Dalga Televiziyasi Mədəniyyət
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün123
DünənDünən635
Bu həftəBu həftə2919
Bu ayBu ay23071
Bu günə qədərBu günə qədər2779013

Bizi Paylaşın

Video Xəbərlər

 

Təqvim


Mədəniyyət

Gürcüstanda Xalq Şairi Zəlimxan Yaqubun xatirəsi anılıb

Azərbaycanın Xalq Şairi, “Şöhrət” ordenli Zəlimxan Yaqubun xatirəsi doğulduğu Gürcüstanın Bolnisi rayonunun Kəpənəkçi kəndində anılıb.

Tədbirdə Azərbaycanın Gürcüstandakı səfiri Dursun Həsənov, Azərbaycan Birliyinin katibi, Əməkdar Mədəniyyət İşçisi Musa Nəbioğlu, Gürcüstan parlamentinin deputatı Mahir Dərziyev, tanınmış həkim, professor Fərman Ceyranlı və başqaları çıxış edərək Zəlimxan Yaqubun həyat və fəaliyyətindən, Azərbaycan ədəbiyyatının zənginləşməsindəki xidmətlərindən danışıblar. Bildirilib ki, Z.Yaqub təkcə Azərbaycanda və Gürcüstanda deyil, bütün Türk dünyasında sevilən böyük şair idi. Çıxışlarda Z.Yaqubun Azərbaycan-Gürcüstan dostluq əlaqələrinin inkişafındakı xidmətləri xüsusi vurğulanıb. Ölməz şairin xatirəsinin qəlblərdə, ürəklərdə daim yaşayacağı qeyd olunub. Bildirilib ki, Zəlimxan Yaqubun yaratdığı əsərlər dövlət tərəfindən də daim yüksək qiymətləndirilib.

Mədəniyyət və incəsənət ustaları Zəlimxan Yaqubun şeirlərinə bəstələnmiş mahnıları ifa ediblər. Məktəblilər böyük ustadın şeirlərini söyləyiblər.

Xalq şairinin qardaşı Çingizxan Yaqubov tədbirin təşkilatçılarına, Zəlimxan Yaqub yaradıcılığına diqqət və qayğıya görə minnətdarlıq edib

 

“Eurovision” təmsilçimiz Amsterdamda çıxış edəcək

Aprelin 8-də Azerbaycanın builki “Eurovision” təmsilçisi DiHaj (Diana Hacıyeva) müsabiqədə ifa edəcəyi “Skeletons” mahnısı ilə Amsterdamda çıxış edəcək.

 Dalga tv Oxu.Az -a istinadən xəbər verir ki, təmsilçimiz Melkveqdə promo-tur çərçivəsində keçiriləcək ilin ən böyük “Eurovision” tədbirində Avropanın müxtəlif ölkələrindən olan 33 iştirakçı ilə birgə çıxış edəcək.

D.Hacıyeva həmçinin Avropanın kütləvi informasiya vasitələrinə və tanınmış bloggerlərinə müsahibədə də verəcək.  

“Eurovision - 2017” təmsilçimiz Rusiyadakı mərasimə qatılmayacaq

Bu il Azərbaycanı “Eurovision - 2017” mahnı müsabiqəsində təmsil edəcək Diana Hacıyeva Rusiya tərəfindən təşkil olunan “pre-party”yə qatılmayacaq.

Dalga tv-nin Axşam.az-a istinadən məlumatına görə, bu barədə müğənninin meneceri Tural Qənbərov bildirib.

Menecerin sözlərinə əsasən, Diananın başı müsabiqəyə ciddi qatışdığından onun mərasimdə iştirakı mümkün olmayacaq.

Xatırladaq ki, bir müddət öncə Rusiya mətbuatı müsabiqə öncəsi ölkə tərəfinin təşkil etdiyi qonaqlıqda 9 ölkənin nümayəndəsinin, eləcə də Azərbaycan təmsilçisinin iştirak edəcəyini qeyd edib. Həmin qonaqlıqda Rusiya təmsilçisi Yuliya Samoylova müsabiqədə ifa edəcəyi “Flame is Burning” mahnısını təqdim etməliydi.

Gecənin təşkilatçılarının hazırladığı press-relizdə isə bildirilir ki, əvvəlcədən “Eurovision”ın 10 iştirakçısı mərasimə qatılacağını bildirmişdi. Lakin yaranmış siyasi vəziyyətdən sonra qonaqlar pauza götürüblər. 

