Mayın 18-dəTbilisidə MDB və Baltikyanı Dövlətlərin Dəmir Yolu Nəqliyyatı rəhbərlərinin görüşü keçirilib.

"Dalğa TV" xəbər verir ki, MDB və Baltikyanı Dövlətlərin Dəmir Yolu Nəqliyyatı Şurasının 64-cü iclası çərçivəsində keçirilən görüşdə, struktur rəhbərləri Transxəzər Beynəlxalq Nəqliyyat Marşrutunun Koordinasiya Komitəsinin iclasında vahid pəncərə sisteminin və rəqabət qabiliyyətli vahid tarif sisteminin tətbiqinə dair qəbul olunan qərarları bir daha nəzərdən keçirib, şuranın iclasında baxılacaq məsələləri müzakirə ediblər.
***
İclasda qurumun 63-cü iclasının qərarlarının icrası, 2015-ci il və 2016-cı ilin birinci rübü üzrə dəmir yolu şəbəkələrinin istismar fəaliyyəti, bu dövrlər üzrə beynəlxalq istiqamətdə sərnişin kompleksinin fəaliyyəti, 2016-2017-ci illər üçün qatarların hərəkət cədvəlinin normativləri, 2015-ci il üzrə konteynerlərin siyahıyaalınmasının yekunları təsdiq edilib.
Açılış mərasimində çıxış edən Gürcüstan baş nazirinin müavini, energetika naziri Kaxa Kaladze regionda həyata keçirilən irimiqyaslı layihələrin əhəmiyyətindən danışıb, ölkəsinin dəmir yolu ilə daşımaların həcminin artmasında maraqlı olduğunu vurğulayıb. Bildirib ki, Gürcüstan və Azərbaycanın birgə təşkil etdikləri dəhliz beynəlxalq yükdaşımalarının həcminin artması üçün geniş imkanlar açır. K.Kaladze İpək Yolu layihəsinin əhəmiyyətini xüsusi qeyd edib və bildirib ki, yük daşımaları sahəsində vahid pəncərə sisteminin və vahid tarif sisteminin tətbiqi beynəlxalq daşımaların həcminin artmasında xüsusi rol oynayacaq.
Sonra çıxışlar olub, nümayəndə heyətlərinin rəhbərləri gündəlikdə duran məsələlərlə bağlı rəy və təkliflərini bildiriblər.
İclasda 2016-cı il üçün yük vaqonlarının siyahıyaalınmasına hazırlıq, 2015-ci il və 2016-cı ilin birinci rübü üzrə dəmir yolu administrasiyaları arasında qarşılıqlı hesablaşmaların vəziyyəti müzakirə olunub.
İki gün davam edəcək iclasda MDB Dövlətləri Hökumət Başçıları Şurasının 1996-cı il oktyabrın 18-də qəbul edilmiş MDB ölkələri dəmir yolu nəqliyyatında razılaşdırılmış tarif siyasətinin müəyyən edilməsi Konsepsiyası barədə qərarının 2015-ci il üzrə yerinə yetirilməsi, Şura Müdiriyyətinin 2015-ci ildə fəaliyyətinin təmin edilməsi üçün xərclər Smetasının, Dəmir yolu administrasiyalarının İnformasiya-Hesablama Mərkəzinin 2015-ci ildə fəaliyyətinin təmin edilməsi Smetasının yerinə yetirilməsi və bu smetanın icrası üzrə yoxlamaların yekunları da əsas müzakirə mövzusu olacaq.
Bundan başqa, Şuranın fəxri fərmanları ilə təltif edilmə haqqında, Şuranın 65-ci iclasının keçirilmə tarixi, yeri və gündəliyi haqqında məsələlərə də baxılacaq.
Şuranın iclası çərçivəsində kadr və gənclər siyasəti üzrə "dəyirmi masa" və dəmir yolu rəhbərləri arasında ikitərəfli görüşlərin keçirilməsi nəzərdə tutulub.
Tədbirdə ümumilikdə 18 nəfər iştirak edir. Azərbaycanı bu tədbirdə "Azərbaycan Dəmir Yolları" QSC-nin sədri Cavid Qurbanovun rəhbərlik etdiyi nümayəndə heyəti təmsil edir. C.Qurbanov iclasda aparılan müzakirələr zamanı bəzi məsələlərə münasibət bildirib, təkliflər verib.
C.Qurbanov jurnalistlərə müsahibəsində deyib ki, MDB Dəmir Yolu Nəqliyyatı Şurasının iclası 6 aydan bir keçirilir: "Bu cür iclaslarda dəmiryolçular arasında əlaqələrin inkişafı, yükdaşıma, tariflərin tənzimlənməsi, ödənişlərin həyata keçirilməsi məsələləri diqqət mərkəzində olur. Bu iclasda biz beynəlxalq yükdaşımalarının həcminin artırılması, vahid pəncərə və vahid tarif sisteminin tətbiqi barədə məsələləri bir daha nəzərdən keçirdik. Düşünürəm ki, qəbul etdiyimiz qərarlar, tətbiq olunan yeniliklər ölkələr arasında əlaqələrin inkişafı ilə yanaşı, sosial-iqtisadi inkişafımıza da geniş imkanlar yaradacaq. Bu yeniliklər bizim üçün sahibkarlığın inkişafında da mühüm rol oynayacaq”.
"Gürcüstan Dəmir Yolu" SC-nin baş direktoru Mamuka Baxtadze isə bildirib ki, bu iclas dəmir yolu və dəniz nəqliyyatı vasitəsilə daşınmaların həcminin artırılmasında açar rolunu oynayacaq: "Bu gün Gürcüstan və Azərbaycan regionda yeganə dəhliz təşkil edib. Bu iclasda biz bir sıra mühüm qərarlar qəbul edəcək, sənədlər imzalayacağıq. Bu sənədlər iqtisadi inkişafımıza, xalqlarımızın rifah halının yaxşılaşmasına və əlaqələrimizin hərtərəfli inkişafına xidmət edəcək".

