Dalga Televiziyasi Mədəniyyət
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün123
DünənDünən635
Bu həftəBu həftə2919
Bu ayBu ay23071
Bu günə qədərBu günə qədər2779013

Bizi Paylaşın

Video Xəbərlər

 

Təqvim


Mədəniyyət

Roma Papası macəra filmində çəkilir

Roma Papası Fransisk "Günəşin digər tərəfi" ailəvi macəra filmində özünü canlandıracaq.


"Dalğa TV" "Variety"yə istinadən xəbər verir ki, katolik kilsəsinin başçısı ilk dəfə bədii filmin çəkilişlərində iştirak edəcək. Filmin çəkilişlərinə 2016-cı ilin ilk yarısında İtaliyada başlanacaq.
Film layihəsindən əldə olunan gəlirin xeyriyyə məqsədilə istifadə olunacağı planlaşdırılır.

Tiflisdə gürcü və Azərbaycan qadın arxitektor və rəssamlarının rəsm əsərlərinin satış sərgisi keçirilib

Yanvarın 14-də Mirzə Fətəli Axundov adına Azərbaycan Mədəniyyət Muzeyinin, Gürcüstan Arxitektorlar Assosiasiyasının təşkilatçılığı ilə muzeyin nəzdində fəaliyyət göstərən incəsənət qalereyasında gürcü və Azərbaycan qadın arxitektor və rəssamlarının rəsm əsərlərinin satış sərgisi keçirilib.

"Dalğa TV"nin APA-ya istinadən veridyi məlumatına görə, tədbirdə 30-dan çox rəsm əsəri sərgilənib.

Satış sərgisində Azərbaycan və gürcü arxitektor, dizayn və rəssamlarından Nino Laqidze, Qaqaş Məmmədov, Məryəm Məmmədova, Qumru Mirzəliyeva, Mehriban Muradova-İsmayılova, Lalə Ağayeva, Mətanət Eldarzadə, Dali Nazarişvili, Ana Laqidze və başqalarının rəsm, dizayn və arxitektura əsərləri nümayiş etdirilib.

Tədbirə baxışda Azərbaycanın Gürcüstandakı səfirliyinin əməkdaşları, Azərbaycan şirkətlərinin nümayəndələri, Gürcüstanın incəsənət adamları, yazıçı və şairlər, ali məktəb tələbələri, QHT rəhbərləri və azərbaycanlı və gürcü ziyalıları iştirak ediblər.

Gürcüstan Arxitektorlar Assosiasiyasının sədri Nino Laqidze APA-ya açıqlamasında Azərbaycanın qadın arxitektorlar və rəssamlarının satış sərgisinin ilk dəfə olaraq keçirildiyini bildirib: "Bizim Azərbaycanın qadın arxitektorlar və rəssamları ilə sıx əlaqələrimiz mövcuddur. Biz birlikdə kitab nəşr edir, müxtəlif tədbirlər və layihələr həyata keçiririk. Bu gün təşkil etdiyimiz Azərbaycan və gürcü qadın arxitektor, dizayn və rəssamların yaradıcılıq məhsulları ilk dəfədir ki, Tiflisdə sərgilənir. Burada 6 Azərbaycan və 7 gürcü arxitektorunun əsərləri nümayiş olunur. Bu tədbirdən sonra biz belə bir sərgini Bakıda təşkil etməyi düşünürük", deyə Nino Laqidze qeyd edib.

Zəlimxan Yaqubun dəfn mərasimi

Vəfat etmiş xalq şairi Zəlimxan Yaqubla vida mərasimi keçirilib.

Bakı şəhərinin Təzə Pir məscidində keçirilən vida mərasimində mərhumun yaxınları, dövlət rəsmiləri, Milli Məclisin deputatları və ictimaiyyət nümayəndələri iştirak edib. Vida mərasimindən sonra mərhum Birinci Fəxri Xiyabanda dəfn olunub. Qeyd edək ki, Z.Yaqub yanvarın 9-da dünyasını dəyişib. Mərhum uzun müddət böyrək çatışmazlığından əziyyət çəkib. Mərasimdə Azərbaycan prezidenti də iştirak edib.

