Rusiyanın paytaxtı Moskvadakı Qızıl Meydanda Böyük Vətən Müharibəsinin 71-ci ildönümü şərəfinə parad başlayıb.

"Dalğa TV" xəbər verir ki, hərbi parada 10 mindən çox hərbi qulluqçu, 135 hərbi maşın və Qələbədən ötən 71 illə əlaqədar 71 təyyarə və vertolyot iştirak edir.

İlk dəfə hərbi paradda Müdafiə Nazirliyinin Hərbi Universiteti və digər ali hərbi məktəblərin məzunları olan qadın hərbi qulluqçular da iştirak edirlər. Hərbi paradda yeni texnika və silah növləri nümayiş etdirilir.

Hərbi paradı Rusiyanın müdafiə naziri Sergey Şoyqu Quru Qoşunlar komandanı Oleq Salyukovdan qəbul edib.

"Ermənistan Qarabağı tanıyıb?"

Rusiya Qarabağa silah sata bilməz.

"Dalğa TV" Lragir.am-a istinadən xəbər verir ki, bunu Rusiyanın Yerevandakı səfiri İvan Volınkin Qələbə parkında jurnalistlərin suallarını cavablandırarkən deyib.

Erməni jurnalistlər səfirə xatırladıblar ki, Qarabağda müharibə getməsinə baxmayaraq Rusiya Azərbaycana silah satır.

Səfir suala cavab olaraq, deyib ki, ölkəsi Ermənistana da silah satır.

Səfiri müşayiət edən ikinci katib media nümayəndələrinə "mikrofonları söndürün" söylədikdən sonra bildirib:

"Ermənistan Qarabağı tanıyıb? Ermənistan tanımayanadək, Rusiya Qarabağa silah sata bilməz".

"Amerika hərbi təyyarələri də təlimlərə cəlb ediləcək".

Amerikanın "M1A2 Abrams" tankları və "Bredli" piyada hərbi maşınları "Layiqli tərəfdaş-2016" (Nobel Partner — 2016) gürcü-amerika təlimlərində iştirak etmək üçün Gürcüstanın liman şəhəri Potiyə gətirilib.

"Dalğa TV" xəbər verir ki, bu barədə Gürcüstanın Müdafiə Nazirliyinin mətbuat xidməti məlumat yayıb və limandan olan fotoları öz Facebook səhifəsində yerləşdirib.

ABŞ Milli Qvardiyasının tankları və hərbi maşınları Qara dəniz ilə Bolqaristanın Varna limanından gəlib. Hərbi texnika mayın 2-də bərəyə yüklənib. Potidən hərbi texnika Vazianidəki (Tbilisi yaxınlığında) hərbi bazaya istiqmətləndirilib.

"İlk dəfə Gürcüstan silahlı qüvvələrinin tarixində təlimlərdə Amerikanın "Abrams" tankları istifadə ediləcək. Təlimlərə, həmçinin Amerika C-120 hərbi təyyarələri və digər silahlar da cəlb ediləcək", - Müdafiə Nazirliyinin məlumatında deyilir.

"Qerkules" Amerika hərbi təyyarələri Gürcüstanda keçən ildə təlimlərdə iştirak edib.

Sayca ikinci olan "Layiqli tərəfdaş-2106" (Nobel Partner - 2016) gürcü-amerika təlimləri mayın 11-dən 26-na qədər Vazianidə hərbi bazada keçiriləcək.

Təlimlərin məqsədi – NATO (NRF) qüvvələrinin tərkibində olan gürcü bölüyünün hərbi hazırlığının artırılmasıdır. Təlimlərin ssenarisi sabitlik, hücum və müdafiənin qurulması əməliyyatlarına əsaslanır.

Təlimlərdə 500 gürcü hərbçisi, ABŞ-ın Avropa komandanlığının 650 hərbçisi və Böyük Britaniyadan 150 hərbçi iştirak edəcək.

"Türkiyə dövləti və millətimiz hər zaman var olacaq"

Bu sözləri 4 may günü partiya sədrliyindən və baş nazirlik postundan istefa verdiyini açıqlayan Əhməd Davudoğlu Bosniya və Herseqovina səfəri öncəsi dilə gətirib.

Ölkə.Az xəbər verir ki, Türkiyə müxalifəti tərəfindən "4 May Saray Çevrilişi" olaraq adlandıran məlum istefadan sonra Əhməd Davudoğlu ilk dəfə mətbuat konfransı keçirib. Bosniya və Herseqovina səfəri öncəsi Ankaraya Hava Limanında danışan Davudoğlu səfərini simvolik, lakin əhəmiyyəti çox yüksək olan bir ziyarət adlandırıb: "Artıq 90-cı illərin əksinə, indi Bosniya Və Herseqovinanın arxasında dağ kimi dayanacaq olan Türkiyə Dövləti və millətimiz var", - deyə Davudoğlu qeyd edib.

Davudoğlu partiya daxili mübahisələrə aid isə sualları cavabsız qoyub.

