Halbuki kampaniyanın yeni şüarı belə idi: «Sizin gizliliyiniz bizim üçün vacibdir»

Microsoft öz istifadəçilərinin izlənməsinə və Milli Təhlükəsizlik Agentliyinə (MTA) öz şifrə kodlarından keçməyə imkan yaratmaqla Amerika xüsusi xidmət orqanları ilə sıx əməkdaşlıq edir. FaktXəbər-in verdiyi məlumata görə, MKİ-nin sabiq əməkdaşı Edvard Snouden bununla əlaqədar olaraq sübut kimi sənədlər də göstərib.

Bu materiallarda Silikon vadi ilə xüsusi xidmət orqanlarının əməkdaşlarının son üç illik əməkdaşlıqları geniş təsvir olunub. Sənəddə çox məxfi PRİSM proqramının işinə də müəyyən aydınlıq gətirilib. Qeyd edək ki, bu proqram iri saytlarda elektron kommunikasiyaları izləməyə imkan verir.

Sənədlərə əsasən, Microsoft Outlook.com portalının çatına və məktublarına giriş üçün MTA-ya öz kriptoqrafik müdafiəsindən keçməyə imkan yaradıb. Bundan əlavə, bütün dünyada 250 milyon istifadəçiyə sahib olan SkyDrive servisinin gizli fayl anbarına birbaşa giriş üçün xüsusi xidmət orqanlarına izn verib.

The Guardian ABŞ Baş prokurorluğunun Microsoft kompaniyasına əməkdaşlıq barədə direktiv təqdim etdiyini bildirib.

May ayında Snoudenin PRİSM proqramı barədə məlumatları dərc edərkən Microsoftun da adı hallanmışdı. O zaman kampaniya ancaq müəyyən müştərilər barədə və hökumətin sorğusu əsasında məlumatlar verdiyini, xüsusi xidmət orqanların onların servisinə birbaşa girişi olmadığını demişdi.

Qeyd edək ki, istifadəçilərin dinlənilməsi və izlənilməsi qalmaqalı ən çox Microsoft-a təsir edib. Çünki kompaniyanın aprel ayında başlayan yeni kampaniyasının şüarı belə idi: «Sizin gizliliyiniz bizim üçün vacibdir».

Yevlax-Zaqatala-Gürcüstan magistral yolunda baş verən yol qəzasında bir nəfər ölüb, bir nəfər isə xəsarət alıb.

Qəza bu gün səhər saatlarında Yevlax-Zaqatala-Gürcüstan magistralının 96-cı  km-də, Qax rayonunun Qorağan kəndi ərazisindən keçən hissəsində baş verib.

Zaqatala rayonu istiqamətində hərəkətdə olan, Zərdab rayon sakini, 1978-ci il təvəllüdlü Hacızadə Kamal Əyyub oğlunun idarə etdiyi “Hyundai-Elantra” markalı, 63 BB 610 nişan dövlət nömrəli avtomobil idarəetməni itirərək yolun kənarındakı qoz ağacına çırpılıb.

Qəza zamanı avtomobildə yanğın baş verib. Yanğın nəticəsində avtomobilin yanar konstruksiyaları yanaraq yararsız hala düşüb. 

Qəza nəticəsində avtomobilin sürücüsü və avtomobildə olan sərnişin, Zərdab rayon sakini, 1982-ci il təvəllüdlü İsmayılov Rauf Kamil oğlu aldıqları müxtəlif dərəcəli bədən xəsarətləri alıb.

R. İsmayılov xəstəxanaya aparılarkən yolda ölüb, K. Hacızadə isə Qax Mərkəzi Rayon Xəstəxanasının reanimasiya şöbəsinə yerləşdirilib.

Qax MRX-dan verilən məlumata görə, K. Hacızadənin vəziyyəti orta-stabil hesab edilir.

Faktla bağlı Daxili İşlər Nazirliyinin (DİN) Baş Dövlət Yol Polisi İdarəsinin təhqiqat və istintaq bölməsində cinayət işi başlayıb, araşdırma aparılır.

Bu il Ermənistanda keçirilən “Qızıl ərik” beynəlxalq kino festivalında azərbaycanlı rejissor Elmar İmanovun müəllifi olduğu qısametrajlı film də nümayiş olunacaq. 

Festivalın proqram direktoru Mixael Stambolçyan bildirib ki, Almaniya istehsalı olan film festivalın mqəsədinə uyğundur: “ “Bizim devizimiz “Mədəniyyətlərin kəsişməsi” , proqramımız isə “Sərhədsiz rejissorlar”dır. Buna görə də bu, bizim üçün heç bir əhəmiyyət daşımır. Biz o qədər axmaq deyilik ki, filmin hansı ölkədən olduğuna baxaq. Biz filmin yaxşı və ya pis olmasına baxırıq”.