 

yaqub Zəlimxan Yaqub dünyasını dəyişdi

Azərbaycanın xalq şairi, ictimai xadim, Azərbaycan Aşıqlar Birliyinin sədri Zəlimxan Yaqub vəfat edib.

Bir neçə ildir böyrək çatışmazlığından əziyyət çəkən şair bu gün dünyasını dəyişib. Zəlimxan Yaqub 1950-ci il yanvarın 21-də Gürcüstanın Bolnisi rayonunun Kəpənəkçi kəndində anadan olub. 1967-ci ildə doğulduğu kənddə orta məktəbi, 1972-ci ildə isə Azərbaycan Dövlət Universitetinin Kitabxanaçılıq fakültəsini bitirib. 1973-cü ildən 1978-ci ilə qədər "Azərkitab" sistemində, "Kitab pasajı" adlı kitab dükanında satıcı, baş satıcı, şöbə müdiri, 1975-ci ildən 1985-ci ilə qədər Azərbaycan Könüllü Kitabsevərlər Cəmiyyətində təbliğat şöbəsində redaktor, şöbə müdiri, 1987-ci ildən 1994-cü ilə qədər "Yazıçı" nəşriyyatında poeziya şöbəsində redaktor, şöbə müdiri vəzifələrində çalışıb. 1995-2005-ci illərdə Milli Məclisin deputatı olub. 2005-ci ildə "Azərbaycanın xalq şairi" fəxri adına layiq görülüb. 2008-ci il avqustun 29-da Azərbaycan aşıqlarının V qurultayında Azərbaycan Aşıqlar Birliyinin sədri seçilib.

Əfsanəvi rok ifaçısı vəfat etdi

Xəstəliyinin diaqnozunu ölümündən iki gün əvvəl öyrənib.

Məşhur rok qrupu "Motörhead"in yaradıcısı, bas-gitaraçı, solist və bəstəkar Lemmy Kilmister ötən gün vəfat edib.

"Dalğa TV" xarici KİV-ə istinadla xəbər verir ki, 70 yaşlı dünya ulduzuna 2 gün əvvəl xərçəng diaqnozu qoyulub.

Qrupun meneceri Andrew Goodfriend-in sözlərinə görə, əfsənəvi rok ifaçısı xəstəliyini 26 dekabrda öyrənib.

Qeyd edək ki, L.Kilmister 1970-ci illərdə "Hawkwind" qrupuyla başladığı musiqi həyatına 1975-ci ildə qurduğu məşhur "Motörhead" qrupuyla davam edərək "Ace of Spades" kimi əfsanəvi əsərlərə imza atıb.

Məşhur bığıyla qeyri-adi bir tərzi olan və rok musiqinin inkişafına böyük töhfə verən Kilmister "Motorhead" qrupu adı ilə 24 albom çıxarıb.

2010-cu ildə onun haqqında "Lemmy the Movie" filmi ekranlaşdırılıb.

Xatırladaq ki, "Motörhead" qrupu 2005-ci ildə "Ən yaxşı metal performans" üzrə "Grammy" mükafatına layiq görülüb.

Zəlimxan Yaqub təcili xəstəxanaya yerləşdirildi

Ailəsi xəbəri təsdiqlədi.

Xalq şairi Zəlimxan Yaqub xəstəxanaya yerləşdirilib.

"Dalğa TV"nin publika.az-a istinadla məlumatına görə, xalq şairinin səhhətində problem yarandığından o, bu gün səhər xəstəxanaya aparılıb.

Ailəsi xəbəri təsdiqləsə də, şairin hansı xəstəxanaya aparıldığını açıqlamayıb.

Qeyd edək ki, Almaniyadan qayıdandan sonra səhhəti pisləşdiyi üçün şair həkimlərin qərarı ilə ev şəraitində dializ olunur.

