Dalga Televiziyasi Mədəniyyət
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün123
DünənDünən635
Bu həftəBu həftə2919
Bu ayBu ay23071
Bu günə qədərBu günə qədər2779013

Bizi Paylaşın

Video Xəbərlər

 

Təqvim


Mədəniyyət

Rusiya təmsilçisi Kiyevdə keçiriləcək “Eurovision-2017” müsabiqəsinə buraxılmaya bilər

Rusiyanı Kiyevdə keçiriləcək “Eurovision-2017”də təmsil edəcək Yuliya Samoylova Ukraynaya buraxılmaya bilər.

APA-nın məlumatına görə, bunu “Qovorit Moskva” radiostansiyasına müsahibəsində Ukrayna daxili işlər nazirinin müşaviri Anton Qeraşenko deyib.

O bildirib ki, əgər bu şəxs həqiqətən incəsənət adamıdırsa, o zaman Ukrayna Rusiya nümayəndəsinin Kiyevdəki çıxışından yalnız məmnun ola bilər: “Əgər Yuliya Samoylova Krımın ilhaqını və Ukraynaya qarşı təcavüzü ictimai şəkildə dəstəkləməyibsə, burada bir problem yoxdur. Lakin əgər o, siyasi bəyanatlar verəcəksə, onun Ukraynaya girişinə qadağa qoyula bilər”.

Xatırladaq ki, Y. Samoylova Kiyevdə keçiriləcək “Eurovision-2017” mahnı müsabiqəsində “Od yanır” mahnısı ilə çıxış edəcək.

Afinada Xocalı soyqırımı ilə bağlı anım konserti keçirilib

Yunanıstan paytaxtı Afina şəhərində “Lillian Voudouri” Böyük Musiqi Kitabxanasının “Megaron” konsert zalında Avropa Azərbaycan Cəmiyyətinin (TEAS) Strasburq ofisi və Azərbaycanın Yunanıstandakı səfirliyi tərəfindən “Xocalıya Ədalət!” beynəlxalq təbliğat kampaniyası çərçivəsində anım konserti təşkil edilib.

TEAS-dan APA-ya verilən məlumata görə, tədbirdə Xocalı qurbanlarının əziz xatirəsi bir dəqiqəlik sükutla yad edilib. 

Tədbir iştirakçıları qarşısında çıxış edən Azərbaycanın Yunanıstandakı fövqəladə və səlahiyyətli səfiri Rəhman Mustafayev Xocalı qətliamına hüquqi qiymətin verilməsi məsələsində həmrəylik nümayiş etdirilməsinin vacibliyindən danışıb: “Necə ola bilər ki, 1992-ci ilin fevral ayında Xocalıda törədilmiş qanlı hadisə kimi dəhşətli bir cinayət baş versin, lakin heç vaxt tanınmasın? Cavab sadədir, Ermənistan Azərbaycan xalqına qarşı XX əsr ərzində törətdiyi cinayətlərə görə heç vaxt məsuliyyət daşımayıb. Azərbaycan Xocalı faciəsi haqqında həqiqəti beynəlxalq ictimaiyyətə çatdırmaq, bütün dünyada hökumətlər və parlamentlərin bu soyqırıma siyasi-hüquqi qiymət vermələrinə nail olmağa çalışır. Biz bu cinayəti pisləmək və ona hüquqi qiymətin verilməsi məsələsində həmrəylik nümayiş etdirməliyik. Bu yalnız qətlə yetirilmiş və işgəncələrə məruz qalmış Azərbaycan vətəndaşlarının xatirəsi üçün deyil, həmçinin dünya xalqları üçün çox vacib məsələdir. Bu cür faciələrin təkrarlanmasına yol verilməməlidir. Fürsətdən istifadə edərək mən sizə və sizin vasitənizlə Yunanıstan Respublikasının vətəndaşları və parlament üzvlərini “Xocalıya ədalət!” beynəlxalq kampaniyasından kənarda qalmamağa və onu dəstəkləməyə çağırıram”.

