Dalga Televiziyasi Mədəniyyət
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün1902
DünənDünən3396
Bu həftəBu həftə1902
Bu ayBu ay51170
Bu günə qədərBu günə qədər2899611

Bizi Paylaşın

Video Xəbərlər

 

Təqvim


Mədəniyyət

Avropa Yayım İttifaqı Rusiyanın “Eurovision” təmsilçisi ilə bağlı Ukraynaya etiraz məktubu göndərib

Avropa Yayım İttifaqı Ukrayna baş naziri Vladimir Qroysmana məktub ünvanlayıb.

Daga tv-nin APA-ya istinadla xəbərinə görə, bu barədə “Deutsche Welle”nin Ukrayna bürosu məlumat yayıb.

Məktubda Rusiyanın “Eurovision” təmsilçisi Yuliya Samoylovanın Kiyevə buraxılmayacağı ilə bağlı qərara narazılıq ifadə olunub. Qeyd olunur ki, ittifaq üzvləri qərarı mənfi qiymətləndirir və bəzi Avropa yayım şirkətləri “Eurovision”un yayımlamaqdan imtina edir.

Xatırladaq ki, Ukrayna Təhlükəsizlik Xidməti rusiyalı təmsilçinin 2015-ci ildə Krıma səfər etməsi ilə əlaqədar Ukraynaya girişinə qadağa qoyub.

Türkiyənin məşhur aktyoru vəfat edib

Türkiyənin məşhur aktyoru Halit Akçatepe vəfat edib.

Dalga tv Report-a istinadən xəbər verir ki, aktyor 79 yaşında dünyasını dəyişib. 

H.Akçatepenin ölümünə səbəb damar tıxanması olub.

Qeyd edək ki, H.Akçatepe 1938 -ci il yanvarın 1-də Ünyedə dünyaya gəlib. Aktyor “Tatlı dilim” filmi ilə tanınıb. Ona şöhrət gətirən isə rol aldığı “Hababam Sınıfı” filmi olub. H.Akçatepe ekran əsərində Güdük Nəcmi obrazını canlandırıb. O, daha çox Kemal Sunal ilə birılikdə rol aldığı filmləri ilə yaddaşlarda qalıb.

“Eurovision - 2017” müsabiqəsində ölkələrin çıxışetmə ardıcıllığı müəyyənləşib

Bu ilin may ayında Ukraynanın paytaxtı Kiyevdə keçiriləcək “Eurovision - 2017” mahnı müsabiqəsinin yarımfinalı ilə bağlı püşkatma keçirilib.

Dalga tv Report-a istinadla xəbər verir ki, yarışda Azərbaycanı “Skeletons” (“Skeletlər”) mahnısı ilə təmsil edəcək Diana Hacıyeva (DiHaj) ilk yarımfinalda 8-ci çıxış edəcək.

Ümumiyyətlə, mayın 9-da keçiriləcək ilk yarımfinalda bu ölkələrin nümayəndələri mahnılarını təqdim edəcəklər:

1. İsveç, 2. Gürcüstan, 3. Avstraliya, 4. Albaniya, 5. Belçika, 6. Monteneqro, 7. Finlandiya, 8. AZƏRBAYCAN, 9. Portuqaliya, 10. Yunanıstan, 11. Polşa, 12. Moldova, 13. İslandiya, 14. Çexiya, 15. Kipr, 16. Ermənistan, 17. Sloveniya, 18. Latviya.

Mayın 11-də baş tutacaq ikinci yarımfinalda isə iştirakçı ölkələr bu qaydada səhnəyə çıxacaq:

1. Serbiya, 2. Avstriya, 3. Rusiya, 4. Makedoniya, 5. Malta, 6. Rumıniya, 7. Hollandiya, 8. Macarıstan, 9. Danimarka, 10. İrlandiya, 11. San-Marino, 12. Xorvatiya, 13. Norveç, 14. İsveçrə, 15. Belarus, 16. Bolqarıstan, 17. Litva, 18. Estoniya, 19. İsrail.