Marneulidə "Gürcüstanda Azərbaycan mədəniyyəti ənənələri" mövzusunda tədbir keçirilib

Noyabrın 24-də Marneulidə "Gürcüstanda Azərbaycan mədəniyyəti ənənələri" mövzusunda tədbir keçirilib.

"Dalğa TV"nin məlumatına görə, Gürcüstan Azərbaycanlı Qadınlar İttifaqının sədri Leyla Süleymanova bildirib ki, tədbiri keçirməkdə məqsəd azərbaycanlıların mədəniyyəti haqqında digər millətlərə məlumat verməkdir. Mövzu ilə bağlı məruzələr dinlənilib. Tədbirin bədii hissəsində yerli sənət ustaların ifasında aşıq mahnıları səsləndirilib.

Bakıda gürcü rəssamlarının sərgisi açılıb

Azərbaycan Milli İncəsənət Muzeyində gürcü rəssamları - Gürcüstan Rəssamlıq Akademiyasının rektoru akademik Qiya Ququşvili və professor Ketevan Matabellinin fərdi sərgisi açılıb.

Mədəniyyət və Turizm Nazirliyinin informasiya və ictimaiyyətlə əlaqələr şöbəsindən verilən məlumata görə, sərgi nazirlik və Milli İncəsənət Muzeyi tərəfindən təşkil edilib.

Açılış mərasimində mədəniyyət və turizm nazirinin müavini Sevda Məmmədəliyeva, muzeyin direktoru, əməkdar incəsənət xadimi Çingiz Fərzəliyev, Azərbaycan Rəssamlar İttifaqının sədri, xalq rəssamı Fərhad Xəlilov, Azərbaycan Yazıçılar Birliyinin katibi, xalq yazıçısı Çingiz Abdullayev, Azərbaycanın Rusiyadakı səfiri Polad Bülbüloğlu və başqaları iştirak ediblər.

Qeyd edilib ki, son illər Azərbaycanla Gürcüstan arasında mədəni əlaqələr genişlənib. Sərgilərin və digər mədəniyyət tədbirlərinin keçirilməsi artıq ənənəyə çevrilib.

Tədbirdə Gürcüstan Rəssamlıq Akademiyanın rektoru, Gürcüstan Milli Muzeyinin direktoru David Lordkipanidze və Gürcüstan Milli Elmlər Akademiyasının müxbir üzvü Valeri Asatianiyə Azərbaycan Dövlət Rəssamlıq Akademiyasının "Fəxri doktoru" adı verilməsi haqqında diplomlar, Mədəniyyət və Turizm Nazirliyinin təşəkkürnamələri təqdim olunub.

Tiflisdə tanınmış Azərbaycan rəssamının sərgisi açılıb - FOTO

"Noyabrın 11-də Tiflisdə fəaliyyət göstərən TBC qalereyasının təşkilatçılığı ilə Azərbaycan Rəssamlar İttifaqının üzvü, əməkdar rəssam Əliyar Əlimirzəyevin 18 rəsm əsərindən ibarət sərgisinin açılışı olub.

"Dalğa TV"nin məlumatına görə, tədbirdə Gürcüstanın görkəmli rəssamları, mədəniyyət və incəsənət xadimləri, ictimaiyyət nümayəndələri, gürcü və azərbaycanlı jurnalistlər, həmçinin səfirliklərin əməkdaşları iştirak ediblər.

Tədbirdə nümayiş olunan rəsm əsərləri gürcü rəssamlarının ciddi marağına səbəb olub. Sərgi iştirakçıları azərbaycanlı rəssamın qeyri-adi bir mövzuya müraciət etdiyini və məhz buna görə də rəssamın yaratdığı rəsm əsərlərinin və heykəllərin fəlsəfi məna kəsb etdiyini bildiriblər. Tədbirdə sərgi iştirakçılarına rəssam Əliyar Əlimirzəyevin yanicə nəşr olunan kataloqu təqdim edilib.