Yüz əlli nəfərdən artıq siyasətçi, ictimai xadim, diplomat və mətbuat nümayəndələrindən ibarət auditoriya qarşısında çıxış edən Yunanıstan-Azərbaycan Gənclər Mərkəzinin prezidenti İoannis Papaqriqoriou və Avropa Azərbaycan Cəmiyyətinin Strasburq ofisinin rəhbəri Eliza Piter bildiriblər ki,  bu tədbir müharibənin dəhşətli nəticələrinin ola biləcəyini xatırlamağa yardım edir: “Bu, qisasa çağırış deyil, ədalətə çağırışdır. Anım konserti millətlər arasında sülhə həsr olunmuş qəsidədir. Bu konsert sülh və ədalət ruhundadır”.

Xocalı 613” simfonik poemasının müəllifi, fransız  bəstəkarı Pyer Tilloy isə yaratdığı əsərin yaranma tarixçəsindən bəhs edib: “Son 20 il ərzində Azərbaycana dəfələrlə səfərlər etmişəm. Belə olanda, təbii ki, çoxlu dostlar əldə edirsən. Dostluq yalnız dostunun sevincini deyil, kədərini də bölüşmək deməkdir. Buna görə də hiss etdim ki, Xocalı faciəsi haqqında yazmalıyam. “Xocalı 613” əsəri üzərində çalışanda, sanki bir quş olub 26 fevral 1992-ci ildə həmin faciəli gecədə Xocalı üzərində uçurdum və hər şeyi görürdüm və bunları musiqi vasitəsilə ifadə edirdim”.

Tədbir “Rhein-Quartett” kamera ansamblının qərb və azərbaycanlı bəstəkarlarının əsərlərini ifa etməklə davam edib. Birinci Dünya müharibəsinin qurbanı olmuş bəstəkar Enrike Qranadosun “Orientale” (ispan üslubunda kompozisiya), Əfrasiyab Bədəlbəylinin duyğusal “Azad Bir Quşdum”, Xəyyam Mirzəzadənin həzin “Bərzəni” adlı əsərləri çox ecazkar şəkildə ifa edilib.

Anım gecəsi məşhur fransız bəstəkarı Pyer Tilloyun həmin faciəli gecənin dəhşətlərindən xəbər verən “Xocalı 613” adlı simfonik poemanın ifası ilə yekunlaşıb. Əsərdə skripka, klarnet və simli alətlər kvartetinin əsgər yürüşü, fəryad, pulemyot atəşi və milli musiqinin elementlərindən geniş istifadə edilir.

“Aprel döyüşləri”nə aid rəsm İspaniyada 2-ci yeri tutdu - FOTO

İspaniyanın Madrid şəhərində 6-cı Beynəlxalq Yumor Müsabiqəsi başa çatıb. Müsabiqənin final mərhələsinə 77 əsər vəsiqə qazanıb. Həmyerlimiz, bir çox beynəlxalq müsabiqələrin qalibi və mükafatçısı, rəssam Soltan Soltanlı sözügedən yarışmada 2-ci yeri tutub.

Modern.az xəbər verir ki, münsiflərin qərarı ilə azərbaycanlı rəssam 400 avro ilə mükafatlandırılıb.

S.Soltanlının sözlərinə görə, o, müsabiqəyə 4 əsər göndərdiyi üçün dünənədək hansının yer qazandığını bilmirmiş. Nəhayət İspaniyadan rəssama xəbər gəlib. Soltan Soltanlıya məlum olub ki, onun 2016-ci ildəki “Aprel döyüşləri”nə həsr etdiyi rəsm əsəri beynəlxalq müsabiqədə ikinci yeri tutub.