İndi isə məlum olub ki, təşkilatçılar bilet satışını belə dayandırıblar.

Qeyd edək ki, bu il “Eurovision - 2017” Ukraynanın paytaxtı Kiyevdə keçiriləcək. Mahnı müsabiqəsinin yarımfinalı mayın 9-u və 11-də, finalı isə 13-də baş tutacaq.

Tiflisdə Azərbaycan teatrının yeni binası üçün torpaq sahəsi ayrılıb

Gürcüstan paytaxtında Heydər Əliyev adına Tiflis Azərbaycan Dövlət Dram Teatrının yeni binasının tikintisi üçün torpaq sahəsi ayrılıb.

APA-nın Gürcüstan bürosunun verdiyi məlumata görə, Gürcüstanın mədəniyyət və abidələrin mühafizəsi naziri Mixail Qiorqadze bildirib ki, torpaq sahəsi Azərbaycanın Gürcüstandakı səfirliyinin yanında yerləşir.

“Düşünürəm ki, sənədlərin hazırlanması çox vaxt aparmaz. Teatrın yeni binasının tikintisi ilə SOCAR məşğul olacaq”, - deyə o bildirib.
 

M. Giorqadze Gürcüstan hökuməti teatrın yeni binasının inşası ilə bağlı SOCAR-la danışıqlar aparır. 

Giorqadze: “Gürcüstan-Azərbaycan mədəni əlaqələri getdikcə inkişaf edir”

"Azərbaycanla mədəni əlaqələrimiz, əməkdaşlığımız getdikcə inkişaf edir. Buna nümunə olaraq son illər musiqi kollektivlərimizin hər iki ölkəyə qarşılıqlı səfərlərini göstərmək olar”.

APA-nın Gürcüstan bürosunun məlumatına görə, bunu Gürcüstanın mədəniyyət və abidələrin mühafizəsi naziri Mixail Giorqadze bildirib.

“Hazırda Tiflis Konservatoriyasının tələbələri Bakıda səfərdədir. Onlar Azərbaycan paytaxtında azərbaycanlı tələbələrlə birgə maraqlı proqramlarla çıxış edəcəklər. Azərbaycan Milli Konservatoriyasının rəhbərliyinə tələbələrimizi yaxşı qarşıladıqları üçün minnətdarlığımı bildirirəm”, - deyə o vurğulayıb.

M. Giorqadze Azərbaycan Milli Konservatoriyasının tələbələrinin yaxın vaxtlarda Gürcüstana səfər edəcəyini bildirib: “Düşünürəm ki, azərbaycanlı tələbələrin Tiflisdə təqdim edəcəyi musiqi nömrələri gürcü ictimaiyyətinin xoşuna gələcək. Biz də çalışacağıq ki, onları lazımi qədər dəstəkləyək və konsert vermələri üçün şərait yaradaq”.  

“Eurovision” təmsilçimiz rerkorda imza atıb

alt

Azərbaycanı “Eurovision” mahnı müsabiqəsində təmsil edəcək Diana Hacıyevanın ifa etdiyi “Skeletons” mahnısının klipi 1 milyondan çox izlənilib.

Dalga tv xəbər verir ki, Diananın mahnısı “YouTube”da 16 min nəfər tərəfindən bəyənilib.

Məlumat üçün qeyd edək ki, Diana mayın 9-da Kiyevdə təşkil olunacaq mahnı müsabiqəsində səhnəyə 8-ci çıxacaq.

Azərbaycan Tiflisdə keçirilən IV Beynəlxalq Rəqs Festivalına qatılıb

Azərbaycan Tiflisdə keçirilən IV Beynəlxalq Rəqs Festivalına  qatılıb

Aprelin 2-də Tiflisdə  Gürcüstan Mədəniyyət və Abidələrin Mühafizəsi nazirliyinin dəstəyi ilə keçirilən IV Beynəlxalq Rəqs Festivalında Azərbaycanı Uşaq Yaradıcılıq Mərkəzinin müdiri Əminə Musayevanın rəhbərliyi ilə “Təbəssüm” uşaq rəqs qrupu təmsil edir. APA-nın Gürcüstan bürosunun məlumatına görə, beynəlxalq rəqs festivalında  çıxış edən “Təbəssüm” uşaq rəqs qrupunun üzvləri  nümayiş etdirdikləri “Basqalı” və “Bayram” adlı rəqslərlə tədbirdə uğur əldə ediblər.