Müsabiqənin qaydalarına görə, qalib ölkə, eləcə də müsabiqənin yaradıcı üzvləri birbaşa finala vəsiqə qazanır.

Qafqaz Tarixi Mərkəzinin tədqiqatları əsasında hazırlanmış nadir tarixi kitab çapdan çıxıb

“AZER-GLOBE” İnstitutu yanında Qafqaz Tarixi Mərkəzi Gürcüstanda rus məxfi agenti və nümayəndəsi, polkovnik Stepan Daniloviç Burnaşevin (1743-1824) XVIII əsrə aid nadir əsərini tədqiq edib və çapa hazırlayıb. S.Burnaşevin üç əsərinin reprint nəşrini “XVIII əsr Qafqazı rus məxfi agentinin gözü ilə” adı altında “Teas Press” nəşriyyat evi hazırlayıb. Kitab Türkiyədə nəşr edilib və artıq Azərbaycanda satışa çıxarılıb.

“AZER-GLOBE” İnstitutu yanında Qafqaz Tarixi Mərkəzindən Dalga tv -yə bildirilib ki, nəşrə giriş sözünü Azərbaycan Prezidenti Administrasiyasının sektor müdiri, politoloq Fuad Axundov və Qafqaz Tarixi Mərkəzinin direktoru, tarixçi Rizvan Hüseynov yazıblar.

Qafqaz Tarixi Mərkəzi S.Burnaşevin Azərbaycana həsr edilən və itmiş hesab olunan nadir əsərini aşkar edə bilib. Avrasiya xəritəsində mühüm strateji və geosiyasi rol oynayan Qafqaz bütün tarixi dövrlərdə müxtəlif imperiya və dövlətləri özünə cəlb edib. XVIII əsrdə Rusiya imperiyasının Qafqazda fəallaşması ilə əlaqədar olaraq bu regionu təsvir edən bir sıra əsərlər yaranıb. Bu baxımdan gürcü çarı II İraklinin sarayında Rusiyanın nümayəndəsi, habelə məxfi agenti S.Burnaşevin əsərləri maraqlıdır. Onun vəzifələrinə Gürcüstan və Azərbaycan, onların siyasi əhəmiyyəti, hökmdarları və onların nüfuzları haqqında raportlar yazmaq daxil idi. Polkovnik S.Burnaşev geniş agentura şəbəkəsi qurub və nəticədə Qafqaz haqqında mühüm materiallar toplayıb.

Qeyd edək ki, S.Burnaşevin əsərləri və raportlarından aydın olur ki, o zaman Qafqazda heç bir Ermənistan yox idi, azsaylı və seyrək yaşayan erməni əhalisi ala-bəzək etnik palitraya malik idi. Rus məxfi agenti Azərbaycanın bəzi xanlıqlarının nüfuzunu və onların müstəqilliyini xüsusi vurğulamaqla Azərbaycan və Gürcüstanı təsvir edir.

Bu reprint nəşrə S.Burnaşevin Qafqaza aid üç əsəri daxil edilib: “İranda Azərbaycan əyalətlərinin və onların siyasi vəziyyətinin təsviri” (“Opisaniye oblastey Aderbijanskiz v Persii i ix politiçeskoqo sostoyaniya”, 1793), “Gürcüstanın mənzərəsi və ya Kartalin və Kaxetiya çarlıqlarının siyasi vəziyyətinin təsviri” (“Kartina Qruzii ili opisaniye politiçeskoqo sostoyaniya tsarstv Kartalinskoqo i Kaxetinskoqo”, 1793) və “Dağ xalqlarının təsviri” (“Opisaniye qorskix narodov”, 1794).