“Yarışmada ötən ilin yayında işlədiyim “Kalva ətrafında döyüş” əsərim ikinci yerə layiq görülüb. Bu əsəri öncə yağlı boya ilə kətan üzərində yaratmışdım (60x90 sm). Sonradan əsərin qrafik variantını kağızda işlədim və fotosunu müsabiqəyə göndərdim. Sözügedən əsəri keçən ilin “Aprel döyüşləri”ndən sonra yaratmışam. Əsərdə səngəri ənənəvi biçimdə yox, hər əsgərin ayrıca qəbri kimi təsvir etmişəm. Yəni hər əsgər səngəri öz məzarı kimi qazaraq döyüşə atılıb, yağıya qarşı öz səngər-məzarından döyüşür”.

Bildirək ki, adıçəkilən müsabiqədə birinci yeri Monteneqrodan Darko Drkjevic, üçüncü yeri isə Taylanddan Tauan Çuntraskauvon qazanıblar.

Müsabiqənin final mərhələsinə adlayan 77 əsərdən ibarət sərgi yanvarın 17-dən fevralın 26-na kimi nümayiş etdiriləcək.

Heydər Əliyev Sarayında Gürcüstan sənətçilərinin konserti keçiriləcək

Yanvarın 27-də Heydər Əliyev Sarayında Gürcüstanın tanınmış rəqs kollektivləri və estrada müğənnilərinin iştirakı ilə konsert proqramı keçiriləcək.

Mədəniyyət və Turizm Nazirliyinin informasiya və ictimiyyətlə əlaqələr şöbəsindən APA-ya verilən məlumata görə, "Gürcüstanın sehrli ritmləri" adlı konsertdə Gürcüstanın tanınmış estrada müğənniləri Gia Nikoladze, Mariam Eliashvili, Aysel Məmmədova və beynəlxalq müsabiqələrin laureatları və qalibləri olan "Martve", "Samefo", "Didgori" mahnı və rəqs ansamblları iştirak edəcəklər.

Rəqs kollektivlərinin ifasında folklor (etnik) rəqslər və rəngarəng çıxışlar təqdim olunacaq.

Gürcü vokalçıların iştirakı ilə "Aida" operası təqdim olunacaq

Dekabrın 24-də Azərbaycan Dövlət Akademik Opera və Balet Teatrında dünya klassik opera sənətinin nümunələrindən biri - Cüzeppe Verdinin “Aida” operasının tamaşası keçiriləcək.

Teatrın mətbuat xidmətindən APA-ya verilən məlumata görə, tamaşada Aida partiyasını ilk dəfə teatrın aparıcı solisti, əməkdar artist Afaq Abbasova ifa edəcək. Amneris rolunda gənc solist Nina Makarova, Misir şahı partiyasında xalq artisti Əli Əsgərov, Ramfis partiyasında əməkdar artist Əkrəm Poladov, Kahin qadın rolunda əməkdar artist Gülnaz İsmayılova çıxış edəcəklər.

Tamaşada iştirak etmək üçün Gürcüstanın xalq artisti və Dövlət Mükafatı laureatı Teymuraz Ququşvili (Radames) və əməkdar artist Sulxan Qvelesiani (Amonasro) da dəvət olunublar.

Tamaşanın dirijoru xalq artisti Cavanşir Cəfərovdur. 

Gürcü vokalçıların iştirakı ilə "Aida" operası təqdim olunacaq

Dekabrın 24-də Azərbaycan Dövlət Akademik Opera və Balet Teatrında dünya klassik opera sənətinin nümunələrindən biri - Cüzeppe Verdinin "Aida" operasının tamaşası keçiriləcək.

Teatrın mətbuat xidmətindən APA-ya verilən məlumata görə, tamaşada Aida partiyasını ilk dəfə teatrın aparıcı solisti, əməkdar artist Afaq Abbasova ifa edəcək. Amneris rolunda gənc solist Nina Makarova, Misir şahı partiyasında xalq artisti Əli Əsgərov, Ramfis partiyasında əməkdar artist Əkrəm Poladov, Kahin qadın rolunda əməkdar artist Gülnaz İsmayılova çıxış edəcəklər.

