ARDNŞ-nin Gürcüstandakı törəmə şirkəti olan "SOCAR Energy Georgia" Gürcüstanın Neft və Qaz Korporasiyasının SOCAR-ın bu ölkəni qazla fasiləsiz təmin edə bilməməsi ilə bağlı açıqlamasına münasibət bildirib.
"SOCAR Energy Georgia"nın baş direktoru Mahir Məmmədov  bildirib ki, qaz təchizatında texniki fasilələrin yaranması normal haldır, lakin son günlər belı bir problem müşahidə olunmayıb: "Biz David Tvalabeişvili ilə mütəmadi əlaqədəyik. Hazırda biz Gürcüstanın qaza olan tələbatını təmin edirik. Bu günlərdə Gürcüstanın qaz təchizatı bağlı heç bir problem yaşanmayıb. Cənab Tvalabeişvilinin nəyi nəzərdə tutduğunu deyə bilmərəm".

Baş direktor deyib ki, bu gün Gürcüstan 3 qaz kəməri vasitəsi ilə mavi yanacaq alır: "Bunlardan birincisi və ən böyük həcmə malik olan (6-6,5 milyard kubmetr) SOCAR-a məxsus qaz kəməridir. İkinci qaz kəməri "Şahdəniz" qaz kəməridir. Bu kəmərlə tələbatdan asılı olaraq 2,7-3 milyard kubmetr qaz nəql etmək mümkündür. Üçüncü qaz kəməri Rusiyadan gələn qaz kəməridir. Hazırda hər 3 qaz kəməri ilə nəql normal qaydada davam edir və öz aralarında ümumi balansını pozmurlar".

Xatırladaq ki, Gürcüstanın Neft və Qaz Korporasiyasının baş direktoru David Tvalabeişvili bildirib ki, bəzi hallarda SOCAR Gürcüstanı təbii qazla fasiləsiz təmin edə bilmir.

O qeyd edib ki, son dövrlər Gürcüstanda qaza tələbat xeyli artıb: "Bəzən SOCAR-ın həyata keçirdiyi təbii qaz təchizatında məhdudiyyətlər olur. Bunun üçün də biz bəzi hallarda Rusiya qazının hesabına balansı qorumaq məcburiyyətindəyik".

Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,64 dollar azalaraq 32,52 dollar təşkil edib.

"APA-Economics"in məlumatına görə, ICE London qitələrarası birjasında Brent markalı neftin 1 barelinin dəyəri 0,64 dollar azalaraq 32,91 dollar olub.

Gürcüstanın sabiq səfirlərini özündə birləşdirən "Diplomatlar klubu" bu ölkənin Energetika Nazirliyini Rusiyanın "Qazprom" şirkəti ilə aparılan danışıqlar barədə ictimaiyyətə məlumat verməyə çağırıb.

"Dalğa TV"nin xəbərinə görə, bu barədə "İnterfax" agentliyi yazır.

"Diplomatlar klubu"nun bəyanatında deyilir ki, Gürcüstanın qazla təchizatı sıradan bir iqtisadi və ya kommersiya məsələsi deyil, eyni zamanda bu ölkənin suverenliyinə də birbaşa aidiyyatı olan məsələdir.

"Buna görə, biz hesab edirik ki, Gürcüstan hökuməti ilə "Qazprom" şirkətinin rəsmilərinin İsveçrənin Sürix şəhərində baş tutan gizli danışıqlarının detalları ictimaiyyətə açıqlanmalıdır. Bu, qısa müddət ərzində artıq dördüncü görüşdür (bundan öncə ötən ilin sentyabrında Brüsseldə, oktyabrda Milanda, dekabrda Lüksemburqda)", - deyə bəyanatda bildirilir.

Sabiq səfirlərin əsas narahatlığı sonuncu görüşün gizli xarakter daşımasıdır: "Əgər informasiya sızmasaydı, belə çıxır ki, hökumət bu gizli görüş barədə ümumiyyətlə ictimaiyyətə məlumat verməyəcəkdi".

"Gürcüstan hökumətinin qaz təchizatı mənbələrinin diversifikasiyası barədə ortaya qoyduğu arqumentlər yersizdir, çünki, Azərbaycan yanacağının başqası ilə əvəzlənməsi Gürcüstanın enerji təhlükəsizliyinə ciddi zərbə vuracaq".

