"SOCAR Georgia" şirkətinin səhmlərinin 49%-nin Gürcüstanın sabiq prezidenti Mixeil Saakaşvilinin həyat yoldaşı Sandra Rulovsa məxsus olması barədə iddialar ağlasığmazdır".

"Dalğa TV" xəbər verir ki, bu barədə "APA-Economics"ə "SOCAR Georgia"nın baş direktoru Mahir Məmmədov bildirib.

Baş direktorun sözlərinə görə, bu cür bəyanatlar verən şəxslərin yalnız bir məqsədi var özünə diqqət cəlb etmək. "Ağlasığmaz, gülünc bəyanatlarla kimlərsə özünə diqqət cəlb etmək istəyir və buna nail olur. Bu cür açıqlamalar bizdə yalnız gülüş doğurur. "SOCAR Georgia"nın səhmdarları barədə məlumatlar ictimaiyyət üçün açıqdır. Biz fəaliyyətimizdə şəffafıq", - deyə M. Məmmədov qeyd edib.

Qeyd edək ki, "Azad Gürcüstan" partiyasının lideri Kaxa Kukava yerli "Xronika" qəzetinə müsahibəsində bildirib ki, "SOCAR Georgia"nın səhmlərinin 49%-i Gürcüstanın sabiq birinci xanımı Sandra Rulovsa məxsusdur. "Səhmlərin 51%-i SOCAR-a məxsusdur. Xarici biznes nəşrlərlə tanış olsanız, görərsiniz ki, "SOCAR Georgia"nın 49%-i offşor zonada qeydiyyatdan keçən və Sandra Rulovsun sahibi olduğu olan şirkətə məxsusdur. Gürcüstanda hakimiyyət dəyişəndən sonra, yerli mətbuat dəfələrlə yazıb ki, Bidzina İvanişvili SOCAR-ı, o cümlədən Azərbaycan hökumətini bununla şantaj edib və 49%-lik səhm paketini öz yaxın qohumu Uça Mamatsaşvilinin adına qeydiyyata salmağı tələb edib. Lakin sabiq baş nazir rədd cavabı alıb. İndi isə İvanişvili Kaxa Kaladzedən (baş nazirin birinci müavini, energetika naziri - red.) istifadə edərək, Azərbaycana qarşı müharibə aparır və SOCAR-dan öz payını tələb edir. Məlum olur ki, Gürcüstan hökumətinin "Qazprom"la apardığı danışıqların heç bir siyasi tərəfi yoxdur. Bu, gözdən pərdə asmaqdır", - deyə siyasətçi qeyd edib.

Qeyd edək ki, "SOCAR Georgia"nın 51%-i SOCAR-a, 49%-i isə "Petro-Trans" şirkətinə məxsusdur.

"Sirr deyil ki, biz nefti quruda və dənizdə hasil edirik."

Əminik ki, müəyyən müddətdən sonra neftin qiyməti yenə qalxacaq.

"Dalğa TV" xəbər verir ki, APA-nın məlumatına görə, bu barədə SOCAR-ın sərmayələr və marketinq üzrə vitse-prezidenti Elşad Nəsirovun İsveçrənin SRF kanalına müsahibəsində deyib.

"Neftin ən kəskin bahalaşması Ərəb-İsrail müharibəsində və ya İran Respublikası təsis olunanda yox, 1920-ci ildə bolşeviklər Bakıya daxil olanda baş vermişdir, çünki o dövrdə dünya neft hasilatının hissəsi Bakının payına düşürdü. Biz əminik ki, neftin qiyməti yenə qalxacaq", - deyə E. Nəsirov qeyd edib.

Jurnalistin "Neftin qiymətinin aşağı düşməsi sizi narahat edirmi" sualına vitse-prezident bu cür cavab verib:

"Qətiyyən yox".