Tamaşada iştirak etmək üçün Gürcüstanın xalq artisti və Dövlət Mükafatı laureatı Teymuraz Ququşvili (Radames) və əməkdar artist Sulxan Qvelesiani (Amonasro) da dəvət olunublar.

Tamaşanın dirijoru xalq artisti Cavanşir Cəfərovdur.

Əbülfəs Qarayev: "Gürcüstanla mədəniyyət və turizm sahəsində əməkdaşlıq çox vacibdir"

“Mədəniyyətin şaxələndirilməsi, turizmin inkişafı sahəsində görülən işlər, bu sahədə həyata keçirilən layihələrlə tanış olmaq, təcrübə mübadiləsi aparmaq bizim üçün çox vacibdir. Tbilisiyə səfərim çərçivəsində bu və digər məsələlər diqqət mərkəzində olacaq. Mədəniyyət və turizm sahəsində əməkdaşlıq hər iki ölkə üçün çox vacibdir".

“Report”un Gürcüstan bürosu xəbər verir ki, bu fikirləri jurnalistlərə açıqlamasında Azərbaycanın mədəniyyət və turizm naziri Əbülfəs Qarayev “Gürcüstan üçün yol xəritəsi: İnnovasiyalar və inkişaf üçün mədəniyyət və yaradıcılıq yolları” adlı beynəlxalq forumda iştirakı zamanı bildirib.

Nazir deyib ki, Azərbaycanın belə bir tədbirdə iştirakı çox vacibdir: "Biz bu tribunadan Azərbaycanın iqtisadi, mədəni inkişafı, turizm imkanları, eləcə də yaradıcı sənayenin inkişafı sahəsində gördüyümüz işlər barədə dünya ictimaiyyətinə geniş məlumat verdik”.

Onun sözlərinə görə, beynəlxalq forumda müzakirə olunan məsələlər inkişaf etməkdə olan bütün ölkələr üçün vacibdir: “Biz panel iclaslarda Azərbaycan turizminin mədəniyyətə və mədəniyyətin turizmə təsiri mövzusunda fikir mübadiləsi apardıq. Azərbaycanda son vaxtlar mədəniyyət, eləcə də turizm sahəsində Avropa İttifaqı ilə səmərəli əməkdaşlıq edilir. Biz sıra tvinninq layihələri reallaşdırmışıq. Bu işlər bu gün də davam edir. Biz Azərbaycanda gedən proseslər haqqında məlumatı çatdırdıq, bununla da ölkəmizin geniş imkanlara malik olduğunu qeyd etdik”.

Nazir Gürcüstana səfəri çərçivəsində Tbilisidə Nəriman Nərimanov muzeyinin bərpası istiqamətində görülən işlər, Heydər Əliyev adına Azərbaycan Dövlət Teatrının vəziyyəti ilə maraqlanacaq, M.F.Axundzadə adına Azərbaycan Mədəniyyət Muzeyində bəzi görüşlər keçirəcək.

Azərbaycanı “Evrovision-2017”də kim təmsil edəcək? – Qərar verildi

“Eurovision-2017” Mahnı Müsabiqəsi ilə bağlı Münsiflər Heyətinin iclası keçirilib. 

İTV-nin İctimayyətlə əlaqələr şöbəsindən AzNews.az-a verilən məlumata görə, dekabrın 5-də keçirilən iclasda Azərbaycanı müsabiqədə hansı müğənninin təmsil etməsi məsələsinə baxılıb və qərar qəbul edilib.

Münsiflər Heyəti bu missiyanın Diana Hacıyevaya həvalə edilməsi barədə qərar verib.