Qafqaz Tarixi Mərkəzi bir neçə ildir ki, Azərbaycan tarixi üzrə mənbə və arxiv materialların tədqiq edir. Bu müddətdə Azərbaycanın tarixi torpaqlarında, eləcə də Cənubi Qafqazda dövlətçilik tarixi haqqında daha aydın və həcmli təsəvvür yaratmağa imkan verən, indiyədək az məlum olan və hətta geniş ictimaiyyətə, ümumiyyətlə, məlum olmayan xeyli sayda arxiv materialları tapılıb. Azərbaycanın tarixi torpaqları haqqında Qafqaz Tarixi Mərkəzi tərəfindən 300 vahiddən çox müxtəlif arxiv materialı və mənbə toplanıb. Bu, antik dövrdən XIX əsrədək qədim Suriya, İran, gürcü, erməni, ərəb-müsəlman, Osmanlı, rus, Avropa, Amerika mənbələri, arxiv materialları və xəritələrdir.

Bu materiallar əsasında Cənubi Qafqazda guya Azərbaycan ərazilərinin olmamasına və Azərbaycan anlayışının burada yalnız 1918-ci ildə Azərbaycan Xalq Cümhuriyyəti yaranandan sonra meydana gəlməsinə dair erməni təbliğatının və bəzi xarici dairələrin uydurmalarına tutarlı cavab vermək olar. Bu yolla bəzi xarici dairələr Azərbaycan xalqını Cənubi Qafqazda öz tarixi torpağına mədəni, mənəvi və memarlıq irsinə olan hüquqlarından “məhrum” etmək istəyir. Şübhəsiz, saxtalaşdırmağa və yalana ən yaxşı cavab orta əsrlər mənbələri, arxiv sənədləri və müxtəlif dövlətlərin yazışmalarıdır. Əsərdə bu tarixi mənbələr əsasında əsrlər boyu hansı ərazilərin Azərbaycan adlandırılmasına dair məlumat verilib.

Rusiya mənbələrində çar Rusiyasının Qafqaza gəlişi dövrünə xüsusi diqqət ayrılıb. Rusiya arxivlərinin çoxsaylı materiallarına əsasən demək olar ki, imperiya Qafqazda Azərbaycanın geniş ərazilərini dəqiq göstərib. İmperatorlar I Pyotr, II Pyotr və I Pavelin fərmanlarında, Osmanlı, İran və Rusiya dövlətləri arasında imzalanmış müqavilələrdə Azərbaycan torpaqlarının, o cümlədən İrəvan, Qarabağ və başqalarının adları çəkilir. Həmin müqavilələrdə Qarabağ, Şirvan, Gəncə, İrəvan, Naxçıvan “Azərbaycan əyalətləri” sırasında göstərilir. Bu o deməkdir ki, Rusiya imperatorlarının, Osmanlı sultanlarının və İran şahlarının imzaladıqları beynəlxalq hüquqi sənədlər Azərbaycanı öz əraziləri ilə Qafqazda, Ön və Kiçik Asiyada siyasi-inzibati subyekt kimi tanıyıb və göstərib. Qafqazda Azərbaycan torpaqlarını Rusiya imperatorlarından başqa yüksək vəzifəli rus məmurları, hərbçilər, məxfi agentlər və alimlər də təsvir ediblər. Bu mənbələrə görə, 1813-cü ildə Gülüstan müqaviləsi və 1828-ci ildə Türkmənçay müqaviləsi əsasında Rusiyaya birləşdirilmiş torpaqlar Azərbaycan əraziləridir. Habelə əgər Rusiya imperiyası XIX əsrin əvvəlinədək - birləşməyə qədər bu torpaqları Azərbaycan adlandırırdısa, yuxarıda qeyd olunan müqavilələrdən sonra zəbt edilmiş Cənubi Qafqaz torpaqları barədə danışanda “Azərbaycan” sözünü işlətməyi birmənalı olaraq yığışdırıb.

Tiflisdə Sona Vəliyevanın “İşığa gedən yol” romanının təqdimatı keçirilib

Tiflisdə fəaliyyət göstərən Mirzə Fətəli Axundov adına Azərbaycan Mədəniyyət Muzeyində filologiya üzrə fəlsəfə doktoru, yazıçı-publisist Sona Vəliyevanın Azərbaycan milli mətbuatının banisi, görkəmli maarifçi, “Əkinçi” qəzetinin yaradıcısı Həsən bəy Zərdabiyə həsr olunan  “İşığa gedən yol” romanının təqdimatı keçirilib.