Rəssam Ə. Əlimirzəyev APA-ya açıqlamasında sərginin noyabrın 27-dək davam edəcəyini bildirib: "Əsərlərimin sərgisi ilk dəfə iyul ayında Avropa Oyunları ərəfəsində "Qız Qalası" qalereyasında keçirilib. Bakıda sərgim keçiriləndə TBC qalereyasının rəhbərliyindən təklif aldım ki, Tiflisdə sərgimi təşkil edək", rəssam vurğulayıb.

Rəssam qeyd edib ki, onun rəsm əsərlərinin sərgisi Fransada, Rusiyada, Avstriyada və Danimarkada baş tutub, Moskva və Parisdə fəaliyyət göstərən muzeylər isə onun əsərlərini alıblar.

Tədbirdə iştirak edən Azərbaycanın Gürcüstandakı səfirliyinin mədəniyyət və humanitar məsələlər üzrə müşaviri Samirə Ağayeva APA-ya açıqlamasında Azərbaycanın əməkdar rəssamı Əliyar Əlimirzəyevin rəsm əsərlərindən ibarət sərgisinin ilk dəfədir ki, Tiflisdə təşkil olunduğunu bildirib: "Biz bu sərgi üçün Bakıda və Tiflisdə fəaliyyət göstərən "Qız Qalası" və TBC qalereyalarının rəhbərlərinə təşəkkürümüzü bildiririk. Bu sərgi əsl incəsənət nümunələrinin nümayişidir. Məhz buna görə də sərgi iştirakçılarının sevincini və təəccübünü hiss etdik.Çünki rəssamın müraciət etdiyi mövzular mücərrəd, fəlsəfi və qeyri-adi mövzulardan ibarətdir. Biz azərbaycanlı rəssamın Gürcüstandakı bu uğuruna sevinirik," S. Ağayeva qeyd edib.

Gürcüstan və Azərbaycan arasında mədəniyyət sahəsində dostluq münasibətləri" mövzusunda görüş keçirilib

Tiflisdə fəaliyyət göstərən Mirzə Fətəli Axundov adına Azərbaycan Mədəniyyət Muzeyində Gürcüstan Parlamentinin Milli Kitabxanasının və Mədəniyyət muzeyinin təşəbbüsü və təşkilatçılığı ilə "Gürcüstan və Azərbaycan arasında mədəniyyət sahəsində dostluq münasibətləri" mövzusunda görüş keçirilib.

"Dalğa TV"nin məlumatına görə, tədbirdə Azərbaycanın Gürcüstandakı səfirliyinin mədəniyyət və hümanitar məsələlər üzrə müşaviri Samirə Ağayeva, Gürcüstan Mədəniyyət və Abidələrin Mühafizə Nazirliyinin əməkdaşları, gürcü və azərbaycanlı ziyalılar, mədəniyyət və incəsənət xadimləri, ictimaiyyət nümayəndələri iştirak ediblər.

Görüşü Mirzə Fətəli Axundov adına Azərbaycan Mədəniyyət Muzeyinin direktoru Leyla Əliyeva və Gürcüstan Parlamentinin Milli Kitabxanasının direktor müavini Mirian Xositaşvili açıblar. Sonra gürcü ziyalılarından Meri Kobiaşvili, tarix elmləri doktoru, professor Quram Marxuliya, tarix üzrə araşdırmaçı professor Petre Qoçaqidze-Çaladidi, Gürcüstan Azərbaycanlı Ağsaqqallar Şurasının sədri İshaq Novruzov və başqaları Gürcüstan və Azərbaycan mədəni əlaqələrin inkişafından, noyabrın 5-6-da Azərbaycan prezidenti İlham Əliyevin Gürcüstana rəsmi səfərindən söhbət açıblar.