Müsabiqənin final mərhələsi Kiyevdə mayın 13-də, yarımfinallar isə mayın 9-da və 11-də keçiriləcək. 62-ci dəfə təşkil olunacaq müsabiqədə ümumilikdə 43 ölkə iştirak edəcək.

“Eurovision - 2016” müsabiqəsinin qalibi “1944” mahnısı ilə ukraynalı müğənni Camala olub.

Tiflisdə xalq yazıçısı Elçinin eyni adlı pyesi əsasında çəkilmiş “Qatil” filmi nümayiş olunacaq

alt

Dekabrın 4-də Tiflisdə keçirilən 17-ci Beynəlxalq Film Festivalı çərçivəsində xalq yazıçısı Elçinin eyni adlı pyesi əsasında çəkilmiş  “Qatil” filminin nümayişi olacaq.  APA-nın Gürcüstan bürosunun məlumatına görə, film Tiflisdəki Şota Rustaveli adına teatrda göstəriləcək. Qeyd edək ki, nümayiş olunacaq film Gürcüstan və Azərbaycan kinematoqrafçılarının birgə istehsal etdikləri filmdir. Filmdə əsas rollarda gürcü aktyorları çəkiliblər. Filmin rejissoru Finlandiyada yaşayan azərbaycanlı rejissor Kamran Şahmərdandır.

Məlumata görə, gürcü aktyorların oynadığı film gürcü dilinə tərcümə olunub. Film Gürcüstanla Azərbaycan arasında müştərək layihə olaraq Gürcüstanda çəkilib.

Filmin baxışına Gürcüstanın dövlət və hökumət nümayəndələri, Azərbaycanın Gürcüstandakı səfirliyi və bu ölkədə yaşayan azərbaycanlılar, həmçinin gürcü ictimaiyyət nümayəndələri, kino xadimləri, eyni zamanda jurnalistlər dəvət olunub. 

“Eurovision-2017” Moskvada keçirilə bilər

Beynəlxalq mahnı müsabiqəsinin təşkilat komitəsi Kiyevə əvəzləyici kimi Moskvanı görürlər.

AzNews.az Gazeta.ru-ya istinadən xəbər verir ki, müsabiqənin təşkilində Ukrayna tərəfinin geri qalması təşkilat komitəsinin yeni qərara gəlməsiylə nəticələnib. 

Almaniyanın Bild nəşri yazır ki, Ukrayna tərəfi ciddi maliyyə problemləri ilə üz-üzədi.

Bundan əvvəl Ukrayna ali radasının xarici işlər üzrə sədri Anna Qopko bildirib ki, real maliyyə problemləri nəticəsində müsabiqə başqa ölkədə keçirilə bilər,bu isə onlar üçün xoşagəlməz haldı. 

Vəli Məmmədovla bağlı XATİRƏLƏR

Mahir Qabiloğlu 

Vəli Məmmədov Yardımlıda doğulub. Mənim ana-babam, nənəm də ordandır. Çünki atam Qabil ordan evlənib. Sonra da məni ordan evləndirib.

Bacı-qardaşlarını, anasını çox görsəm də, Vəli müəllimlə cəmi iki dəfə rastlaşmışam. O da ki, 10 və 25 yaşımda. Amma atam onun haqqında çox danışırdı. Xətrini çox istəyirdi. Tərifləyirdi. Tərifi isə əsasən iki sözdən ibarət olurdu: “Təmiz adamdır”.