APA-nın Gürcüstan bürosunun xəbərinə görə, tədbiri Mirzə Fətəli Axundov adına Azərbaycan Mədəniyyət Muzeyinin direktoru Leyla Əliyeva açıb.

Sonra Azərbaycan Yazıçılar Birliyinin Gürcüstan şöbəsinin rəhbəri Rafiq Hümmət, Azərbaycanın Gürcüstandakı səfiri Dursun Həsənov, Gürcüstan parlamentinin deputatları Mahir Dərziyev və Ruslan Hacıyev, Azərbaycan Jurnalist Qadınlar Assosiasiyasının sədri Sevil Yusifova, Gürcüstan Jurnalistlər Birliyinin sədri Nizami Məmmədzadə, şair Osman Əhmədoğlu, tərcüməçi Cambul Məmmədli, gənc yazıçı Kamran Kiryakov və başqaları roman və onun yazılış tarixi haqqında fikirlərini bildiriblər. Çıxışçılar Azərbaycan ədəbiyyatında və mətbuat sahəsində milliliyi qoruyan və onu daha da inkişaf etdirmiş tarixi bir şəxsiyyət olan Həsən bəy Zərdabinin həyat yolundan bəhs edən əsərin müasir gənclik və jurnalistlər üçün əhəmiyyətli olduğunu qeyd ediblər.

Tədbirdə Gürcüstan-Azərbaycan tarixi dostluğundan, Azərbaycan və gürcü ədəbiyyatının inkişafından, qarşılıqlı əməkdaşlıqdan da söhbət açılıb. Qocaman jurnalist Emin Elsevər “İşığa gedən yol” romanının gürcü dilinə tərcümə olunmasını təklif edib.

Təqdimat mərasimində Azərbaycanın Gürcüstandakı səfirliyinin birinci katibi Elçin Məmmədov, Gürcüstanın ali məktəblərində təhsil alan azərbaycanlı tələbələr və Tiflis azərbaycanlıları iştirak ediblər.

İranlı musiqiçi qondarma “Dağlıq Qarabağ Respublikası”nda konsert verdi

İran və Ermənistan arxeoloqlarının Şuşada qanunsuz arxeoloji qazıntılar aparılmasının ardınca bu iki ölkənin təmsilçilərinin işğal olunmuş ərazilərimizdə daha bir müştərək fəaliyyəti barədə xəbər yayılıb.

Dalga tv  Musavat.com-a istinadən xəbər verir ki, Xankəndi şəhərində qondarma “Dağlıq Qarabağ Respublikası”nda “mədəniyyət nazirliyi”nin dəstəyi ilə Sayat Nova adına kollecdə İran və “Dağlıq Qarabağ”ın musiqiçilərinin birgə konserti olub.

İrandan gələn fleytaçı Meysam Hodrat erməni həmkarı Artaşes Qriqoryanla, həmçinin pianoçu Marina Barxudaryanla bir səhnəni bölüşüb. Konsertdə erməni, İran və qərb bəstəkarlarının əsərləri səsləndirilib. Azərbaycan ərazisinə qanunsuz səfər etmiş İran musiqiçisi deyib ki, “Dağlıq Qarabağ”da olduğuna görə şaddır.

“Mən ilk dəfə turist kimi burada olmuşdum. Ancaq bu dəfə bu möcüzəli “ölkə”yə musiqiçi kimi gəlmişəm”, - deyə Hodrat bildirib.

O iddia edib ki, “Dağlıq Qarabağ”la İran arasında münasibətlərin inkişafını istəyir.

İrəvan Akademik Opera və Balet Teatrında işləyən A.Qriqoryan isə bu sərsəmləmələri davam etdirib və deyib ki, bu konsert “İranın ənənəVi yeni ilinə” (Novruz) həsr olunub.

“Bizim mədəni əlaqələrimizi möhkəmləndirən belə konsertlərə görə təşəkkür edirik. Bu kimi tədbirlər həm də turizm əlaqələrini genişləndirir”, - erməni musiqiçi deyib.