Görüşdə Gürcüstanda yaşayan azərbaycanlı və gürcü ziyalılarının iştirakı ilə hər iki ölkənin mədəniyyəti ilə bağlı kitabın nəşr olunması təklifi irəli sürülüb. Gürcüstan Parlamentinin Milli Kitabxanasının direktor müavini Mirian Xositaşvili çıxışında azərbaycanlılarla gürcülərin mədəni həyatından bəhs edən kitabın dosluqdan bəhs edəcəyini bildirib: " Bu kitabın yaranmasına parlamentin milli kitabxanası və mədəniyyət muzeyi dəstək verəcək. Kitabda Gürcüstan və Azərbaycan dostluğundan, Gürcüstanda yaşayan görkəmli mədəniyyət və incəsənət xadimlərinin həyatından bəhs edən məqalələr dərc olunacaq. Bu kitab böyük abidə olmalı və biz tarixi dostluğumuzu təbliğ etməliyik. Gürcülərdən sonra ölkəmizdə ikinci böyük millət azərbaycanlılardır. Biz dostluğumuzu daim inkişaf etdirməliyik," M. Xositaşvili qeyd edib.

Tədbirdə həmçinin Gürcüstanın bütövlüyü uğrunda döyüşən və Gürcüstan tarixində xalq qəhrəmanı kimi yer alan Xudu Borçalının da həyatı barədə kitaba məqalə yerləşdirilməyi təklif olunub. Görüşün sonunda mədəni əlaqələrin inkişaf etdirilməsi barədə Gürcüstan Parlamentinin Milli Kitabxanası və Mirzə Fətəli Axundov adına Azərbaycan Mədəniyyət Muzeyi arasında memorandum imzalanıb.

Tiflisdə muzeylərə həsr olunmuş beynəlxalq konfrans keçirilib

Tiflisdə "MDB ölkələrinin muzeylərində problemlər və inkişaf perspektivləri" mövzusunda beynəlxalq konfrans keçirilib.

"Dalğa TV"nin verdiyi məlumata görə, tədbirdə çıxış edən Gürcüstan Mədəniyyət nazirinin müavini Manana Berikaşvili postsovet illərindən qalan muzeylərdə hələ də problemlərin mövcud olduğunu və onların həllinin vacibliyini vurğulayıb.

Tədbirdə Azərbaycanı Avropa Mədəniyyət Parlamentinin üzvü və "Avropada ilin muzeyi mükafatı"nın münsiflər heyətinin üzvü Cahangir Səlimxanov, Azərbaycan Dövlət Xalça Muzeyinin müdir müavini Yalçın Səlimov, "İçərişəhər" Tarixi Memarlıq Qoruğ Muzeyinin mədəni proqramlar şöbəsinin müdiri İradə Qasımova təmsil edib.

Beynəlxalq konfransda keçmiş SSRİ respublikalarından Estoniya, Latviya, Ermənistan, Qazaxıstan, Rusiyadan olan nümayəndələr və keçmiş kommunist bloku ölkələrindən Slovakiya, Sloveniya, Bosniya və Herseqovina, Xorvatiya və s. ölkələr iştirak ediblər.

Cahangir Səlimxanov APA-ya açıqlamasında bildirib ki, Azərbaycan nümayəndə heyəti konfransda çox maraqlı təqdimatlarla çıxış edib: "Mən konfransda "Muzey bu gün: müxtəlif və bir-birinə zidd olan gözləntilərə cavab axtarışında" adlı məruzə ilə çıxış etdim və çıxışımı muzeylərlə bağlı Avropa təcrübəsinə əsaslandırdım. Tədbirdə Azərbaycan Dövlət Xalça Muzeyinin müdir müavini Yalçın Səlimovun "Müasir problemlər və onların həlli yolları: "Azərbaycan xalça muzeyi XXI əsrdə"" adlı təqdimatı da çox uğurla keçdi".