İLK TANIŞLIQ

1976-cı ildə atama, daha doğrusu Qabilin “Nəsimi” poemasına Azərbaycan SSR Dövlət Mükafatı verdilər. Təqdimat mərasimi Siyasi Maarif Evində təşkil olunmuşdu. Səhv etmirəmsə həmin binada indi Konstitutsiya Məhkəməsi yerləşir. Atamın göstərişiylə anam, mən 10 yaşlı Mahiri qəşəng geyindirdi, saçımı daradı. Və atam əlimdən tutaraq başladıq üzü Qoşa Qala qapısına, üzr istəyirəm, adını səhv dedim, İçərişəhərin Şamaxı darvazalarına tərəf addımlamağa. Demə təqdimat mərasimi bura yaxın binada olacaqmış.  Qapıya yaxınlaşdıq. İndiki dildə desək, Prezident oxranası qabağımızı kəsdi. Atama bir söz demədilər. Amma 10 yaşlı uşağın içəri keçməyəcəyini laureat Qabilin nəzərinə çatdırdılar. Atam başladı onlarla mübahisəyə:

–       Oğlum da mənimlə keçəcək!

–       Keçməyəcək, Qabil müəllim. Uşaqlara icazə yoxdur.– deyə mühafizəçilər mədəni surətdə cavab verirdilər.

–       Mən deyirəm ki, keçəcək! – atam səsini bir az da qaldırdı.

–       Qabil müəllim, icazə yoxdur.

–       Onda mən də qatılmıram tədbirə! – deyib üzünü çevirib getmək istəyirdi ki, səs-küyə gələn bir kişi atamı arxadan qucaqladı.

–       Qabil, hara gedirsən? Mükafatı mənə verəcəklər? – deyə gülə-gülə onu saxladı. Atam çevrildi. Hirsindən əlamət qalmadı. Qucaqlaşıb-öpüşdülər.

Hər ikisi əlimdən tutub içəri keçdik. Mən onda ağıllı, sakit uşaq idim. Özümü yaxşı aparırdım. Heç bir artıq sual vermirdim. İndiki kimi deyildim. Girdik zala. Oturduq. Hamı Heydər Əliyevin gəlməyini gözləyirdi. Məni qəribə-qəribə süzürdülər. Birdən atam:

–       Mahir, o kişini tanıdın?

–       Yox.

–       Vəlidir də... Vəli Məmmədov. Yardımlıdandır. Təmiz adamdır. Bax, bu binanın direktoru odur. Həm də Mərkəzi Komitədə zamzavotdel (Təbliğat-Təşviqat şöbəsinin müdir müavini) işləyir.

ƏLİ-VƏLİ

Bu əhvalatdan bir il keçmişdi. Yardımlıdaydıq. Şəhərə qayıtdıqdan sonra atam salfetkaya yazdığı bir şeiri kağıza köçürürdü. İkinci dəfə Vəli Məmmədovu onda tanıdım. Xüsusi izahla verilmiş şeirin adı “Əli-Vəli” idi.

Köhnə dostum Vəli Məmmədov Yardımlıdandır. Ata-baba evləri indi də oradadır. Vəli Qələbə bayramı günlərində şair Əli Tudəni o səfalı yerlərə qonaq aparmışdı. İş elə gətirmişdi ki, mən də orada olmuşdum. Lakin dostlarımın gəlişindən ancaq Bakıya qayıdan günü xəbər tutdum. Vəligilə gəldim ki, həm Əliylə, həm Vəliylə görüşüb yola çıxım. Məni çox mehribanlıqla qarşılayan Vəlinin bacı-qardaşları və anası Berta xala bildirdi ki, Vəli Əlini Bərcan kəndinə gəzməyə aparıb. Deyirlər oradan Savalan aydın görünür...

Mən elə oradaca xəlvət bir yerə çəkilib həmin şeiri yazdım və əl yazımı Vəligildə qoyub Lənkərana, oradan da Bakıya qayıtdım.

Bülbül qızılgülün qurbanı olar,
Bülbül cəh-cəh vurar bahar gələli.
Bu güllü-bülbüllü dumanlı dağlar
Deyir ki, xoş gəlib Əliylə Vəli. 

Yardımlı Vəlinin ana qucağı,
Əliyə “Xoş gəldin” deyir bu ana.
Saçları ağarmış Savalan dağı
– Vəli, qoyma! – deyir – Əli odlana.