"Neftin qiyməti çox fərqli faktorlardan asılıdır, bu isə qiymət inkişafının proqnozlaşdırılmasını olduqca çətinləşdirir. Əlbəttə ki, iqtisadi məsələlər müəyyən rol oynayır, lakin ölkələrarası münasibətləri tənzimləyən siyasi amillərin də təsiri var. Neftin qiyməti 20 dollara düşə bilər, lakin bu qiymət uzun müddət qalmaz, çünki neft sahəsinə yatırılan investisiyanın azaldılması hiss olunacaq. Bu gün bir sıra hasilatçılar nefti çox aşağı maya dəyəri ilə hasil edə bilir. Buna baxmayaraq, təklif yenə tələbat səviyyəsindən aşağı düşəcək", - deyə E. Nəsirov bildirib.

E. Nəsirov deyib ki, Azərbaycanda neft hasilatının maya dəyəri 25 dollardan aşağıdır:

"Sirr deyil ki, biz nefti quruda və dənizdə hasil edirik. Neft hasilatının maya dəyəri də fərqlidir. Quruda köhnəlmiş yataqlardan nefti hasil etmək, əlbəttə, dənizdə olan yeni yataqlardakı hasilatdan daha çox xərc tələb edir. Beləliklə, neftin hasilatı bizə orta hesabla 20 dollara başa gəlir".

Gürcüstana İrandan qaz kəməri iki marşrutla çəkilə bilər.

Bunu bu ölkənin baş nazirinin birinci müavini, energetika naziri Kaxa Kaladze bildirib.

Onun sözlərinə görə, qaz kəməri ya Azərbaycan, ya da Ermənistan üzərindən keçə bilər.

"Hələlik bununla bağlı bizim İranla birbaşa danışıqlarımız yoxdur", - deyə K. Kaladze qeyd edib.

Baş nazirin müavini Azərbaycan prezidenti İlham Əliyevin Gürcüstana gözlənilən rəsmi səfərini də müsbət qiymətləndirib: "Biz buna çox sevinirik. Bizim mehriban və yaxşı münasibətlərimiz var. Azərbaycan prezidentinin Gürcüstana rəsmi səfəri bir daha təsdiq edir ki, bizim dostluğa əsaslanan, çox yaxşı münasibətlərimiz var".

"Gürcüstan hökuməti hələlik Rusiyanın "Qazprom" şirkəti ilə razılığa gələ bilməyib. Yaxın günlərdə "Qazprom" rəsmiləri ilə növbəti görüşümüz baş tutacaq. Düşünürəm ki, biz yekun razılığa gələ biləcəyik".

"Dalğa TV" xəbər verir ki, bunu APA-a  bu ölkənin baş nazirinin birinci müavini, energetika naziri Kaxa Kaladze bildirib.

Onun sözlərinə görə, "Qazprom" ilə aparılan danışıqlar və əldə olunacaq nəticə Gürcüstan-Azərbaycan münasibətlərinə mənfi təsir etməyəcək: "Azərbaycan bizim strateji tərəfdaşımız olaraq qalacaq. Mən hər zaman bunu demişəm. Bizim "Qazprom"la danışıqlarımız həm də SOCAR-ın marağındadır, çünki bizim yanacaq balansımız var. Biz çox həcmdə qazdan istifadə edirik. SOCAR-ın isə texniki problemləri var. SOCAR Gürcüstanın qaza olan tələbatını ödəyə bilmir. Lakin gələcəkdə yatırılan investisiyalar nəticəsində SOCAR bu problemi aradan qaldıracaq".

Bu gün Ukrayna-Gürcüstan-Azərbaycan-Qazaxıstan-Çin marşrutu ilə hərəkət edən, bərə keçidlərini və quru yolu əhatə edən sınaq konteyner qatarı Qazaxıstanın Aktau limanına yola salınıb.

Yanvarın 22-də axşam 23:00-da sınaq qatarı "Azərbaycan" bərəsi ilə Aktau limanına yola düşüb.

