Dövlət Miqrasiya Xidməti (DMX) tərəfindən ötən həftə ərzində ölkə qanunvericiliyinin tələblərini pozmuş 608 əcnəbi aşkar edilib.

DMX-nin mətbuat xidmətindən  verilən məlumata görə, 24.06.2013-28.06.2013-cü il tarixlərdə Bakı şəhərində, həmçinin respublikanın digər şəhər və rayonlarında keçirilən tədbirlər və aparılan araşdırmalar nəticəsində 608 əcnəbi və vətəndaşlığı olmayan şəxs tərəfindən Azərbaycan Respublikasında olma, habelə müvəqqəti və daimi yaşama qaydalarına əməl etmədən inzibati qanunvericiliyin tələblərinin pozulması halları müəyyən edilib, onlardan 84 nəfərə cərimə tətbiq edilməklə ölkə ərazisində yaşamaları leqallaşdırılıb.

Bundan başqa, 494 əcnəbi barəsində Azərbaycan Respublikası ərazisini 48 saat ərzində tərk etmə, 29 əcnəbinin isə inzibati qaydada ölkə hüdudlarından kənara çıxarılmaları barədə qərarlar qəbul edilib. Həmçinin, 1 nəfər əcnəbinin Azərbaycan Respublikası ərazisində müvəqqəti və ya daimi yaşamaq üçün əsas verən, onlara aid olan itirilmiş sənədləri yenisi ilə əvəz olunub.

İyulun 1-də “Visiontv.az” internet televiziyası fəaliyyətə başlayıb.

Televiziyanın təsisçisi və prezidenti Elvin Abbasov “Media forum” saytına deyib ki, “Visiontv.az”da 5 departament fəaliyyət göstərəcək: “Televiziyada 30-a yaxın işçi çalışır.

İcraçı direktor və baş redaktor Şöhrət Eldəniz, baş məsləhətçi Cəfər Dal, baş rejissor Natiq Axundov, xəbərlər departamentinin direktoru Zöhrab İbrahimov, müəllif verilişləri departamentinin direktoru Babək Göyüşov, əyləncəli verilişlər departamentinin direktoru Nicat Əlibəyli, reklam departamentinin direktoru Raci Quliyev, baş operator Mirtofiq Mirəlioğludur”.

Elvin Abbasov qeyd edib ki, “Visiontv.az” internet televiziyası reklamlardan əldə olunan gəlirlə, verişlərin sponsorları vasitəsilə maliyyələşir: “Biz heç kimə bağlı olmayan, obyektiv televiziya olmaq niyyətindəyik. “Visiontv.az” açılış etmədən xeyli izləyici toplayıb. Hazırda saytımıza gündəlik 1000-dən çox giriş var”.

Elvin Abbasov 10-a yaxın verilişin efirə çıxdığını vurğulayıb: “Geopolitika”, “Mövqe”, “Neft axar”, “Ellər”, “Şou” və başqa həftəlik verişlər efirə çıxır. “Xəbərlər” proqramı hər gün saat 17-də və 22-də efirə çıxacaq.

Hazırda Rusiya, Türkiyə, Şimali Kipr, Almaniyada rəsmi nümayəndəliyimiz yaradılır. Həmin ölkələrdə bizim üçün ofis və işçilər ayrılır. Ola bilsin, digər ölkələrin televiziyaları ilə də əməkdaşlığımız qurulsun. Rayonlarda çalışan jurnalistlərlə də əməkdaşlığımız var. Bölgələrdə baş verən hadisələr haqda materiallar hazırlayıb bizə göndərirlər”.

Çində sahəyə işləməyə gedən gənc qadın yoxa çıxıb. Qadının evə gəlmədiyini görən ailəsi və kənd sakinləri onu axtarmaq üçün işlədiyi sahəyə gəliblər.Türkiyə mətbuatına istinadən xəbər verir ki, bu zaman kənd sakinləri iş yerinin yaxınlığında hərəkət etməkdə çətinlik çəkən ilanla (anakonda) rastlaşıblar. Onun hərəkətindən şübhələnən sakinlər dərhal polisə xəbər veriblər. İlanı zərərsizləşdirdikdən sonra onu yaran mütəxəssislər dəhşətli mənzərəylə qarşılaşıblar. İtkin düşən gənc qadın bütöv bir şəkildə sürünənin qarnından çıxıb. Amma qadının həyatını xilas etmək mümkün olmayıb.

İsveçrəli jurnalistlər Andreas Şnayder və Maynrad Şadenin işğal olunmuş Azərbaycan torpaqları ilə bağlı yazdıqları məqalə beynəlxalq müsabiqədə qalib gəlib.

“Reportagen” da dərc olunan məqalə ən yaxşı mətnə görə qalib olub. Məqalədə Andreas Şnayeder Qarabağı müstəqil dövlət kimi təqdim edib. Həmçinin fotoqraf Maynrad Şadenin Qarabağda çəkdiyi şəkillər də müsabiqədə qalib olub.

Mükafatlandırma mərasimi Berlindəki “Yaşlı salon” İncəsənət Evində keçirilib.

Qeyd edək ki, işğal olunmuş Azərbaycan torpaqlarında çəkilən şəkillər 2014-cü ildə “Müharibədən əvvəl və sonra” adlı kitabda yer alacaq.