Vəlisiz Yardımlı lap bihudədir,
Ağıllı oğluyla ana fəxr edər.
Vəlinin qonağı Əli Tudədir
Yox, qonaq saymayır şairi ellər.

Əli də, Vəli də qoşa qanadım,
Vəli iradəmdir, Əli ilhamım.
Mənim bu dünyada şöhrətim, adım –
Əliyə, Vəliyə vahid inamım!

Gəldim görüşünə, olmadın evdə,
Boynuna qol saldım Berta xalanın.
Dedi: “Bərcandadır, Əliylə kefdə,
Qonağı Əlidir Vəli balamın”.

Qədəmi mübarək qərib şairin...
Yox, Vəli qoymaz ki, Əli kövrələ.
Sorağı Bərcandan gəlib şairin,

Gözlə, Savalandan gələcək hələ...

1977

“İNSAN DAY BU QƏDƏR DƏ TƏMİZ OLMAZ DA...”

Atamla anamın söhbətindən:

–       Ay Bəyim, Vəlinin qardaşını işdən çıxarıblar.

–       Vəli o boyda vəzifədə... Nə əcəb?

–       O boyda zamzavotdel...heç zəng edib deməyib də ki, işiniz olmasın onunla. İnsan day bu qədər də təmiz olmaz da... Axı qardaşındır.

RAYKOM KATİBİ VƏ NEMƏT PƏNAHLI     

Vaxt keçdi, il dolandı. Ara qarışdı. Mitinqlər  qızışdı. İdarəetmə zəiflədi. Mərkəzi Komitə rəhbərliyinin yadına düşdü ki, bəs onun sıralarında Vəli Məmmədov kimi təmiz, ömründə rüşvət almayan, bacarıqlı kadrlar varmış. Ayağa qalxmış xalqla yalnız belələri dil tapa bilərlər. Vəli Məmmədovu Bakının mərkəzi rayonu sayılan – mitinqlərin vüsət aldığı Lenin meydanının qeyri rəsmi Azadlıq meydanının yerləşdiyi rayona – 26-lar rayonuna, indiki dildə desək, icra başçısı təyin edirlər.

İlk meydan hərəkatı yatırıldıqdan, Nemət başda olmaqla bir qrup adam həbs olunduqdan sonra yerlərdə yığıncaqlar keçirilir. Yazıçılar İttifaqı bu rayonun ərazisində olduğundan Qabil də dəvətlilər sırasındaymış. Vəli Məmmədov çıxışında Nemət Pənahovu “malçişka” adlandırır... Atam buna dözmür. Ayağa durub:

–       Ay Vəli, belə çıxır ki, neçə aylardır bu boyda xalqı meydanda “malçişka” idarə edirmiş? – deyib, zaldan çıxır.

İKİNCİ GÖRÜŞ VƏ SON

Həyat yoldaşımın əmisi oğlu Camal 30 yaşında rəhmətə getmişdi.  Qudasının qardaşı və dostu Höccət Əkbərova başsağlığı vermək üçün atamla rayona getdik. Elə təzəcə çatıb, əyləşmişdik ki,  qapı açıldı. Sadə geyimdə iki nəfər girdi içəri. Onlardan birini tanıdım. Vəli Məmmədov idi. Höccət kişini özünə yaxın dost bilirdi. Oğlunu itirmiş ata kövrəldi. Sanki onun gəlişini gözləyirdi bu ağır günündə...

Höccət Əkbərov kimdir? Yardımlının ziyalısıdır. 20 noyabr vertolyot qəzasında həlak olanlarla vida mərasiminin videogörüntülərini çox izləmisiniz. Vəli Məmmədovun tabutunun başında dayanan yaşlı kişi Höccət Əkbərovdur.

Bu mənim Vəli Məmmədovla ikinci və son görüşüm idi. 66 gündən sonra isə qəzada həlak oldu. Silahdaşlarıyla birlikdə.

