Güclü qasırğa Gürcüstanda azərbaycanlıların yığcam yaşadıqları Kvemo Kartli-Borçalı bölgəsinin elektrik enerjisi ilə təminatında problem yaratmışdır.
“Enerqo-pro Corcia” şirkətindən verilən məlumata görə, elektrik enerjisi verilişini bərpa etmək üçün lazımi tədbirlər görülür.
Sinoptiklər Gürcüstanda qasırğanın bu günün sonunadək davam edəcəyini proqnozlaşdırmışlar.

həqiqətən də bir sıra problemlərin cəmiyyətdə müzakirə olunmasını daha da aktuallaşdırdı.

Naşılıq və məsuliyyətsizlik nəticəsində uşaq tələf olmuş, ana isə ölümdən təsadüf olaraq dönmüşdür.

Bu, yüzlərlə qapalı qalan hadisədən çox cüzi hissəsinin cəmiyyətə çatdırılmasıdır. Azərbaycanda qadınların hamiləlik dövrü, xəstəxanada müayinə və müalicə proseduru, doğuşdan sonra körpənin taleyi əsasən Allah ümidinə buraxılır və müvafiq qurumların bu sahəyə məsuliyyət çərçivəsi dəqiq müəyyənləşməyib. Konkret təyinatı olan müavinətin ləğv edilməsi və verilən birdəfəlik müavinətin cüzi olması hər bir ailəni ağır xərclərin girdabına salmışdır. Söhbət təkcə məsuliyyətsiz, savadsız və naşı həkimlərdən, tibb personalından getmir.

Azərbaycanda həm də öz peşəsini layiqincə bilən, məsuliyyətini dərk edən həkimlər və tibb işçiləri var. Əslində bu sistemdə olan hədsiz mərkəzləşmə və naşı adamların idarəetmədə başa çıxarılması bütövlükdə sistemi iflic vəziyyətə gətirmişdir. Söhbət sistemin yanlış quruluşundan, yanlış idarəetmədən və bu sahədə olan qüsurlu dövlət siyasətindən gedir.

Almaniyalı alimlər "Facebook"la bağlı araşdırma apararaq maraqlı nəticələr əldə ediblər.

Araşdırma zamanı məlum olub ki, "Facebook" istifadəçilərinin paylaşdığı yazıları dostlarının bəyənməsi, xoş şərh bildirməsi onların beynində xoşbəxtlik hormonunun yaranmasına səbəb olur.

Alimlər bu hormonun ləziz yemək yeyərkən insan beynində yaranan hormonla eynilik təşkil etdiyini bildirirlər.

Gürcüstanın kütləvi informasiya vasitələrinin yaydıqları məlumata görə, Türkiyə ilə Gürcüstan arasında yeni nəzarət-keçid məntəqələri tikiləcəkdir.
Hazırda bu dövlətlər arasında iki nəzarət-keçid məntəqəsi fəaliyyət göstərir. Bu məntəqələrdə daimi növbələr yarandığından yeni nəzarət-keçid məntəqələrinin tikilməsi gündəmə gəlmişdir.
İlkin mərhələdə dövlətlər arasında Muratlı nəzarət-keçid məntəqəsinin istifadəyə verilməsi barədə razılığa gəlindiyi və bu istiqamətdə intensiv işlər aparıldığı qeyd olunmuşdur.

Gənclər və idman nazirinin müavini İntiqam Babayevin rəhbərlik etdiyi nümayəndə heyəti BMT-nin Nyu-York qərargahında son görüşlərini keçirib. Nazirliyin mətbuat xidmətindən Lent.az-a verilən məlumata görə, səfər BMT Təhlükəsizlik Şurası Modeli simulyasiyası ilə bağlı hazırlıq çərçivəsində baş tutub.

Gənclər və İdman Nazirliyi və BMT-nin İnkişaf Proqramı (BMT İP) əməkdaşlarından ibarət nümayəndə heyəti BMT-nin İnkişaf Proqramı rəhbərinin köməkçisi və BMT İP Avropa və MDB ölkələri üzrə Regional Bürosunun bölgə direktoru xanım Cihan Sultanoğlu ilə görüşüb.

Görüş zamanı C. Sultanoğlu qeyd edib ki, Gənclər və İdman Nazirliyi ilə birgə təşkil olunmuş BMT Təhlükəsizlik Şurası Modeli tədbirinin keçirilməsi İnkişaf Proqramı ilə Azərbaycan Hökuməti münasibətlərinin yüksək səviyyədə olmasının sübutudur.