Beynəlxalq konfransda çıxış edən "İçərişəhər" Dövlət Tarixi Memarlıq Qoruq Muzeyinin şöbə müdiri İradə Qasımova APA-ya muzeyin yaradılması tarixindən danışdığını bildirib: "Konfransda İçərişəhərin "Bakının ürəyi" və "vizit vərəqəsi" , onun XII əsrə aid olduğu barədə ətraflı məlumat verdim. Qeyd etdim ki, İçərişəhərdə 500-dən çox tarixi-memarlıq nümunələri var. Bakı şəhərinin tarixi mərkəzi olan İçərişəhər memarlıq kompleksinin 2000-ci ildə Ümumdünya irsi siyahısına salındığını, İçərişəhərdə 4000 nəfərdən ibarət 1300 ailənin yaşadığını konfrans iştirakçılarının nəzərinə çatdırdım".

Bakıda gürcü rəssamın fərdi sərgisi açılacaq

Noyabrın 7-də Müasir İncəsənət Muzeyində gürcü rəssamı Mamuka Tsetsxladzenin

“Postcard” adlı fərdi sərgisi açılacaq.

Muzeydən AZƏRTAC-a bildirilib ki, “Postcard” - şəhərlərin, evlərin, parkların, fəvvarələrin, küçələrdə gəzən insanların, tramvayların, gəmilərin, təyyarələrin, müxtəlif istiqamətlərdən görünüşü, müxtəlif zamanların hərəkətliliyi və ya səssizliyini əks etdirir. Bu əsərlərdə rəssamın uşaqlıqda və indi gördüyü tanış olan və olmayan şəhərlərin mənzərələri öz əksini tapıb.

Tanınmış gürcü rəssamı Mamuka Tsetsxladze 1960-cı ildə Tiflisdə anadan olub. 1986-cı ildə Gürcüstan Rəssamlıq Akademiyasını bitirib.

M.Tsetsxladzeni Azərbaycanda çox yaxşı tanıyırlar. O, dəfələrlə öz əsərlərini Bakıda nümayiş etdirib. Qırx il bundan əvvəl, hələ 13 yaşında olarkən, Mamuka Bakıda olub və qədim şəhərə vurulub.

Bu gün Mamuka Tsetsxladze nəinki öz vətənində, eləcə də bütün dünyada məşhurdur. Onun əsərləri ən tanınmış muzeylərin kolleksiyalarında saxlanılır, sərgiləri isə dəfələrlə Almanya, Macarıstan, Fransa, İtaliya və digər ölkələrdə keçirilib. Ən sevimli “Şəhərlər” silsiləsinə 50 kətan əsər daxildir. Sənətkarın əsərləri sanki müasirlikdən öz geniş ekspressiv stili ilə zamanın sakit keçmişinə bir pəncərə açır.

Qeyri-adi rəng kontrastları, sürətli rəngkarlıq yaxmalarının növbələşməsi Mamuka Tsetsxladzenin urbanistik mənzərələrinə “dərhallıq” hissi gətirir, sanki, bu anı, səmanın, binaların, fabriklərin kiçik keçid məqamlarını canlandırmağa tələsən rəssamın real mövcudluğudur.

Belə təəssürat yaranır ki, elə bil rəssam Tbilisi Rəssamlıq Akademiyasını bitirdikdən sonra əlində boyalar və etüdnik ilə zaman maşınına atılır. Gözlənilməz kompozisiya rakurslu və kolorit baxımdan emosional, təravətli əsərlər xüsusi ilhamla doludur.

Mamuka Tsetsxladzenin mənzərələrinin özünəməxsus üslubu seyrçiləri dərin düşüncələrə sövq edir. Bu düşüncələr seyrçini maneəsiz addımlayaraq bədii reallıqla dolu sehrli aləmə aparır.

Altmışıncı illərin mənzərələrinin qəhrəmanları olan Tbilisi, Moskva, Bakı, Paris, Səmərqənd və digər coğrafi nöqtələr bəzən qeyri-adi, gözlənilməz bədii təqdimatda çıxış edir.

Saytda Axtarış

Son xəbərlər