Allah hamısına rəhmət eləsin!

Tiflisdə “15 İyul Milli İradənin Yüksəlişi” adlı foto sərgi açılıb

Bu gün Tiflisdəki “İst Point” ticarət mərkəzində Türkiyənin Gürcüstandakı səfirliyinin, Yunis Əmrə Mədəniyyət Mərkəzinin və Anadolu Agentliyinin (AA) təşəbbüsü və təşkilatçılığı ilə AA-nın fotoqraflarının Türkiyədə iyulun 15-də  hərbi çevriliş cəhdi  zamanı çəkdiyi şəkillərin sərgisi keçirilib. APA-nın Gürcüstan bürosunun məlumatına görə, “15 İyul Milli İradənin Yüksəlişi” adlı tədbirdə Türkiyənin Gürcüstandakı səfiri Zeki Levend Gümrükçü, AA-nın Asiya Qafqaz Bölgesi üzre temsilçisi Tolga Özgenç, Yunis Əmrə İnstitutunun rəhbərliyi və əməkdaşları, iş adamları iştirak edib. Sərgidə AA-nın fotoqraflarının 57 əsəri sərgilənib. Tədbirdə Türkiyə səfiri Zeki Ləvənd Gümrükçü foto-şəkillərə baxış keçirib. Sərgiyə baxışda Türkiyə rəsmiləri, iş adamları, gürcü və azərbaycanlı jurnalistlər də iştirak edib.

Türkiyənin Gürcüstandakı səfiri Zeki Levend Gümrükçü jurnalistlərə açıqlamasında Tiflisdə AA-nın sərgisinin Gürcüstan paytaxtında açılmasını yüksək qiymətləndirib və bu sərgiyə Türkiyə Cümhuriyyətinin 28 oktyabrda təşkil olunan milli bayramında Gürcüstanın baş naziri Giorgi Kvirikaşvilinin və digər rəsmilərin də baxdığını bildirib.

Səfir 15 iyul çevriliş cəhdi günü baş verən mücadilənin qürurunu yaşadıqlarını bildirib: “Biz  çevriliş cəhdini yaşadıq və o gün apardığımız mücadilənin qürurunu yaşayırıq. Bu gün fotoqraflarımızın sərgisində Türkiyə vətəndaşlarımızın da bizi yalnız buraxmamasını yüksək qiymətləndiririk. O gecə xalqımız qəhrəmanlıq göstərdi. Bu gün bizim çevriliş yürüşünə dəstək verənlərlə mücadiləmiz davam edir. Çünki Türkiyə demokratiyasının sağlam bir şəkildə davam etməsi bütün bölgə və dünya üçün böyük bir önəm daşıyır”, - deyə  Türkiyə səfiri bildirib.

Səfir Türkiyədə baş verən hadisələrdə Azərbaycan xalqının və dövlətinin Türkiyə ilə bir olduqlarını və dəstəklədiklərini bildirib: “Azərbaycan bu hadisələrdə bizə ən birinci dəstək olan ölkələrin başında durur. Bu çərçivədə Azərbaycan dövlətinə və onun başında duran Azərbaycan prezidenti İlham Əliyevə, Azərbaycan xalqına təşəkkürümü bildirirəm. Biz həqiqətən iki dövlət bir millətik və bu hadisələri də birgə yaşamışıq. Mən Bakıda açılan sərgidəki fotolarda türk fotoqraflarının yanında çevriliş cəhdini çəkən Azərbaycan fotoqraflarını da gördüm. Türkiyə və Azərbaycan bayraqları bərabər dalğalandı. Bu da bizim nə qədər bütün olduğumuzu açıq şəkildə göstərdi. Mən bu sözləri Gürcüstan barədə də bildirdim. Bizdə belə bir söz var: “Gerçək dost zor gündə bəlli olur”, - deyə səfir vurğulayıb.

Saytda Axtarış

Son xəbərlər