Yəqin ki, Azərbaycan XİN, həmçinin Mədəniyyət və Turizm Nazirliyi İran vətəndaşı olan musiqiçinin qanunlarımızı pozmasına müvafiq münasibət bildirəcək.

Diana Hacıyeva: Mən “Eurovision” üçün tipik müğənni deyiləm

Azərbaycanı “Eurovision - 2017”-də Dihaj adı ilə təmsil edəcək müğənni Diana Hacıyeva müsabiqənin rəsmi saytı Eurovision.tv-yə müsahibə verib. 

Dalga tv xəbər verir ki, məqalədə musiqi tənqidçiləri ifaçının orijinal vokalını yüksək qiymətləndirirlər.

Müğənni özü isə “Skeletons” (musiqi İsa Məlikov, söz Sandra Byorman) müsabiqə mahnısından danışarkən aşağıdakıları bildirib:    

“Mahnımın əsas fərqi bənzərsiz olmasıdır. Bu, kompozisiyanın bir qədər təxribat xarakterli adına, eləcə də müsabiqə nömrəsinin quruluşuna aiddir. Məncə “Eurovision” auditoriyasına sizin nə qədər fərqli və alternativ olmağınız vacib deyil. Sizi dünyada olan dinləyicilər və tamaşaçılar eşidə və izləyə bilər. Anlayıram ki, “Eurovision” üçün tipik müğənni deyiləm.

Almaniyalı dirijorlar Bakı teatrının səhnəsində

Aprelin 8-də Azərbaycan Dövlət Akademik Opera və Balet Teatrında C.Puççininin ən maraqlı operalarından biri - “İl Tabarro” (Plaş) təqdim olunacaq.

Teatrdan Dalga tv-yə bildirilib ki, almaniyalı dirijor Qut İmmlinqin idarə edəcəyi səhnə əsərinin bədii rəhbəri onun həmyerlisi Korneliya fon Kerssenbrokdur. Səhnə əsərində rolları Əməkdar artistlər Afaq Abbasova, Fərid Əliyev, Cahangir Qurbanov, solistlər Əliəhməd İbrahimov, Tural Ağasıyev, Nina Makarova və Tələt Hüseynov ifa edəcəklər.

Xatırladaq ki, opera bu teatrda ilk dəfə 2014-cu ildə səhnəyə qoyulub.

Ukrayna Rusiyanın “Eurovision”da iştirakının şərtini açıqlayıb

Rəsmi Kiyev bəyan edib ki, Rusiyanın “Eurovision-2017” mahnı müsabiqəsinə təmsilçisini o halda qəbul etməyə hazırdır ki, hazırkı təmsilçi Yuliya Samoylova Ukrayna qanunvericiliyinə zidd hərəkət etməmiş biri ilə əvəz edilsin.

Dalga tv-nin APA-ya istinadən verdiyi xəbərə görə, bunu Ukraynanın baş nazirinin müavini Vyaçeslav Kirilenko “Ukrayna radio”sunun efirində deyib.

Vyaçeslav Kirilenko, Moskvanın bu şərti qəbul edəcəyinə ümid etdiyini bildirib. Kirilenko müsabiqə ətrafında yaranan vəziyyəti Rusiya tərəfindən törədilən təxribat adlandırıb.   

Qeyd edək ki, Y.Samoylova Krımda konsertlə çıxış etdiyinə görə, rəsmi Kiyev onun ölkəyə girişinə qadağa qoyub. Müğənni  Rusiyanı “Eurovision-2017”-də “Flame Is Burning” mahnısı ilə təmsil edəcəkdi.  

10 yaşlı azərbaycanlı münsiflərin qəlbini fəth etdi

Naberejnı Çelnıda yaşayan əslən Azərbaycandan olan 10 yaşlı Nurlan İsmayılov Rusiyanın birinci kanalında yayımlanan “Qolos. Deti” şousunun dördüncü mövsümünə vəsiqə qazanıb. 