Uşaq Yaradıcılıq Mərkəzinin müdiri Əminə Musayeva APA-ya açıqlamasında artıq 4-cü dəfədir ki, hər il keçirilən ənənəvi Vaxtanq Çabukiani adına Beynəlxalq Xoreoqrafiya Festivalına qatıldıqlarını bildirib. O,  Türkiyədə keçirilən “TRT 23 aprel uşaq bayramına dəvət aldıqlarını da bildirib.   

Festival çərçivəsində “Təbəssüm” uşaq rəqs qrupu Tiflisdə azərbaycanlı şagirdlərin təhsil aldığı 64 nömrəli orta məktəbdə “Ceyran” folklor rəqs ansamblının qonağı olublar. Rəqs qrupları arasında gələcəkdə əməkdaşlığa dair razılıq əldə olunub.  “Ceyran” folklor rəqs ansamblını oktyabr ayında Bakıda keçiriləcək uşaq festivalına dəvət edilib.

Görüşün sonunda “Təbəssüm” uşaq rəqs qrupu “Tərəkəmə”, ”Basqalı” və digər Azərbaycan rəqslərini ifa ediblər.

Qeyd edək ki, V. Çikovani adına IV Beynəlxalq Rəqs Festivalı sabah davam edəcək. Tədbirə Azərbaycan, Türkiyə, Ermənistan, Rusiya və Gürcüstanın peşəkar rəqqasları qatılıb.

Nurlan İsmayılov “Qolos. Deti” şousunu tərk etdi

Naberejnı Çelnıda yaşayan əslən Azərbaycandan olan 10 yaşlı Nurlan İsmayılov Rusiyanın birinci kanalında yayımlanan “Qolos. Deti” şousunun növbəti mərhələsinə qatılıb.

Dalga tv xəbər verir ki, Nurlan İsmayılov “döyüş” mərhələsində Stasya Fedorova və Alina Sansızbay ilə duet oxuyub. Nyuşanın komandasında yer alan gənc ifaçılar “Rockabye” mahnısını səsləndiriblər.

Sonda Nyuşa öz komandasında Alina Sansızbayı saxlayıb, Nurlan və Stasya isə layihəni tərk ediblər.

Avropa Yayım İttifaqı Rusiyanın “Eurovision” təmsilçisi ilə bağlı Ukraynaya etiraz məktubu göndərib

Avropa Yayım İttifaqı Ukrayna baş naziri Vladimir Qroysmana məktub ünvanlayıb.

Daga tv-nin APA-ya istinadla xəbərinə görə, bu barədə “Deutsche Welle”nin Ukrayna bürosu məlumat yayıb.

Məktubda Rusiyanın “Eurovision” təmsilçisi Yuliya Samoylovanın Kiyevə buraxılmayacağı ilə bağlı qərara narazılıq ifadə olunub. Qeyd olunur ki, ittifaq üzvləri qərarı mənfi qiymətləndirir və bəzi Avropa yayım şirkətləri “Eurovision”un yayımlamaqdan imtina edir.

Xatırladaq ki, Ukrayna Təhlükəsizlik Xidməti rusiyalı təmsilçinin 2015-ci ildə Krıma səfər etməsi ilə əlaqədar Ukraynaya girişinə qadağa qoyub.

Türkiyənin məşhur aktyoru vəfat edib

Türkiyənin məşhur aktyoru Halit Akçatepe vəfat edib.

Dalga tv Report-a istinadən xəbər verir ki, aktyor 79 yaşında dünyasını dəyişib. 

H.Akçatepenin ölümünə səbəb damar tıxanması olub.

Qeyd edək ki, H.Akçatepe 1938 -ci il yanvarın 1-də Ünyedə dünyaya gəlib. Aktyor “Tatlı dilim” filmi ilə tanınıb. Ona şöhrət gətirən isə rol aldığı “Hababam Sınıfı” filmi olub. H.Akçatepe ekran əsərində Güdük Nəcmi obrazını canlandırıb. O, daha çox Kemal Sunal ilə birılikdə rol aldığı filmləri ilə yaddaşlarda qalıb.

“Eurovision - 2017” müsabiqəsində ölkələrin çıxışetmə ardıcıllığı müəyyənləşib

Bu ilin may ayında Ukraynanın paytaxtı Kiyevdə keçiriləcək “Eurovision - 2017” mahnı müsabiqəsinin yarımfinalı ilə bağlı püşkatma keçirilib.