Hərracların yekunu.

Hərracların nəticələrinə görə, ICE London qitələrarası birjasında Brent markalı neftin qiyməti 48,48 dollar olub.

"Dalğa TV" Bloomberg-ə istinadən xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 46,87 dollar təşkil edib.

Qeyd edək ki, çənbə gü;nü; keçrilən hərracların nəticələrinə görə, Brent və WTI markalı neftin qiyməti mü;vafiq olaraq 47,84 və 46,21 dollar təşkil etmişdi.

İri neft istehsalçılarının Qatarın paytaxtı Doha şəhərində keçirdikləri görüşdə neftin hasilatının səviyyəsinin "dondurulması" ilə bağlı razılığa gələ bilməməsi "qara qızıl"ı kəskin ucuzlaşdıra bilər.

"Dalğa TV" "MarketWatch" nəşrinə istinadən xəbər verir ki, bəzi analitiklər hətta neftin 1 barrelinin dəyərinin 30 dollaradək ucuzlaşmasını gözləyir.

Məsələn, "Natixis"in analitiki Abişek Deşpand hesab edir ki, Doha görüşündən hasil olunan nəticə "olduqca neqativ hadisədir". "Yaxın günlərdə neft 30 dollaradək ucuzlaşacaq", - deyə A. Deşpand bildirib.

UBS-in ekspertləri də onunla razıdır: "Bazardakı 1-1,5 mln. barreldən artıq təklifi OPEC-ə üzv olmayan ölkələr aşağı salmalıdır".

"IG Plc"-nin analitiki Anqus Nikolson isə deyir ki, neftin qiyməti hətta 38 dollardan aşağı düşsə, birjalar çökə bilər.

Maraqlıdır ki, "Saxo Bank"ın baş təhlilçisi Ole Hansen hesab edir ki, II rübdə Brent markalı neftin 1 barrelinin qiyməti 35-45 dollar dəhlizində dəyişəcək.

Bu arada "Goldman Sachs"ın analitikləri hesab edir ki, "Doha faktoru" birjalara neqativ təsir etsə də, qəfildən Küveytin hasilatı azaltması birjalara müsbət siqnal verə bilər. Neftçilərin irimiqyaslı etiraz aksiyası Küveytdə hasilatın 60%, yəni mart ayındakı sutkalıq 2,81 mln. barreldən 1,1 mln. barrelədək azalmasına səbəb olub.

"Gürcüstanla iqtisadi əlaqələrimiz inkişaf edir, Moskva Tbilisinin ikinci ən mühüm ticarət tərəfdaşıdır".

"Dalga TV"nin TASS agentliyinə istinadən verdiyi xəbərə görə, bunu Rusiyanın xarici işlər naziri Serqey Lavrov deyib.

"Rusiya hazırda Gürcüstanın ikinci ən mühüm ticarət tərəfdaşıdır. Gürcüstan məhsullarının idxalçıları nəzərə alınsa, biz bu sahədə 5-ci sırada dururuq. Fikrimcə, bu, çox yaxşı göstəricidir. Bütün bunlara 2 il yarım əvvəl Moskva və Tbilisi tərəfindən atılan qarşılıqlı addımlar sayəsində nail olunub", - deyə Rusiya xarici işlər naziri qeyd edib.

Azərbaycan Mərkəzi Bankı (AMB) aprelin 4-nə olan USD/AZN rəsmi məzənnəsini açıqlayıb.

AMB-dən verilən məlumata görə, USD/AZN rəsmi məzənnəsi aprelin 4-də 1,5094 səviyyəsində müəyyən olunub.

Qeyd edək ki, dollar bu gün 1,5238 manata bərabər olub.

"İran Azərbaycana neft satıb, əvəzində təbii qaz ala bilər".

"Dalğa TV" xəbər verir ki, bu barədə İranın Neft Nazirliyinin Xəzər neft və qaz işləri üzrə sabiq icraçı direktoru Mahmud Kaqani bildirib.

Onun sözlərinə görə, İran enerji daşıyıcılarının mübadiləsində maraqlıdır: "Mübadilənin qonşu ölkələrlə olması çox vacibdir. İran Azərbaycana neft satıb, əvəzində təbii qaz ala bilər. İranın Enerji Nazirliyi Rusiya, Azərbaycan, Ermənistan və Gürcüstanla enerji mübadiləsi həyata keçirmək mövzusunda ciddi görüşlər həyata keçirir. İran enerji təhlükəsizliyi üçün enerji mübadiləsinə hazırdır. Enerji iqtisadi inkişafın və dayanıqlılığın lokomotividir", - deyə M. Kaqani qeyd edib.