Dalga tv Axar.az-a istinadən xəbər verir ki, Nurlan Polad Bülbüloğlunun “Zəng et” mahnısını ifa edib. 

Nurlanın səsinə ilk Nyuşa çevrilib. Nurlanın çıxışı o dərəcədə parlaq olub ki, müğənni kürsüsündə rahat otura bilməyib və rəqs etməyə başlayıb. 

“Bax indi mən vicdanla deyə bilərəm ki, gözlədiyim kişiyə rast gəldim. Gəl yanıma əzizim! Axır ki, bu baş verdi, mən xoşbəxtəm”, - bunları müğənni gənc azərbaycanlının çıxışından sonra deyib. 

Nurlan Nyuşanın komandaya götürdüyü son iştirakçı olub. O, ifası ilə müğənninin qəlbini fəth edib!

Novruz bayramı Gürcüstanın Laqodexi rayonunda böyük coşqu ilə qeyd edilib

Novruz bayramı Gürcüstanın Laqodexi rayonunun Qabal kəndində böyük coşqu ilə qeyd olunub. Bayram münasibətilə böyük el şənliyi təşkil edilib.

Bayram şənliyində səfirliyimizin, Kaxeti bölgə qubernatorluğunun, Laqodexi rayon icra hakimiyyətinin rəhbər şəxsləri, parlamentin deputatları, Azərbaycan və gürcü ictimaiyyətinin nümayəndələri iştirak ediblər.

Keçəl, Kosa və Bahar qızı qonaqları qarşılayaraq bayram şirniyyatına qonaq ediblər.

Qabal kənd icra hakimiyyəti nümayəndəsi Namaz Alaverdov tədbiri açaraq Novruz bayramının məziyyətlərindən danışıb.

Laqodexi Rayon İcra Hakimiyyətinin başçısı Kaxa Camburiya azərbaycanlıları və Novruz bayramını qeyd edən bütün insanları təbrik edib. O, azərbaycanlıların və gürcülərin bu bölgədə mehriban dostluq və qardaşlıq şəraitində yaşadıqlarını xüsusi vurğulayıb.

Sonra Gürcüstan parlamentinin deputatı Quram Macaraşvili, Kaxeti bölgəsi qubernatorun müavini Zurab Arsenaşvili və başqaları çıxış edərək Azərbaycan xalqını bayram münasibətilə təbrik ediblər.

Azərbaycanın Gürcüstandakı səfirliyinin birinci katibi Elçin Məmmədov tədbirdə çıxış edərək ölkələrimiz arasındakı sarsılmaz dostluq əlaqələrindən danışıb, qardaşlıq və strateji tərəfdaşlıq münasibətlərimizin bundan sonra daha da inkişaf edəcəyini, möhkəmlənəcəyini bildirib. Novruz bayramının əsas xüsusiyyətləri haqqında geniş məlumat verən diplomat deyib ki, bu bayram sülh, birlik, bərabərlik və ruzi-bərəkət bayramıdır. O, bu bayramın xalqlarımıza sülh və firavanlıq gətirməsini arzulayıb.

Sonra Novruz tonqalı alovlandırılıb.

Geniş idman və konsert proqramı ilə davam edən tədbirdə incəsənət ustalarının ifasında müxtəlif el havaları və xalq mahnıları səsləndirilib, şagirdlər Azərbaycan və gürcü şairlərinin şeirlərini söyləyiblər.

“Eurovision” təmsilçisi Ukraynaya buraxılmayacaq

Ukraynada keçiriləcək “Eurovision-2017” beynəlxalq mahnı müsabiqəsində Rusiyanı təmsil edəcək Yuliya Samoylovanın ölkəyə girişinə qadağa qoyulub.

“Dalga tv” Rusiya mətbuatına istinadən xəbər verir ki, Ukraynanın Təhlükəsizlik Xidməti rusiyalı müğənninin ölkəyə girişini üç illik qadağan edib.

Təhlükəsizlik Xidmətinin nümayəndəsi Yelena Qitlyanskaya artıq məlumatı təsdiqləyib.

Saytda Axtarış

Son xəbərlər