Dalga tv Report-a istinadla xəbər verir ki, yarışda Azərbaycanı “Skeletons” (“Skeletlər”) mahnısı ilə təmsil edəcək Diana Hacıyeva (DiHaj) ilk yarımfinalda 8-ci çıxış edəcək.

Ümumiyyətlə, mayın 9-da keçiriləcək ilk yarımfinalda bu ölkələrin nümayəndələri mahnılarını təqdim edəcəklər:

1. İsveç, 2. Gürcüstan, 3. Avstraliya, 4. Albaniya, 5. Belçika, 6. Monteneqro, 7. Finlandiya, 8. AZƏRBAYCAN, 9. Portuqaliya, 10. Yunanıstan, 11. Polşa, 12. Moldova, 13. İslandiya, 14. Çexiya, 15. Kipr, 16. Ermənistan, 17. Sloveniya, 18. Latviya.

Mayın 11-də baş tutacaq ikinci yarımfinalda isə iştirakçı ölkələr bu qaydada səhnəyə çıxacaq:

1. Serbiya, 2. Avstriya, 3. Rusiya, 4. Makedoniya, 5. Malta, 6. Rumıniya, 7. Hollandiya, 8. Macarıstan, 9. Danimarka, 10. İrlandiya, 11. San-Marino, 12. Xorvatiya, 13. Norveç, 14. İsveçrə, 15. Belarus, 16. Bolqarıstan, 17. Litva, 18. Estoniya, 19. İsrail.

Müsabiqənin qaydalarına görə, qalib ölkə, eləcə də müsabiqənin yaradıcı üzvləri birbaşa finala vəsiqə qazanır.

Qafqaz Tarixi Mərkəzinin tədqiqatları əsasında hazırlanmış nadir tarixi kitab çapdan çıxıb

“AZER-GLOBE” İnstitutu yanında Qafqaz Tarixi Mərkəzi Gürcüstanda rus məxfi agenti və nümayəndəsi, polkovnik Stepan Daniloviç Burnaşevin (1743-1824) XVIII əsrə aid nadir əsərini tədqiq edib və çapa hazırlayıb. S.Burnaşevin üç əsərinin reprint nəşrini “XVIII əsr Qafqazı rus məxfi agentinin gözü ilə” adı altında “Teas Press” nəşriyyat evi hazırlayıb. Kitab Türkiyədə nəşr edilib və artıq Azərbaycanda satışa çıxarılıb.

“AZER-GLOBE” İnstitutu yanında Qafqaz Tarixi Mərkəzindən Dalga tv -yə bildirilib ki, nəşrə giriş sözünü Azərbaycan Prezidenti Administrasiyasının sektor müdiri, politoloq Fuad Axundov və Qafqaz Tarixi Mərkəzinin direktoru, tarixçi Rizvan Hüseynov yazıblar.

Qafqaz Tarixi Mərkəzi S.Burnaşevin Azərbaycana həsr edilən və itmiş hesab olunan nadir əsərini aşkar edə bilib. Avrasiya xəritəsində mühüm strateji və geosiyasi rol oynayan Qafqaz bütün tarixi dövrlərdə müxtəlif imperiya və dövlətləri özünə cəlb edib. XVIII əsrdə Rusiya imperiyasının Qafqazda fəallaşması ilə əlaqədar olaraq bu regionu təsvir edən bir sıra əsərlər yaranıb. Bu baxımdan gürcü çarı II İraklinin sarayında Rusiyanın nümayəndəsi, habelə məxfi agenti S.Burnaşevin əsərləri maraqlıdır. Onun vəzifələrinə Gürcüstan və Azərbaycan, onların siyasi əhəmiyyəti, hökmdarları və onların nüfuzları haqqında raportlar yazmaq daxil idi. Polkovnik S.Burnaşev geniş agentura şəbəkəsi qurub və nəticədə Qafqaz haqqında mühüm materiallar toplayıb.

Qeyd edək ki, S.Burnaşevin əsərləri və raportlarından aydın olur ki, o zaman Qafqazda heç bir Ermənistan yox idi, azsaylı və seyrək yaşayan erməni əhalisi ala-bəzək etnik palitraya malik idi. Rus məxfi agenti Azərbaycanın bəzi xanlıqlarının nüfuzunu və onların müstəqilliyini xüsusi vurğulamaqla Azərbaycan və Gürcüstanı təsvir edir.