Bakı Beynəlxalq Dəniz Ticarət Limanının Ələt terminalından Qazaxıstanın Aktau limanına yola salınan bərənin 24 saat ərzində mənzil başına çatacağı gözlənilir. 10 vaqon və 20 40 futluq konteynerdən ibarət sınaq qatarı Ukraynanın İlyiçevsk limanından yanvarın 15-də yola salınıb. Qatar Gürcüstanın Poti limanına yanvarın 20-də, Azərbaycana isə yanvarın 22-i axşam çatıb.

Xatırladaq ki, yanvarın 14-də Bakıda keçirilmiş dördtərəfli görüşdə Azərbaycan, Qazaxıstan, Gürcüstan və Ukrayna nümayəndələri Transxəzər Beynəlxalq Nəqliyyat Marşrutunda vahid tariflərin müəyyənləşdirilməsi haqqında razılığa gəliblər. Müvafiq protokolu “Bakı Beynəlxalq Dəniz Ticarət Limanı” QSC-nin baş direktoru Taleh Ziyadov, “Azərbaycan Dəmir Yolları” QSC-nin sədri Cavid Qurbanov, Azərbaycan Xəzər Dəniz Gəmiçiliyi” QSC-nin sədri Rauf Vəliyev, “Qazaxıstan Dəmir Yolu” SC-nin prezidenti Askar Mamin, “Gürcüstan Dəmir Yolu” SC-nin rəisi Mamuka Baxtadze və “Ukrayna Dəmir Yolu” SC-nin İdarə heyətinin sədr əvəzi Aleksandr Zavqorodniy imzalayıblar.

Azərbaycan, Gürcustan və Turkiyə rəsmiləri Bakı-Tbilisi-Qars dəmir yolunun istismar şərtləri və tarif siyasətinin muəyyən edilməsi üçün üçtərəfli görüş keçirəcəklər

Bu gün Türkiyədə "Azərbaycan Dəmir Yolları" QSC-nin sədri Cavid Qurbanov ilə Türkiyə Respublikası nəqliyyat, dənizçilik və kommunikasiya naziri Binalı Yıldırım arasında Bakı-Tbilisi-Qars dəmir yolu layihəsinin icra vəziyyəti müzakirə olunub.

"Azərbaycan Dəmir Yolları" Qapalı Səhmdar Cəmiyyətinin Mətbuat Katibliyinin rəisi Nadir Əzməmmədovun APA-ya verdiyi məlumata görə, görüşdə "Azərbaycan Dəmir Yolları” QSC-nin sədri Cavid Qurbanov Bakı-Tbilisi-Qars dəmir yolu layihəsinin tarixi, mövcud vəziyyəti, reabilitasiya, rekonstruksiya və tikintisində görülən işlər, eləcə də bu dəhlizə cəlb oluna biləcək yüklər haqqında məlumat verib.

C. Qurbanov bildirib ki, hazırda bağlantının Gürcüstan hissəsindən Türkiyə sərhədinə qədər olan hissədə yolun üst quruluşu işləri tamamlanıb, artıq dizel ilə işləyən lokomotivlər bütün yol boyunca maneəsiz hərəkət edə bilirlər. Elektrik təchizatı, işarəvermə və rabitə işləri bu ilin avqust ayına kimi tamamlanacaq və yol tam istismara veriləcəkdir. B. Yıldırım isə deyib ki, bağlantının Türkiyə hissəsində tikinti işlərinin 80% -i görülüb. Bir çox tamamlama, eyni zamanda elektrik təchizatı, işarəvermə və rabitə işləri ilin sonuna kimi başa çatdırılacaq.

Tərəflər yaxın gələcəkdə Azərbaycan, Gürcustan və Turkiyə rəsmilərinin iştirakı ilə Bakı-Tbilisi-Qars dəmir yolunun istismar şərtləri və tarif siyasətinin müəyyən edilməsi üçün üçtərəfli görüşün keçirilməsi barədə razılıq əldə ediblər.