Bu gün yanvarın 8-i ilə müqayisədə Azərbaycanda 1 ABŞ dollarının məzənnəsi möhkəmlənib.

"Dalğa TV"nin məlumatına görə, Azərbaycan Mərkəzi Bankının (AMB) yanvarın 11-nə olan rəsmi məzənnələr bülleteninə nəzər salanda məlum olur ki, ölkəmizdə dolların rəsmi məzənnəsi yanvarın 8-də olduğu kimi 1,5642 manat olub.

Xatırladaq ki, Mərkəzi Bank tərəfindən müəyyən edilmiş yeni məzənnə siyasəti rejiminə uyğun olaraq tələb və təklif nəzərə alınmaqla yanvarın 8-də manatın ABŞ dollarına nisbətən rəsmi məzənnəsi 11 yanvar 2016-cı il tarixi üçün 1,5642 müəyyənləşdirilib.

Bivalyuta səbətinə daxil olan avronun məzənnəsinə gəlincə, Avrozonanın vahid valyutası da 0,37% və ya 0,0063 manat artaraq 1,7072 manata yüksəlib.

Manata nəzərən Rusiya rublunun məzənnəsi 0,0001 manat və ya 0,48% azalaraq 0,0208 manat səviyyəsində qərarlaşıb.

"2016-cı ildə pensiya və əmək haqlarının artırılması ilə bağlı hökumət təkliflər hazırlamalıdır".

"Dalğa TV"nin məlumatına görə, bunu Azərbaycan prezidenti İlham Əliyev bu gün Nazirlər Kabinetinin 2015-ci ilin sosial-iqtisadi inkişafının yekunlarına və qarşıda duran vəzifələrə həsr olunan iclasında deyib.

Dövlət başçısı kənd təsərrüfatında islahatların genişləndirilməsi, meliorasiya tədbirlərinin davam etdirilməsi, əhalinin su, qaz və elektrik enerjisi ilə təchizatının daha da yaxşılaşdırılması, regionlarda sənaye zonalarının yaradılması prosesinin sürətləndirilməsi, dotasiya ilə yaşayan rayonların iqtisadi səmərəliliyinin artırılması ilə bağlı tapşırıqlar verib.

Prezident İlham Əliyev görülən işlərlə bağlı hər rüb məlumat verilməsi ilə əlaqədar rayon icra hakimiyyətlərinin başçıları qarşısında tələb qoyub: "2016-cı ildə struktur islahatlar aparılacaq, çevik idarəetmə mexanizmləri yaradılacaq. Bununla bağlı yaxın vaxtlarda addımlar atılacaq".

Prezident İlham Əliyev informasiya-kommunikasiya texnologiyalarının inkişafı və bu sektorda şəffaflığın təmin edilməsinin vacib olduğunu vurğulayıb: "Turizm və nəqliyyat sektorunun inkişafı diqqət mərkəzində saxlanılacaq. Nəqliyyat dəhlizlərinin səmərəli işləməsi üçün tədbirlərin görülməsi əhəmiyyətlidir. Tranzit yüklərin Azərbaycan üzərindən daşınması üçün Koordinasiya Şurası yaradılıb. Artıq Azərbaycan, Gürcüstan və Türkiyə bu dəhlizdə vahid tarif siyasəti yürüdür".

Dövlət başçısı qeyd edib ki, Türkiyə-Rusiya münasibətlərinin kəskinləşməsindən sonra Türkiyəyə məxsus yük maşınları Orta Asiyaya gedişini asanlaşdırmaq üçün Azərbaycan öz imkanlarını işə salıb.

Bununla yanaşı, prezident İlham Əliyev tikinti sahəsində açıq tenderlərin keçirilməsi, bu sahədə də şəffaflığın təmin olunması, üstünlüyün daha çox yerli şirkətlərə verilməsi, paytaxt nəqliyyatının vahid sistemə keçidinin sürətləndirilməsi, ekoloji məsələlərin həlli, yeni "Asan-xidmət" mərkəzlərinin açılması və onlara yeni səlahiyyətlərin verilməsi barədə tapşırıqlar verib.

Hərracların yekunu.

Azərbaycan neftinin qiyməti 35 dollara qədər azalıb.

"Dalğa TV"nin məlumatına gö;rə, London birjasında dünən keçirilmiş hərraclarda ";AzeriLight" markalı neftin bir barelinin qiyməti 1,59 dollar və ya 4,25% azalaraq 35,77 dollar təşkil edib.