Bu reprint nəşrə S.Burnaşevin Qafqaza aid üç əsəri daxil edilib: “İranda Azərbaycan əyalətlərinin və onların siyasi vəziyyətinin təsviri” (“Opisaniye oblastey Aderbijanskiz v Persii i ix politiçeskoqo sostoyaniya”, 1793), “Gürcüstanın mənzərəsi və ya Kartalin və Kaxetiya çarlıqlarının siyasi vəziyyətinin təsviri” (“Kartina Qruzii ili opisaniye politiçeskoqo sostoyaniya tsarstv Kartalinskoqo i Kaxetinskoqo”, 1793) və “Dağ xalqlarının təsviri” (“Opisaniye qorskix narodov”, 1794).

Qafqaz Tarixi Mərkəzi bir neçə ildir ki, Azərbaycan tarixi üzrə mənbə və arxiv materialların tədqiq edir. Bu müddətdə Azərbaycanın tarixi torpaqlarında, eləcə də Cənubi Qafqazda dövlətçilik tarixi haqqında daha aydın və həcmli təsəvvür yaratmağa imkan verən, indiyədək az məlum olan və hətta geniş ictimaiyyətə, ümumiyyətlə, məlum olmayan xeyli sayda arxiv materialları tapılıb. Azərbaycanın tarixi torpaqları haqqında Qafqaz Tarixi Mərkəzi tərəfindən 300 vahiddən çox müxtəlif arxiv materialı və mənbə toplanıb. Bu, antik dövrdən XIX əsrədək qədim Suriya, İran, gürcü, erməni, ərəb-müsəlman, Osmanlı, rus, Avropa, Amerika mənbələri, arxiv materialları və xəritələrdir.

Bu materiallar əsasında Cənubi Qafqazda guya Azərbaycan ərazilərinin olmamasına və Azərbaycan anlayışının burada yalnız 1918-ci ildə Azərbaycan Xalq Cümhuriyyəti yaranandan sonra meydana gəlməsinə dair erməni təbliğatının və bəzi xarici dairələrin uydurmalarına tutarlı cavab vermək olar. Bu yolla bəzi xarici dairələr Azərbaycan xalqını Cənubi Qafqazda öz tarixi torpağına mədəni, mənəvi və memarlıq irsinə olan hüquqlarından “məhrum” etmək istəyir. Şübhəsiz, saxtalaşdırmağa və yalana ən yaxşı cavab orta əsrlər mənbələri, arxiv sənədləri və müxtəlif dövlətlərin yazışmalarıdır. Əsərdə bu tarixi mənbələr əsasında əsrlər boyu hansı ərazilərin Azərbaycan adlandırılmasına dair məlumat verilib.

Rusiya mənbələrində çar Rusiyasının Qafqaza gəlişi dövrünə xüsusi diqqət ayrılıb. Rusiya arxivlərinin çoxsaylı materiallarına əsasən demək olar ki, imperiya Qafqazda Azərbaycanın geniş ərazilərini dəqiq göstərib. İmperatorlar I Pyotr, II Pyotr və I Pavelin fərmanlarında, Osmanlı, İran və Rusiya dövlətləri arasında imzalanmış müqavilələrdə Azərbaycan torpaqlarının, o cümlədən İrəvan, Qarabağ və başqalarının adları çəkilir. Həmin müqavilələrdə Qarabağ, Şirvan, Gəncə, İrəvan, Naxçıvan “Azərbaycan əyalətləri” sırasında göstərilir. Bu o deməkdir ki, Rusiya imperatorlarının, Osmanlı sultanlarının və İran şahlarının imzaladıqları beynəlxalq hüquqi sənədlər Azərbaycanı öz əraziləri ilə Qafqazda, Ön və Kiçik Asiyada siyasi-inzibati subyekt kimi tanıyıb və göstərib. Qafqazda Azərbaycan torpaqlarını Rusiya imperatorlarından başqa yüksək vəzifəli rus məmurları, hərbçilər, məxfi agentlər və alimlər də təsvir ediblər. Bu mənbələrə görə, 1813-cü ildə Gülüstan müqaviləsi və 1828-ci ildə Türkmənçay müqaviləsi əsasında Rusiyaya birləşdirilmiş torpaqlar Azərbaycan əraziləridir. Habelə əgər Rusiya imperiyası XIX əsrin əvvəlinədək - birləşməyə qədər bu torpaqları Azərbaycan adlandırırdısa, yuxarıda qeyd olunan müqavilələrdən sonra zəbt edilmiş Cənubi Qafqaz torpaqları barədə danışanda “Azərbaycan” sözünü işlətməyi birmənalı olaraq yığışdırıb.

Saytda Axtarış

Son xəbərlər