ucuz aviabiletləri onların dəyişdirilməsi və geri qaytarılmasını nəzərdə tutmayan "Budget" tarifinin əvvəlcədən bron edilməsi zamanı əldə etmək mümkün olacaq.

"Discount" tarifinin qaydaları 40 avro məbləğində cərimə olunmaqla uçuşa qədər aviabileti geri qaytarmaq və ya vaxtını dəyişdirmək imkanı verir. "Comfort" tarifi üzrə aviabileti uçuşa qədər əlavə maliyyə sanksiyaları olmadan, uçuşdan sonra isə cərimə olunmaqla dəyişmək və ya geri qaytarmaq mümkün olacaq.

"Azərbaycan Hava Yolları" özünün aşağı büdcəli brendini ayrıca struktura ayırdıqdan sonra, əvvəlki kimi həm baqajın daşınması, həm də tam çeşidli bortqidalanmasının daxi lolduğu klassik aviareyslərini yerinə yetirməyə davam edəcək.

Biletləri şirkətin www.azal.az saytında bronlaşdırmaq və ya AZAL-ınkassalarında, həmçinin aviaşirkətin rəsmi agentliklərində əldə etmək mümkündür.

Aviabiletləri əldə etmək və daha ətraflı məlumat almaq üçün aşağıdakı telefon nömrələri ilə əlaqə saxlaya bilərsiniz:

(+99412) 598-88-80

*8880

e-mail: Hazır ki e-mail adres spam botlar tərəfindən qorunur , Baxmaq üçün Javascripti aktiv etməlisiniz.

Azərbaycanda ali qanunvericilik orqanı səviyyəsində dollarda krediti olanlara dəstək məqsədi ilə xüsusi sənəd hazırlanır.

Bu barədə deputat Əli Məsimli parlamentin bugünkü plenar iclasında hökumətin 2015-ci il hesabatının müzakirəsi zamanı çıxışında bildirib.

"2015-ci ildə inflyasiyanın aşağı olmasını yüksək qiymətləndirirəm. 2015-ci ildə iki şok devalvasiya olub. Bunun mənfi nəticələrinin aradan qaldırılması üçün atılan addımları yüksək qiymətləndirirəm. Amma bu addımları yetərli saymıram. Çünki bunlar birtərfli xarakter daşıyır, problemlər əhalini üstünə atılır. Problemin belə həllini müsbət hesab etmirəm. Devalvasiya nəticəsində yaranmış proses - sistem prosesdir ki, bu da sistem həll olunmalıdır", - deyə millət vəkili qeyd edib.

"Ağırlıq bir amilin - əhalinin üzərinə düşdüyünə görə, həm əhali, həm də banklar çox pis vəziyyətdədir. Biz bununla bağlı sənəd hazırlayırıq. Komitələrdə səsləndirdiyimiz təkliflər orada öz əksini tapacaq və həmin təkliflər aiddiyəti qurumlara təqdim olunacaq", - deyə Ə.Məsimli əlavə edib.

Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,46 dollar azalaraq 37,44 dollar təşkil edib.

"Dalğa TV"nin məlumatına görə, ICE London qitələrarası birjasında Brent markalı neftin 1 barelinin dəyəri 0,52 dollar azalaraq 40,32 dollar olub.