“APA-Economics”in məlumatına görə, bu barədə jurnalistlərə rabitə və informasiya texnologiyaları naziri Əli Abbasov 9 ayın yekununa dair müsahibəsində deyib.

Nazir bildirib ki, ölkədə internetin əlçatanlığı daha da asanlaşıb və bu kateqoriya üzrə Azərbaycan 20-ci mövqedə durur.

“Həmçinin biz Dövlət Neft Fondu ilə geniş optik internetin infrastrukturunun yaradılması üçün işləri davam etdirdik və həmin işlər yekunlaşıb. Çox güman ki, gələn ildən onun reallaşmasına başlayacağıq”, - deyə Ə. Abbasov bildirib.

Rəqəmsal televiziyanın yayımına toxunan nazir əlavə edib ki, bu hədəfə artıq 96% nail olublar. Proses bu sürətlə davam edərsə, ilin axırına qədər efir 100% rəqəmsallaşdırılacaq: “Bu müddət ərzində elektron hökumət sahəsində xeyli iş görülüb, 340 min elektron xidmət alınıb və bu rəqəm getdikcə artır. “Azərspace-1” peykinin orbitə çıxarılması ən böyük nailiyyətimiz oldu. Artıq ilin axırına qədər “Azərspace-1” peykinin göstərdiyi xidmət sayəsində təxminən 10 mln. dollar gəlir əldə etməyi planlaşdırırıq. Həmçinin yerüstü stansiyalarının genişləndirilməsi, müşahidə peykinin orbitə çıxarılması üçün işlər davam edir. Azərbaycan kosmik ölkələr sırasında yox, dünyanın kosmik bazarında da mövqeyini möhkəmləndirməyə başlayıb. Yekun olaraq isə qeyd etmək istərdim ki, BMT Baş Assambleyasının verdiyi qərara görə, Azərbaycan Avrasiya regionunda Rabitə İttifaqının yaradılması üçün müəyyən tövsiyələr alıb. Bununla da, Azərbaycan burada öz koordinatorluğunu həyata keçirəcək”.

Rusiyada Türkiyənin məşhur seriallarından olan “Mühteşem Yüzyıl”a rəqib olması gözlənilən “Yasmin” ekranlardan yığışdırılır.

Rusiyanın dövlət kanallarından olan “Perviy Kanal” belə qərara gəlib. Serialın yayımının dayandarılmasına səbəb isə, onun tamaşaçılar tərəfindən sevilməməsi olub.

Qeyd edək ki, “Yasmin” serialında Türk-Rus əlaqələrindən bəhs edilirdi.

Rusiyanın paytaxtı Moskvada bir neçə yanğınsöndürən maşın Rose Bar restoranının dam örtüyündə baş vermiş yanğın barədə siqnalla hərəkətə keçiblər.

İlkin məlumata görə yanğına binanın damında ağac örtüyün alışması səbəb olub.

“Yanğının sahəsi bir neçə kvadrat metr təşkil edir. Açıq yanma müşahidə olunmur, lakin közərən materiallardan güclü tüstü çıxır” – deyə, yanğınsöndürənlər bildiriblər.

Rusiya FHN-nin Moskva üzrə mətbuat xidmətindən faktı təsdiqləyiblər.

“Restorana bitişik tikili yanıb, alışma yeri dam örtüyündə olub. Zərərçəkmiş yoxdur, təxliyyə aparılmayıb. Yanğın yerli vaxtla saat 11:50-də söndürülüb” – deyə, FHN-nin Moskva üzrə Baş idarəsinin növbətçi zabiti Sergey Vlasov bildirib.

Qeyd edək ki, adı çəkilən Rose Bar restoranı məşhur azərbaycanlı müğənni Emin Ağalarova məxsusdur.

Mütəxəssislər iPhone 5S-in 649 dollara olan 16 Gb-lıq versiyasının real qiymətini öyrənməyə cəhd ediblər.

Bunun üçün onlar telefonun hazırlanmasında istifadə olunan bütün detallarının qiymətini araşdırıb. Telefonun ən bahalı hissəsi onun prosesorudur. Onun dəyəri 36 dollar, 50 sentdir. Telefonun növbəti bahalı hissəsi 29 dollar civarında olan displeyi və sensorudur. Telefonun Qualkom çipi isə 25 dollar 50 sent dəyərində qiymətləndirilir. iPhone 5S-in çox satılmasında böyük rol oynayan telefonun arxa və ön kamerasının birgə dəyəri isə 15 dollardır. 16 Gb-lıq yaddaş kartı isə cəmi 9 dollardır. Telefonun digər detalları olan batareya, wifi, blutuz və GPS-in birgə dəyəri 13 dollar dəyərində qiymətləndirilir. 5S-in elektron olmayan cihazlarının birgə dəyəri isə 66 dollardır. Bütün bunları topladıqda iPhone 5 S-in əsl dəyərinin 194 dollar olduğu aşkar olur. Apple şirkətinin xalis gəliri isə 455 dollardır.