Hələlik baş nazirlik vəzifəsini icra edən Davudoğlu dost və qardaş ölkə adlandırdığı Bosniya və Herseqovinada Ferhadiye Məscidin açılışında iştirak edəcəyini qeyd edərək əlavə edib: "Bu gün simvolik görünsə də bizim üçün dəyəri çox yüksək olan səfərə, Bosniya və Herseqovinaya gedirik. Bosniya və Herseqovina dost və qardaş ölkədir. Qardaş-bacılarımızın olduğu, böyük acılar yaşamış bir ölkədən bəhs edirəm. O müharibə, soyqırım, hüzn illərində təkcə boşnak qardaşlarımız qətlə yetirilmədi. Bizim imzamız olan oradakı tarixi əsərlər də bir-bir söküldü, tarix yerlə yeksan edilməyə çalışıldı. Dəstəyimizlə Mostar körpüsü yenidən bərpa edilərək istismara verilib. Bu gün isə 23 il sonra təkrar azan səsi ilə qovuşacaq Banja Lukadakı Ferhadiye və Alaca Məscidləri bizim təşəbbüslərimizlə, Türkiyənin göstərdiyi köməkliklə yenidən istifadəyə verilir".

Xəzərdə Rusiya bayrağı altında üzən tankerdə baş vermiş yanğın tam söndürülüb.

ANS PRESS-in məlumatına görə, bu barədə Fövqəladə Hallar Nazirliyi (FHN), Dövlət Dəniz Administrasiyası və “Azərbaycan Dövlət Dəniz Gəmiçiliyi” QSC-nin yaydığı birgə məlumatda deyilir.
Görülmüş operativ tədbirlər nəticəsində yanğın saat 18:06-da tam söndürülüb.

Azərbaycanın üç rəsmi qurumunun bu barədə birgə yaydığı məlumatda deyilir ki, 23 aprel 2016-cı il tarixində sahildən təqribən 110 km məsafədə Rusiya Federasiyası bayrağı altında üzən "PALFLOT-2" tankerində yanğın baş verməsi barədə Azərbaycan Dövlət Dəniz Administrasiyasına "SOS" siqnalı daxil olmuş, dərhal Azərbaycan Respublikasının Fövqəladə Hallar Nazirliyi və "Azərbaycan Xəzər Dəniz Gəmiçiliyi" QSC-nin müvafiq qüvvələri hadisənin nəticələrinin aradan qaldırılması əməliyyatına cəlb olunub. Görülmüş operativ tədbirlər nəticəsində yanğın saat 18:06-da tam söndürülüb.

Rusya Federasiyasının dövlət bayrağı altında Dübəndi limanından Türkmənistanın Alaca limanı istiqamətində yüksüz hərəkətdə olan “Palflot-2” tankerindən Azərbaycan Respublikasının Dövlət Dəniz Administrasiyasının (ARDDA) Uzaq Məsafədən Tanınma və İzləmə Milli Mərkəzinə qəza hadisəsi haqqında SOS siqnalı bu gün səhər saat 09.32-də daxil olub.
Dübəndi limanından Türkmənistanın Alaca limanı istiqamətində hərəkətdə olan “Palflot-2” tankerindən SOS siqnalı bu gün səhər saat 09.32-də daxil olub.

Məlum olub ki, 40 13 56 N 051 39 75 E koordinatlarında tankerdə yanğın hadisəsi qeydə alınıb. Dərhal təlimata uyğun olaraq Fövqəladə Hallar Nazirliyi (FHN) və “Azərbaycan Xəzər Dəniz Gəmiçiliyi” QSC-yə məxsus olan gəmilər və yanğınsöndürmə helikopterləri xilasetmə əməliyyatına cəlb olunub.

Tankerin bortundan 11 nəfər heyət üzvündən 10 nəfər təxliyyə olunub. Lakin bir nəfər – baş mexanik Kramçuk Andrey Vladimiroviç naməlum şəraitdə itkin düşüb. Xilas edilən 11 dənizçinin vəziyyəti isə qənaətbəxşdir. Rusiya FHN-in Həştərxan vilayəti üzrə regional idarəsindən bildiriblər ki, baş mexanik Kramçuk Andrey Vladimiroviç həlak olub.

“Caspian Voyager”, “Caspian Protechtor”, “İslay”, “Jura”, “Vixr-5” gəmiləri vasitəsilə tankerdə yanğının söndürülməsi əməliyyatı davam etdirilib. Rusiya FHN-in məlumatına görə, yanğının söndürülməsində Azərbaycandan üç gəmi və iki helikopter iştirak edib.

Hazırda söndürülmüş gəminin Rusiyaya aparılması məsələsi həll edilir

Rusiya xarici işlər naziri Sergey Lavrov Ermənistana səfəri çərçivəsində Türkiyə ərazisinin fotosunu çəkib.

"Dalğa TV" xarici KİV-lərə istinadən xəbər verir ki, Rusiya XİN rəhbəri Ermənistan ərazisindən Türkiyənin Ağrıdağının fotosunu çəkib. Həmin fotonu sosial şəbəkədə yerləşdirən Rusiya Xarici İşlər Nazirliyinin nümayəndəsi Mariya Zaxarova şəklə qeyd də yazıb: "Ararat (Ağrıdağ) bu gün öz gözəlliyi ilə heyran edirdi. S.Lavrov dayana bilməyib şəklini çəkdi".

Qeyd edək ki, ermənilər Ağrıdağın onlara məxsus olduğunu iddia edirlər və onu "Ararat" adlandırılar.

Xatırladaq ki, Sergey Lavrovdan öncə Ermənistana səfər edən Rusiya Baş naziri Dmitri Medvedev İrəvanın Ağrıdağın fonundakı şəklini "İnstagram" səhifəsində yerləşdirmişdi.